ধ্যাত্ৱা সরস্ৱতীং দেৱীং গণনাথং ৱিনাযকম্ |
রাজা দশরথঃ স্তোত্রং সৌরেরিদমথাকরোত্ || ১ ||
দশরথ উৱাচ |
নমঃ কৃষ্ণায নীলায শিতিকংঠনিভায চ |
নমো নীলমযূখায নীলোত্পলনিভায চ || ২ || [মধূকায]
নমো নির্মাংসদেহায দীর্ঘশ্মশ্রুজটায চ |
নমো ৱিশালনেত্রায শুষ্কোদর ভযানক || ৩ ||
নমঃ পরুষগাত্রায স্থূলরোমায ৱৈ নমঃ |
নমো নিত্যং ক্ষুধার্তায নিত্যতপ্তায ৱৈ নমঃ || ৪ || [তৃপ্তায]
নমঃ কালাগ্নিরূপায কৃতাংতক নমোঽস্তু তে |
নমস্তে কোটরাক্ষায দুর্নিরীক্ষ্যায ৱৈ নমঃ || ৫ ||
নমো ঘোরায রৌদ্রায ভীষণায করালিনে |
নমস্তে সর্ৱভক্ষায ৱলীমুখ নমোঽস্তু তে || ৬ ||
সূর্যপুত্র নমস্তেঽস্তু ভাস্করে ভযদাযক | [ভাস্ৱরো]
অধোদৃষ্টে নমস্তুভ্যং ৱপুঃশ্যাম নমোঽস্তু তে || ৭ || [সংৱর্তক]
নমো মংদগতে তুভ্যং নিস্ত্রিংশায নমো নমঃ | [নিষ্প্রভায]
তপসা দগ্ধদেহায নিত্যযোগরতায চ || ৮ || [জ্ঞান]
নমস্তে জ্ঞাননেত্রায কাশ্যপাত্মজসূনৱে |
তুষ্টো দদাসি ৱৈ রাজ্যং রুষ্টো হরসি তত্ ক্ষণাত্ || ৯ || [ক্রুদ্ধো]
দেৱাসুরমনুষ্যাশ্চ পশুপক্ষিসরীসৃপাঃ |
ত্ৱযা ৱিলোকিতাঃ সৌরে দৈন্যমাশু ৱ্রজংতি চ || ১০ ||
ব্রহ্মা শক্রো যমশ্চৈৱ ঋষযঃ সপ্ততারকাঃ |
রাজ্যভ্রষ্টাশ্চ তে সর্ৱে তৱ দৃষ্ট্যা ৱিলোকিতাঃ || ১১ ||
দেশা নগরগ্রামাশ্চ দ্ৱীপাশ্চৈৱাদ্রযস্তথা |
রৌদ্রদৃষ্ট্যা তু যে দৃষ্টাঃ ক্ষযং গচ্ছংতি তত্ ক্ষণাত্ || ১২ ||
প্রসাদং কুরু মে সৌরে ৱরার্থেঽহং তৱাশ্রিতঃ |
সৌরে ক্ষমস্ৱাপরাধং সর্ৱভূতহিতায চ || ১৩ ||
ইতি দশরথ কৃত শ্রী শনৈশ্চর স্তোত্রম্ ||