લઙ્કાયાં શાઙ્કરીદેવી કામાક્ષી કાઞ્ચિકાપુરે |
પ્રદ્યુમ્ને શૃઙ્ખલાદેવી ચામુણ્ડી ક્રૌઞ્ચપટ્ટણે || ૧ ||
અલમ્પુરે જોગુલામ્બા શ્રીશૈલે ભ્રમરામ્બિકા |
કોલ્હાપુરે મહાલક્ષ્મી મુહુર્યે એકવીરિકા || ૨ || [માહુર્યે]
ઉજ્જયિન્યાં મહાકાલી પીઠિક્યાં પુરુહૂતિકા |
ઓઢ્યાયાં ગિરિજાદેવી માણિક્યા દક્ષવાટકે || ૩ ||
હરિક્ષેત્રે કામરૂપા પ્રયાગે માધવેશ્વરી |
જ્વાલાયાં વૈષ્ણવીદેવી ગયા માઙ્ગલ્યગૌરિકા || ૪ ||
વારાણસ્યાં વિશાલાક્ષી કાશ્મીરેષુ સરસ્વતી |
અષ્ટાદશ સુપીઠાનિ યોગિનામપિ દુર્લભમ્ || ૫ ||
સાયઙ્કાલે પઠેન્નિત્યં સર્વશત્રુવિનાશનમ્ |
સર્વરોગહરં દિવ્યં સર્વસમ્પત્કરં શુભમ્ || ૬ ||
ઇતિ અષ્ટાદશ શક્તિપીઠ સ્તોત્રમ્ |