બ્રહ્મમુરારિસુરાર્ચિત લિઙ્ગં
નિર્મલભાસિતશોભિત લિઙ્ગમ્ |
જન્મજદુઃખવિનાશક લિઙ્ગં
તત્પ્રણમામિ સદા શિવ લિઙ્ગમ્ || ૧ ||
દેવમુનિપ્રવરાર્ચિત લિઙ્ગં
કામદહં કરુણાકર લિઙ્ગમ્ |
રાવણદર્પવિનાશન લિઙ્ગં
તત્પ્રણમામિ સદા શિવ લિઙ્ગમ્ || ૨ ||
સર્વસુગન્ધસુલેપિત લિઙ્ગં
બુદ્ધિવિવર્ધનકારણ લિઙ્ગમ્ |
સિદ્ધસુરાસુરવન્દિત લિઙ્ગં
તત્પ્રણમામિ સદા શિવ લિઙ્ગમ્ || ૩ ||
કનકમહામણિભૂષિત લિઙ્ગં
ફણિપતિવેષ્ટિતશોભિત લિઙ્ગમ્ |
દક્ષસુયજ્ઞવિનાશન લિઙ્ગં
તત્પ્રણમામિ સદા શિવ લિઙ્ગમ્ || ૪ ||
કુઙ્કુમચન્દનલેપિત લિઙ્ગં
પઙ્કજહારસુશોભિત લિઙ્ગમ્ |
સઞ્ચિતપાપવિનાશન લિઙ્ગં
તત્પ્રણમામિ સદા શિવ લિઙ્ગમ્ || ૫ ||
દેવગણાર્ચિતસેવિત લિઙ્ગં
ભાવૈર્ભક્તિભિરેવ ચ લિઙ્ગમ્ |
દિનકરકોટિપ્રભાકર લિઙ્ગં
તત્પ્રણમામિ સદા શિવ લિઙ્ગમ્ || ૬ ||
અષ્ટદલોપરિવેષ્ટિત લિઙ્ગં
સર્વસમુદ્ભવકારણ લિઙ્ગમ્ |
અષ્ટદરિદ્રવિનાશન લિઙ્ગં
તત્પ્રણમામિ સદા શિવ લિઙ્ગમ્ || ૭ ||
સુરગુરુસુરવરપૂજિત લિઙ્ગં
સુરવનપુષ્પસદાર્ચિત લિઙ્ગમ્ |
પરાત્પરં પરમાત્મક લિઙ્ગં [** પરમપદં **]
તત્પ્રણમામિ સદા શિવ લિઙ્ગમ્ || ૮ ||
લિઙ્ગાષ્ટકમિદં પુણ્યં યઃ પઠેચ્છિવસન્નિધૌ |
શિવલોકમવાપ્નોતિ શિવેન સહ મોદતે ||