(౩౧-క్రిమిజమ్భనమ్)
[౧-౫ సవితా| పశవః| త్రిష్టుప్, ౩ ఉపరిష్టాద్విరాడ్బృహతీ, ౪ భురిగనుష్టుప్]
ఇన్ద్ర॑స్య॒ యా మ॒హీ దృ॒షత్ క్రిమే॒ర్విశ్వ॑స్య॒ తర్హ॑ణీ |
తయా᳚ పినష్మి॑ సం క్రిమీ᳚న్ దృ॒షదా॒ ఖల్వా᳚ ఇవ || ౧
దృ॒ష్టమ॒దృష్ట॑మతృహ॒మథో᳚ కు॒రూరు॑మతృహమ్ |
అ॒ల్గణ్డూ॒న్స్థర్వా᳚న్ ఛ॒లునా॒న్ క్రిమీ॒న్ వచ॑సా జమ్భయామసి || ౨
అ॒ల్గణ్డూ᳚న్ హన్మి మహ॒తా వ॒ధేన॑ దూ॒నా అదూ᳚నా అర॒సా అ॑భూవన్ |
శి॒ష్టాన॑శిష్టా॒న్ ని తి॑రామి వా॒చా యథా॒ క్రిమీ᳚ణాం॒ నకి॑రు॒చ్ఛిషా᳚తై || ౩
అన్వా᳚న్త్ర్యం శీర్ష॒ణ్య॑౧॒ మథో॒ పార్ష్టే᳚యం॒ క్రిమీ᳚న్ |
అ॒వ॒స్క॒వం వ్య॑ధ్వ॒రం క్రిమీ॒న్ వచ॑సా జమ్భయామసి || ౪
యే క్రిమ॑యః పర్వ॑తేషు॒ వనే॒ష్వోష॑ధీషు ప॒శుష్వ॒ప్స్వ॑౧॒న్తః |
యే అ॒స్మాకం᳚ త॒న్వ॑మావివి॒శు స్సర్వం॒ తద్ధ᳚న్మి॒ జని॑మ॒ క్రిమీ᳚ణామ్ || ౫
మరిన్ని వేదసూక్తములు చూడండి.