ಅಖಿಲಾಗಮಸಂಸ್ತುತಂ ಅಜಾದಿದೇವವಂದಿತಮ್ |
ಅಖಂಡಮಂಡಲಾಕಾರಂ ಅನೇಕಜನಸೇವಿತಮ್ || ೧ ||
ಅನಾದ್ಯಂತಸ್ವಯಂಭೂತಂ ಆಶಾಪಾಶವಿಮೋಚಕಮ್ |
ಆನಂದಕಾನನಾಧೀಶಂ ಚೈವಾನಂದಪ್ರದಾಯಕಮ್ || ೨ ||
ಇಹಲೋಕಸ್ಪೃಹಾನೇಕಪರಿಪೂರಕಸ್ವಾಮಿನಮ್ |
ಈಶಿತ್ವಾದ್ಯಷ್ಟಸಿದ್ಧಿನಂ ಇಂದ್ರಿಯಗ್ರಾಮದೈವತಮ್ || ೩ ||
ಉರಗರಾಜಭೂಷಣಂ ಉಡುರಾಜವಿಭೂಷಿತಮ್ |
ಊರ್ಧ್ವಲಿಂಗಂ ಉಮಾಕಾಂತಂ ಉರುದುಃಖವಿಮೋಚಕಮ್ || ೪ ||
ಮಹೋಜ್ಜ್ವಲಸ್ವರೂಪಂ ಚ ತ್ರಿಪುಂಡ್ರಾಂಕಿತಮಸ್ತಕಮ್ |
ಅನ್ನಪೂರ್ಣಾವಿಶಾಲಾಕ್ಷೀನಾಥಂ ಗಂಗಾಧರಂ ವಿಭುಮ್ || ೫ ||
ಭಾವನಾಮಾತ್ರಸಂತುಷ್ಟಹೃದಯಂ ಹೃದಯೇಶ್ವರಮ್ |
ಭೂತಭವ್ಯಭವನ್ನಾಥಂ ಭವರೋಗಹರಂ ಹರಮ್ || ೬ ||
ಮಹಾಶ್ಮಶಾನದೇವೇಶಂ ಭುಕ್ತಿಮುಕ್ತಿಫಲಪ್ರದಮ್ |
ಮಹೋಕ್ಷವಾಹನಾರೂಢಂ ಮೃಗಹಸ್ತಂ ಮಹೇಶ್ವರಮ್ || ೭ ||
ಉಗ್ರಂ ಭೀಮಂ ಮೃಡಂ ಶರ್ವಂ ಸರ್ವೈಶ್ವರ್ಯಪ್ರದಾಯಕಮ್ |
ನಂದೀಶ್ವರಾದಿಸಂಸ್ತುತಂ ತ್ರಿನೇತ್ರಂ ತಾಂಡವೇಶ್ವರಮ್ || ೮ ||
ವಿಶ್ವೇಶಂ ವಿಶ್ವರೂಪಂ ಚ ವಿಶ್ವಕಾರಣಮವ್ಯಯಮ್ |
ವಿಷಕಂಠಂ ವಿರೂಪಾಕ್ಷಂ ವೀರಭದ್ರಪ್ರಿಯಂ ಶಿವಮ್ || ೯ ||
ಮಹಾದೇವಂ ಮಹೇಶಾನಂ ಮಹನೀಯಗುಣಾಕರಮ್ |
ಶ್ರೀಮಣಿಕರ್ಣಿಕೇಶಂ ಚ ಶ್ರೀಮಾಧವಪ್ರಿಯಂ ಪ್ರಭುಮ್ || ೧೦ ||
ಮಹಾದೇವೀಸಮಾಯುಕ್ತಶರೀರಂ ಪರಮೇಶ್ವರಮ್ |
ಮೃತ್ಯುಂಜಯಂ ಮೃಡಾನೀಶಂ ಮಹಾಭಯನಿವಾರಕಮ್ || ೧೧ ||
ಭಕ್ತಮಾನಸರೋವರವಿಹಾರಾಸಕ್ತಃ ಶೂಲಿನಮ್ |
ಭವದುಃಖವಿಭಂಜಕಂ ಭಕ್ತವರಪ್ರದಾಯಕಮ್ || ೧೨ ||
ಗಂಗಾಸ್ನಪಿತಸರ್ವಾಂಗಂ ಬಿಲ್ವಪತ್ರಾದಿಪೂಜಿತಮ್ |
ನಾನಾಲಂಕಾರಸಂಯುಕ್ತಂ ದಿವ್ಯಗಂಧಾನುಲೇಪಿತಮ್ || ೧೩ ||
ತ್ರಯೀವೇದ್ಯಂ ತ್ರಿಲೋಕೇಶಂ ತಾಪತ್ರಯಪ್ರಭಂಜಕಮ್ |
ತ್ರಿಪುರಸುಂದರೀರೂಪಂ ತ್ರ್ಯಂಬಕಂ ತ್ರಿಪುರಾಂತಕಮ್ || ೧೪ ||
ವಾರಾಣಸೀಪುರಾಧೀಶಂ ವರರುದ್ರಾಕ್ಷಧಾರಿಣಮ್ |
ವ್ಯಾಲಯಜ್ಞೋಪವೀತಿನಂ ವ್ಯಾಘ್ರಚರ್ಮವಿಭೂಷಿತಮ್ || ೧೫ ||
ಸುರಾಸುರನಮಸ್ಕೃತಶ್ರೀಮಚ್ಚರಣಪಂಕಜಮ್ |
ಸದೈಕರಸರೂಪಂ ಚ ಸದಾನಟನತತ್ಪರಮ್ || ೧೬ ||
ಸತ್ಯಜ್ಞಾನಾತ್ಮಕಂ ಸೋಮಂ ಸೋಮಸೂರ್ಯಾಗ್ನಿಲೋಚನಮ್ |
ಕಾಲಭೈರವಮೀಶಾನಂ ಕಾಲಾಗ್ನಿರುದ್ರಮೀಶ್ವರಮ್ || ೧೭ ||
ಶುದ್ಧಕೈವಲ್ಯರೂಪಂ ಚ ಶುದ್ಧವಿದ್ಯಾಪ್ರದಾಯಕಮ್ |
ಶಾಂತಂ ಪದ್ಮಾಸನಸ್ಥಂ ಚ ಶ್ರೀಕಂಠಂ ಚಂದ್ರಶೇಖರಮ್ || ೧೮ ||
ಗಿರೀಶಂ ಗಿರಿಜಾಪತಿಂ ಪಶುಪಾಶವಿಮೋಚಕಮ್ |
ಯಜ್ಞೇಶಂ ನೀಲಗ್ರೀವಂ ಚ ಯೋಗಿಹೃತ್ಪದ್ಮವಾಸಿನಮ್ || ೧೯ ||
ಕೋಟಿಸೂರ್ಯಸಮಪ್ರಭಂ ಚಂದ್ರಕೋಟಿಸುಶೀತಲಮ್ |
ಜಾಗ್ರತ್ಸ್ವಪ್ನಸುಷುಪ್ತೀನಾಂ ಸಾಕ್ಷೀಭೂತಂ ಚಿದಾತ್ಮಕಮ್ || ೨೦ ||
ಸರ್ವವ್ಯಾಪಕದೇವೇಶಂ ವಿಶ್ವನಾಥಮಹರ್ನಿಶಮ್ |
ಸದೈವಲಿಂಗರೂಪಂ ತಂ ಪರಾನಂದಪರಾತ್ಪರಮ್ || ೨೧ ||
ಅಷ್ಟೋತ್ತರೈಕಶಿವನಾಮ ಸಮನ್ವಿತಂ ಯತ್
ಸ್ತೋತ್ರಂ ಪಠಂತಿ ಮನುಜಾ ಭುವಿ ಭಕ್ತಿಯುಕ್ತಾಃ |
ಸಂಪ್ರಾಪ್ಯ ಲೌಕಿಕಸುಖಾನಿ ಪರಂ ಲಭಂತೇ
ದೇಹಾವಸಾನಸಮಯೇ ಶಿವ ಸಂಪ್ರಸಾದಾತ್ || ೨೨ ||
ಇತಿ ಶ್ರೀ ಕಾಶೀವಿಶ್ವನಾಥ ಅಷ್ಟೋತ್ತರಶತನಾಮ ಸ್ತೋತ್ರಮ್ ||