pūrvāṅga pūjā
śuchiḥ
apavitraḥ pavitrō vā sarvāvasthā-ṅgatō-‘pi vā |
ya-ssmarē-tpuṇḍarīkākṣaṃ sa bāhyābhyantara-śśuchiḥ ||
puṇḍarīkākṣa puṇḍarīkākṣa puṇḍarīkākṣāya namaḥ ||

prārthanā
śuklāmbaradharaṃ viṣṇuṃ śaśivarṇa-ñchaturbhujam |
prasannavadana-ndhyāyē-thsarvavighnōpaśāntayē ||
agajānana padmārka-ṅgajānanamaharniśam |
anēkada-nta-mbhaktānāṃ ēkadantamupāsmahē ||

dē̠vīṃ vācha̍majanayanta dē̠vāstāṃ vi̠śvarū̍pāḥ pa̠śavō̍ vadanti |
sā nō̍ ma̠ndrēṣa̠mūrja̠-nduhā̍nā dhē̠nurvāga̠smānupa̠ suṣṭu̠taitu̍ ||

ya-śśivō nāma rūpābhyāṃ yā dēvī sarvamaṅgaḻā |
tayō-ssaṃsmaraṇānnityaṃ sarvadā jaya maṅgaḻam ||

tadēva lagnaṃ sudina-ntadēva
tārābala-ñchandrabala-ntadēva |
vidyābala-ndaivabala-ntadēva
lakṣmīpatē tē-‘ṅghriyugaṃ smarāmi ||

gururbrahmā gururviṣṇuḥ gururdēvō mahēśvaraḥ |
guru-ssākṣā-tparabrahma tasmai śrīguravē namaḥ ||

lābhastēṣā-ñjayastēṣā-ṅkutastēṣā-mparābhavaḥ |
ēṣāmindīvaraśyāmō hṛdayasthō janārdanaḥ ||

sarvamaṅgaḻa māṅgaḻyē śivē sarvārthasādhikē |
śaraṇyē tryambakē gaurī nārāyaṇi namō-‘stu tē ||

śrīlakṣmīnārāyaṇābhyā-nnamaḥ |
umāmahēśvarābhyā-nnamaḥ |
vāṇīhiraṇyagarbhābhyā-nnamaḥ |
śachīpurandarābhyā-nnamaḥ |
arundhatīvasiṣṭhābhyā-nnamaḥ |
śrīsītārāmābhyā-nnamaḥ |
mātāpitṛbhyō namaḥ |
sarvēbhyō mahājanēbhyō namaḥ |

karpūra gaura-ṅkaruṇāvatāraṃ
saṃsārasāra-mbhujagēndra hāram |
sadā ramantaṃ hṛdayāravindē
bhava-mbhavānī sahita-nnamāmi ||

vāgarthāviva sampṛktau vāgartha pratipattayē |
jagataḥ pitarau vandē pārvatī paramēśvarau ||

vandē mahēśaṃ surasiddhasēvitaṃ
dēvāṅganā gīta sunṛtya tuṣṭam |
paryaṅkagaṃ śailasutāsamētaṃ
kalpadrumāraṇyagata-mprasannam ||

āpātāḻa-nabhassthalānta-bhuvana-brahmāṇḍa-māvisphurat-
jyōti-ssphāṭika-liṅga-mauḻi-vilasat-pūrṇēndu-vāntāmṛtaiḥ |
astōkāpluta-mēka-mīśa-maniśaṃ rudrānu-vākāñjapan
dhyāyē-dīpsita-siddhayē dhruvapadaṃ viprō-‘bhiṣiñchē-chchivam ||

brahmāṇḍa vyāptadēhā bhasita himaruchā bhāsamānā bhujaṅgaiḥ
kaṇṭhē kālāḥ kapardāḥ kalita-śaśikalā-śchaṇḍa kōdaṇḍa hastāḥ |
tryakṣā rudrākṣamālāḥ prakaṭitavibhavā-śśāmbhavā mūrtibhēdāḥ
rudrā-śśrīrudrasūkta-prakaṭitavibhavā naḥ prayachchantu saukhyam ||

dīpārādhanam
dīpastva-mbrahmarūpō-‘si jyōtiṣā-mprabhuravyayaḥ |
saubhāgya-ndēhi putrāṃścha sarvānkāmāṃścha dēhi mē ||
bhō dīpa dēvi rūpastva-ṅkarmasākṣī hyavighnakṛt |
yāvatpūjā-ṅkariṣyāmi tāvattvaṃ susthirō bhava ||
dīpārādhana muhūrta-ssumuhūrtō-‘stu ||
pūjārthē haridrā kuṅkuma vilēpana-ṅkariṣyē ||

āchamya
ō-ṅkēśavāya svāhā |
ō-nnārāyaṇāya svāhā |
ō-mmādhavāya svāhā |
ō-ṅgōvindāya namaḥ |
ōṃ viṣṇavē namaḥ |
ō-mmadhusūdanāya namaḥ |
ō-ntrivikramāya namaḥ |
ōṃ vāmanāya namaḥ |
ōṃ śrīdharāya namaḥ |
ōṃ hṛṣīkēśāya namaḥ |
ō-mpadmanābhāya namaḥ |
ō-ndāmōdarāya namaḥ |
ōṃ saṅkar​ṣaṇāya namaḥ |
ōṃ vāsudēvāya namaḥ |
ō-mpradyumnāya namaḥ |
ōṃ aniruddhāya namaḥ |
ō-mpuruṣōttamāya namaḥ |
ōṃ adhōkṣajāya namaḥ |
ō-nnārasiṃhāya namaḥ |
ōṃ achyutāya namaḥ |
ō-ñjanārdanāya namaḥ |
ōṃ upēndrāya namaḥ |
ōṃ harayē namaḥ |
ōṃ śrīkṛṣṇāya namaḥ |

bhūtōchchāṭanam
uttiṣṭhantu bhūtapiśāchāḥ ya ētē bhūmi bhārakāḥ |
ētēṣāmavirōdhēna brahmakarma samārabhē ||
apasarpantu tē bhūtā yē bhūtā bhūmisaṃsthitāḥ |
yē bhūtā vighnakartārastē gachChantu śivā-‘jñayā ||

prāṇāyāmam
ō-mbhūḥ ō-mbhuva̍ḥ ōg‍ṃ suva̍ḥ ō-mmaha̍ḥ ō-ñjana̍ḥ ō-ntapa̍ḥ ōg‍ṃ satyam |
ō-ntatsa̍vi̠turvarē̎ṇya̠-mbhargō̍ dē̠vasya̍ dhīmahi |
dhiyō̠ yō na̍ḥ prachō̠dayā̎t ||
ōmāpō̠ jyōtī̠ rasō̠-‘mṛta̠-mbrahma̠ bhūrbhuva̠ssuva̠rōm ||

saṅkalpam
mamōpātta samasta duritakṣayadvārā śrī paramēśvara prītyartham,
śubhē śōbhanē muhūrtē ādyabrahmaṇaḥ dvitīya parārdhē śvētavarāha kalpē vaivasvata manvantarē aṣṭāviṃśati tamē kaliyugē prathamē pādē jambūdvīpē bhāratavar​ṣē bharatakhaṇḍē mērōḥ dakṣiṇē pār​śvē śakābdē asmin vartamānē vyavahārikē prabhavādi ṣaṣṭhyā-ssaṃvathsarāṇā-mmaddhyē ……… nāmasaṃvathsarē ……-‘yanē ………. ṛtau …….. māsē …………pakṣē ………. śubhatithau. ………….. vāsarayuktāyāṃ …………. nakṣatrayuktāyām, śubhayōga śubhakaraṇa ēva-ṅguṇa sakala viśēṣaṇa viśiṣṭāyāṃ asyāṃ ………..śubhatithau mamōpātta samasta duritakṣayadvārā śrī paramēśvara prītyarthaṃ ………. nakṣatrē …….rāśau jātasya ……….śarmaṇaḥ mama ………. nakṣatrē ……………rāśau ………….jātayāḥ mama dharmapatnyāścha āvayō-ssakuṭumbayōḥ …………… saputrakayō-ssabandhuvargayō-ssāśrita-janayōścha kṣēma-sthairya-vīrya-vijaya, āyurārōgya-aiśvaryāṇāṃ abhivṛddhyartham, dharmārtha-kāma-mōkṣa-chaturvidha phalapuruṣārtha siddhyartham, sarvāriṣṭa śāntyartham, sarvābhīṣṭa siddhyartham, saparivāra sōmāskanda paramēśvara charaṇāravindayōḥ achañchala-niṣkapaṭa-bhakti siddhyartham, yāvachChakti parivāra sahita rudravidhānēna dhyāna-āvāhanādi-ṣōḍaśōpachāra-pūjā purassara-mmahānyāsajapa (laghunyāsajapa) rudrābhiṣēka-archchanādi sahita sāmbaśiva pūjā-ṅkariṣyē |
tadaṅga-ṅkalaśa-śaṅkha-ātma-pīṭha-pūjā-ñcha kariṣyē | (dvi)

(nirvighna pūjā parisamāptyarthaṃ ādau śrīmahāgaṇapati pūjā-ṅkariṣyē |)
śrī mahāgaṇapati pūjā ||

tadaṅga kalaśārādhana-ṅkariṣyē |

kalaśārādhanam
kalaśē gandha puṣpākṣatairabhyarchya |
kalaśē udaka-mpūrayitvā |
kalaśasyōpari hasta-nnidhāya |

kalaśasya mukhē viṣṇuḥ kaṇṭhē rudra-ssamāśritaḥ |
mūlē tvasya sthitō brahmā madhyē mātṛgaṇā-ssmṛtā ||

kukṣau tu sāgarā-ssarvē saptadvīpā vasundharā |
ṛgvēdō-‘tha yajurvēdō sāmavēdō hyatharvaṇaḥ ||
aṅgaiścha sahitā-ssarvē kalaśāmbu samāśritāḥ |

ōṃ āka̠laśē̎ṣu dhāvati pa̠vitrē̠ pari̍ṣichyatē |
u̠kthairya̠jñēṣu̍ vardhatē |

āpō̠ vā i̠dag‍ṃ sarva̠ṃ viśvā̍ bhū̠tānyāpa̍ḥ
prā̠ṇā vā āpa̍ḥ pa̠śava̠ āpō-‘nna̠māpō-‘mṛ̍ta̠māpa̍ḥ
sa̠mrāḍāpō̍ vi̠rāḍāpa̍-ssva̠rāḍāpa̠śChandā̠g̠‍syāpō̠
jyōtī̠g̠‍ṣyāpō̠ yajū̠g̠‍ṣyāpa̍-ssa̠tyamāpa̠ḥ
sarvā̍ dē̠vatā̠ āpō̠ bhūrbhuva̠-ssuva̠rāpa̠ ōm ||

gaṅgē cha yamunē chaiva gōdāvarī sarasvatī |
narmadē sindhu kāvērī jalē-‘smin sannidhi-ṅkuru ||
kāvērī tuṅgabhadrā cha kṛṣṇavēṇī cha gautamī |
bhāgīrathīti vikhyātāḥ pañchagaṅgāḥ prakīrtitāḥ ||

āyāntu śrī śivapūjārtha-mmama duritakṣayakārakāḥ |
ō-mbhūrbhuvassuvō bhūrbhuvassuvō bhūrbhuvassuvaḥ ||
ōṃ ōṃ ō-ṅkalaśōdakēna pūjā dravyāṇi samprōkṣya,
dēvaṃ samprōkṣya, ātmāna-ñcha samprōkṣya ||

pañchakalaśa sthāpanaṃ
paśchimaṃ
sa̠dyō jā̠ta-mpra̍padyā̠mi̠ sa̠dyō jā̠tāya̠ vai namō̠ nama̍ḥ |
bha̠vē bha̍vē̠ nāti̍bhavē bhavasva̠ mām | bha̠vōdbha̍vāya̠ nama̍ḥ ||
ō-mbhūrbhuva̠ssuva̠rōm |
asmi-npaśchimakalaśē sadyōjāta-ndhyāyāmi | āvāhayāmi |

uttaraṃ
vā̠ma̠dē̠vāya̠ namō̎ jyē̠ṣṭhāya̠ nama̍-śśrē̠ṣṭhāya̠ namō̍ ru̠drāya̠ nama̠ḥ kālā̍ya̠ nama̠ḥ kala̍vikaraṇāya namō̠ bala̍vikaraṇāya̠ namō̠ balā̍ya̠ namō̠ bala̍pramathanāya̠ nama̠-ssarva̍bhūtadamanāya̠ namō̍ ma̠nōnma̍nāya̠ nama̍ḥ | ō-mbhūrbhuva̠ssuva̠rōm | asmin uttarakalaśē vāmadēva-ndhyāyāmi | āvāhayāmi |

dakṣiṇaṃ
a̠ghōrē̎bhyō ‘tha̠ghōrē̎bhyō̠ ghōra̠ghōra̍tarēbhyaḥ |
sarvē̎bhya-ssarva̠śarvē̎bhyō̠ nama̍stē astu ru̠drarū̍pēbhyaḥ ||
ō-mbhūrbhuva̠ssuva̠rōm |
asmi-ndakṣiṇakalaśē aghōra-ndhyāyāmi | āvāhayāmi |

pūrvaṃ
ō-ntatpuru̍ṣāya vi̠dmahē̍ mahādē̠vāya̍ dhīmahi | tannō̍ rudraḥ prachō̠dayā̎t ||
ō-mbhūrbhuva̠ssuva̠rōm |
asmi-npūrvakalaśē tatpuruṣa-ndhyāyāmi | āvāhayāmi |

maddhyamaṃ
īśāna-ssarva̍vidyā̠nā̠-mīśvara-ssarva̍bhūtā̠nā̠-mbrahmādhi̍pati̠ rbrahma̠ṇō-‘dhi̍pati̠ rbrahmā̍ śi̠vō mē̍ astu sadāśivōm ||
ō-mbhūrbhuva̠ssuva̠rōm |
asmi-nmaddhyama kalaśē īśāna-ndhyāyāmi | āvāhayāmi |

prāṇapratiṣṭhā
ōṃ asu̍nītē̠ puna̍ra̠smāsu̠ chakṣu̠ḥ
puna̍ḥ prā̠ṇami̠ha nō̎ dhēhi̠ bhōga̎m |
jyōkpa̍śyēma̠ sūrya̍mu̠chchara̎nta̠
manu̍matē mṛ̠ḍayā̎ na-ssva̠sti ||
a̠mṛta̠ṃ vai prā̠ṇā a̠mṛta̠māpa̍ḥ
prā̠ṇānē̠va ya̍thāsthā̠namupa̍hvayatē ||

svāmin sarvajagannātha yāva-tpūjāvasānakam |
tāva-ttva-mprītibhāvēna liṅgē-‘smin sannnidhi-ṅkuru ||

ō-ntrya̍mbakaṃ yajāmahē suga̠ndhi-mpu̍ṣṭi̠ vardha̍nam |
u̠rvā̠ru̠kami̍va̠ bandha̍nānmṛ̠tyōrmu̍kṣīya̠ mā-‘mṛtā̎t ||

āvāhitō bhava | sthāpitō bhava | sannihitō bhava | sanniruddhō bhava | avakuṇṭhitō bhava | suprītō bhava | suprasannō bhava | varadō bhava |
svāgataṃ astu | prasīda prasīda |

laghunyāsaṃ / mahānyāsam ||

dhyānaṃ
kailāsē kamanīya ratna khachitē kalpadrumūlē sthitaṃ
karpūra sphaṭikēndu sundara tanu-ṅkātyāyanī sēvitam |
gaṅgōttuṅga taraṅga rañjita jaṭā bhāra-ṅkṛpāsāgaraṃ
kaṇṭhālaṅkṛta śēṣabhūṣaṇamaha-mmṛtyuñjaya-mbhāvayē ||
ōṃ śrī umāmahēśvara svāminē namaḥ dhyāyāmi |

āvāhanaṃ (ōṃ sa̠dyōjā̠ta-mpra̍padyā̠mi)
ōṅkārāya namastubhyaṃ ōṅkārapriya śaṅkara |
āvāhana-ṅgṛhāṇēda-mpārvatīpriya vallabha ||
ōṃ śrī umāmahēśvara svāminē namaḥ āvāhayāmi |

āsanaṃ (ōṃ sa̠dyōjā̠tāya̠vai namō̠ nama̍ḥ)
namastē girijānātha kailāsagiri mandira |
siṃhāsana-mmayā dattaṃ svīkuruṣva umāpatē ||
śrī umāmahēśvara svāminē namaḥ navaratna khachita hēma siṃhāsanaṃ samarpayāmi |

pādyaṃ (ō-mbhavē bha̍vē̠na)
mahādēva jagannātha bhaktānāmabhayaprada |
pādya-ṅgṛhāṇa dēvēśa mama saukhyaṃ vivardhaya ||
śrī umāmahēśvara svāminē namaḥ pādayōḥ pādyaṃ samarpayāmi |

arghyaṃ (ōṃ ati̍ bhavē bhavasva̠māṃ)
śivāpriya namastēstu pāvana-ñjalapūritam |
arghya-ṅgṛhāṇa bhagava-ngāṅgēya kalaśasthitam ||
śrī umāmahēśvara svāminē namaḥ hastayōḥ arghyaṃ samarpayāmi |

āchamanaṃ (ō-mbha̠vōdbha̍vāya̠ namaḥ)
vāmadēva surādhīśa vanditāṅghri sarōruha |
gṛhāṇāchamana-ndēva karuṇā varuṇālaya ||
śrī umāmahēśvara svāminē namaḥ mukhē āchamanīyaṃ samarpayāmi |

madhuparkaṃ
yamāntakāya ugrāya bhīmāya cha namō namaḥ |
madhuparka-mpradāsyāmi gṛhāṇa tvamumāpatē ||
śrī umāmahēśvara svāminē namaḥ madhuparkaṃ samarpayāmi |

pañchāmṛta snānaṃ
1. āpyāyasyēti kṣīraṃ (milk) –
ōṃ āpyā̍yasva̠ samē̍tu tē vi̠śvata̍ssōma̠ vṛṣṇi̍yam |
bhavā̠ vāja̍sya saṅga̠thē ||
śrī bhavānīśaṅkarāsvāminē namaḥ, kṣīrēṇa snapayāmi |

āpō̠ hiṣṭhā ma̍yō̠bhuva̠stā na̍ ū̠rjē da̍dhātana |
ma̠hēraṇā̍ya̠ chakṣa̍sē |
yō va̍-śśi̠vata̍mō rasa̠stasya̍ bhājayatē̠ ha na̍ḥ |
u̠śa̠tīri̍va mā̠ta̍raḥ |
tasmā̠ ara̍ṅgamāmavō̠ yasya̠ kṣayā̍ya̠ jinva̍tha |
āpō̍ ja̠naya̍thā cha naḥ |
śrī bhavānīśaṅkarāsvāminē namaḥ | kṣīrasnānānantaraṃ śuddhōdaka snānaṃ samarpayāmi |

2. dadhikrāvṇō iti dadhi (yogurt) –
ō-nda̠dhi̠krāvṇō̍ akāriṣa-ñji̠ṣṇōraśva̍sya vā̠jina̍ḥ |
su̠rabhi nō̠ mukhā̍ kara̠tpraṇa̠ āyūg̍ṃṣi tāriṣat ||
śrī bhavānīśaṅkarāsvāminē namaḥ | dadhnā snapayāmi |

āpō̠ hiṣṭhā ma̍yō̠bhuva̠stā na̍ ū̠rjē da̍dhātana |
ma̠hēraṇā̍ya̠ chakṣa̍sē |
yō va̍-śśi̠vata̍mō rasa̠stasya̍ bhājayatē̠ ha na̍ḥ |
u̠śa̠tīri̍va mā̠ta̍raḥ |
tasmā̠ ara̍ṅgamāmavō̠ yasya̠ kṣayā̍ya̠ jinva̍tha |
āpō̍ ja̠naya̍thā cha naḥ |
śrī bhavānīśaṅkarāsvāminē namaḥ | dadhisnānānantaraṃ śuddhōdaka snānaṃ samarpayāmi |

3. śukramasīti ājyaṃ (ghee) –
ōṃ śu̠krama̍si̠ jyōti̍rasi̠ tējō̍si dē̠vōva̍ssavi̠tōtpu̍nā̠tu
achChi̍drēṇa pa̠vitrē̍ṇa̠ vasō̠ssūrya̍sya ra̠śmibhi̍ḥ |
śrī bhavānīśaṅkarāsvāminē namaḥ | ājyēna snapayāmi |

āpō̠ hiṣṭhā ma̍yō̠bhuva̠stā na̍ ū̠rjē da̍dhātana |
ma̠hēraṇā̍ya̠ chakṣa̍sē |
yō va̍-śśi̠vata̍mō rasa̠stasya̍ bhājayatē̠ ha na̍ḥ |
u̠śa̠tīri̍va mā̠ta̍raḥ |
tasmā̠ ara̍ṅgamāmavō̠ yasya̠ kṣayā̍ya̠ jinva̍tha |
āpō̍ ja̠naya̍thā cha naḥ |
śrī bhavānīśaṅkarāsvāminē namaḥ | ājya snānānantaraṃ śuddhōdaka snānaṃ samarpayāmi |

4. madhuvātā ṛtāyatē iti madhu (honey) –
ō-mmadhu̠vātā̍ ṛtāya̠tē madhu̍kṣaranti̠ sindha̍vaḥ |
mādhvī̎rna-ssa̠ntvauṣa̍dhīḥ |
madhu̠nakta̍mu̠tōṣa̍si̠ madhu̍ma̠tpārthi̍va̠g̠ṃ raja̍ḥ |
madhu̠dyaura̍stu naḥ pi̠tā |
madhu̍mānnō̠ vana̠spati̠rmadhu̍māg‍ṃ astu̠ sūrya̍ḥ |
mādhvī̠rgāvō̍ bhavantu naḥ |
śrī bhavānīśaṅkarāsvāminē namaḥ | madhunā snapayāmi |

āpō̠ hiṣṭhā ma̍yō̠bhuva̠stā na̍ ū̠rjē da̍dhātana |
ma̠hēraṇā̍ya̠ chakṣa̍sē |
yō va̍-śśi̠vata̍mō rasa̠stasya̍ bhājayatē̠ ha na̍ḥ |
u̠śa̠tīri̍va mā̠ta̍raḥ |
tasmā̠ ara̍ṅgamāmavō̠ yasya̠ kṣayā̍ya̠ jinva̍tha |
āpō̍ ja̠naya̍thā cha naḥ |
śrī bhavānīśaṅkarāsvāminē namaḥ | madhusnānānantaraṃ śuddhōdaka snānaṃ samarpayāmi |

5. svāduḥ pavasyēti śarkarā (sugar) –
ōṃ svā̠duḥ pa̍vasva di̠vyāya̠ janma̍nē |
svā̠durindrā̎ya su̠havī̎tu nāmnē̎ |
svā̠durmi̠trāya̠ varu̍ṇāya vā̠yavē̠ |
bṛha̠spata̍yē̠ madhu̍mā̠ṃ adā̎bhyaḥ |
śrī bhavānīśaṅkarāsvāminē namaḥ | śarkarayā snapayāmi |

āpō̠ hiṣṭhā ma̍yō̠bhuva̠stā na̍ ū̠rjē da̍dhātana |
ma̠hēraṇā̍ya̠ chakṣa̍sē |
yō va̍-śśi̠vata̍mō rasa̠stasya̍ bhājayatē̠ ha na̍ḥ |
u̠śa̠tīri̍va mā̠ta̍raḥ |
tasmā̠ ara̍ṅgamāmavō̠ yasya̠ kṣayā̍ya̠ jinva̍tha |
āpō̍ ja̠naya̍thā cha naḥ |
śrī bhavānīśaṅkarāsvāminē namaḥ | śarkara snānānantaraṃ śuddhōdaka snānaṃ samarpayāmi |

śaṅkhōdakaṃ
āpō̠ hiṣṭhā ma̍yō̠bhuva̠stā na̍ ū̠rjē da̍dhātana |
ma̠hēraṇā̍ya̠ chakṣa̍sē |
yō va̍-śśi̠vata̍mō rasa̠stasya̍ bhājayatē̠ ha na̍ḥ |
u̠śa̠tīri̍va mā̠ta̍raḥ |
tasmā̠ ara̍ṅgamāmavō̠ yasya̠ kṣayā̍ya̠ jinva̍tha |
āpō̍ ja̠naya̍thā cha naḥ |
śrī bhavānīśaṅkarāsvāminē namaḥ | śaṅkhōdakēna snapayāmi ||

phalōdakaṃ
yāḥ pha̠linī̠ryā a̍pha̠lā a̍pu̠ṣpāyāścha̍ pu̠ṣpiṇī̎ḥ |
bṛha̠spati̍ prasūtā̠stānō̍ muñcha̠ntvag‍ṃ ha̍saḥ ||
śrī bhavānīśaṅkarāsvāminē namaḥ | phalōdakēna snapayāmi |

gandhōdakaṃ
ga̠ndha̠dvā̠rā-ndu̍rādha̠r​ṣā̠-nni̠tyapu̍ṣṭā-ṅkarī̠ṣiṇī̎m |
ī̠śvarī̍gṃ sarva̍bhūtā̠nā̠-ntāmi̠hōpa̍hvayē̠ śriyam ||
śrī bhavānīśaṅkarāsvāminē namaḥ | gandhōdakēna snapayāmi |

puṣpōdakaṃ
yō̍-‘pā-mpuṣpa̠ṃ vēda̍ |
puṣpa̍vā-npra̠jāvā̎-npaśu̠mā-nbha̍vati |
cha̠ndramā̠ vā a̠pā-mpuṣpam̎ |
puṣpa̍vā-npra̠jāvā̎-npaśu̠mā-nbha̍vati |
śrī bhavānīśaṅkarāsvāminē namaḥ | puṣpōdakēna snapayāmi |

akṣatōdakaṃ
āya̍nē tē pa̠rāya̍ṇē̠ dūrvā̍ rōhantu pu̠ṣpiṇī̎ḥ |
hra̠dāścha̍ pu̠ṇḍarī̍kāṇi samu̠drasya̍ gṛ̠hā i̠mē |
śrī bhavānīśaṅkarāsvāminē namaḥ | akṣatōdakēna snapayāmi |

suvarṇōdakaṃ
tathsu̠varṇa̠g̠ṃ hira̍ṇyamabhavat |
tathsu̠varṇa̍sya̠ hira̍ṇyasya̠ janma̍ |
ya ē̠vagṃ su̠varṇa̍sya̠ hira̍ṇyasya̠ janma̠vē̍da |
su̠varṇa̍ ā̠tmanā̍ bhavati |
śrī bhavānīśaṅkarāsvāminē namaḥ | suvarṇōdakēna snapayāmi |

rudrākṣōdakaṃ
trya̍mbakaṃ yajāmahē suga̠ndhi-mpu̍ṣṭi̠ vardha̍nam |
u̠rvā̠ru̠kami̍va̠ bandha̍nānmṛ̠tyōrmu̍kṣīya̠ mā-‘mṛtā̎t ||
śrī bhavānīśaṅkarāsvāminē namaḥ | rudrākṣōdakēna snapayāmi |

bhasmōdakaṃ
mā nō̍ ma̠hānta̍mu̠ta mā nō̍ arbha̠kaṃ
mā na̠ ukṣa̍ntamu̠ta mā na̍ ukṣi̠tam |
mā nō̍-‘vadhīḥ pi̠tara̠-mmōta mā̠tara̍ṃ
pri̠yā mā na̍sta̠nuvō̍ rudra rīriṣaḥ |
śrī bhavānīśaṅkarāsvāminē namaḥ | bhasmōdakēna snapayāmi |

bilvōdakaṃ
mā na̍stō̠kē tana̍yē̠ mā na̠ āyu̍ṣi̠
mā nō̠ gōṣu̠ mā nō̠ aśvē̍ṣu rīriṣaḥ |
vī̠rānmā nō̍ rudra bhāmi̠tō-‘va̍dhīr​ha̠viṣma̍ntō̠
nama̍sā vidhēma tē |
śrī bhavānīśaṅkarāsvāminē namaḥ | bilvōdakēna snapayāmi |

dūrvōdakaṃ
kāṇḍā̎tkāṇḍātpra̠rōha̍nti paru̍ṣaḥ paruṣa̠ḥ pari̍ |
ē̠vānō̍ dūrvē̠ prata̍nu sa̠hasrē̍ṇa śa̠tēna̍ cha ||
śrī bhavānīśaṅkarāsvāminē namaḥ | dūrvōdakēna snapayāmi |

atha malāpakar​ṣaṇa snānam
hira̍ṇyavarṇā̠śśucha̍yaḥ pāva̠kā
yāsu̍ jā̠taḥ ka̠śyapō̠ yāsvindra̍ḥ |
a̠gniṃ yā garbha̍-ndadhi̠rē virū̍pā̠stā
na̠ āpa̠śśagg syō̠nā bha̍vantu ||

yāsā̠g̠ṃ rājā̠ varu̍ṇō̠ yāti̠ madhyē̍
satyānṛ̠tē a̍va̠paśya̠ñjanā̍nām |
ma̠dhu̠śchuta̠śśucha̍yō̠ yāḥ pā̍va̠kāstā
na̠ āpa̠śśagg syō̠nā bha̍vantu ||

yāsā̍-ndē̠vā di̠vi kṛ̠ṇvanti̍ bha̠kṣaṃ
yā a̠ntari̍kṣē bahu̠dhā bhava̍nti |
yāḥ pṛ̍thi̠vī-mpaya̍sō̠ndanti̍ śu̠krāstā
na̠ āpa̠śśagg syō̠nā bha̍vantu ||

śi̠vēna̍ mā̠ chakṣu̍ṣā paśyatāpaśśi̠vayā̍
ta̠nuvōpa̍ spṛśata̠ tvacha̍-mmē |
sarvāg̍ṃ a̠gnīgṃ ra̍phsu̠ṣadō̍ huvē vō̠ mayi̠
varchō̠ bala̠mōjō̠ nidha̍tta ||

(a.vē., kāṇḍa-3, sūktaṃ-13)
yada̠da-ssa̍mpraya̠tī-rahā̠-vana̍datā ha̠tē |
tasmā̠dā na̠dyō̍ nāma̍ stha̠ tā vō̠ nāmā̍ni sindhavaḥ || 1
yatprēṣi̍tā̠ varu̍ṇē̠natāśśībha̍gṃ sa̠mava̍lgata |
tadā̍pnō̠dindrō̍ vō ya̠tīstasmā̠dāpō̠ anu̍sthana || 2
ā̠pa̠kā̠maggṃ syanda̍mānā̠ avī̍varata vō̠ hi ka̍m |
indrō̍ va̠śśakti̍bhirdēvī̠stasmā̠dvārṇāma̍ vō hi̠tam || 3
ēkō̍ vō dē̠vō apya̍tiṣṭha̠thsyanda̍mānā yathāva̠śam |
udā̍niṣurma̠hīriti̠ tasmā̍duda̠kamu̍chyatē || 4
āpō̍ bha̠drā ghṛ̠tamidāpa̍ ānura̠gnīṣōmau̍ bibhra̠tyāpa̠ ittāḥ |
tī̠vrō rasō̍ madhu̠pṛchā̍ṃ a̠ra̠ṅga̠ma ā mā̍ prā̠ṇēna̍ sa̠ha varcha̍sāgann || 5
āditpa̍śyāmyu̠ta vā̍ śṛṇō̠myā mā̠ ghōṣō̍ gachChati̠ vāṅma̍ āsām |
manyē̍ bhējā̠nō a̠mṛta̍sya̠ tar‍hi̠ hira̍ṇyavarṇā̠ atṛ̍paṃ ya̠dā va̍ḥ || 6

āpō̠ hiṣṭhā ma̍yō̠bhuva̠stā na̍ ū̠rjē da̍dhātana |
ma̠hēraṇā̍ya̠ chakṣa̍sē |
yō va̍-śśi̠vata̍mō rasa̠stasya̍ bhājayatē̠ ha na̍ḥ |
u̠śa̠tīri̍va mā̠ta̍raḥ |
tasmā̠ ara̍ṅgamāmavō̠ yasya̠ kṣayā̍ya̠ jinva̍tha |
āpō̍ ja̠naya̍thā cha naḥ |
śrī bhavānīśaṅkarāsvāminē namaḥ | śuddhōdakēna snapayāmi |

āpō̠ vā i̠dagṃ sarva̠ṃ viśvā̍ bhū̠tānyāpa̍ḥ prā̠ṇā vā āpa̍ḥ
pa̠śava̠ āpō-‘nna̠māpō-‘mṛ̍ta̠māpa̍-ssa̠mrāḍāpō̍ vi̠rāḍāpa̍ḥ
sva̠rāḍāpa̠śChandā̠g̠ṃsyāpō̠ jyōtī̠g̠ṃṣyāpō̠
yajū̠g̠ṃṣyāpa̍ssa̠tyamāpa̠ssarvā̍ dē̠vatā̠ āpō̠
bhūrbhuva̠ssuva̠rāpa̠ ōm ||

a̠paḥ praṇa̍yati | śra̠ddhāvā āpa̍ḥ |
śra̠ddhāmē̠vārabhya̍ pra̠ṇīya̠ pracha̍rati |
a̠paḥ praṇa̍yati | ya̠jñō vā āpa̍ḥ |
ya̠jñamē̠vārabhya̍ pra̠ṇīya̠ pracha̍rati
a̠paḥ praṇa̍yati | va̠jrō vā āpa̍ḥ |
vajra̍mē̠va bhrātṛ̍vyēbhyaḥ prahṛtya̍ pra̠ṇīya̠ pracha̍rati |
a̠paḥ praṇa̍yati | āpō̠ vai ra̍kṣō̠ghnīḥ |
rakṣa̍sā̠mapa̍hatyai |
a̠paḥ praṇa̍yati | āpō̠ vai dē̠vānā̍-mpri̠yandhāma̍ |
dē̠vānā̍mē̠va pri̠yandhāma̍ pra̠ṇīya̠ pracha̍rati |
a̠paḥ praṇa̍yati | āpō̠ vai sarvā̍ dē̠vatā̍ḥ |
dē̠vatā̍ ē̠vārabhya̍ pra̠ṇīya̠ pracha̍rati |
(āpō̠ vai śā̠ntāḥ | śā̠ntābhi̍rē̠vāsya̍ śuchag̍ṃ śamayati ||)
śrī bhavānīśaṅkarāsvāminē namaḥ | malāpakar​ṣaṇasnānaṃ samarpayāmi |

śrīrudrapraśnaḥ – namakam ||
śrīrudrapraśnaḥ – chamakam ||
puruṣa sūktam ||
śrī sūktam ||

ōṃ śrī umāmahēśvara svāminē nama-śśuddhōdaka snānaṃ samarpayāmi |
snānānantaraṃ āchamanīyaṃ samarpayāmi |

vastraṃ – (ō-ñjyē̠ṣṭhāya̠ namaḥ)
namō nāgavibhūṣāya nāradādi stutāya cha |
vastrayugma-mpradāsyāmi pārthivēśvara svīkuru ||
ōṃ śrī umāmahēśvara svāminē namaḥ vastrayugmaṃ samarpayāmi |
(vastrārthaṃ akṣatān samarpayāmi)

yajñōpavītaṃ – (ōṃ śrē̠ṣṭhāya̠ namaḥ)
yajñēśa yajñavidhvaṃsa sarvadēva namaskṛta |
yajñasūtra-mpradāsyāmi śōbhana-ñchōttarīyakam ||
ōṃ śrī umāmahēśvara svāminē namaḥ yajñōpavītaṃ samarpayāmi |
(upavītārthaṃ akṣatān samarpayāmi)

ābharaṇaṃ – (ōṃ ru̠drāya̠ namaḥ)
nāgābharaṇa viśvēśa chandrārdhakṛtamastaka |
pārthivēśvara maddatta-ṅgṛhāṇābharaṇaṃ vibhō ||
ōṃ śrī umāmahēśvara svāminē namaḥ ābharaṇaṃ samarpayāmi |

gandhaṃ – (ō-ṅkālā̍ya̠ nama̍ḥ)
śrī gandha-ntē prayachChāmi gṛhāṇa paramēśvara |
kastūri kuṅkumōpētaṃ śivāśliṣṭa bhujadvaya ||
ōṃ śrī umāmahēśvara svāminē nama-śśrīgandhādi parimaḻa dravyaṃ samarpayāmi |

akṣatān – (ō-ṅkala̍vikaraṇāya̠ namaḥ)
akṣatā-ndhavaḻā-ndivyān śāli tuṇḍula miśritān |
akṣatōsi svabhāvēna svīkuruṣva mahēśvara ||
ōṃ śrī umāmahēśvara svāminē namaḥ dhavaḻākṣatān samarpayāmi |

puṣpaṃ – (ō-mbala̍ vikaraṇāya̠ namaḥ)
sugandhīni supuṣpāṇi jājībilvārka champakaiḥ |
nirmita-mpuṣpamālañcha nīlakaṇṭha gṛhāṇa bhō ||
ōṃ śrī umāmahēśvara svāminē namaḥ puṣpa bilvadaḻāni samarpayāmi |

athāṅga pūjā
ō-mmahēśvarāya namaḥ – pādau pūjayāmi |
ōṃ īśvarāya namaḥ – jaṅghau pūjayāmi |
ō-ṅkāmarūpāya namaḥ – jānunī pūjayāmi |
ōṃ harāya namaḥ – ūrū pūjayāmi |
ō-ntripurāntakāya namaḥ – guhya-mpūjayāmi |
ō-mbhavāya namaḥ – kaṭi-mpūjayāmi |
ōṃ vyāghracharmāmbaradharāya namaḥ – nābhi-mpūjayāmi |
ō-ṅkukṣistha brahāṇḍāya namaḥ – udara-mpūjayāmi |
ō-ṅgaurī manaḥ priyāya namaḥ – hṛdaya-mpūjayāmi |
ō-mpinākinē namaḥ – hastau pūjayāmi |
ō-nnāgāvṛtabhujadaṇḍāya namaḥ – bhujau pūjayāmi |
ōṃ śrīkaṇṭhāya namaḥ – kaṇṭha-mpūjayāmi |
ōṃ virūpākṣāya namaḥ – mukha-mpūjayāmi |
ō-ntrinētrāya namaḥ – nētrāṇi pūjayāmi |
ōṃ rudrāya namaḥ – lalāṭa-mpūjayāmi |
ōṃ śarvāya namaḥ – śiraḥ pūjayāmi |
ō-ñchandramauḻayē namaḥ – mauḻi-mpūjayāmi |
ōṃ ardhanārīśvarāya namaḥ – tanu-mpūjayāmi |
ōṃ śrī umāmahēśvarāya namaḥ – sarvāṇyaṅgāni pūjayāmi |

aṣṭōttaraśatanāma pūjā
ōṃ śivāya namaḥ
ō-mmahēśvarāya namaḥ
ōṃ śambhavē namaḥ
ō-mpinākinē namaḥ
ōṃ śaśiśēkharāya namaḥ
ōṃ vāmadēvāya namaḥ
ōṃ virūpākṣāya namaḥ
ō-ṅkapardinē namaḥ
ō-nnīlalōhitāya namaḥ
ōṃ śaṅkarāya namaḥ (10)

ōṃ śūlapāṇayē namaḥ
ō-ṅkhaṭvāṅginē namaḥ
ōṃ viṣṇuvallabhāya namaḥ
ōṃ śipiviṣṭāya namaḥ
ōṃ ambikānāthāya namaḥ
ōṃ śrīkaṇṭhāya namaḥ
ō-mbhaktavatsalāya namaḥ
ō-mbhavāya namaḥ
ōṃ śarvāya namaḥ
ō-ntrilōkēśāya namaḥ (20)

ōṃ śitikaṇṭhāya namaḥ
ōṃ śivāpriyāya namaḥ
ōṃ ugrāya namaḥ
ō-ṅkapālinē namaḥ
ō-ṅkāmārayē namaḥ
ōṃ andhakāsura sūdanāya namaḥ
ō-ṅgaṅgādharāya namaḥ
ōṃ lalāṭākṣāya namaḥ
ō-ṅkālakālāya namaḥ
ō-ṅkṛpānidhayē namaḥ (30)

ō-mbhīmāya namaḥ
ō-mparaśuhastāya namaḥ
ō-mmṛgapāṇayē namaḥ
ō-ñjaṭādharāya namaḥ
ō-ṅkailāsavāsinē namaḥ
ō-ṅkavachinē namaḥ
ō-ṅkaṭhōrāya namaḥ
ō-ntripurāntakāya namaḥ
ōṃ vṛṣāṅkāya namaḥ
ōṃ vṛṣabhārūḍhāya namaḥ (40)

ō-mbhasmōddhūḻita vigrahāya namaḥ
ōṃ sāmapriyāya namaḥ
ōṃ svaramayāya namaḥ
ō-ntrayīmūrtayē namaḥ
ōṃ anīśvarāya namaḥ
ōṃ sarvajñāya namaḥ
ō-mparamātmanē namaḥ
ōṃ sōmasūryāgni lōchanāya namaḥ
ōṃ haviṣē namaḥ
ōṃ yajñamayāya namaḥ (50)

ōṃ sōmāya namaḥ
ō-mpañchavaktrāya namaḥ
ōṃ sadāśivāya namaḥ
ōṃ viśvēśvarāya namaḥ
ōṃ vīrabhadrāya namaḥ
ō-ṅgaṇanāthāya namaḥ
ō-mprajāpatayē namaḥ
ōṃ hiraṇyarētasē namaḥ
ō-ndurdhar​ṣāya namaḥ
ō-ṅgirīśāya namaḥ (60)

ō-ṅgiriśāya namaḥ
ōṃ anaghāya namaḥ
ō-mbhujaṅga bhūṣaṇāya namaḥ
ō-mbhargāya namaḥ
ō-ṅgiridhanvanē namaḥ
ō-ṅgiripriyāya namaḥ
ō-ṅkṛttivāsasē namaḥ
ō-mpurārātayē namaḥ
ō-mbhagavatē namaḥ
ō-mpramathādhipāya namaḥ (70)

ō-mmṛtyuñjayāya namaḥ
ōṃ sūkṣmatanavē namaḥ
ō-ñjagadvyāpinē namaḥ
ō-ñjagadguravē namaḥ
ōṃ vyōmakēśāya namaḥ
ō-mmahāsēna janakāya namaḥ
ō-ñchāruvikramāya namaḥ
ōṃ rudrāya namaḥ
ō-mbhūtapatayē namaḥ
ōṃ sthāṇavē namaḥ (80)

ōṃ ahirbudhnyāya namaḥ
ō-ndigambarāya namaḥ
ōṃ aṣṭamūrtayē namaḥ
ōṃ anēkātmanē namaḥ
ōṃ sāttvikāya namaḥ
ōṃ śuddhavigrahāya namaḥ
ōṃ śāśvatāya namaḥ
ō-ṅkhaṇḍaparaśavē namaḥ
ōṃ ajāya namaḥ
ō-mpāśavimōchakāya namaḥ (90)

ō-mmṛḍāya namaḥ
ō-mpaśupatayē namaḥ
ō-ndēvāya namaḥ
ō-mmahādēvāya namaḥ
ōṃ avyayāya namaḥ
ōṃ harayē namaḥ
ō-mpūṣadantabhidē namaḥ
ōṃ avyagrāya namaḥ
ō-ndakṣādhvaraharāya namaḥ
ōṃ harāya namaḥ (100)

ō-mbhaganētrabhidē namaḥ
ōṃ avyaktāya namaḥ
ōṃ sahasrākṣāya namaḥ
ōṃ sahasrapādē namaḥ
ōṃ apavargapradāya namaḥ
ōṃ anantāya namaḥ
ō-ntārakāya namaḥ
ō-mparamēśvarāya namaḥ (108)

ō-nnidha̍napatayē̠ namaḥ | ō-nnidha̍napatāntikāya̠ namaḥ |
ōṃ ūrdhvāya̠ namaḥ | ōṃ ūrdhvaliṅgāya̠ namaḥ |
ōṃ hiraṇyāya̠ namaḥ | ōṃ hiraṇyaliṅgāya̠ namaḥ |
ōṃ suvarṇāya̠ namaḥ | ōṃ suvarṇaliṅgāya̠ namaḥ |
ō-ndivyāya̠ namaḥ | ō-ndivyaliṅgāya̠ namaḥ |
ō-mbhavāya̠ namaḥ | ō-mbhavaliṅgāya̠ namaḥ |
ōṃ śarvāya̠ namaḥ | ōṃ śarvaliṅgāya̠ namaḥ |
ōṃ śivāya̠ namaḥ | ōṃ śivaliṅgāya̠ namaḥ |
ō-ñjvalāya̠ namaḥ | ō-ñjvalaliṅgāya̠ namaḥ |
ōṃ ātmāya̠ namaḥ | ōṃ ātmaliṅgāya̠ namaḥ |
ō-mparamāya̠ namaḥ | ō-mparamaliṅgāya̠ namaḥ |

ō-mbha̠vāya̍ dē̠vāya̠ namaḥ
– ō-mbha̠vasya̍ dē̠vasya̠ patnyai̠ nama̍ḥ |
ōṃ śa̠rvāya̍ dē̠vāya̠ namaḥ
– ōṃ śa̠rvasya̍ dē̠vasya̠ patnyai̠ nama̍ḥ |
ōṃ īśā̍nāya dē̠vāya̠ namaḥ
– ōṃ īśā̍nasya dē̠vasya̠ patnyai̠ nama̍ḥ |
ō-mpaśu̠pata̍yē dē̠vāya̠ namaḥ
– ō-mpaśu̠patē̎rdē̠vasya patnyai̠ nama̍ḥ |
ōṃ ru̠drāya̍ dē̠vāya̠ namaḥ
– ōṃ ru̠drasya̍ dē̠vasya̠ patnyai̠ nama̍ḥ |
ōṃ u̠grāya̍ dē̠vāya̠ namaḥ
– ōṃ u̠grasya̍ dē̠vasya̠ patnyai̠ nama̍ḥ |
ō-mbhī̠māya̍ dē̠vāya̠ namaḥ
– ō-mbhī̠masya̍ dē̠vasya̠ patnyai̠ nama̍ḥ |
ō-mmaha̍tē dē̠vāya̠ namaḥ
– ō-mmaha̍tō dē̠vasya̠ patnyai̠ nama̍ḥ |

ōṃ śrī umāmahēśvara svāminē namaḥ nānā vidha parimaḻa patra puṣpākṣatān samarpayāmi |

dhūpaṃ – (ō-mbalā̍ya̠ namaḥ)
dhūra̍si̠ dhūrva̠ dhūrva̍nta̠-ndhūrva̠taṃ yō̎-‘smā-ndhūrva̍ti̠ ta-ndhū̎rva̠yaṃ va̠yaṃ
dhūrvā̍ma̠stva-ndē̠vānā̍masi̠ sasni̍tama̠-mpapri̍tama̠-ñjuṣṭa̍tama̠ṃ vahni̍tamaṃ
dēva̠hūta̍ma̠-mahru̍tamasi havi̠rdhāna̠-ndṛgṃ ha̍sva̠ māhvā̎ rmi̠trasya̍ tvā̠ chakṣu̍ṣā̠
prēkṣē̠ mā bhērmā saṃvi̍ktā̠ mā tvā̍ higṃsiṣam |
āvāhitābhya-ssarvābhyō dēvatābhyō namaḥ | dhūpamāghrāpayāmi |

dīpaṃ – (ō-mbala̍ pramathanāya̠ namaḥ)
uddī̎pyasva jātavēdō-‘pa̠ghna-nni​ṛ̍ti̠-mmama̍ | pa̠śugg​ścha̠ mahya̠māva̍ha̠ jīva̍na-ñcha̠ diśō̍ diśa | mānō̍ higṃsī-jjātavēdō̠ gāmaśva̠-mpuru̍ṣa̠-ñjaga̍t | abi̍bhra̠dagna̠ āga̍hi śri̠yā mā̠ pari̍pātaya |
āvāhitābhya-ssarvābhyō dēvatābhyō namaḥ | dhūpamāghrāpayāmi |
dhūpa dīpānantaraṃ śuddhāchamanīyaṃ samarpayāmi |

naivēdyaṃ – (ōṃ sarva̍ bhūta damanāya̠ namaḥ)
ō-mbhūrbhuva̠ssuva̠ḥ | tatsa̍vi̠turvarē̎ṇya̠-mbhargō̍ dē̠vasya̍ dhīmahi |
dhi̠yō yō na̍ḥ prachō̠dayā̎t | dēva savitaḥ prasuvaḥ |
satya-ntvartēna pariṣiñchāmi |
(sāyaṅkālē – ṛta-ntvā satyēna pariṣiñchāmi)

amṛtaṃ astu | amṛtōpastaraṇamasi |
ō-mprāṇāya svāhāḥ | ōṃ apānāya svāhāḥ |
ōṃ vyānāya svāhāḥ | ōṃ udānāya svāhāḥ |
ōṃ samānāya svāhāḥ | ō-mbrahmaṇē svāhāḥ |
madhu̠vātā̍ ṛtāya̠tē madhu̍kṣaranti̠ sindha̍vaḥ |
māddhvī̎rna-ssa̠ntvōṣa̍dhīḥ | madhu̠nakta̍ mu̠tōṣasi̠ madhu̍ma̠-tpārthi̍va̠gṃ̠ raja̍ḥ |
madhu̠dyaura̍stu naḥ pi̠tā | madhu̍mānnō̠ vana̠spati̠ rmadhu̍māgṃ astu̠ sūrya̍ḥ |
mādhvī̠rgāvō̍ bhavantu naḥ || madhu madhu madhu ||
āvāhitābhya-ssarvābhyō dēvatābhyō namaḥ |
(divyānnam, ghṛtaguḻapāyasam, nāḻikērakhaṇḍadvayam, kadaḻīphalaṃ …)
ōṃ śrī umāmahēśvara svāminē namaḥ | mahānaivēdya-nnivēdayāmi |

madhyē madhyē pānīyaṃ samarpayāmi |
a̠mṛ̠tā̠pi̠dhā̠nama̍si | uttarāpōśanaṃ samarpayāmi |
hastau prakṣāḻayāmi | pādau prakṣāḻayāmi |
śuddhāchamanīyaṃ samarpayāmi |

tāmbūlaṃ – (ō-mma̠nōnma̍nāya̠ namaḥ)
pūgīphalasamāyukta-nnāgavallīdaḻairyutam |
karpūrachūrṇa saṃyukta-ntāmbūla-mpratigṛhyatām |
āvāhitābhya-ssarvābhyō dēvatābhyō namaḥ | tāmbūla-nnivēdayāmi |
tāmbūla charvaṇānantaraṃ śuddha āchamanīyaṃ samarpayāmi |

nīrājanaṃ
sōmō̠ vā ē̠tasya̍ rā̠jyamāda̍ttē | yō rājā̠sa-nrā̠jyō vā̠ sōmē̍na̠
yaja̍tē | dē̠va̠ su̠vāmē̠tāni̍ ha̠vigṃṣi̍ bhavanti |
ē̠tāva̍ntō̠ vai dē̠vānāgṃ̍ sa̠vāḥ | ta ē̠vāsmai̍ sa̠vā-npra̍yachChanti |
ta ē̍na-mpu̠na-ssuva̍ntē rā̠jyāya̍ | dē̠va̠sū rājā̍ bhavati |

rā̠jā̠dhi̠rā̠jāya̍ prasahya sā̠hinē̎ | namō̍ va̠yaṃ vai̎śrava̠ṇāya̍ kurmahē |
sa mē̠ kāmā̠n kāma̠kāmā̍ya̠ mahya̎m | kā̠mē̠śva̠rō vai̎śrava̠ṇō da̍dātu |
ku̠bē̠rāya̍ vaiśrava̠ṇāya̍ | ma̠hā̠rā̠jāya̠ nama̍ḥ |

a̠ghōrē̎bhyō ‘tha̠ghōrē̎bhyō̠ ghōra̠ghōra̍tarēbhyaḥ |
sarvē̎bhya-ssarva̠śarvē̎bhyō̠ nama̍stē astu ru̠drarū̍pēbhyaḥ ||

tatpuru̍ṣāya vi̠dmahē̍ mahādē̠vāya̍ dhīmahi |
tannō̍ rudraḥ prachō̠dayā̎t ||

īśāna-ssarva̍vidyā̠nā̠-mīśvara-ssarva̍bhūtā̠nā̠-mbrahmādhi̍pati̠ rbrahma̠ṇō-‘dhi̍pati̠ rbrahmā̍ śi̠vō mē̍ astu sadāśivōm ||

nīrājanamida-ndēva karpūrāmōda saṃyutam |
gṛhāṇa paramānanda hēramba varadāyaka ||

āvāhitābhya-ssarvābhyō dēvatābhyō namaḥ | karpūra nīrājana-ndar​śayāmi |
nīrājanānantaraṃ śuddha āchamanīyaṃ samarpayāmi |

mantrapuṣpaṃ

ātmarakṣā
brahmā̎tma̠n vada̍sṛjata | tada̍kāmayata | samā̠tmanā̍ padyē̠yēti̍ |
ātma̠nnā-tma̠nnityā-ma̍ntrayata | tasmai̍ daśa̠magṃ hū̠taḥ pratya̍śṛṇōt |
sa daśa̍hūtō-‘bhavat | daśa̍hūtō ha̠vai nāmai̠ṣaḥ | taṃ vā ē̠ta-ndaśa̍hūta̠gṃ̠ santa̎m |
daśa̍hō̠tētyā cha̍kṣatē pa̠rōkṣē̍ṇa | pa̠rōkṣa̍priyā iva̠ hi dē̠vāḥ || 1

ātma̠nnā-tma̠nnityā-ma̍ntrayata | tasmai̍ sapta̠magṃ hū̠taḥ pratya̍śṛṇōt |
sa sa̠ptahū̍tō-‘bhavat | sa̠ptahū̍tō ha̠vai nāmai̠ṣaḥ | taṃ vā ē̠tagṃ sa̠ptahū̍ta̠gṃ̠ santa̎m | sa̠ptahō̠tētyā cha̍kṣatē pa̠rōkṣē̍ṇa | pa̠rōkṣa̍priyā iva̠ hi dē̠vāḥ || 2

ātma̠nnā-tma̠nnityā-ma̍ntrayata | tasmai̍ ṣa̠ṣṭhagṃ hū̠taḥ pratya̍śṛṇōt |
sa ṣaḍḍhū̍tō-‘bhavat | ṣaḍḍhū̍tō ha̠vai nāmai̠ṣaḥ | taṃ vā ē̠tagṃ ṣaḍḍhū̍ta̠gṃ̠ santa̎m |
ṣaḍḍhō̠tētyā cha̍kṣatē pa̠rōkṣē̍ṇa | pa̠rōkṣa̍priyā iva̠ hi dē̠vāḥ || 3

ātma̠nnā-tma̠nnityā-ma̍ntrayata | tasmai̍ pañcha̠magṃ hū̠taḥ pratya̍śṛṇōt |
sa pañcha̍hūtō-‘bhavat | pañcha̍hūtō ha̠vai nāmai̠ṣaḥ | taṃ vā ē̠ta-mpañcha̍hūta̠gṃ̠ santa̎m | pañcha̍hō̠tētyā cha̍kṣatē pa̠rōkṣē̍ṇa | pa̠rōkṣa̍priyā iva̠ hi dē̠vāḥ || 4

ātma̠nnā-tma̠nnityā-ma̍ntrayata | tasmai̍ chatu̠rthagṃ hū̠taḥ pratya̍śṛṇōt |
sa chatu̍r​hūtō-‘bhavat | chatu̍r​hūtō ha̠vai nāmai̠ṣaḥ | taṃ vā ē̠ta-ñchatu̍r​hūta̠gṃ̠
santa̎m | chatu̍r​hō̠tētyā cha̍kṣatē pa̠rōkṣē̍ṇa | pa̠rōkṣa̍priyā iva̠ hi dē̠vāḥ || 5

tama̍bravīt | tvaṃ vai mē̠ nēdi̍ṣṭhagṃ hū̠taḥ pratya̍śrauṣīḥ |
tvayai̍ nānākhyā̠tāra̠ iti̍ | tasmā̠nnuhai̍nā̠g̠-ścha̍tu r​hōtāra̠ ityācha̍kṣatē |
tasmā̎chChuśrū̠ṣuḥ pu̠trāṇā̠gṃ̠ hṛdya̍tamaḥ | nēdi̍ṣṭhō̠ hṛdya̍tamaḥ |
nēdi̍ṣṭhō̠ brahma̍ṇō bhavati | ya ē̠vaṃ vēda̍ || 6 (ātmanē̠ nama̍ḥ)

ō-ntatpuru̍ṣāya vi̠dmahē̍ mahādē̠vāya̍ dhīmahi |
tannō̍ rudraḥ prachō̠dayā̎t ||
ō-ṅkā̠tyā̠ya̠nāya̍ vi̠dmahē̍ kanyaku̠māri̍ dhīmahi |
tannō̍ durgiḥ prachō̠dayā̎t ||

yō̍-‘pā-mpuṣpa̠ṃ vēda̍ | puṣpa̍vā-npra̠jāvā̎-npaśu̠mā-nbha̍vati |
cha̠ndramā̠ vā a̠pā-mpuṣpa̎m | puṣpa̍vā-npra̠jāvā̎-npaśu̠mā-nbha̍vati |

ō̎-ntadbra̠hma | ō̎-ntadvā̠yuḥ | ō̎-ntadā̠tmā | ō̎-ntathsa̠tyam |
ō̎-ntathsarva̎m | ō̎-ntatpurō̠rnamaḥ |

antaścharati̍ bhūtē̠ṣu̠ guhāyāṃ vi̍śvamū̠rtiṣu | tvaṃ yajñastvaṃ vaṣaṭkāra stvamindrastvagṃ rudrastvaṃ viṣṇustva-mbrahmatva̍-mprajā̠patiḥ |
tva-nta̍dāpa̠ āpō̠ jyōtī̠rasō̠-‘mṛta̠-mbrahma̠ bhūrbhuva̠ssuva̠rōm |

chaturvēda pārāyaṇaṃ
ōṃ śrī bhavānīśaṅkara svāminē namaḥ ||
ṛgvēdapriyaḥ || ṛgvēdamavadhāraya ||
ha̠ri̠ḥ ōm || a̠gnimī̎ḻē pu̠rōhi̍taṃ ya̠jñasya̍ dē̠vamṛ̠tvija̎m | hōtā̎raṃ ratna̠ dhāta̍mam |
hari̍ḥ ōm ||

ōṃ śrī bhavānīśaṅkara svāminē namaḥ ||
yajurvēdapriyaḥ || yajurvēdamavadhāraya ||
ha̠ri̠ḥ ōm || i̠ṣē tvō̠rjē tvā̍ vā̠yava̍-ssthōpā̠yava̍-sstha dē̠vō va̍-ssavi̠tā prārpa̍yatu̠ śrēṣṭha̍tamāya̠ karma̍ṇa̠ ā pyā̍yaddhvamaghniyā dēvabhā̠ga-mūrja̍svatī̠ḥ paya̍svatīḥ pra̠jāva̍tī-ranamī̠vā a̍ya̠kṣmā mā va̍-sstē̠na ī̍śata̠ mā-‘ghaśagṃ̍sō ru̠drasya̍ hē̠tiḥ pari̍ vō vṛṇaktu dhru̠vā a̠smi-ngōpa̍tau syāta ba̠hvī-ryaja̍mānasya pa̠śū-npā̍hi ||
hari̍ḥ ōm ||

ōṃ śrī bhavānīśaṅkara svāminē namaḥ ||
sāmavēdapriyaḥ || sāmavēdamavadhāraya ||
ha̠ri̠ḥ ōm || agna̠ āyā̎hi vī̠tayē̎ gṛṇā̠nō ha̠vya dā̎tayē |
nihōtā̎ sathsi ba̠r​hiṣi̍ |
hari̍ḥ ōm ||

ōṃ śrī bhavānīśaṅkara svāminē namaḥ ||
atharvavēdapriyaḥ || atharvavēdamavadhāraya ||
ha̠ri̠ḥ ōm || śannō̍ dē̠vīra̠bhiṣṭa̍ya̠ āpō̍ bhavantu pī̠tayē̎ | śaṃyōra̠bhisra̍vantu naḥ ||
hari̍ḥ ōm ||

ōṃ śrī bhavānīśaṅkara svāminē namaḥ ||
upaniṣadpriyaḥ || upaniṣadavadhāraya ||
ha̠ri̠ḥ ōm || a̠hamanna-ma̠hamanna-ma̠hamannam | a̠hamannā̠dō(3)-‘̠hamannā̠dō(3)-‘̠hamannā̠daḥ | a̠hagg ślōka̠kṛda̠hagg ślōka̠kṛda̠hagg ślōka̠kṛt | a̠hamasmi prathamajā ṛtā(3) sya̠ | pūrva-ndēvēbhyō amṛtasya nā(3) bhā̠yi̠ | yō mā dadāti sa idēva mā(3) vā̠ḥ | a̠hamanna̠-manna̍-ma̠danta̠mā(3) dmi̠ | aha̠ṃ viśva̠-mbhuva̍na̠-mabhya̍bha̠vām | suva̠rna jyōtī̎ḥ | ya ē̠vaṃ vēda̍ | ityu̍pa̠niṣa̍t ||

āvāhitābhya-ssarvābhyō dēvatābhyō namaḥ |
pādāravindayōḥ divya suvarṇa mantra puṣpāñjaliṃ samarpayāmi |

pradakṣiṇaṃ
īśāna-ssarva̍vidyā̠nā̠mīśvara-ssarva̍bhūtā̠nā̠ṃ
brahmādhi̍pati̠rbrahma̠ṇō-‘dhi̍pati̠rbrahmā̍ śi̠vō mē̍ astu sadāśi̠vōm ||

padē padē sarvatamō nikṛntanaṃ
padē padē sarva śubhapradāyakam |
pradakṣiṇa-mbhaktiyutēna chētasā
karōmi mṛtyuñjaya rakṣa rakṣa mām ||
ōṃ śrī umāmahēśvara svāminē namaḥ ātmapradakṣiṇa namaskārān samarpayāmi |

prārthanā
namō hiraṇyabāhavē hiraṇyavarṇāya hiraṇyarūpāya hiraṇyapatayē-‘mbikāpataya umāpatayē paśupatayē̍ namō̠ namaḥ ||

atha tarpaṇaṃ
bhava-ndēva-ntarpayāmi
– bhavasya dēvasya patnī-ntarpayāmi |
śarva-ndēva-ntarpayāmi
– śarvasya dēvasya patnī-ntarpayāmi |
īśāna-ndēva-ntarpayāmi
– īśānasya dēvasya patnī-ntarpayāmi |
paśupati-ndēva-ntarpayāmi
– paśupatērdēvasya patnī-ntarpayāmi |
rudra-ndēva-ntarpayāmi
– rudrasya dēvasya patnī-ntarpayāmi |
ugra-ndēva-ntarpayāmi
– ugrasya dēvasya patnī-ntarpayāmi |
bhīma-ndēva-ntarpayāmi
– bhīmasya dēvasya patnī-ntarpayāmi |
mahānta-ndēva-ntarpayāmi
– mahatō dēvasya patnī-ntarpayāmi |

iti tarpayitvā aghōrādibhistribhirmantraiḥ ghōra tanūrupatiṣṭhatē |

ōṃ a̠ghōrē̎bhyō-‘tha̠ ghōrē̎bhyō̠ ghōra̠ghōra̍tarēbhyaḥ |
sarvē̎bhya-ssarva̠śarvē̎bhyō̠ nama̍stē astu ru̠drarū̍pēbhyaḥ ||
ō-ntatpuru̍ṣāya vi̠dmahē̍ mahādē̠vāya̍ dhīmahi |
tannō̍ rudraḥ prachō̠dayā̎t ||
īśānassa̍rvavidyā̠nā̠mīśvarassarva̍bhūtā̠nā̠-mbrahmā-‘dhi̍pati̠rbrahma̠ṇō-‘dhi̍pati̠rbrahmā̍ śi̠vō mē̍ astu sadāśi̠vōm ||

iti dhyātvā rudragāyatrīṃ yathā śakti japēt |

ō-ntatpuru̍ṣāya vi̠dmahē̍ mahādē̠vāya̍ dhīmahi |
tannō̍ rudraḥ prachō̠dayā̎t ||

iti japitvā athainamāśiṣamāśāstē |

(tai.brā.3-5-10-4)
āśā̎stē̠-‘yaṃ yaja̍mānō̠-‘sau | āyu̠rāśā̎stē |
su̠pra̠jā̠stvamāśā̎stē | sa̠jā̠ta̠va̠na̠syāmāśā̎stē |
utta̍rā-ndēvaya̠jyāmāśā̎stē | bhūyō̍ havi̠ṣkara̍ṇa̠māśā̎stē |
di̠vya-ndhāmāśā̎stē | viśva̍-mpri̠yamāśā̎stē |
yada̠nēna̍ ha̠viṣā-”śā̎stē | tada̍syā̠tta̠dṛ̍dhyāt |
tada̍smai dē̠vā rā̍santām | tada̠gnirdē̠vō dē̠vēbhyō̠ vana̍tē |
va̠yama̠gnērmānu̍ṣāḥ | i̠ṣṭa-ñcha̍ vī̠ta-ñcha̍ |
u̠bhē cha̍ nō̠ dyāvā̍pṛthi̠vī agṃha̍sa-sspātām |
i̠ha gati̍rvā̠masyē̠da-ñcha̍ | namō̍ dē̠vēbhya̍ḥ ||

upachārapūjāḥ
punaḥ pūjā-ṅkariṣyē | ChatramāchChādayāmi |
chāmarairvījayāmi | nṛtya-ndar​śayāmi |
gītaṃ śrāvayāmi | āndōḻikānārōhayāmi |
aśvānārōhayāmi | gajānārōhayāmi |
samasta rājōpachāra dēvōpachāra bhaktyupachāra śaktyupachāra mantrōpachāra pūjāssamarpayāmi ||

liṅgāṣṭakam ||
bilvāṣṭakam ||

kṣamāprārthana
karacharaṇakṛtaṃ vākkāyaja-ṅkarmajaṃ vā
śravaṇanayanajaṃ vā mānasaṃ vā-‘parādham |
vihitamavihitaṃ vā sarvamētatkṣmasva
śiva śiva karuṇābdhē śrīmahādēva śambhō || 18 ||

yasya smṛtyā cha nāmōktyā tapaḥ pūjā kriyādiṣu |
nyūnaṃ sampūrṇatāṃ yāti sadyōvandē mahēśvaram ||
mantrahīna-ṅkriyāhīna-mbhaktihīna-mmahēśvara |
yatpūjita-mmayā dēva paripūrṇa-ntadastu tē ||

anayā sadyōjāta vidhinā dhyānāvāhanādi ṣōḍaśōpachāra pūjayā bhagavān sarvātmaka-śśrī umāmahēśvarasvāmī suprīta-ssuprasannō varadō bhavatu |
ētatphalaṃ śrī paramēśvarārpaṇamastu ||
uttarataśchaṇḍīśvarāya namaḥ nirmālyaṃ visṛjya ||

tīrthaṃ
akālamṛtyuharaṇaṃ sarvavyādhi nivāraṇam |
samastapāpakṣayakaraṃ śivapādōdaka-mpāvanaṃ śubham ||
iti trivāra-mpītvā śiva nirmālya rūpa bilvadaḻaṃ vā dakṣiṇē karṇē dhārayēt |

ōṃ śānti-śśānti-śśāntiḥ ||