ৱংদে শংভুমুমাপতিং সুরগুরুং ৱংদে জগত্কারণং
ৱংদে পন্নগভূষণং মৃগধরং ৱংদে পশূনাং পতিম্ |
ৱংদে সূর্যশশাংকৱহ্নিনযনং ৱংদে মুকুংদপ্রিযং
ৱংদে ভক্তজনাশ্রযং চ ৱরদং ৱংদে শিৱং শংকরম্ || ১ ||
ৱংদে সর্ৱজগদ্ৱিহারমতুলং ৱংদেঽংধকধ্ৱংসিনং
ৱংদে দেৱশিখামণিং শশিনিভং ৱংদে হরের্ৱল্লভম্ |
ৱংদে নাগভুজংগভূষণধরং ৱংদে শিৱং চিন্মযং
ৱংদে ভক্তজনাশ্রযং চ ৱরদং ৱংদে শিৱং শংকরম্ || ২ ||
ৱংদে দিৱ্যমচিংত্যমদ্ৱযমহং ৱংদেঽর্কদর্পাপহং
ৱংদে নির্মলমাদিমূলমনিশং ৱংদে মখধ্ৱংসিনম্ |
ৱংদে সত্যমনংতমাদ্যমভযং ৱংদেঽতিশাংতাকৃতিং
ৱংদে ভক্তজনাশ্রযং চ ৱরদং ৱংদে শিৱং শংকরম্ || ৩ ||
ৱংদে ভূরথমংবুজাক্ষৱিশিখং ৱংদে ত্রযীঘোটকং
ৱংদে শৈলশরাসনং ফণিগুণং ৱংদেঽব্ধিতূণীরকম্ |
ৱংদে পদ্মজসারথিং পুরহরং ৱংদে মহাৱৈভৱং
ৱংদে ভক্তজনাশ্রযং চ ৱরদং ৱংদে শিৱং শংকরম্ || ৪ ||
ৱংদে পংচমুখাংবুজং ত্রিনযনং ৱংদে ললাটেক্ষণং
ৱংদে ৱ্যোমগতং জটাসুমুকুটং ৱংদেংদুগংগাধরম্ |
ৱংদে ভস্মকৃতত্রিপুংড্রনিটিলং ৱংদেঽষ্টমূর্ত্যাত্মকং
ৱংদে ভক্তজনাশ্রযং চ ৱরদং ৱংদে শিৱং শংকরম্ || ৫ ||
ৱংদে কালহরং হরং ৱিষধরং ৱংদে মৃডং ধূর্জটিং
ৱংদে সর্ৱগতং দযামৃতনিধিং ৱংদে নৃসিংহাপহম্ |
ৱংদে ৱিপ্রসুরার্চিতাংঘ্রিকমলং ৱংদে ভগাক্ষাপহং
ৱংদে ভক্তজনাশ্রযং চ ৱরদং ৱংদে শিৱং শংকরম্ || ৬ ||
ৱংদে মংগলরাজতাদ্রিনিলযং ৱংদে সুরাধীশ্ৱরং
ৱংদে শংকরমপ্রমেযমতুলং ৱংদে যমদ্ৱেষিণম্ |
ৱংদে কুংডলিরাজকুংডলধরং ৱংদে সহস্রাননং
ৱংদে ভক্তজনাশ্রযং চ ৱরদং ৱংদে শিৱং শংকরম্ || ৭ ||
ৱংদে হংসমতীংদ্রিযং স্মরহরং ৱংদে ৱিরূপেক্ষণং
ৱংদে ভূতগণেশমৱ্যযমহং ৱংদেঽর্থরাজ্যপ্রদম্ |
ৱংদে সুংদরসৌরভেযগমনং ৱংদে ত্রিশূলাযুধং
ৱংদে ভক্তজনাশ্রযং চ ৱরদং ৱংদে শিৱং শংকরম্ || ৮ ||
ৱংদে সূক্ষ্মমনংতমাদ্যমভযং ৱংদেঽংধকারাপহং
ৱংদে রাৱণনংদিভৃংগিৱিনতং ৱংদে সুপর্ণাৱৃতম্ |
ৱংদে শৈলসুতার্ধভাগৱপুষং ৱংদেঽভযং ত্র্যংবকং
ৱংদে ভক্তজনাশ্রযং চ ৱরদং ৱংদে শিৱং শংকরম্ || ৯ ||
ৱংদে পাৱনমংবরাত্মৱিভৱং ৱংদে মহেংদ্রেশ্ৱরং
ৱংদে ভক্তজনাশ্রযামরতরুং ৱংদে নতাভীষ্টদম্ |
ৱংদে জহ্নুসুতাংবিকেশমনিশং ৱংদে গণাধীশ্ৱরং
ৱংদে ভক্তজনাশ্রযং চ ৱরদং ৱংদে শিৱং শংকরম্ || ১০ ||
ইতি শ্রী শিৱ স্তুতিঃ |