વિક્રમપાંડ્ય ઉવાચ-
કલ્યાણાચલકોદંડકાંતદોર્દંડમંડિતમ્ |
કબળીકૃતસંસારં કલયેઽટ્ટાલસુંદરમ્ || ૧ ||
કાલકૂટપ્રભાજાલકળંકીકૃતકંધરમ્ |
કલાધરં કલામૌળિં કલયેઽટ્ટાલસુંદરમ્ || ૨ ||
કાલકાલં કળાતીતં કલાવંતં ચ નિષ્કળમ્ |
કમલાપતિસંસ્તુત્યં કલયેઽટ્ટાલસુંદરમ્ || ૩ ||
કાંતાર્ધં કમનીયાંગં કરુણામૃતસાગરમ્ |
કલિકલ્મષદોષઘ્નં કલયેઽટ્ટાલસુંદરમ્ || ૪ ||
કદંબકાનનાધીશં કાંક્ષિતાર્થસુરદ્રુમમ્ |
કામશાસનમીશાનં કલયેઽટ્ટાલસુંદરમ્ || ૫ ||
સૃષ્ટાનિ માયયા યેન બ્રહ્માંડાનિ બહૂનિ ચ |
રક્ષિતાનિ હતાન્યંતે કલયેઽટ્ટાલસુંદરમ્ || ૬ ||
સ્વભક્તજનસંતાપપાપાપદ્ભંગતત્પરમ્ |
કારણં સર્વજગતાં કલયેઽટ્ટાલસુંદરમ્ || ૭ ||
કુલશેખરવંશોત્થભૂપાનાં કુલદૈવતમ્ |
પરિપૂર્ણં ચિદાનંદં કલયેઽટ્ટાલસુંદરમ્ || ૮ ||
અટ્ટાલવીરશ્રીશંભોરષ્ટકં વરમિષ્ટદમ્ |
પઠતાં શૃણ્વતાં સદ્યસ્તનોતુ પરમાં શ્રિયમ્ || ૯ ||
ઇતિ શ્રીહાલાસ્યમાહાત્મ્યે વિક્રમપાંડ્યકૃતં અટ્ટાલસુંદરાષ્ટકમ્ |