śaṃkārūpeṇa maccittaṃ paṃkīkṛtamabhūdyayā |
kiṃkarī yasya sā māyā śaṃkarācāryamāśraye || 1 ||
prahlādavarado devo yo nṛsiṃhaḥ paro hariḥ |
nṛsiṃhopāsakaṃ nityaṃ taṃ nṛsiṃhaguruṃ bhaje || 2 ||
śrīsaccidānaṃda śivābhinavyanṛsiṃhabhāratyabhidhān yatīṃdrān |
vidyānidhīn maṃtranidhīn sadātmaniṣṭhān bhaje mānavaśaṃbhurūpān || 3 ||
sadātmadhyānanirataṃ viṣayebhyaḥ parāṅmukhaṃ |
naumi śāstreṣu niṣṇātaṃ caṃdraśekharabhāratīṃ || 4 ||
vivekinaṃ mahāprajñaṃ dhairyaudāryakṣamānidhiṃ |
sadābhinavapūrvaṃ taṃ vidyātīrthaguruṃ bhaje || 5 ||
ajñānāṃ jāhnavītīrthaṃ vidyātīrthaṃ vivekināṃ |
sarveṣāṃ sukhadaṃ tīrthaṃ bhāratītīrthamāśraye || 6 ||
vidyāvinayasaṃpannaṃ vītarāgaṃ vivekinaṃ |
vaṃde vedāṃtatattvajñaṃ vidhuśekharabhāratīṃ || 7 ||
śrīmatparamahaṃsaparivrājakācāryavarya-
padavākyapramāṇapārāvārapārīṇa-yamaniyamāsana-
prāṇāyāmapratyāhāradhāraṇādhyāna-
samādhyaṣṭāṃgayogānuṣṭhānaniṣṭha-tapaścakravarti-
anādyavicchinnaśrīśaṃkarācāryaguruparaṃparāprāpta-
ṣaḍdarśanasthāpanācārya-vyākhyānasiṃhāsanādhīśvara-
sakalanigamāgamasārahṛdaya-sāṃkhyatrayapratipādaka-
vaidikamārgapravartaka-sarvataṃtrasvataṃtra-ādirājadhānī-
vidyānagaramahārājadhānī-karṇāṭakasiṃhāsanapratiṣṭhāpanācārya-
śrīmadrājādhirājaguru-bhūmaṃḍalācārya-
ṛṣyaśṛṃgapuravarādhīśvara-tuṃgabhadrātīravāsi-
śrīmadvidyāśaṃkarapādapadmārādhaka-śrīmajjagadguru-
śrīmadabhinavavidyātīrthamahāsvāmigurukarakamalasaṃjāta-
śrīmajjagadguru-śrībhāratītīrthamahāsvāmināṃ tatkarakamalasaṃjāta-
śrīmajjagadguru-śrīvidhuśekharabhāratī-mahāsvāmināṃ ca
caraṇāraviṃdayoḥ sāṣṭāṃgapraṇāmān samarpayāmaḥ ||