જપાકુસુમસંકાશં કાશ્યપેયં મહાદ્યુતિમ્ |
તમોઽરિં સર્વપાપઘ્નં પ્રણતોઽસ્મિ દિવાકરમ્ || ૧ ||
દધિશંખતુષારાભં ક્ષીરોદાર્ણવસંભવમ્ |
નમામિ શશિનં સોમં શંભોર્મુકુટભૂષણમ્ || ૨ ||
ધરણીગર્ભસંભૂતં વિદ્યુત્કાંતિસમપ્રભમ્ |
કુમારં શક્તિહસ્તં તં મંગળં પ્રણમામ્યહમ્ || ૩ ||
પ્રિયંગુકલિકાશ્યામં રૂપેણાપ્રતિમં બુધમ્ |
સૌમ્યં સૌમ્યગુણોપેતં તં બુધં પ્રણમામ્યહમ્ || ૪ ||
દેવાનાં ચ ઋષીણાં ચ ગુરું કાંચનસન્નિભમ્ |
બુદ્ધિભૂતં ત્રિલોકેશં તં નમામિ બૃહસ્પતિમ્ || ૫ ||
હિમકુંદમૃણાલાભં દૈત્યાનાં પરમં ગુરુમ્ |
સર્વશાસ્ત્રપ્રવક્તારં ભાર્ગવં પ્રણમામ્યહમ્ || ૬ ||
નીલાંજનસમાભાસં રવિપુત્રં યમાગ્રજમ્ |
છાયામાર્તાંડસંભૂતં તં નમામિ શનૈશ્ચરમ્ || ૭ ||
અર્ધકાયં મહાવીર્યં ચંદ્રાદિત્યવિમર્દનમ્ |
સિંહિકાગર્ભસંભૂતં તં રાહું પ્રણમામ્યહમ્ || ૮ ||
પલાશપુષ્પસંકાશં તારકાગ્રહમસ્તકમ્ |
રૌદ્રં રૌદ્રાત્મકં ઘોરં તં કેતું પ્રણમામ્યહમ્ || ૯ ||
ઇતિ વ્યાસમુખોદ્ગીતં યઃ પઠેત્ સુસમાહિતઃ |
દિવા વા યદિ વા રાત્રૌ વિઘ્નશાંતિર્ભવિષ્યતિ || ૧૦ ||
નરનારીનૃપાણાં ચ ભવેદ્દુઃસ્વપ્નનાશનમ્ |
ઐશ્વર્યમતુલં તેષામારોગ્યં પુષ્ટિવર્ધનમ્ || ૧૧ ||
ગ્રહનક્ષત્રજાઃ પીડાસ્તસ્કરાગ્નિસમુદ્ભવાઃ |
તાઃ સર્વાઃ પ્રશમં યાંતિ વ્યાસો બ્રૂતે ન સંશયઃ || ૧૨ ||
ઇતિ શ્રીવ્યાસ કૃત નવગ્રહ સ્તોત્રમ્ |