1 ಕೃಷ್ಣಯಜುರ್ವೇದ (ಕಠೋಪನಿಷತ್, ಮಾಂಡುಕ್ಯೋಪನಿಷತ್, ಶ್ವೇತಶ್ವತಾರೋಪನಿಷತ್)

ಓಂ ಸ॒ಹ ನಾ॑ವವತು | ಸ॒ಹ ನೌ॑ ಭುನಕ್ತು |
ಸ॒ಹ ವೀ॒ರ್ಯಂ॑ ಕರವಾವಹೈ |
ತೇ॒ಜ॒ಸ್ವಿನಾ॒ವಧೀ॑ತಮಸ್ತು॒ ಮಾ ವಿ॑ದ್ವಿಷಾ॒ವಹೈ᳚ ||

ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ |

2 ಕೃಷ್ಣಯಜುರ್ವೇದ ತೈತ್ತಿರೀಯೋಪನಿಷತ್

ಓಂ ಶಂ ನೋ॑ ಮಿ॒ತ್ರಃ ಶಂ ವರು॑ಣಃ | ಶಂ ನೋ॑ ಭವತ್ವರ್ಯ॒ಮಾ | ಶಂ ನ॒ ಇಂದ್ರೋ॒
ಬೃಹ॒ಸ್ಪತಿಃ॑ | ಶಂ ನೋ॒ ವಿಷ್ಣು॑ರುರುಕ್ರ॒ಮಃ | ನಮೋ॒ ಬ್ರಹ್ಮ॑ಣೇ | ನಮ॑ಸ್ತೇ ವಾಯೋ |
ತ್ವಮೇ॒ವ ಪ್ರ॒ತ್ಯಕ್ಷಂ॒ ಬ್ರಹ್ಮಾ॑ಸಿ | ತ್ವಮೇ॒ವ ಪ್ರ॒ತ್ಯಕ್ಷಂ॒ ಬ್ರಹ್ಮ॑ ವದಿಷ್ಯಾಮಿ | ಋ॒ತಂ
ವ॑ದಿಷ್ಯಾಮಿ | ಸ॒ತ್ಯಂ ವ॑ದಿಷ್ಯಾಮಿ | ತನ್ಮಾಮ॑ವತು | ತದ್ವ॒ಕ್ತಾರ॑ಮವತು | ಅವ॑ತು॒ ಮಾಂ |
ಅವ॑ತು ವ॒ಕ್ತಾರಂ᳚ || ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ||

3 ಅಥರ್ವವೇದ ಪ್ರಶ್ನೋಪನಿಷತ್ ಮುಂಡಕೋಪನಿಷತ್ ಮಾಂಡುಕ್ಯೋಪನಿಷತ್

ಓಂ ಭ॒ದ್ರಂ ಕರ್ಣೇ॑ಭಿಃ ಶೃಣು॒ಯಾಮ॑ ದೇವಾಃ |
ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॒ರ್ಯಜ॑ತ್ರಾಃ |
ಸ್ಥಿ॒ರೈರಂಗೈ᳚ಸ್ತುಷ್ಟು॒ವಾಂ+ಸ॑ಸ್ತ॒ನೂಭಿಃ॑ |
ವ್ಯಶೇ॑ಮ ದೇ॒ವಹಿ॑ತಂ॒ ಯದಾಯುಃ॑ |

ಸ್ವ॒ಸ್ತಿ ನ॒ ಇಂದ್ರೋ॑ ವೃ॒ದ್ಧಶ್ರ॑ವಾಃ |
ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ॑ದಾಃ |
ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ |
ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು |
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ||

4 ಓಂ ನಮೋ॒ ಬ್ರಹ್ಮ॑ಣೇ॒ ನಮೋ॑ ಅಸ್ತ್ವ॒ಗ್ನಯೇ॒ ನಮಃ॑ ಪೃಥಿ॒ವ್ಯೈ ನಮ॒ ಓಷ॑ಧೀಭ್ಯಃ |
ನಮೋ॑ ವಾ॒ಚೇ ನಮೋ॑ ವಾ॒ಚಸ್ಪತ॑ಯೇ॒ ನಮೋ॒ ವಿಷ್ಣ॑ವೇ ಬೃಹ॒ತೇ ಕ॑ರೋಮಿ || ಓಂ ಶಾಂತಿಃ॒
ಶಾಂತಿಃ॒ ಶಾಂತಿಃ॑ ||

5 ಓಂ ಯಶ್ಛಂದ॑ಸಾಮೃಷ॒ಭೋ ವಿ॒ಶ್ವರೂ॑ಪಃ |
ಛಂದೋ॒ಭ್ಯೋಽಧ್ಯ॒ಮೃತಾ᳚ಥ್ಸಂಬ॒ಭೂವ॑ | ಸ ಮೇಂದ್ರೋ॑ ಮೇ॒ಧಯಾ᳚
ಸ್ಪೃಣೋತು | ಅ॒ಮೃತ॑ಸ್ಯ ದೇವ॒ಧಾರ॑ಣೋ ಭೂಯಾಸಂ | ಶರೀ॑ರಂ
ಮೇ॒ ವಿಚ॑ರ್ಷಣಂ | ಜಿ॒ಹ್ವಾ ಮೇ॒ ಮಧು॑ಮತ್ತಮಾ | ಕರ್ಣಾ᳚ಭ್ಯಾಂ॒
ಭೂರಿ॒ವಿಶ್ರು॑ವಂ | ಬ್ರಹ್ಮ॑ಣಃ ಕೋ॒ಶೋ॑ಽಸಿ ಮೇ॒ಧಯಾ ಪಿ॑ಹಿತಃ | ಶ್ರು॒ತಂ
ಮೇ॑ ಗೋಪಾಯ | ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ||

6 ಓಂ ತಚ್ಛಂ॒ ಯೋರಾವೃ॑ಣೀಮಹೇ | ಗಾ॒ತುಂ ಯ॒ಜ್ಞಾಯ॑ | ಗಾ॒ತುಂ ಯ॒ಜ್ಞಪ॑ತಯೇ | ದೈವೀ᳚
ಸ್ವ॒ಸ್ತಿರ॑ಸ್ತು ನಃ | ಸ್ವ॒ಸ್ತಿರ್ಮಾನು॑ಷೇಭ್ಯಃ | ಊ॒ರ್ಧ್ವಂ ಜಿ॑ಗಾತು ಭೇಷ॒ಜಂ | ಶಂ ನೋ॑
ಅಸ್ತು ದ್ವಿ॒ಪದೇ᳚ | ಶಂ ಚತು॑ಷ್ಪದೇ || ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ||

7 ಓಂ ನಮೋ॑ ವಾ॒ಚೇ ಯಾ ಚೋ॑ದಿ॒ತಾ ಯಾ ಚಾನು॑ದಿತಾ॒ ತಸ್ಯೈ॑ ವಾ॒ಚೇ ನಮೋ॒ ನಮೋ॑ ವಾ॒ಚೇ ನಮೋ॑
ವಾ॒ಚಸ್ಪತ॑ಯೇ॒ ನಮ॒ ಋಷಿ॑ಭ್ಯೋ ಮಂತ್ರ॒ಕೃದ್ಭ್ಯೋ॒ ಮಂತ್ರ॑ಪತಿಭ್ಯೋ॒ ಮಾಮಾಮೃಷ॑ಯೋ
ಮಂತ್ರ॒ಕೃತೋ॑ ಮಂತ್ರ॒ಪತ॑ಯಃ॒ ಪರಾ॑ದು॒ರ್ಮಾ ಽಹಮೃಷೀ᳚ನ್ಮಂತ್ರ॒ಕೃತೋ॑
ಮಂತ್ರ॒ಪತೀ॒ನ್ಪರಾ॑ದಾಂ ವೈಶ್ವದೇ॒ವೀಂ ವಾಚ॑ಮುದ್ಯಾಸಂ+ ಶಿ॒ವಾಮದ॑ಸ್ತಾಂ॒ ಜುಷ್ಟಾಂ᳚
ದೇ॒ವೇಭ್ಯಃ॒ ಶರ್ಮ॑ ಮೇ॒ ದ್ಯೌಃ ಶರ್ಮ॑ಪೃಥಿ॒ವೀ ಶರ್ಮ॒ ವಿಶ್ವ॑ಮಿ॒ದಂ ಜಗ॑ತ್ |
ಶರ್ಮ॑ ಚಂ॒ದ್ರಶ್ಚ॒ ಸೂರ್ಯ॑ಶ್ಚ॒ ಶರ್ಮ॑ ಬ್ರಹ್ಮಪ್ರಜಾಪ॒ತೀ | ಭೂ॒ತಂ ವ॑ದಿಷ್ಯೇ॒
ಭುವ॑ನಂ ವದಿಷ್ಯೇ॒ ತೇಜೋ॑ ವದಿಷ್ಯೇ॒ ಯಶೋ॑ ವದಿಷ್ಯೇ॒ ತಪೋ॑ ವದಿಷ್ಯೇ॒ ಬ್ರಹ್ಮ॑ ವದಿಷ್ಯೇ
ಸ॒ತ್ಯಂ ವ॑ದಿಷ್ಯೇ॒ ತಸ್ಮಾ॑ ಅ॒ಹಮಿ॒ದಮು॑ಪ॒ಸ್ತರ॑ಣ॒ಮುಪ॑ಸ್ತೃಣ ಉಪ॒ಸ್ತರ॑ಣಂ
ಮೇ ಪ್ರ॒ಜಾಯೈ॑ ಪಶೂ॒ನಾಂ ಭೂ॑ಯಾದುಪ॒ಸ್ತರ॑ಣಮ॒ಹಂ ಪ್ರ॒ಜಾಯೈ॑ ಪಶೂ॒ನಾಂ ಭೂ॑ಯಾಸಂ॒
ಪ್ರಾಣಾ॑ಪಾನೌ ಮೃ॒ತ್ಯೋರ್ಮಾ॑ಪಾತಂ॒ ಪ್ರಾಣ॑ಪಾನೌ॒ ಮಾ ಮಾ॑ ಹಾಸಿಷ್ಟಂ॒ ಮಧು॑ ಮನಿಷ್ಯೇ॒ ಮಧು॑
ಜನಿಷ್ಯೇ॒ ಮಧು॑ ವಕ್ಷ್ಯಾಮಿ॒ ಮಧು॑ ವದಿಷ್ಯಾಮಿ॒ ಮಧು॑ಮತೀಂ ದೇ॒ವೇಭ್ಯೋ॒ ವಾಚ॑ಮುದ್ಯಾಸಂ+
ಶುಶ್ರೂ॒ಷೇಣ್ಯಾಂ᳚ ಮನು॒ಷ್ಯೇ᳚ಭ್ಯ॒ಸ್ತಂ ಮಾ॑ ದೇ॒ವಾ ಅ॑ವಂತು ಶೋ॒ಭಾಯೈ॑ ಪಿ॒ತರೋಽನು॑ಮದಂತು
|| ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ||

8 ಋಗ್ವೇದ
ಋ॒ಜು॒ನೀ॒ತೀ ನೋ॒ ವರು॑ಣೋ ಮಿ॒ತ್ರೋ ನ॑ಯತು ವಿ॒ದ್ವಾನ್ |
ಅ॒ರ್ಯ॒ಮಾ ದೇ॒ವೈಃ ಸ॒ಜೋಷಾಃ॑ || 1 | 090 | 01
ತೇ ಹಿ ವಸ್ವೋ॒ ವಸ॑ವಾನಾ॒ಸ್ತೇ ಅಪ್ರ॑ಮೂರಾ॒ ಮಹೋ॑ಭಿಃ |
ವ್ರ॒ತಾ ರ॑ಕ್ಷಂತೇ ವಿ॒ಶ್ವಾಹಾ॑ || 1 | 090 | 02
ತೇ ಅ॒ಸ್ಮಭ್ಯಂ॒ ಶರ್ಮ॑ ಯಂಸನ್ನ॒ಮೃತಾ॒ ಮರ್ತ್ಯೇ॑ಭ್ಯಃ |
ಬಾಧ॑ಮಾನಾ॒ ಅಪ॒ ದ್ವಿಷಃ॑ || 1 | 090 | 03
ವಿ ನಃ॑ ಪ॒ಥಃ ಸು॑ವಿ॒ತಾಯ॑ ಚಿ॒ಯಂತ್ವಿಂದ್ರೋ॑ ಮ॒ರುತಃ॑ |
ಪೂ॒ಷಾ ಭಗೋ॒ ವಂದ್ಯಾ॑ಸಃ || 1 | 090 | 04
ಉ॒ತ ನೋ॒ ಧಿಯೋ॒ ಗೋಅ॑ಗ್ರಾಃ॒ ಪೂಷ॒ನ್ವಿಷ್ಣ॒ವೇವ॑ಯಾವಃ |
ಕರ್ತಾ॑ ನಃ ಸ್ವಸ್ತಿ॒ಮತಃ॑ || 1 | 090 | 05
ಮಧು॒ ವಾತಾ॑ ಋತಾಯ॒ತೇ ಮಧು॑ ಕ್ಷರಂತಿ॒ ಸಿಂಧ॑ವಃ |
ಮಾಧ್ವೀ॑ರ್ನಃ ಸಂ॒ತ್ವೋಷ॑ಧೀಃ || 1 | 090 | 06
ಮಧು॒ ನಕ್ತ॑ಮು॒ತೋಷಸೋ॒ ಮಧು॑ಮ॒ತ್ಪಾರ್ಥಿ॑ವಂ॒ ರಜಃ॑ |
ಮಧು॒ ದ್ಯೌರ॑ಸ್ತು ನಃ ಪಿ॒ತಾ || 1 | 090 | 07
ಮಧು॑ಮಾನ್ನೋ॒ ವನ॒ಸ್ಪತಿ॒ರ್ಮಧು॑ಮಾಁ ಅಸ್ತು॒ ಸೂರ್ಯಃ॑ |
ಮಾಧ್ವೀ॒ರ್ಗಾವೋ॑ ಭವಂತು ನಃ || 1 | 090 | 08
ಶಂ ನೋ॑ ಮಿ॒ತ್ರಃ ಶಂ ವರು॑ಣಃ॒ ಶಂ ನೋ॑ ಭವತ್ವರ್ಯ॒ಮಾ |
ಶಂ ನ॒ ಇಂದ್ರೋ॒ ಬೃಹ॒ಸ್ಪತಿಃ॒ ಶಂ ನೋ॒ ವಿಷ್ಣು॑ರುರುಕ್ರ॒ಮಃ || 1 | 090 | 09

9 ಋಗ್ವೇದ ಐತರೇಯೋಪನಿಷತ್ |

ಓಂ ವಾಙ್ಮೇ॒ ಮನ॑ಸಿ॒ ಪ್ರತಿ॑ಷ್ಠಿತಾ॒ ಮನೋ॑ ಮೇ॒ ವಾಚಿ॒
ಪ್ರತಿ॑ಷ್ಠಿತಮಾ॒ವಿರಾ॒ವೀರ್ಮ॑ ಏಧಿ ವೇ॒ದಸ್ಯ ಮ॒ ಆಣೀ᳚ಸ್ಥಃ ಶ್ರು॒ತಂ ಮೇ॒ ಮಾ
ಪ್ರಹಾ॑ಸೀರ॒ನೇನಾ॒ಧೀತೇ॑ನಾಹೋರಾ॒ತ್ರಾನ್ ಸಂದ॑ಧಾಮ್ಯೃ॒ತಂ ವ॑ದಿಷ್ಯಾಮಿ ಸ॒ತ್ಯಂ ವ॑ದಿಷ್ಯಾಮಿ॒
ತನ್ಮಾಮ॑ವತು॒ ತದ್ವ॒ಕ್ತಾರ॑ಮವ॒ತ್ವವ॑ತು॒ ಮಾಮವ॑ತು ವ॒ಕ್ತಾರ॒ಮವ॑ತು ವ॒ಕ್ತಾರಂ᳚ ||

ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ||

10 ಶುಕ್ಲಯಜುರ್ವೇದ ಈಶಾವಾಸ್ಯೋಪನಿಷತ್ ಬೃಹದಾರಣ್ಯಕೋಪನಿಷತ್

ಓಂ ಪೂರ್ಣ॒ಮದಃ॒ ಪೂರ್ಣ॒ಮಿದಂ॒ ಪೂರ್ಣಾ॒ತ್ಪೂರ್ಣ॒ಮುದ॒ಚ್ಯತೇ | ಪೂರ್ಣ॒ಸ್ಯ
ಪೂರ್ಣ॒ಮಾದಾ॒ಯ ಪೂರ್ಣ॒ಮೇವಾವಶಿ॒ಷ್ಯತೇ || ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॒ ||

11 ರುದ್ರಪ್ರಶ್ನಃ
ಓಂ ಇಡಾ॑ ದೇವ॒ಹೂರ್ಮನು॑ರ್ಯಜ್ಞ॒ನೀರ್ಬೃಹ॒ಸ್ಪತಿ॑ರುಕ್ಥಾಮ॒ದಾನಿ॑
ಶꣳಸಿಷ॒ದ್ವಿಶ್ವೇ॑ದೇ॒ವಾಃ ಸೂ᳚ಕ್ತ॒ವಾಚಃ॒
ಪೃಥಿ॑ವೀಮಾತ॒ರ್ಮಾ ಮಾ॑ ಹಿꣳಸೀ॒ರ್ಮಧು॑ ಮನಿಷ್ಯೇ॒
ಮಧು॑ ಜನಿಷ್ಯೇ॒ ಮಧು॒ ವಕ್ಷ್ಯಾಮಿ॒ ಮಧು॑ ವದಿಷ್ಯಾಮಿ॒
ಮಧು॒ಮತೀಂ ದೇ॒ವೇಭ್ಯೋ॒ ವಾಚ॑ಮುದ್ಯಾಸꣳ ಶುಶ್ರೂ॒ಷೇಣ್ಯಾಂ᳚
ಮನು॒ಷ್ಯೇ᳚ಭ್ಯ॒ಸ್ತಂ ಮಾ॑ ದೇ॒ವಾ ಅ॑ವಂತು ಶೋ॒ಭಾಯೈ॑
ಪಿ॒ತರೋಽನು॑ಮದಂತು ||

ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ||

12 ಘೋಷಾಶಾಂತಿಃ
ಓಂ ಶಂ ನೋ॒ ವಾತಃ॑ ಪವತಾಂ ಮಾತ॒ರಿಶ್ವಾ॒ ಶಂ ನ॑ಸ್ತಪತು॒ ಸೂರ್ಯಃ॑ | ಅಹಾ॑ನಿ॒ ಶಂ ಭ॑ವಂತು
ನ॒ಶ್ಶಂ+ ರಾತ್ರಿಃ॒ ಪ್ರತಿ॑ ಧೀಯತಾಂ | ಶಮು॒ಷಾನೋ॒ ವ್ಯು॑ಚ್ಛತು॒ ಶಮಾ॑ದಿ॒ತ್ಯ ಉದೇ॑ತು ನಃ |
ಶಿ॒ವಾ ನ॒ಶ್ಶಂತ॑ಮಾಭವ ಸುಮೃಡೀ॒ಕಾ ಸರ॑ಸ್ವತಿ |
ಮಾತೇ॒ ವ್ಯೋ॑ಮ ಸಂ॒ದೃಶಿ॑ | ಇಡಾ॑ಯೈ॒ವಾಸ್ತ್ವ॑ಸಿ ವಾಸ್ತು॒ ಮದ್ವಾ᳚ಸ್ತು॒ಮಂತೋ॑ ಭೂಯಾಸ್ಮ॒
ಮಾ ವಾಸ್ತೋ᳚-ಶ್ಛಿಥ್ಸ್ಮಹ್ಯವಾ॒ಸ್ತುಸ್ಸ ಭೂ॑ಯಾ॒ದ್ಯೋ᳚ಽಸ್ಮಾಂದ್ವೇಷ್ಟಿ॒ ಯಂ ಚ॑ ವ॒ಯಂ ದ್ವಿ॒ಷ್ಮಃ |
ಪ್ರ॒ತಿ॒ಷ್ಠಾಸಿ॑ ಪ್ರತಿ॒ಷ್ಠಾವಂ॑ತೋ ಭೂಯಾಸ್ಮ॒ಮಾ
ಪ್ರ॑ತಿ॒ಷ್ಠಾಯಾ᳚-ಶ್ಛಿಥ್ಸ್ಮಹ್ಯಪ್ರತಿ॒ಷ್ಠಸ್ಸ ಭೂ॑ಯಾ॒ದ್ಯೋ᳚ಽಸ್ಮಾಂದ್ವೇಷ್ಟಿ॒ ಯಂ ಚ॑ ವ॒ಯಂ
ದ್ವಿ॒ಷ್ಮಃ | ಆವಾ॑ತವಾಹಿ ಭೇಷ॒ಜಂ ವಿವಾ॑ತವಾಹಿ॒ ಯದ್ರಪಃ॑ | ತ್ವಂ+ ಹಿ ವಿ॒ಶ್ವಭೇ॑ಷಜೋ
ದೇ॒ವಾನಾಂ᳚ ದೂ॒ತ ಈಯ॑ಸೇ | ದ್ವಾವಿ॒ಮೌ ವಾತೌ॑ ವಾತ॒ ಆಸಿಂಧೋ॒ರಾಪ॑ರಾ॒ವತಃ॑ ||

ದಕ್ಷಂ॑ ಮೇ ಅ॒ನ್ಯ ಆ॒ವಾತು॒ ಪರಾ॒ನ್ಯೋವಾ॑ತು॒ ಯದ್ರಪಃ॑ | ಯದ॒ದೋವಾ॑ತತೇ
ಗೃ॒ಹೇ॑ಽಮೃತ॑ಸ್ಯ ನಿ॒ಧಿರ್ಹಿ॒ತಃ | ತತೋ॑ ನೋ ದೇಹಿ ಜೀ॒ವಸೇ॒ ತತೋ॑ ನೋ ಧೇಹಿ ಭೇಷ॒ಜಂ
| ತತೋ॑ ನೋ॒ ಮಹ॒ ಆವ॑ಹ॒ ವಾತ॒ ಆವಾ॑ತು ಭೇಷ॒ಜಂ |
ಶಂ॒ಭೂರ್ಮ॑ಯೋ॒ಭೂರ್ನೋ॑ ಹೃ॒ದೇಪ್ರಣ॒ ಆಯೂಂ+ಷಿ ತಾರಿಷತ್ | ಇಂದ್ರ॑ಸ್ಯ ಗೃ॒ಹೋ॑ಽಸಿ॒ ತಂ
ತ್ವಾ॒ ಪ್ರಪ॑ದ್ಯೇ॒ ಸಗು॒ಸ್ಸಾಶ್ವಃ॑ | ಸ॒ಹ ಯನ್ಮೇ॒ ಅಸ್ತಿ॒ ತೇನ॑ | ಭೂಃ ಪ್ರಪ॑ದ್ಯೇ॒ ಭುವಃ॒
ಪ್ರಪ॑ದ್ಯೇ॒ ಸುವಃ॒ ಪ್ರಪ॑ದ್ಯೇ॒ ಭೂರ್ಭುವ॒ಸ್ಸುವಃ॒ ಪ್ರಪ॑ದ್ಯೇ ವಾ॒ಯುಂ ಪ್ರಪ॒ದ್ಯೇನಾ᳚ರ್ತಾಂ
ದೇ॒ವತಾಂ॒ ಪ್ರಪ॒ದ್ಯೇಽಶ್ಮಾ॑ನಮಾಖ॒ಣಂ ಪ್ರಪ॑ದ್ಯೇ ಪ್ರ॒ಜಾಪ॑ತೇರ್ಬ್ರಹ್ಮಕೋ॒ಶಂ
ಬ್ರಹ್ಮ॒ಪ್ರಪ॑ದ್ಯ॒ ಓಂ ಪ್ರಪ॑ದ್ಯೇ |
ಅಂ॒ತರಿ॑ಕ್ಷಂ ಮ ಉ॒ರ್ವಂ॑ತರಂ॑ ಬೃ॒ಹದ॒ಗ್ನಯಃ॒ ಪರ್ವ॑ತಾಶ್ಚ॒ ಯಯಾ॒ ವಾತಃ॑
ಸ್ವ॒ಸ್ತ್ಯಾ ಸ್ವ॑ಸ್ತಿ॒ಮಾಂತಯಾ᳚ ಸ್ವ॒ಸ್ತ್ಯಾ ಸ್ವ॑ಸ್ತಿ॒ಮಾನ॑ಸಾನಿ |
ಪ್ರಾಣಾ॑ಪಾನೌ ಮೃ॒ತ್ಯೋರ್ಮಾ॑ಪಾತಂ॒ ಪ್ರಾಣಾ॑ಪಾನೌ॒ ಮಾ ಮಾ॑ ಹಾಸಿಷ್ಟಂ॒ ಮಯಿ॑ ಮೇ॒ಧಾಂ ಮಯಿ॑
ಪ್ರ॒ಜಾಂ ಮಯ್ಯ॒ಗ್ನಿಸ್ತೇಜೋ॑ ದಧಾತು॒ ಮಯಿ॑ ಮೇ॒ಧಾಂ ಮಯಿ॑ ಪ್ರ॒ಜಾಂ ಮಯೀಂದ್ರ॑ ಇಂದ್ರಿ॒ಯಂ
ದ॑ಧಾತು॒ ಮಯಿ॑ ಮೇ॒ಧಾಂ ಮಯಿ॑ ಪ್ರ॒ಜಾಂ ಮಯಿ॒ ಸೂರ್ಯೋ॒ ಭ್ರಾಜೋ॑ ದಧಾತು ||

ದ್ಯು॒ಭಿ-ರ॒ಕ್ತುಭಿಃ॒ ಪರಿ॑ಪಾತಮ॒ಸ್ಮಾನರಿ॑ಷ್ಟೇಭಿರಶ್ವಿನಾ॒ ಸೌಭ॑ಗೇಭಿಃ | ತನ್ನೋ॑
ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತದ್ಯೌಃ | ಕಯಾ॑ನಶ್ಚಿ॒ತ್ರ
ಆಭು॑ವದೂ॒ತೀ ಸ॒ದಾವೃ॑ಧ॒ಸ್ಸಖಾ᳚ |
ಕಯಾ॒ಶಚಿ॑ಷ್ಠಯಾ ವೃ॒ತಾ | ಕಸ್ತ್ವಾ॑ ಸ॒ತ್ಯೋ ಮದಾ॑ನಾಂ॒ ಮಂ+ಹಿ॑ಷ್ಠೋ ಮಥ್ಸ॒ದಂಧ॑ಸಃ |
ದೃ॒ಢಾ ಚಿ॑ದಾ॒ರುಜೇ॒ ವಸು॑ | ಅ॒ಭೀಷುಣ॒ಸ್ಸಖೀ॑ನಾಮವಿ॒ತಾ ಜ॑ರಿತೄ॒ಣಾಂ |
ಶ॒ತಂ ಭ॑ವಾಸ್ಯೂ॒ತಿಭಿಃ॑ | ವಯ॑ಸ್ಸುಪ॒ರ್ಣಾ ಉಪ॑ಸೇದು॒ರಿಂದ್ರಂ॑ ಪ್ರಿ॒ಯಮೇ॑ಧಾ॒ ಋಷ॑ಯೋ॒
ನಾಧ॑ಮಾನಾಃ | ಅಪ॑ಧ್ವಾಂ॒ತಮೂ᳚ರ್ಣು॒ಹಿ ಪೂ॒ರ್ಧಿಚಕ್ಷು॑ರ್ಮುಮು॒ಗ್ಧ್ಯ॑ಸ್ಮನ್ನಿ॒ಧಯೇ॑ವ
ಬ॒ದ್ಧಾನ್ |
ಶಂ ನೋ॑ ದೇ॒ವೀರ॒ಭಿಷ್ಟ॑ಯ॒ ಆಪೋ॑ ಭವಂತು ಪೀ॒ತಯೇ᳚ | ಶಂಯೋರ॒ಭಿಸ್ರ॑ವಂತು ನಃ ||

ಈಶಾ॑ನಾ॒ವಾರ್ಯಾ॑ಣಾಂ॒ ಕ್ಷಯಂ॑ತೀಶ್ಚರ್ಷಣೀ॒ನಾಂ | ಅ॒ಪೋ ಯಾ॑ಚಾಮಿ ಭೇಷ॒ಜಂ |
ಸು॒ಮಿ॒ತ್ರಾನ॒ ಆಪ॒ ಓಷ॑ಧಯಃ ಸಂತು ದುರ್ಮಿ॒ತ್ರಾಸ್ತಸ್ಮೈ॑ ಭೂಯಾಸು॒ರ್ಯೋ᳚ಽಸ್ಮಾಂದ್ವೇಷ್ಟಿ॒
ಯಂ ಚ॑ ವ॒ಯಂ ದ್ವಿ॒ಷ್ಮಃ |
ಆಪೋ॒ ಹಿಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ | ಮ॒ಹೇರಣಾ॑ಯ॒ ಚಕ್ಷ॑ಸೇ |
ಯೋ ವಃ॑ ಶಿ॒ವತ॑ಮೋ ರಸ॒ಸ್ತಸ್ಯ॑ ಭಾಜಯತೇ॒ ಹ ನಃ॑ | ಉ॒ಶ॒ತೀರಿ॑ವ ಮಾ॒ತ॑ರಃ |
ತಸ್ಮಾ॒ ಅರಂ॑ಗಮಾಮವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ | ಆಪೋ॑ ಜ॒ನಯ॑ಥಾ ಚ ನಃ |
ಪೃ॒ಥಿ॒ವೀ ಶಾಂ॒ತಾ ಸಾಗ್ನಿನಾ॑ ಶಾಂ॒ತಾ ಸಾಮೇ॑ ಶಾಂ॒ತಾ ಶುಚಂ+॑ ಶಮಯತು | ಅಂ॒ತರಿ॑ಕ್ಷಂ+
ಶಾಂ॒ತಂ ತದ್ವಾ॒ಯುನಾ॑ ಶಾಂ॒ತಂ ತನ್ಮೇ॑ ಶಾಂ॒ತಂ+ ಶುಚಂ+॑ ಶಮಯತು | ದ್ಯೌಶ್ಶಾಂ॒ತಾ
ಸಾದಿ॒ತ್ಯೇನ॑ ಶಾಂ॒ತಾ ಸಾ ಮೇ॑ ಶಾಂ॒ತಾ ಶುಚಂ+॑ ಶಮಯತು |
ಪೃ॒ಥಿ॒ವೀ ಶಾಂತಿ॑ರಂ॒ತರಿ॑ಕ್ಷಂ॒+॒
ಶಾಂತಿ॒-ರ್ದ್ಯೌ-ಶ್ಶಾಂತಿ॒ರ್ದಿಶ॒-ಶ್ಶಾಂತಿ॑-ರವಾಂತರದಿ॒ಶಾ-ಶ್ಶಾಂತಿ॑-ರ॒ಗ್ನಿ-
ಶ್ಶಾಂತಿ॑-ರ್ವಾ॒ಯು-ಶ್ಶಾಂತಿ॑-ರಾದಿ॒ತ್ಯ-ಶ್ಶಾಂತಿ॑-ಶ್ಚಂ॒ದ್ರಮಾ॒-ಶ್ಶಾಂತಿ॒-
ರ್ನಕ್ಷ॑ತ್ರಾಣಿ॒-ಶಾಂತಿ॒-ರಾಪ॒-ಶ್ಶಾಂತಿ॒-ರೋಷ॑ಧಯ॒-ಶ್ಶಾಂತಿ॒-
ರ್ವನ॒ಸ್ಪತ॑ಯ॒-ಶ್ಶಾಂತಿ॒-ರ್ಗೌ-ಶ್ಶಾಂತಿ॑-ರ॒ಜಾ-ಶಾಂತಿ॒-ರಶ್ವ॒-ಶ್ಶಾಂತಿಃ॒
ಪುರು॑ಷ॒-ಶ್ಶಾಂತಿ॒-ರ್ಬ್ರಹ್ಮ॒-ಶ್ಶಾಂತಿ॑-ರ್ಬ್ರಾಹ್ಮ॒ಣ-ಶ್ಶಾಂತಿ॒-ಶ್ಶಾಂತಿ॑-ರೇ॒ವ
ಶಾಂತಿ-ಶ್ಶಾಂತಿ॑-ರ್ಮೇ ಅಸ್ತು॒ ಶಾಂತಿಃ॑ |
ತಯಾ॒ಹꣳ ಶಾಂ॒ತ್ಯಾ ಸ॑ರ್ವಶಾಂ॒ತ್ಯಾ ಮಹ್ಯಂ॑ ದ್ವಿ॒ಪದೇ॒ ಚತು॑ಷ್ಪದೇ ಚ॒ ಶಾಂತಿಂ॑ ಕರೋಮಿ
ಶಾಂತಿ॑ರ್ಮೇ ಅಸ್ತು॒ ಶಾಂತಿಃ॑ ||

ಏಹ॒ ಶ್ರೀಶ್ಚ॒ ಹ್ರೀಶ್ಚ॒ ಧೃತಿ॑ಶ್ಚ॒ ತಪೋ॑ ಮೇ॒ಧಾ ಪ್ರ॑ತಿ॒ಷ್ಠಾ ಶ್ರ॒ದ್ಧಾ ಸ॒ತ್ಯಂ
ಧರ್ಮ॑ಶ್ಚೈ॒ತಾನಿ॒ ಮೋತ್ತಿ॑ಷ್ಠಂತ॒-ಮನೂತ್ತಿ॑ಷ್ಠಂತು॒ ಮಾ ಮಾ॒ಗ್॒ ಶ್ರೀಶ್ಚ॒ ಹ್ರೀಶ್ಚ॒
ಧೃತಿ॑ಶ್ಚ॒ ತಪೋ॑ ಮೇ॒ಧಾ ಪ್ರ॑ತಿ॒ಷ್ಠಾ ಶ್ರ॒ದ್ಧಾ ಸ॒ತ್ಯಂ ಧರ್ಮ॑ಶ್ಚೈ॒ತಾನಿ॑ ಮಾ॒
ಮಾ ಹಾ॑ಸಿಷುಃ |
ಉದಾಯು॑ಷಾ ಸ್ವಾ॒ಯುಷೋದೋಷ॑ಧೀನಾಂ॒+ ರಸೇ॒ನೋತ್ಪ॒ರ್ಜನ್ಯ॑ಸ್ಯ॒
ಶುಷ್ಮೇ॒ಣೋದ॑ಸ್ಥಾಮ॒ಮೃತಾಂ॒+॒ ಅನು॑ | ತಚ್ಚಕ್ಷು॑ರ್ದೇ॒ವಹಿ॑ತಂ
ಪು॒ರಸ್ತಾ᳚ಚ್ಛು॒ಕ್ರಮು॒ಚ್ಚರ॑ತ್ |
ಪಶ್ಯೇ॑ಮ ಶ॒ರದ॑ಶ್ಶ॒ತಂ ಜೀವೇ॑ಮ ಶ॒ರದ॑ಶ್ಶ॒ತಂ ನಂದಾ॑ಮ ಶ॒ರದ॑ಶ್ಶ॒ತಂ
ಮೋದಾ॑ಮ ಶ॒ರದ॑ಶ್ಶ॒ತಂ ಭವಾ॑ಮ ಶ॒ರದ॑ಶ್ಶ॒ತಂ+ ಶೃ॒ಣವಾ॑ಮ
ಶ॒ರದ॑ಶ್ಶ॒ತಂ ಪ್ರಬ್ರ॑ವಾಮ ಶ॒ರದ॑ಶ್ಶ॒ತಮಜೀ॑ತಾಸ್ಸ್ಯಾಮ ಶ॒ರದ॑ಶ್ಶ॒ತಂ
ಜ್ಯೋಕ್ಚ॒ ಸೂರ್ಯಂ॑ ದೃ॒ಶೇ |
ಯ ಉದ॑ಗಾನ್ಮಹ॒ತೋಽರ್ಣವಾ᳚ದ್ವಿ॒ಭ್ರಾಜ॑ಮಾನಸ್ಸರಿ॒ರಸ್ಯ॒ ಮಧ್ಯಾ॒ಥ್ಸಮಾ॑ ವೃಷ॒ಭೋ
ಲೋ॑ಹಿತಾ॒ಕ್ಷಸ್ಸೂರ್ಯೋ॑ ವಿಪ॒ಶ್ಚಿನ್ಮನ॑ಸಾ ಪುನಾತು ||

ಬ್ರಹ್ಮ॑ಣ॒ಶ್ಚೋತ॑ನ್ಯಸಿ॒ ಬ್ರಹ್ಮ॑ಣ ಆ॒ಣೀಸ್ಥೋ॒ ಬ್ರಹ್ಮ॑ಣ ಆ॒ವಪ॑ನಮಸಿ ಧಾರಿ॒ತೇಯಂ
ಪೃ॑ಥಿ॒ವೀ ಬ್ರಹ್ಮ॑ಣಾ ಮ॒ಹೀ ಧಾ॑ರಿ॒ತಮೇ॑ನೇನ ಮ॒ಹದಂ॒ತರಿ॑ಕ್ಷಂ॒ ದಿವಂ॑ ದಾಧಾರ
ಪೃಥಿ॒ವೀಂ+ ಸದೇ॑ವಾಂ॒ ಯದ॒ಹಂ ವೇದ॒ ತದ॒ಹಂ ಧಾ॑ರಯಾಣಿ॒ ಮಾಮದ್ವೇದೋಽಧಿ॒ ವಿಸ್ರ॑ಸತ್ |
ಮೇ॒ಧಾ॒ಮ॒ನೀ॒ಷೇ ಮಾವಿ॑ಶತಾಂ+ ಸ॒ಮೀಚೀ॑ ಭೂ॒ತಸ್ಯ॒ ಭವ್ಯ॒ಸ್ಯಾವ॑ರುಧ್ಯೈ॒
ಸರ್ವ॒ಮಾಯು॑ರಯಾಣಿ॒ ಸರ್ವ॒ಮಾಯು॑ರಯಾಣಿ |
ಆ॒ಭಿರ್ಗೀ॒ರ್ಭಿರ್ಯದತೋ॑ನ ಊ॒ನಮಾಪ್ಯಾ॑ಯಯ ಹರಿವೋ॒ ವರ್ಧ॑ಮಾನಃ | ಯ॒ದಾ ಸ್ತೋ॒ತೃಭ್ಯೋ॒
ಮಹಿ॑ ಗೋ॒ತ್ರಾ ರು॒ಜಾಸಿ॑ ಭೂಯಿಷ್ಠ॒ಭಾಜೋ॒ ಅಧ॑ ತೇ ಸ್ಯಾಮ | ಬ್ರಹ್ಮ॒ ಪ್ರಾವಾ॑ದಿಷ್ಮ॒ ತನ್ನೋ॒
ಮಾ ಹಾ॑ಸೀತ್ || ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ||

ಓಂ ಸಂ ತ್ವಾ॑ ಸಿಂಚಾಮಿ॒ ಯಜು॑ಷಾ ಪ್ರ॒ಜಾಮಾಯು॒ರ್ಧನಂ॑ ಚ || ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ||

13 ಸಾಮವೇದ ಕೇನೋಪನಿಷತ್ ಛಾಂದೋಗ್ಯೋಪನಿಷತ್

ಓಂ ಆಪ್ಯಾಯಂತು ಮಮಾಂಗಾನಿ ವಾಕ್ಪ್ರಾಣಶ್ಚಕ್ಷುಃಶ್ರೋತ್ರಂ |
ಅಥೋ ಬಲಮಿಂದ್ರಿಯಾಣಿ ಚ ಸರ್ವಾಣಿ |
ಸರ್ವಂ ಬ್ರಹ್ಮೌಪನಿಷದಂ ಮಾಽಹಂ ಬ್ರಹ್ಮನಿರಾಕುರ್ಯಾಂ |
ಮಾ ಮಾ ಬ್ರಹ್ಮನಿರಾಕರೋದನಿರಾಕರಣಮಸ್ತು |
ಅನಿರಾಕರಣಂ ಮೇಽಸ್ತು |
ತದಾತ್ಮನಿ ನಿರತೇ ಯ ಉಪನಿಷತ್ಸು ಧರ್ಮಾಸ್ತೇ ಮಯಿ ಸಂತು |
ತೇ ಮಯಿ ಸಂತು ||

ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ||
ಓಂ ಶಾಂತಿಃ ಶಾಂತಿಃ ಶಾಂತಿಃ ||