నామస్మరణాదన్యోపాయం న హి పశ్యామో భవతరణే |
రామ హరే కృష్ణ హరే తవ నామ వదామి సదా నృహరే ||
వేదోద్ధారవిచారమతే సోమకదానవసంహరణే |
మీనాకారశరీర నమో హరిభక్తం తే పరిపాలయ మామ్ || ౧ ||
మంథానాచలధారణహేతో దేవాసురపరిపాలన భో |
కూర్మాకారశరీర నమో హరిభక్తం తే పరిపాలయ మామ్ || ౨ ||
భూచోరకహర పుణ్యమతే క్రీడోద్ధృతభూదేశ హరే |
క్రోడాకారశరీర నమో హరిభక్తం తే పరిపాలయ మామ్ || ౩ ||
హిరణ్యకశిపుచ్ఛేదనహేతో ప్రహ్లాదాఽభయధారణహేతో |
నరసింహాచ్యుతరూప నమో హరిభక్తం తే పరిపాలయ మామ్ || ౪ ||
బలిమదభంజన వితతమతే పాదోద్వయకృతలోకకృతే |
వటుపటువేషమనోజ్ఞ నమో హరిభక్తం తే పరిపాలయ మామ్ || ౫ ||
క్షితిపతివంశసంభవమూర్తే క్షితిపతిరక్షాక్షతమూర్తే |
భృగుపతిరామవరేణ్య నమో హరిభక్తం తే పరిపాలయ మామ్ || ౬ ||
సీతావల్లభ దాశరథే దశరథనందన లోకగురో |
రావణమర్దన రామ నమో హరిభక్తం తే పరిపాలయ మామ్ || ౭ ||
కృష్ణానంత కృపాజలధే కంసారే కమలేశ హరే |
కాళియమర్దన కృష్ణ నమో హరిభక్తం తే పరిపాలయ మామ్ || ౮ ||
త్రిపురసతీమానవిహరణా త్రిపురవిజయమార్గణరూపా |
శుద్ధజ్ఞానవిబుద్ధ నమో హరిభక్తం తే పరిపాలయ మామ్ || ౯ ||
శిష్టజనావన దుష్టహర ఖగతురగోత్తమవాహన తే |
కల్కిరూపపరిపాల నమో హరిభక్తం తే పరిపాలయ మామ్ || ౧౦ ||
నామస్మరణాదన్యోపాయం న హి పశ్యామో భవతరణే |
రామ హరే కృష్ణ హరే తవ నామ వదామి సదా నృహరే ||
ఇతి దశావతార స్తోత్రమ్ |