Mahanyasam in Telugu – మహాన్యాసం

📿 100% Original Karungali Mala | Authentic & Lab Certified | 50% OFF | Free Shipping | Buy Now 📿

🕉️ 100% Original Karungali Mala

Authentic & Lab Certified Pure Karungali Wood for Divine Protection & Positive Energy.

₹999 ₹499 50% OFF

⏳ Limited Time Offer

🔱 Buy Now @ ₹499 📿

🔒 Secure Payment | Trusted Checkout

📿 100% Original Karungali Mala | 50% OFF | Limited Offer 📿 | Free shipping all over india

Original Karungali Mala (Lab Certified)

₹999 ₹499 50% OFF

Buy Now

Join MantraSamhita WhatsApp Channel

Stay updated with the latest Hindu texts, updates, and exclusive content.

Join Now

శ్రీ మహాన్యాసం

కలశ ప్రతిష్ఠాపన మంత్రాః

బ్రహ్మ॑జజ్ఞా॒నం ప్ర॑థ॒మం పు॒రస్తా॒-ద్విసీ॑మ॒త-స్సు॒రుచో॑ వే॒న ఆ॑వః |
స బు॒ధ్నియా॑ ఉప॒మా అ॑స్య వి॒ష్ఠా-స్స॒తశ్చ॒ యోని॒-మస॑తశ్చ॒ వివః॑ |

నాకే॑ సుప॒ర్ణ ముప॒యత్ పతం॑తగ్ం హృ॒దా వేనం॑తో అ॒భ్యచ॑క్ష-తత్వా |
హిర॑ణ్యపక్షం॒-వఀరు॑ణస్య దూ॒తం-యఀ॒మస్య॒ యోనౌ॑ శకు॒నం భు॑ర॒ణ్యుమ్ |

ఆప్యా॑యస్వ॒ సమే॑తు తే వి॒శ్వతః॑ సోమ॒ వృష్ణి॑యమ్ | భవా॒ వాజ॑స్య సంగ॒థే |
యో రు॒ద్రో అ॒గ్నౌ యో అ॒ఫ్సు య ఓష॑ధీషు॒ యో రు॒ద్రో విశ్వా॒
భువ॑నాఽఽవి॒వేశ॒ తస్మై॑ రు॒ద్రాయ॒ నమో॑ అస్తు | 1 (అప ఉపస్పృశ్య)
ఇ॒దం-విఀష్ణు॒ ర్విచ॑క్రమే త్రే॒ధా నిద॑ధే ప॒దమ్ | సమూ॑ఢమస్య పాగ్ం సు॒రే |
ఇంద్రం॒-విఀశ్వా॑ అవీవృధంథ్ సము॒ద్రవ్య॑చసం॒ గిరః॑ |
ర॒థీత॑మగ్ం రథీ॒నాం-వాఀజా॑నా॒గ్ం॒ సత్ప॑తిం॒ పతి᳚మ్ |
ఆపో॒ వా ఇ॒దంగ్ం సర్వం॒-విఀశ్వా॑ భూ॒తాన్యాపః॑ ప్రా॒ణా వా ఆపః॑ ప॒శవ॒ ఆపోఽన్న॒మాపో-ఽమృ॑త॒మాప॑-స్స॒మ్రాడాపో॑ వి॒రాడాప॑-స్స్వ॒రాడాప॒-శ్ఛందా॒గ్॒శ్యాపో॒ జ్యోతీ॒గ్॒ష్యాపో॒ యజూ॒గ్॒ష్యాప॑-స్స॒త్యమాప॒-స్సర్వా॑ దే॒వతా॒ ఆపో॒ భూర్భువ॒స్సువ॒రాప॒ ఓమ్ | 2
అ॒పః ప్రణ॑యతి | శ్ర॒ద్ధా వా ఆపః॑ | శ్ర॒ద్ధామే॒వారభ్య॑ ప్ర॒ణీయ॒ ప్రచ॑రతి |
అ॒పః ప్రణ॑యతి |
య॒జ్ఞో వా ఆపః॑ | య॒జ్ఞమే॒వారభ్య॑ ప్ర॒ణీయ॒ ప్రచ॑రతి | అ॒పః ప్రణ॑యతి |
వజ్రో॒ వా ఆపః॑ | వజ్ర॑మే॒వ భ్రాతృ॑వ్యేభ్యః ప్ర॒హృత్య॑ ప్ర॒ణీయ॒ ప్రచ॑రతి |
అ॒పః ప్రణ॑యతి |
ఆపో॒ వై ర॑క్షో॒ఘ్నీః | రక్ష॑సా॒మప॑హత్యై | అ॒పః ప్రణ॑యతి |
ఆపో॒ వై దే॒వానాం᳚ ప్రి॒యం ధామ॑ | దే॒వానా॑మే॒వ ప్రి॒యం ధామ॑ ప్ర॒ణీయ॒ ప్రచ॑రతి | అ॒పః ప్రణ॑యతి |
ఆపో॒ వై సర్వా॑ దే॒వతాః᳚ | దే॒వతా॑ ఏ॒వారభ్య॑ ప్ర॒ణీయ॒ ప్రచ॑రతి |
అ॒పః ప్రణ॑యతి |
ఆపో॒ వై శాం॒తాః | శాం॒తాభి॑రే॒వాస్య॒ శుచగ్ం॑ శమయతి | దే॒వో వః॑
సవి॒తోత్ పు॑నా॒త్వ-చ్ఛి॑ద్రేణ ప॒విత్రే॑ణ॒ వసో॒స్సూర్య॑స్య ర॒శ్మిభిః॑ || 3

తత్వా॑ యామి॒ బ్రహ్మ॑ణా॒ వంద॑మాన॒-స్తదాశా᳚స్తే॒ యజ॑మానో హ॒విర్భిః॑ |
అహే॑డమానో వరుణే॒హ బో॒ద్ధ్యురు॑శగ్ంస॒ మా న॒ ఆయుః॒ ప్రమో॑షీః ||

ఓం-వఀరుణాయ నమః | నానావిధ పరిమళ పత్ర పుష్పాణి సమర్పయామి |
ధూపం ఆఘ్రాపయామి | దీపం దర్శయామి |
ధూపదీపానంతరం ఆచమనీయం సమర్పయామి |
ఓం భూర్భువస్సువః | తథ్స॑వి॒తుర్వరే᳚ణ్యం॒ భర్గో॑ దే॒వస్య॑ ధీమహి |
ధియో॒ యోన॑ ప్రచో॒దయా᳚త్ |
దేవ సవితః ప్రసువః | సత్యం త్వర్తేన పరిషించామి |
(రాత్రౌ – ఋతం త్వా సత్యేన పరిషించామి) |
ఓం-వఀరుణాయ నమః | అమృతం భవతు | అమృతోపస్తరణమసి |
ఓం ప్రాణాయ స్వాహా | ఓం అపానాయ స్వాహా | ఓం-వ్యాఀనాయ స్వాహా |
ఓం ఉదానాయ స్వాహా | ఓం సమానాయ స్వాహా | ఓం బ్రహ్మణే స్వాహా |
కదళీఫలం నివేదయామి | మద్ధ్యేమద్ధ్యే అమృతపానీయం సమర్పయామి | అమృతాపిధానమసి | నైవేద్యానంతరం ఆచమనీయం సమర్పయామి |
తాంబూలం సమర్పయామి | కర్పూర నీరాజనం ప్రదర్శయామి |
నీరాజనానంతరం ఆచమనీయం సమర్పయామి | మంత్ర పుష్పం సమర్పయామి |
సువర్ణ పుష్పం సమర్పయామి | సమస్తోపచారాన్ సమర్పయామి ||

1. పంచాంగ రుద్రన్యాసః
అథాతః పంచాంగరుద్రాణాం న్యాసపూర్వకం జప-హోమా-ర్చనా-భిషేక-విధిం-వ్యాఀఖ్యాస్యామః
అథాతః పంచాంగరుద్రాణాం న్యాసపూర్వకం జప-హోమా-ర్చనాభిషేకం కరిష్యమాణః |

హరిః ఓం అథాతః పంచాంగ రుద్రాణామ్ ||

ఓంకారమంత్ర సంయుఀక్తం నిత్యం ధ్యాయంతి యోగినః |
కామదం మోక్షదం తస్మై ఓంకారాయ నమో నమః ||

నమస్తే దేవ దేవేశ నమస్తే పరమేశ్వర |
నమస్తే వృషభారూఢ నకారాయ నమో నమః ||

ఓం నమో భగవతే॑ రుద్రా॒య || ఓం భూర్భువ॒స్సువః॑ || ఓం నమ్ ||

నమ॑స్తే రుద్ర మ॒న్యవ॑ ఉ॒తోత॒ ఇష॑వే॒ నమః॑ |
నమ॑స్తే అస్తు॒ ధన్వ॑నే బా॒హుభ్యా॑ము॒త తే॒ నమః॑ ||
యా త॒ ఇషుః॑ శి॒వత॑మా శి॒వం బ॒భూవ॑ తే॒ ధనుః॑ |
శి॒వా శ॑ర॒వ్యా॑ యా తవ॒ తయా॑ నో రుద్ర మృడయ |
ఓం నమో భగవతే॑ రుద్రా॒య || నం ఓమ్ | పూర్వాంగ రుద్రాయ॒ నమః || (ప్రాచ్యై దిశ, East)

మహాదేవం మహాత్మానం మహాపాతకనాశనమ్ |
మహాపాపహరం-వంఀదే మకారాయ నమో నమః ||

ఓం భూర్భువ॒స్సువః॒ || ఓం మమ్ ||
ఓం నిధ॑నపతయే॒ నమః | నిధనపతాంతికాయ॒ నమః |
ఊర్ధ్వాయ॒ నమః | ఊర్ధ్వలింగాయ॒ నమః |
హిరణ్యాయ॒ నమః | హిరణ్యలింగాయ॒ నమః |
సువర్ణాయ॒ నమః | సువర్ణలింగాయ॒ నమః |
దివ్యాయ॒ నమః | దివ్యలింగాయ॒ నమః |
భవాయః॒ నమః | భవలింగాయ॒ నమః |
శర్వాయ॒ నమః | శర్వలింగాయ॒ నమః |
శివాయ॒ నమః | శివలింగాయ॒ నమః |
జ్వలాయ॒ నమః | జ్వలలింగాయ॒ నమః |
ఆత్మాయ॒ నమః | ఆత్మలింగాయ॒ నమః |
పరమాయ॒ నమః | పరమలింగాయ॒ నమః |
ఏతత్సోమస్య॑ సూర్య॒స్య సర్వలింగగ్గ్॑ స్థాప॒య॒తి॒ పాణిమంత్రం పవి॒త్రమ్ ||
ఓం నమో భగవతే॑ రుద్రా॒య || మం ఓమ్ || దక్షిణాంగ రుద్రాయ॒ నమః || (దక్షిణ దిశ, South)

శివం శాంతం జగన్నాథం-లోఀకానుగ్రహకారణమ్ |
శివమేకం పరం-వంఀదే శికారాయ నమో నమః ||

ఓం భూర్భువ॒స్సువః॒ || ఓం శిమ్ || అపై॑తుమృ॒త్యురమృతం॑ న॒ ఆగ॑న్ వైవస్వ॒తో నో॒ అ॑భయం కృణోతు | ప॒ర్ణం-వఀన॒స్పతేరివా॒భినశ్శీయతాగ్ం ర॒యిస్సచ॑తాం న॒శ్శచీ॒పతిః॑ ||
ఓం నమో భగవతే॑ రుద్రా॒య || శిం ఓమ్ || పశ్చిమాంగ రుద్రాయ॒ నమః || (పశ్చిమ దిశ, West)

వాహనం-వృఀషభో యస్య వాసుకీ కంఠభూషణమ్ |
వామే శక్తిధరం-వంఀదే వకారాయ నమో నమః ||

ఓం భూర్భువ॒స్సువః॒ || ఓం-వాఀమ్ || ప్రాణానాం గ్రంథిరసి రుద్రో మా॑ విశాం॒తకః | తేనాన్నేనా᳚ప్యాయ॒స్వ || ఓం నమో భగవతే రుద్రాయ విష్ణవే మృత్యు॑ర్మే పా॒హి ||
ఓం నమో భగవతే॑ రుద్రా॒య || వాం ఓమ్ || ఉత్తరాంగ రుద్రాయ॒ నమః || (ఉత్తర దిశ, North)

యత్ర కుత్ర స్థితం దేవం సర్వవ్యాపినమీశ్వరమ్ |
యల్లింగం పూజయేన్నిత్యం-యఀకారాయ నమో నమః ||

ఓం భూర్భువ॒స్సువః॒ || ఓం-యఀమ్ || యో రు॒ద్రో అ॒గ్నౌ యో అ॒ప్సు య ఓష॑ధీషు॒ యో రు॒ద్రో విశ్వా॒ భువ॑నా వి॒వేశ॒ తస్మై॑ రు॒ద్రాయ॒ నమో॑ అస్తు ||
ఓం నమో భగవతే॑ రుద్రా॒య || యం ఓమ్ || ఊర్ధ్వాంగ రుద్రాయ॒ నమః || (ఊర్ధ్వ దిశ, Up)

2. పంచముఖ ధ్యానం

ఓం నమ్ || తత్పురు॒షాయ వి॒ద్మహే॑ మహాదే॒వాయ॑ ధీమహి | తన్నో॑ రుద్రః ప్రచోదయా᳚త్ ||

సంవఀర్తాగ్ని తటిత్ప్రదీప్త కనక ప్రస్పర్థి తేజోమయమ్ |
గంభీరధ్వని సామవేదజనకం తామ్రాధరం సుందరమ్ |
అర్ధేందుద్యుతి లోలపింగళ జటాభారప్రబద్ధోరగమ్ |
వందే సిద్ధ సురాసురేంద్రనమితం పూర్వం ముఖం శూలినః ||

ఓం నమో భగవతే॑ రుద్రా॒య || ఓం నమ్ || పూర్వ ముఖాయ॒ నమః ||

అ॒ఘోరే᳚భ్యోఽథఘో॒రే᳚భ్యో॒ ఘోర॒ఘోర॑తరేభ్యః || సర్వే᳚భ్యస్సర్వ శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ||

కాలాభ్రభ్రమరాంజనద్యుతినిభం-వ్యాఀవృత్త పింగేక్షణం
కర్ణోద్భాసిత భోగిమస్తక మణిప్రోద్గీర్ణ దంష్ట్రాంకురమ్ |
సర్పప్రోత కపాల శుక్తి శకల వ్యాకీర్ణ సచ్ఛేఖరం
వందే దక్షిణమీశ్వరస్య కుటిల భ్రూభంగ రౌద్రం ముఖమ్ ||

ఓం నమో భగవతే॑ రుద్రా॒య || ఓం మమ్ || దక్షిణ ముఖాయ॒ నమః ||

స॒ద్యో జా॒తం ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ | భ॒వే భ॑వే॒ నాతి॑ భవే భవస్వ॒ మామ్ | భ॒వోద్-భ॑వాయ॒ నమః॑ ||

ప్రాలేయాచలమిందుకుంద ధవళం గోక్షీరఫేనప్రభం
భస్మాభ్యక్తమనంగ దేహ దహన జ్వాలావళీ లోచనమ్ |
బ్రహ్మేంద్రాది మరుద్గణైస్పుతిపదై రభ్యర్చితం-యోఀగిభిః
వందేఽహం సకలం కళంకరహితం స్థాణోర్ముఖం పశ్చిమమ్ ||

ఓం నమో భగవతే॑ రుద్రా॒య || ఓం శిమ్ || పశ్చిమ ముఖాయ॒ నమః ||

వా॒మ॒దే॒వాయ॒ నమో᳚ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒ కాలా॑య॒ నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమః॒ సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ ||

గౌరం కుంకుమ పంకిలం స్తిలకం-వ్యాఀపాండు గండస్థలం
భ్రూవిక్షేప కటాక్ష లసత్సంసక్త కర్ణోత్ఫలమ్ |
స్నిగ్ధం బింబఫలాధరం ప్రహసితం నీలాలకాలం కృతం
వందే పూర్ణ శశాంక మండలనిభం-వఀక్త్రం హరస్యోత్తరమ్ ||

ఓం నమో భగవతే॑ రుద్రా॒య || ఓం-వాఀమ్ || ఉత్తర ముఖాయ॒ నమః ||

ఈశానః సర్వ॑విద్యా॒నా॒-మీశ్వరః సర్వ॑భూతా॒నాం॒ బ్రహ్మాధి॑పతి॒-ర్బ్రహ్మ॒ణో ఽధి॑పతి॒-ర్బ్రహ్మా॑ శి॒వో మే॑ అస్తు సదాశి॒వోమ్ || (కనిష్ఠికాభ్యాం నమః)

వ్యక్తావ్యక్త గుణేతరం పరతరం షట్త్రింశతత్త్వాత్మకం
తస్మాదుత్తమ తత్త్వమక్షరమిదం ధ్యేయం సదా యోగిభిః |
ఓంకారాది సమస్త మంత్రజనకం సూక్ష్మాది సూక్ష్మం పరం
శాంతం పంచమమీశ్వరస్య వదనం ఖంవ్యాఀప్తి తేజోమయమ్ ||

ఓం నమో భగవతే॑ రుద్రా॒య || ఓం-వాఀమ్ || ఊర్ధ్వ ముఖాయ॒ నమః ||

దిఙ్నమస్కారః
పూర్వే పశుపతిః పాతు | దక్షిణే పాతు శంకరః |
పశ్చిమే పాతు విశ్వేశః | నీలకంఠస్తదోత్తరే ||

ఈశాన్యాం పాతు మే శర్వః | ఆగ్నేయాం పార్వతీపతిః |
నైఋత్యాం పాతు మే రుద్రః | వాయవ్యాం నీలలోహితః ||

ఊర్ధ్వే త్రిలోచనః పాతు | అధరాయాం మహేశ్వరః |
ఏతాభ్యో దశ దిగ్భ్యస్తు | సర్వతః పాతు శంకరః ||

(నా రుద్రో రుద్రమర్చయే᳚త్ |
న్యాసపూర్వకం జపహోమార్చనాఽభిషేకవిధి వ్యాఖ్యాస్యామః |)

3. అంగన్యాసః
యా తే॑ రుద్ర శి॒వా త॒నూరఘో॒రా-ఽపా॑పకాశినీ |
తయా॑ న స్త॒నువా॒ శంత॑మయా॒ గిరి॑శంతా॒భి చా॑కశీహి |
శిఖాయై నమః | 1

అ॒స్మిన్ మ॑హ॒త్య॑ర్ణ॒వే᳚-ఽంతరి॑క్షే భ॒వా అధి॑ |
తేషాగ్ం॑ సహస్రయోజ॒నే-ఽవ॒ధన్వా॑ని తన్మసి |
శిరసే నమః | 2

స॒హస్రా॑ణి సహస్ర॒శో యే రు॒ద్రా అధి॒ భూమ్యా᳚మ్ |
తేషాగ్ం॑ సహస్ర-యోజ॒నే-ఽవ॒ధన్వా॑ని తన్మసి |
లలాటాయ నమః | 3

హ॒గ్ం॒స-శ్శు॑చి॒ష-ద్వసు॑రంతరిక్ష॒సద్ధోతా॑ వేది॒షదతి॑థి-ర్దురోణ॒సత్ |
నృ॒షద్వ॑ర॒-సదృ॑త॒-సద్వ్యో॑మ॒ సద॒బ్జా గో॒జా ఋ॑త॒జా అ॑ద్రి॒జా ఋ॒తం బృ॒హత్ |
భ్రువోర్మద్ధ్యాయ నమః | 4

త్ర్య॑బంకం-యఀజామహే సుగం॒ధిం పు॑ష్టి॒వర్ధ॑నమ్ |
ఉ॒ర్వా॒రు॒కమి॑వ॒ బంధ॑నాన్
మృ॒త్యో-ర్ము॑క్షీయ॒ మాఽమృతా᳚త్ |
నేత్రాభ్యాం నమః | 5

నమః॒ స్రుత్యా॑య చ॒ పథ్యా॑య చ॒ నమః॑ కా॒ట్యా॑య చ నీ॒ప్యా॑య చ |
కర్ణాభ్యాం నమః | 6

మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః |
వీ॒రాన్మానో॑ రుద్ర భామి॒తో వ॑ధీ-ర్హ॒విష్మం॑తో॒ నమ॑సా విధేమ తే |
నాసికాభ్యాం నమః | 7

అ॒వ॒తత్య॒ ధను॒స్త్వగ్ం సహ॑స్రాక్ష॒ శతే॑షుధే |
ని॒శీర్య॑ శ॒ల్యానాం॒ ముఖా॑ శి॒వో నః॑ సు॒మనా॑ భవ |
ముఖాయ నమః | 8

నీల॑గ్రీవా శ్శితి॒కంఠాః᳚ శ॒ర్వా అ॒ధః క్ష॑మాచ॒రాః |
తేషాగ్ం॑ సహస్రయోజ॒నేఽ వ॒ధన్వా॑ని తన్మసి |
కంఠాయ నమః | 9.1

నీల॑గ్రీవా-శ్శితి॒కంఠా॒ దివగ్ం॑ రు॒ద్రా ఉప॑శ్రితాః |
తేషాగ్ం॑ సహస్రయోజ॒నేఽ వ॒ధన్వా॑ని తన్మసి |
ఉపకంఠాయ నమః | 9.2

నమ॑స్తే అ॒స్త్వాయు॑ధా॒యా-నా॑తతాయ ధృ॒ష్ణవే᳚ |
ఉ॒భాభ్యా॑ము॒త తే॒ నమో॑ బా॒హుభ్యాం॒ తవ॒ ధన్వ॑నే |
బాహుభ్యాం నమః | 10

యా తే॑ హే॒తి-ర్మీ॑ఢుష్టమ॒ హస్తే॑ బ॒భూవ॑ తే॒ ధనుః॑ |
తయా॒ఽస్మాన్ వి॒శ్వత॒స్త్వ-మ॑య॒క్ష్మయా॒ పరి॑బ్భుజ |
ఉపబాహుభ్యాం నమః | 11

పరి॑ణో రు॒ద్రస్య॑ హే॒తి-ర్వృ॑ణక్తు॒ పరి॑త్వే॒షస్య॑ దుర్మ॒తిర॑ఘా॒యోః |
అవ॑ స్థి॒రా మ॒ఘవ॑ద్భ్యః తనుష్వ॒ మీఢ్వ॑స్తో॒కాయ॒ తన॑యాయ మృడయ |
మణిబంధాభ్యాం నమః | 12

యే తీ॒ర్థాని॑ ప్ర॒చరం॑తి సృ॒కావం॑తో నిషం॒గిణః॑ |
తేషాగ్ం॑ సహస్రయోజ॒నేఽ వ॒ధన్వా॑ని తన్మసి |
హస్తాభ్యాం నమః | 13

స॒ద్యో జా॒తం ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ |
భ॒వే భ॑వే॒ నాతి॑ భవే భవస్వ॒ మామ్ | భ॒వోద్-భ॑వాయ॒ నమః॑ ||
అగుంష్ఠాభ్యాం నమః | 14.1

అ॒ఘోరే᳚భ్యో ఽథ॒ఘోరే᳚భ్యో॒ ఘోర॒ఘోర॑తరేభ్యః |
సర్వే᳚భ్యః సర్వ॒ శర్వే᳚భ్యో॒ నమ॑స్తే అస్తు రు॒ద్ర రూ॑పేభ్యః ||
మద్ధ్యమాభ్యాం నమః | 14.3

తత్పురు॑షాయ వి॒ద్మహే॑ మహాదే॒వాయ॑ ధీమహి |
తన్నో॑ రుద్రః ప్రచో॒దయా᳚త్ ||
అనామికాభ్యాం నమః | 14.4

ఈశానః సర్వ॑విద్యా॒నా॒-మీశ్వరః సర్వ॑భూతా॒నాం॒
రహ్మాధి॑పతి॒-ర్బ్రహ్మ॒ణో ఽధి॑పతి॒-ర్బ్రహ్మా॑ శి॒వో మే॑ అస్తు సదాశి॒వోమ్ ||
కనిష్ఠికాభ్యాం నమః | 14.5

నమో॑ వః కిరి॒కేభ్యో॑ దే॒వానా॒గ్ం॒ హృద॑యేభ్యః |
హృదయాయ నమః | 15

నమో॑ గ॒ణేభ్యో॑ గ॒ణప॑తిభ్యశ్చ వో॒ నమః॑ |
పృష్ఠాయ నమః | 16

నమో॒ హిర॑ణ్యబాహవే సేనా॒న్యే॑ ది॒శాంచ॒ పత॑యే॒ నమః॑ |
పార్శ్వాభ్యాం నమః | 17

విజ్యం॒ ధనుః॑ కప॒ర్దినో॒ విశ॑ల్యో॒ బాణ॑వాగ్ం ఉ॒త |
అనే॑శన్న॒స్యేష॑వ ఆ॒భుర॑స్య నిషం॒గథిః॑ |
జఠరాయ నమః | 18

హి॒ర॒ణ్య॒గ॒ర్భ స్సమ॑వర్త॒తాగ్రే॑ భూ॒తస్య॑ జా॒తః పతి॒రేక॑ ఆసీత్ |
సదా॑ధార పృథి॒వీం ద్యాము॒తేమాం కస్మై॑ దే॒వాయ॑ హ॒విషా॑ విధేమ |
నాభ్యై నమః | 19

మీఢు॑ష్టమ॒ శివ॑తమ శి॒వో న॑స్సు॒మనా॑ భవ |
ప॒ర॒మే వృ॒క్ష ఆయు॑ధం ని॒ధాయ॒ కృత్తిం॒-వఀసా॑న॒ ఆచ॑ర॒ పినా॑కం॒ బిభ్ర॒దాగ॑హి |
కఠ్యై నమః | 20

యే భూ॒తానా॒-మధి॑పతయో విశి॒ఖాసః॑ కప॒ర్ది॑నః |
తేషాగ్ం॑ సహస్రయోజ॒నే ఽవ॒ధన్వా॑ని తన్మసి |
గుహ్యాయ నమః | 21

యే అన్నే॑షు వి॒విద్ధ్యం॑తి॒ పాత్రే॑షు॒ పిబ॑తో॒ జనాన్॑ |
తేషాగ్ం॑ సహస్రయోజ॒నేఽ వ॒ధన్వా॑ని తన్మసి |
అండాభ్యాం నమః | 22

స॒ శి॒రా జా॒తవే॑దా అ॒క్షరం॑ పర॒మం ప॒దమ్ |
వేదా॑నా॒గ్ం॒ శిర॑సి మా॒తా॒ ఆ॒యు॒ష్మంతం॑ కరోతు॒ మామ్ |
అపానాయ నమః | 23

మా నో॑ మ॒హాంత॑ము॒త మా నో॑ అర్భ॒కం మా న॒ ఉక్షం॑తము॒త మా న॑ ఉక్షి॒తమ్ |
మా నో॑ వధీః పి॒తరం॒ మోత మా॒తరం॑ ప్రి॒యా మా న॑స్త॒నువో॑ రుద్ర రీరిషః |
ఊరుభ్యాం నమః | 24

ఏ॒ష తే॑ రుద్రభా॒గ-స్తంజు॑షస్వ॒ తేనా॑వ॒సేన॑ ప॒రో
మూజ॑వ॒తో-ఽతీ॒హ్యవ॑తత-ధన్వా॒ పినా॑కహస్తః॒ కృత్తి॑వాసాః |
జానుభ్యాం నమః | 25

స॒గ్ం॒ సృ॒ష్ట॒జిథ్సో॑మ॒పా బా॑హు-శ॒ర్ధ్యూ᳚ర్ధ్వ ధ॑న్వా॒ ప్రతి॑హితా-భి॒రస్తా᳚ |
బృహ॑స్పతే॒ పరి॑దీయా॒ రథే॑న రక్షో॒హా-ఽమిత్రాగ్ం॑ అప॒బాధ॑మానః |
జంఘాభ్యాం నమః | 26

విశ్వం॑ భూ॒తం భువ॑నం చి॒త్రం బ॑హు॒ధా జా॒తం జాయ॑మానం చ॒ యత్ |
సర్వో॒ హ్యే॑ష రు॒ద్ర-స్తస్మై॑ రు॒ద్రాయ॒ నమో॑ అస్తు ||
గుల్ఫాభ్యాం నమః | 27

యే ప॒థాం ప॑థి॒రక్ష॑య ఐలబృ॒దా య॒వ్యుధః॑ |
తేషాగ్ం॑ సహస్రయోజ॒నే ఽవ॒ధన్వా॑ని తన్మసి |
పాదాభ్యాం నమః | 28

అద్ధ్య॑వోచ-దధివ॒క్తా ప్ర॑థ॒మో దైవ్యో॑ భి॒షక్ |
అహీగ్గ్॑శ్చ॒ సర్వా᳚న్ జ॒భంయఀ॒న్ థ్సర్వా᳚శ్చ యాతు ధా॒న్యః॑ |
కవచాయ హుమ్ | 29

నమో॑ బి॒ల్మినే॑ చ కవ॒చినే॑ చ॒
నమః॑ శ్రు॒తాయ॑ చ శ్రుతసే॒నాయ॑ చ |
ఉపకవచాయ హుమ్ | 30

నమో॑ అస్తు॒ నీల॑గ్రీవాయ సహస్రా॒క్షాయ॑ మీ॒ఢుషే᳚ |
అథో॒ యే అ॑స్య॒ సత్వా॑నో॒ఽహం తేభ్యో॑ఽకర॒న్నమః॑ |
తృతీయ నేత్రాయ నమః | 31

ప్రముం॑చ॒ ధన్వ॑న॒స్త్వ-ము॒భయో॒-రార్త్ని॑యో॒ర్జ్యామ్ |
యాశ్చ॑ తే॒ హస్త॒ ఇష॑వః॒ పరా॒ తా భ॑గవో వప |
అస్త్రాయ ఫట్ | 32

య ఏ॒తావం॑తశ్చ॒ భూయాగ్ం॑సశ్చ॒ దిశో॑ రు॒ద్రా వి॑తస్థి॒రే |
తేషాగ్ం॑॑ సహస్రయోజ॒నే ఽవ॒ధన్వా॑ని తన్మసి |
ఇతి దిగ్బంధః | 33

———–ఇతి ప్రథమ న్యాసః————
(శిఖాది అస్త్రపర్యంతం ఏకత్రింశదంగన్యాసః దిగ్బంధ సహితః ప్రథమః)

4. దశాంగ న్యాసః
ఓం నమో భగవతే॑ రుద్రా॒య | ఇతి నమస్కారాన్ న్యసే᳚త్ ||
ఓం ఓం మూర్థ్నే నమః (మూర్ధ్ని) |
ఓం నం నాసికాయై నమః (నాసికాగ్రః) |
ఓం మోం-లఀలటాయ నమః (లలాటః) |
ఓం భం ముఖాయ నమః (ముఖాం) |
ఓం గం కంఠాయ నమః (కంఠః) |
ఓం-వంఀ హృదయాయ నమః (హృదయః) |
ఓం తేం దక్షిణ హస్తాయ నమః (దక్షిణ హస్తః) |
ఓం రుం-వాఀమ హస్తాయ నమః (వామ హస్తః) |
ఓం ద్రాం నాభ్యై నమః (నాభ్హీ) |
ఓం-యంఀ పాదాభ్యాం నమః (పాదౌ) ||
[అప ఉపస్పృశ్య]

———–ఇతి ద్వితీయ న్యాసః———-
మూర్ధాది పాదాంతం దశాంగ న్యాసః ద్వితీయః

5. పంచాంగ న్యాసః
స॒ద్యో జా॒తం ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ |
భ॒వే భ॑వే॒ నాతి॑భవే భవస్వ॒ మామ్ | భ॒వో-ద్భ॑వాయ॒ నమః॑ ||
పాదాభ్యాం నమః | 1
[అప ఉపస్పృశ్య]

వా॒మ॒దే॒వాయ॒ నమో᳚ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒
కాలా॑య॒ నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒
బల॑ప్రమథనాయ॒ నమ॒ స్సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ |
ఊరుమధ్యమాభ్యాం నమః | 2

అ॒ఘోరే᳚భ్యో ఽథ॒ఘోరే᳚భ్యో॒ ఘోర॒ఘోర॑తరేభ్యః |
సర్వే᳚భ్యః సర్వ॒ శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ||
హృదయాయ నమః | 3

తత్పురు॑షాయ వి॒ద్మహే॑ మహాదే॒వాయ॑ ధీమహి |
తన్నో॑ రుద్రః ప్రచో॒దయా᳚త్ ||
ముఖాయ నమః | 4

ఈశానః సర్వ॑విద్యా॒నా॒-మీశ్వరసర్వ॑ భూతా॒నాం॒
బ్రహ్మాధి॑పతి॒-ర్బ్రహ్మ॒ణోఽధి॑పతి॒-ర్బ్రహ్మా॑ శి॒వో మే॑ అస్తు సదాశి॒వోమ్ ||
మూర్ధ్నే నమః | 5

5.1 హంస గాయత్రీ
అస్య శ్రీ హంసగాయత్రీ మహామంత్రస్య, అవ్యక్త పరబ్రహ్మ ఋషిః,
అనుష్టుప్ ఛందః, పరమహంసో దేవతా |
హంసాం బీజం, హంసీం శక్తిః | హంసూం కీలకమ్ |
పరమహంస ప్రసాద సిద్ధ్యర్థే జపే వినియోగః || 1

హృదయాది న్యాసః –
హంసాం – హృదయాయ నమః | హంసీం – శిరసే స్వాహా |
హంసూం – శిఖాయై వషట్ | హంసైం – కవచాయ హుమ్ |
హంసౌం – నేత్రత్రయాయ వౌషట్ | హంసః – అస్త్రాయ ఫట్ ||
ఓం భూర్భువ॒స్సువ॒రోమితి దిగ్బంధః | 3

ధ్యానం –
గమాగమస్థం గమనాదిశూన్యం చి-ద్రూపదీపం తిమిరాపహారమ్ |
పశ్యామి తే సర్వజనాంతరస్థం నమామి హంసం పరమాత్మరూపమ్ || 4

దేహో దేవాలయః ప్రోక్తో జీవో దేవః సనాతనః |
త్యజేదజ్ఞాననిర్మాల్యం సోఽహంభావేన పూజయేత్ ||

హం॒స హం॒సాయ॑ వి॒ద్మహే॑ పరమహం॒సాయ॑ ధీమహి |
తన్నో॑ హంసః ప్రచో॒దయా᳚త్ || 5
(ఇతి త్రివారం జపిత్వా)

హంస హం॒సేతి యో బ్రూయా-ధంసో (బ్రూయాద్ధంసో) నామ సదాశివః |
ఏవం న్యాస విధిం కృత్వా తతః సంపుటమారభేత్ || 6

5.2 దిక్ సంపుటన్యాసః (సంపుటీకరణం)

ఇంద్రాదీన్ దిక్షువిన్యస్య |

ఓం భూర్భువ॒స్సువః॑ | ఓం ఓమ్ |
త్రా॒తార॒మింద్ర॑ మవి॒తార॒మింద్ర॒గ్ం॒ హవే॑ హవే సు॒హవ॒గ్ం॒ శూర॒మింద్ర᳚మ్ |
హు॒వే ను శ॒క్రం పు॑రుహూ॒తమింద్రగ్గ్॑ స్వ॒స్తి నో॑ మ॒ఘవా॑ ధా॒త్వింద్రః॑ ||
ఓం నమో భగవతే॑ రుద్రా॒య | ఓం ఓమ్ |
పూర్వదిగ్భాగే ఇంద్రాయ నమః || 1 (తై.సం.1-6-12-50)

ఓం భూర్భువ॒స్సువః॑ | ఓం నమ్ |
త్వం నో॑ అగ్నే॒ వరు॑ణస్య వి॒ద్వాందే॒వస్య॒ హేడోఽవ॑ యాసిసీష్ఠాః |
యజి॑ష్ఠో॒ వహ్ని॑తమః॒ శోశు॑చానో॒ విశ్వా॒ ద్వేషాగ్ం॑సి॒ ప్రము॑ముగ్ధ్య॒స్మత్ ||
ఓం నమో భగవతే॑ రుద్రా॒య | నం ఓమ్ |
ఆగ్నేయదిగ్భాగే అగ్నయే నమః || 2 (తై.సం.2-5-12-72)

ఓం భూర్భువ॒స్సువః॑ | ఓం మోమ్ |
సు॒గం నః॒ పంథా॒మభ॑యం కృణోతు | యస్మి॒న్నక్ష॑త్రే య॒మ ఏతి॒ రాజా᳚ |
యస్మి॑న్నేనమ॒భ్యషిం॑చంత దే॒వాః | తద॑స్య చి॒త్రగ్ం హ॒విషా॑ యజామ ||
ఓం నమో భగవతే॑ రుద్రా॒య | మోం ఓమ్ |
దక్షిణదిగ్భాగే యమాయ నమః || 3 (తై.బ్రా.3-1-2-11-23)

ఓం భూర్భువ॒స్సువః॑ | ఓం భమ్ |
అసు॑న్వంత॒మయ॑జమానమిచ్ఛ స్తే॒నస్యే॒త్యాంతస్క॑ర॒స్యాన్వే॑షి |
అ॒న్యమ॒స్మది॑చ్ఛ॒ సా త॑ ఇ॒త్యా నమో॑ దేవి నిర్.ఋతే॒ తుభ్య॑మస్తు ||
ఓం నమో భగవతే॑ రుద్రా॒య | భం ఓమ్ |
నిర్ఋతిదిగ్భాగే నిర్ఋతయే నమః || 4 (తై.సం.4-2-5-21)

ఓం భూర్భువ॒స్సువః॑ | ఓం గమ్ |
తత్త్వా॑ యామి॒ బ్రహ్మ॑ణా॒ వంద॑మాన॒స్తదా శా᳚స్తే॒ యజ॑మానో హ॒విర్భిః॑ |
అహే॑డమానో వరుణే॒హ బో॒ధ్యురు॑శగ్ంస॒ మా న॒ ఆయుః॒ ప్రమో॑షీః ||
ఓం నమో భగవతే॑ రుద్రా॒య | గం ఓమ్ |
పశ్చిమదిగ్భాగే వరుణాయ నమః || 5 (తై.సం.2-1-11-65)

ఓం భూర్భువ॒స్సువః॑ | ఓం-వఀమ్ |
ఆ నో॑ ని॒యుద్భిః॑ శ॒తినీ॑భిరధ్వ॒రగ్మ్ | స॑హ॒స్రిణీ॑భి॒రుప॑ యాహి య॒జ్ఞమ్ |
వాయో॑ అ॒స్మిన్ హ॒విషి॑ మాదయస్వ | యూ॒యం పా॑త స్వ॒స్తిభిః॒ సదా॑ నః ||
ఓం నమో భగవతే॑ రుద్రా॒య | వం ఓమ్ |
వాయవ్యదిగ్భాగే వాయవే నమః || 6 (తై.బ్రా.2-8-1-2)

ఓం భూర్భువ॒స్సువః॑ | ఓం తేమ్ |
వ॒యగ్ం సో॑మ వ్ర॒తే తవ॑ | మన॑స్త॒నూషు॒ బిభ్ర॑తః |
ప్ర॒జావం॑తో అశీమహి | ఇం॒ద్రా॒ణీ దే॒వీ సు॒భగా॑ సు॒పత్నీ᳚ ||
ఓం నమో భగవతే॑ రుద్రా॒య | తేం ఓమ్ |
ఉత్తరదిగ్భాగే కుబేరాయ నమః || 7 (తై.బ్రా.2-4-2-7-18)

ఓం భూర్భువ॒స్సువః॑ | ఓం రుమ్ |
తమీశా᳚నం॒ జగ॑తస్త॒స్థుష॒స్పతిం᳚ ధియం జి॒న్వమవ॑సే హూమహే వ॒యమ్ |
పూ॒షా నో॒ యథా॒ వేద॑సా॒మస॑ద్వృ॒ధే ర॑క్షి॒తా పా॒యురద॑బ్ధః స్వ॒స్తయే᳚ ||
ఓం నమో భగవతే॑ రుద్రా॒య | రుం ఓమ్ |
ఈశాన్యదిగ్భాగే ఈశానాయ నమః || 8

ఓం భూర్భువ॒స్సువః॑ | ఓం ద్రామ్ |
అ॒స్మే రు॒ద్రా మే॒హనా॒ పర్వ॑తాసో వృత్ర॒హత్యే॒ భర॑హూతౌ స॒జోషాః᳚ |
యః శంస॑తే స్తువ॒తే ధాయి॑ ప॒జ్ర ఇంద్ర॑జ్యేష్ఠా అ॒స్మాం అ॑వంతు దే॒వాః ||
ఓం నమో భగవతే॑ రుద్రా॒య | ద్రాం ఓమ్ |
ఊర్ధ్వదిగ్భాగే ఆకాశాయ నమః || 9

ఓం భూర్భువ॒స్సువః॑ | ఓం-యఀమ్ |
స్యో॒నా పృ॑థివి॒ భవా॑నృక్ష॒రా ని॒వేశ॑నీ |
యచ్ఛా॑ నః॒ శర్మ॑ స॒ప్రథాః᳚ ||
ఓం నమో భగవతే॑ రుద్రా॒య | యం ఓమ్ |
అధోదిగ్భాగే పృథివ్యై నమః || 10
[అప ఉపస్పృశ్య]

5.3 దశాంగ రౌద్రీకరణం
ఓం భూర్భువ॒స్సువః॑ | ఓం ఓమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
త్రా॒తార॒మింద్ర॑ మవి॒తార॒మింద్ర॒గ్ం॒ హవే॑ హవే సు॒హవ॒గ్ం॒ శూర॒మింద్ర᳚మ్ |
హు॒వే ను శ॒క్రం పు॑రుహూ॒తమింద్రగ్గ్॑ స్వ॒స్తి నో॑ మ॒ఘవా॑ ధా॒త్వింద్రః॑ ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ఓం ఓమ్ |
పూర్వదిగ్భాగే లలాటస్థానే ఇంద్రాయ నమః || 1 || (తై.సం.1-6-12-50)

ఓం భూర్భువ॒స్సువః॑ | ఓం నమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
త్వం నో॑ అగ్నే॒ వరు॑ణస్య వి॒ద్వాందే॒వస్య॒ హేడోఽవ॑ యాసిసీష్ఠాః |
యజి॑ష్ఠో॒ వహ్ని॑తమః॒ శోశు॑చానో॒ విశ్వా॒ ద్వేషాగ్ం॑సి॒ ప్రము॑ముగ్ధ్య॒స్మత్ ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | నం ఓమ్ |
ఆగ్నేయదిగ్భాగే నేత్రయోస్థానే అగ్నయే నమః || 2 || (తై.సం.2-5-12-72)

ఓం భూర్భువ॒స్సువః॑ | ఓం మోమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
సు॒గం నః॒ పంథా॒మభ॑యం కృణోతు | యస్మి॒న్నక్ష॑త్రే య॒మ ఏతి॒ రాజా᳚ |
యస్మి॑న్నేనమ॒భ్యషిం॑చంత దే॒వాః | తద॑స్య చి॒త్రగ్ం హ॒విషా॑ యజామ ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | మోం ఓమ్ |
దక్షిణదిగ్భాగే కర్ణయోస్థానే యమాయ నమః || 3 || (తై.బ్రా.3-1-2-11-23)

ఓం భూర్భువ॒స్సువః॑ | ఓం భమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
అసు॑న్వంత॒ మయ॑జమానమిచ్ఛస్తే॒నస్యే॒త్యాంతస్క॑ర॒స్యాన్వే॑షి |
అ॒న్యమ॒స్మది॑చ్ఛ॒ సా త॑ ఇ॒త్యా నమో॑ దేవి నిర్.ఋతే॒ తుభ్య॑మస్తు ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | భం ఓమ్ |
నిర్.ఋతిదిగ్భాగే ముఖస్థానే నిర్.ఋతయే నమః || 4 || (తై.సం.4-2-5-21)

ఓం భూర్భువ॒స్సువః॑ | ఓం గమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
తత్త్వా॑యామి॒ బ్రహ్మ॑ణా॒ వంద॑మాన॒స్తదా శా᳚స్తే॒ యజ॑మానో హ॒విర్భిః॑ |
అహే॑డమానో వరుణే॒హ బో॒ధ్యురు॑శగ్ంస॒ మా న॒ ఆయుః॒ ప్రమో॑షీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | గం ఓమ్ |
పశ్చిమదిగ్భాగే బాహ్వోస్థానే వరుణాయ నమః || 5 || (తై.సం.2-1-11-65)

ఓం భూర్భువ॒స్సువః॑ | ఓం-వఀమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఆ నో॑ ని॒యుద్భిః॑ శ॒తినీ॑భిరధ్వ॒రగ్మ్ | స॑హ॒స్రిణీ॑భి॒రుప॑ యాహి య॒జ్ఞమ్ |
వాయో॑ అ॒స్మిన్ హ॒విషి॑ మాదయస్వ | యూ॒యం పా॑త స్వ॒స్తిభిః॒ సదా॑ నః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | వం ఓమ్ |
వాయవ్యదిగ్భాగే నాసికాస్థానే వాయవే నమః || 6 || (తై.బ్రా.2-8-1-2)

ఓం భూర్భువ॒స్సువః॑ | ఓం తేమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
వ॒యగ్ం సో॑మ వ్ర॒తే తవ॑ | మన॑స్త॒నూషు॒బిభ్ర॑తః |
ప్ర॒జావం॑తో అశీమహి | ఇం॒ద్రా॒ణీ దే॒వీ సు॒భగా॑ సు॒పత్నీ᳚ ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | తేం ఓమ్ |
ఉత్తరదిగ్భాగే జఠరస్థానే కుబేరాయ నమః || 7 || (తై.బ్రా.2-4-2-7-18)

ఓం భూర్భువ॒స్సువః॑ | ఓం రుమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
తమీశా᳚నం॒ జగ॑తస్త॒స్థుష॒స్పతిం᳚ ధియం జి॒న్వమవ॑సే హూమహే వ॒యమ్ |
పూ॒షా నో॒ యథా॒ వేద॑సా॒మస॑ద్వృ॒ధే ర॑క్షి॒తా పా॒యురద॑బ్ధః స్వ॒స్తయే᳚ ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | రుం ఓమ్ |
ఈశాన్యదిగ్భాగే నాభిస్థానే ఈశానాయ నమః || 8 ||

ఓం భూర్భువ॒స్సువః॑ | ఓం ద్రామ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
అ॒స్మే రు॒ద్రా మే॒హనా॒ పర్వ॑తాసో వృత్ర॒హత్యే॒ భర॑హూతౌ స॒జోషాః᳚ |
యః శంస॑తే స్తువ॒తే ధాయి॑ ప॒జ్ర ఇంద్ర॑జ్యేష్ఠా అ॒స్మాఁ అ॑వంతు దే॒వాః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ద్రాం ఓమ్ |
ఊర్ధ్వదిగ్భాగే మూర్ధ్నిస్థానే ఆకాశాయ నమః || 9 ||

ఓం భూర్భువ॒స్సువః॑ | ఓం-యఀమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
స్యో॒నా పృ॑థివి॒ భవా॑నృక్ష॒రా ని॒వేశ॑నీ |
యచ్ఛా॑ నః॒ శర్మ॑ స॒ప్రథాః᳚ ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | యం ఓమ్ |
అధోదిగ్భాగే పాదస్థానే పృథివ్యై నమః || 10 ||
[అప ఉపస్పృశ్య]

5.4 షోడశాంగ రౌద్రీకరణం
ఓం భూర్భువ॒స్సువః॑ | ఓం అమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
వి॒భూర॑సి ప్ర॒వాహ॑ణో॒ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | అం ఓమ్ |
శిఖాస్థానే రుద్రాయ నమః || 1 || (తై.సం.1-3-3-5)

ఓం భూర్భువ॒స్సువః॑ | ఓం ఆమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
వహ్ని॑రసి హవ్య॒వాహ॑నో॒ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ఆం ఓమ్ |
శిరస్థానే రుద్రాయ నమః || 2 || (తై.సం.1-3-3-5)

ఓం భూర్భువ॒స్సువః॑ | ఓం ఇమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
శ్వా॒త్రో॑సి॒ ప్రచే॑తా॒ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ఇం ఓమ్ |
మూర్ధ్నిస్థానే రుద్రాయ నమః || 3 || (తై.సం.1-3-3-5)

ఓం భూర్భువ॒స్సువః॑ | ఓం ఈమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
తు॒థో॑సి వి॒శ్వవే॑దా॒ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ఈం ఓమ్ |
లలాటస్థానే రుద్రాయ నమః || 4 || (తై.సం.1-3-3-5)

ఓం భూర్భువ॒స్సువః॑ | ఓం ఉమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఉ॒శిగ॑సిక॒వీ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ఉం ఓమ్ |
నేత్రయోస్థానే రుద్రాయ నమః || 5 || (తై.సం.1-3-3-5)

ఓం భూర్భువ॒స్సువః॑ | ఓం ఊమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
అంఘా॑రిరసి॒ బంభా॑రీ॒ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ఊం ఓమ్ |
కర్ణయోస్థానే రుద్రాయ నమః || 6 || (తై.సం.1-3-3-5)

ఓం భూర్భువ॒స్సువః॑ | ఓం ఋమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
అ॒వ॒స్యుర॑సి॒ దువ॑స్వా॒న్ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ఋం ఓమ్ |
ముఖస్థానే రుద్రాయ నమః || 7 || (తై.సం.1-3-3-5)

ఓం భూర్భువ॒స్సువః॑ | ఓం ౠమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
శుం॒ధ్యూర॑సి మార్జా॒లీయో॒ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ౠం ఓమ్ |
కంఠస్థానే రుద్రాయ నమః || 8 || (తై.సం.1-3-3-5)

ఓం భూర్భువ॒స్సువః॑ | ఓం ఌమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
స॒మ్రాడ॑సి కృ॒శానూ॒ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ఌం ఓమ్ |
బాహ్వోస్థానే రుద్రాయ నమః || 9 || (తై.సం.1-3-3-5)

ఓం భూర్భువ॒స్సువః॑ | ఓం ౡమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ప॒రి॒షద్యో॑సి॒ పవ॑మానో॒ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ౡం ఓమ్ |
హృదిస్థానే రుద్రాయ నమః || 10 || (తై.సం.1-3-3-5)

ఓం భూర్భువ॒స్సువః॑ | ఓం ఏమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ప్ర॒తక్వా॑ఽసి॒ నభ॑స్వా॒న్ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ఏం ఓమ్ |
నాభిస్థానే రుద్రాయ నమః || 11 || (తై.సం.1-3-3-5)

ఓం భూర్భువ॒స్సువః॑ | ఓం ఐమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
అసం॑మృష్టోసి హవ్య॒సూదో॒ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ఐం ఓమ్ |
కటిస్థానే రుద్రాయ నమః || 12 || (తై.సం.1-3-3-5)

ఓం భూర్భువ॒స్సువః॑ | ఓం ఓమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఋ॒తధా॑మాఽసి॒ సువ॑ర్జ్యోతీ॒ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ఓం ఓమ్ |
ఊరుస్థానే రుద్రాయ నమః || 13 || (తై.సం.1-3-3-5)

ఓం భూర్భువ॒స్సువః॑ | ఓం ఔమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
బ్రహ్మ॑జ్యోతిరసి॒ సువ॑ర్ధామా॒ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | ఔం ఓమ్ |
జానుస్థానే రుద్రాయ నమః || 14 || (తై.సం.1-3-3-5)

ఓం భూర్భువ॒స్సువః॑ | ఓం అమ్ |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
అ॒జో᳚ఽస్యేక॑పా॒త్ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | అం ఓమ్ |
జంఘాస్థానే రుద్రాయ నమః || 15 || (తై.సం.1-3-3-5)

ఓం భూర్భువ॒స్సువః॑ | ఓం అః |
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
అహి॑రసి బు॒ధ్నియో॒ రౌద్రే॒ణానీ॑కేన పా॒హి మా᳚ఽగ్నే పిపృ॒హి మా॒ మా మా॑ హిగ్ంసీః ||
నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ||
ఓం నమో భగవతే॑ రుద్రా॒య | అః ఓమ్ |
పాదయోః స్థానే రుద్రాయ నమః || 16 || (తై.సం.1-3-3-5)
[అప ఉపస్పృశ్య]

త్వగస్థిగతైః సర్వపాపైః ప్రముచ్యతే | సర్వభూతేష్వపరాజితో భవతి | తతో భూతప్రేత పిశాచ బద్ధ బ్రహ్మరాక్షస యక్ష యమదూత శాకినీ డాకినీ హాకినీ శత్రు సర్ప శ్వాపద తస్కర జ్వరాద్యుపద్రవజోపఘాతాః సర్వే జ్వలంతం పశ్యంతు |
[కర్తస్య వచనం] మాం రక్షంతు ||
[పురోహిత వచనం] యజమానగ్ం రక్షంతు ||

———–ఇతి తృతీయః న్యాసః————
పాదాతి మూర్ధాంతం పంచాంగ న్యాసః

6. ఆత్మరక్షా

6.1 మనో జ్యోతిః
మనో॒ జ్యోతి॑ ర్జుషతా॒-మాజ్యం॒-విఀచ్ఛి॑న్నం-యఀ॒జ్ఞగ్ం సమి॒మం ద॑ధాతు |
యా ఇ॒ష్టా ఉ॒షసో॑ ని॒మ్రుచ॑శ్చ॒ తాస్సంద॑ధామి హ॒విషా॑ ఘృ॒తేన॑ |
(గుహ్యాయ నమః) | 1 (తై. సం. 1.5.10.2)

అబో᳚ద్ధ్య॒గ్నిః స॒మిధా॒ జనా॑నాం॒ ప్రతి॑ధే॒ను-మి॑వాయ॒తీ ము॒షాస᳚మ్ |
య॒హ్వా ఇ॑వ॒ ప్రవ॒యా-ము॒జ్జిహా॑నాః॒ ప్రభా॒నవః॑ సిస్రతే॒ నాక॒మచ్ఛ॑ |
(నాభ్యై నమః) | 2 (తై. సం. 4.4.4.2)

అ॒గ్ని ర్మూ॒ర్ధా ది॒వః క॒కుత్పతిః॑ పృథి॒వ్యా అ॒యమ్ |
అ॒పాగ్ం రేతాగ్ం॑సి జిన్వతి | (హృదయాయ నమః) | 3 (తై. సం. 1.5.5.1)

మూ॒ర్ధానం॑ ది॒వో అ॑ర॒తిం పృ॑థి॒వ్యా వై᳚శ్వాన॒ర-మృ॒తాయ॑ జా॒తమ॒గ్నిమ్ |
క॒విగ్ం స॒మ్రాజ॒-మతి॑థిం॒ జనా॑నా-మా॒సన్నా పాత్రం॑ జనయంత దే॒వాః | (కంఠాయ నమః) | 4 (తై. సం. 1.4.13.1)
మర్మా॑ణి తే॒ వర్మ॑భిశ్ఛా-దయామి॒ సోమ॑స్త్వా॒ రాజా॒ఽమృ॑తే నా॒భివ॑స్తామ్ |
ఉ॒రో ర్వరీ॑యో॒ వరి॑వస్తే అస్తు॒ జ॑యంతం॒ త్వా మను॑మదంతు దే॒వాః |
(ముఖాయ నమః) | 5 (తై. సం. 4.6.4.5)

జా॒తవే॑దా॒ యది॑ వా పావ॒కోఽసి॑ | వై॒శ్వా॒న॒రో యది॑ వా వైద్యు॒తోఽసి॑ |
శం ప్ర॒జాభ్యో॒ యజ॑మానాయ లో॒కమ్ | ఊర్జం॒ పుష్టిం॒ దద॑ ద॒భ్యావ॑ వృథ్స్వ || (శిరసే నమః) || 6 (తై. బ్రా. 3.10.5.1)

6.2 ఆత్మరక్షా
(తై. బ్రా. 2.3.11.1 – తై. బ్రా. 2.3.11.4)
బ్రహ్మా᳚త్మ॒న్ వద॑సృజత | తద॑కామయత | సమా॒త్మనా॑ పద్యే॒యేతి॑ |
ఆత్మ॒న్నా-త్మ॒న్నిత్యా-మం॑త్రయత | తస్మై॑ దశ॒మగ్ం హూ॒తః ప్రత్య॑శృణోత్ |
స దశ॑హూతోఽభవత్ | దశ॑హూతో హ॒వై నామై॒షః | తం-వాఀ ఏ॒తం దశ॑హూత॒గ్ం॒ సంత᳚మ్ |
దశ॑హో॒తేత్యా చ॑క్షతే ప॒రోక్షే॑ణ | ప॒రోక్ష॑ప్రియా ఇవ॒ హి దే॒వాః || 1

ఆత్మ॒న్నా-త్మ॒న్నిత్యా-మం॑త్రయత | తస్మై॑ సప్త॒మగ్ం హూ॒తః ప్రత్య॑శృణోత్ |
స స॒ప్తహూ॑తోఽభవత్ | స॒ప్తహూ॑తో హ॒వై నామై॒షః | తం-వాఀ ఏ॒తగ్ం స॒ప్తహూ॑త॒గ్ం॒ సంత᳚మ్ | స॒ప్తహో॒తేత్యా చ॑క్షతే ప॒రోక్షే॑ణ | ప॒రోక్ష॑ప్రియా ఇవ॒ హి దే॒వాః || 2

ఆత్మ॒న్నా-త్మ॒న్నిత్యా-మం॑త్రయత | తస్మై॑ ష॒ష్ఠగ్ం హూ॒తః ప్రత్య॑శృణోత్ |
స షడ్ఢూ॑తోఽభవత్ | షడ్ఢూ॑తో హ॒వై నామై॒షః | తం-వాఀ ఏ॒తగ్ం షడ్ఢూ॑త॒గ్ం॒ సంత᳚మ్ |
షడ్ఢో॒తేత్యా చ॑క్షతే ప॒రోక్షే॑ణ | ప॒రోక్ష॑ప్రియా ఇవ॒ హి దే॒వాః || 3

ఆత్మ॒న్నా-త్మ॒న్నిత్యా-మం॑త్రయత | తస్మై॑ పంచ॒మగ్ం హూ॒తః ప్రత్య॑శృణోత్ |
స పంచ॑హూతోఽభవత్ | పంచ॑హూతో హ॒వై నామై॒షః | తం-వాఀ ఏ॒తం పంచ॑హూత॒గ్ం॒ సంత᳚మ్ | పంచ॑హో॒తేత్యా చ॑క్షతే ప॒రోక్షే॑ణ | ప॒రోక్ష॑ప్రియా ఇవ॒ హి దే॒వాః || 4

ఆత్మ॒న్నా-త్మ॒న్నిత్యా-మం॑త్రయత | తస్మై॑ చతు॒ర్థగ్ం హూ॒తః ప్రత్య॑శృణోత్ |
స చతు॑ర్హూతోఽభవత్ | చతు॑ర్హూతో హ॒వై నామై॒షః | తం-వాఀ ఏ॒తం చతు॑ర్హూత॒గ్ం॒
సంత᳚మ్ | చతు॑ర్హో॒తేత్యా చ॑క్షతే ప॒రోక్షే॑ణ | ప॒రోక్ష॑ప్రియా ఇవ॒ హి దే॒వాః || 5

తమ॑బ్రవీత్ | త్వం-వైఀ మే॒ నేది॑ష్ఠగ్ం హూ॒తః ప్రత్య॑శ్రౌషీః |
త్వయై॑ నానాఖ్యా॒తార॒ ఇతి॑ | తస్మా॒న్నుహై॑నా॒గ్గ్॒-శ్చ॑తు ర్హోతార॒ ఇత్యాచ॑క్షతే |
తస్మా᳚చ్ఛుశ్రూ॒షుః పు॒త్రాణా॒గ్ం॒ హృద్య॑తమః | నేది॑ష్ఠో॒ హృద్య॑తమః |
నేది॑ష్ఠో॒ బ్రహ్మ॑ణో భవతి | య ఏ॒వం-వేఀద॑ || 6 (ఆత్మనే॒ నమః॑)

————ఇతి చతుర్థ న్యాసః————
గుహ్యాది మస్తకాంత షడంగన్యాసః చతుర్థః

7. శివసంకల్పాః
(ఋగ్ వేద ఖిల కాండం 4.11 9.1)

యేనే॒దం భూ॒తం భువ॑నం భవి॒ష్యత్ పరి॑గృహీత-మ॒మృతే॑న॒ సర్వ᳚మ్ | యేన॑ య॒జ్ఞస్తా॑యతే
(య॒జ్ఞస్త్రా॑యతే) స॒ప్తహో॑తా॒ తన్మే॒ మనః॑ శి॒వసం॑క॒ల్పమ॑స్తు || 1

యేన॒ కర్మా॑ణి ప్ర॒చరం॑తి॒ ధీరా॒ యతో॑ వా॒చా మన॑సా॒ చారు॒యంతి॑ |
యథ్ స॒మ్మిత॒మను॑ సం॒యంఀతి॑ ప్రా॒ణిన॒స్తన్మే॒ మనః॑ శి॒వసం॑క॒ల్పమ॑స్తు || 2

యేన॒ కర్మా᳚ణ్య॒పసో॑ మనీ॒షిణో॑ య॒జ్ఞే కృ॑ణ్వంతి వి॒దథే॑షు॒ ధీరాః᳚ |
యద॑పూ॒ర్వం-యఀ॒క్ష్మమం॒తః ప్ర॒జానాం॒ తన్మే॒ మనః॑ శి॒వసం॑క॒ల్పమ॑స్తు || 3

యత్ప్ర॒జ్ఞాన॑-ము॒త చేతో॒ ధృతి॑శ్చ॒ యజ్జ్యోతి॑ రం॒తర॒మృతం॑ ప్ర॒జాసు॑ |
యస్మా॒న్న ఋ॒తే కించ॒న కర్మ॑ క్రి॒యతే॒ తన్మే॒ మనః॑ శి॒వసం॑క॒ల్పమ॑స్తు || 4

సు॒షా॒ర॒థి-రశ్వా॑నివ॒ యన్మ॑ను॒ష్యా᳚న్నే నీ॒యతే॑-ఽభీ॒శు॑భి ర్వా॒జిన॑ ఇవ |
హృత్ప్ర॑తిష్ఠం॒-యఀద॑జిరం॒ జవి॑ష్ఠం॒ తన్మే॒ మనః॑ శి॒వసం॑క॒ల్పమ॑స్తు || 5

యస్మి॒న్ ఋచ॒స్సామ॒-యజూగ్ం॑షి॒ యస్మి॑న్ ప్రతిష్ఠి॒తా ర॑థ॒నాభా॑ వి॒వారాః᳚ |
యస్మిగ్గ్॑శ్చి॒త్తగ్ం సర్వ॒మోతం॑ ప్ర॒జానాం॒ తన్మే॒ మనః॑ శి॒వసం॑క॒ల్పమ॑స్తు || 6

యదత్ర॑ ష॒ష్ఠం త్రి॒శతగ్ం॑ సు॒వీరం॑-యఀ॒జ్ఞస్య॑ గు॒హ్యం నవ॑ నావ॒మాయ్య᳚మ్ |
దశ॒ పంచ॑ త్రి॒గ్ం॒శతం॒-యఀత్పరం॑ చ॒ తన్మే॒ మనః॑ శి॒వసం॑క॒ల్పమ॑స్తు || 7

యజ్జాగ్ర॑తో దూ॒రము॒దైతి॒ దైవం॒ తదు॑ సు॒ప్తస్య॒ తథై॒వైతి॑ |
దూ॒ర॒గం॒మం జ్యోతి॑షాం॒ జ్యోతి॒రేకం॒ తన్మే॒ మనః॑ శి॒వసం॑క॒ల్పమ॑స్తు || 8

యేనే॒దం-విఀశ్వం॒ జగ॑తో బ॒భూవ॒ యే దే॒వాపి॑ మహ॒తో జా॒తవే॑దాః |
తదే॒వాగ్ని-స్తమ॑సో॒ జ్యోతి॒రేకం॒ తన్మే॒ మనః॑ శి॒వసం॑క॒ల్పమ॑స్తు || 9

యేన॒ ద్యౌః పృ॑థి॒వీ చాం॒తరి॑క్షం చ॒ యే పర్వ॑తాః ప్ర॒దిశో॒ దిశ॑శ్చ |
యేనే॒దం జగ॒-ద్వ్యాప్తం॑ ప్ర॒జానాం॒ తన్మే॒ మనః॑ శి॒వసం॑క॒ల్పమ॑స్తు || 10

యే మ॑నో॒ హృద॑యం॒-యేఀ చ॑ దే॒వా యే ది॒వ్యా ఆపో॒ యే సూర్య॑రశ్మిః |
తే శ్రోత్రే॒ చక్షు॑షీ సం॒చరం॑తం॒ తన్మే॒ మనః॑ శి॒వసం॑క॒ల్పమ॑స్తు || 11

అచిం॑త్యం॒ చా ప్ర॑మేయం॒ చ వ్య॒క్తా-వ్యక్త॑ పరం॒ చ య॑త్ |
సూక్ష్మా᳚త్ సూక్ష్మత॑రం జ్ఞే॒యం॒ తన్మే॒ మనః॑ శి॒వసం॑క॒ల్పమ॑స్తు || 12

ఏకా॑ చ ద॒శ శ॒తం చ॑ స॒హస్రం॑ చా॒యుతం॑ చ ని॒యుతం॑ చ ప్ర॒యుతం॒
చార్బు॑దం చ॒ న్య॑ర్బుదం చ సము॒ద్రశ్చ॒ మద్ధ్యం॒ చాంత॑శ్చ పరా॒ర్ధశ్చ॒ తన్మే॒ మనః॑
శి॒వసం॑క॒ల్పమ॑స్తు || 13

యే పం॑చ॒ పంచ॑ దశ శ॒తగ్ం స॒హస్ర॑-మ॒యుత॒-న్న్య॑ర్బుదం చ |
తే అ॑గ్ని-చి॒త్యేష్ట॑కా॒స్తగ్ం శరీ॑రం॒ తన్మే॒ మనః॑ శి॒వసం॑క॒ల్పమ॑స్తు || 14

వేదా॒హమే॒తం పు॑రుషం మ॒హాంత॑-మాది॒త్య-వ॑ర్ణం॒ తమ॑సః॒ పర॑స్తాత్ |
యస్య॒ యోనిం॒ పరి॒పశ్యం॑తి॒ ధీరా॒స్తన్మే॒ మనః॑ శి॒వసం॑క॒ల్పమ॑స్తు || 15

యస్యే॒దం ధీరాః᳚ పు॒నంతి॑ క॒వయో᳚ బ్ర॒హ్మాణ॑మే॒తం త్వా॑ వృణత॒ ఇందు᳚మ్ |
స్థా॒వ॒రం జంగ॑మం॒-ద్యౌ॑రాకా॒శం తన్మే॒ మనః॑ శి॒వసం॑క॒ల్పమ॑స్తు || 16

పరా᳚త్ ప॒రత॑రం చై॒వ॒ య॒త్ పరా᳚శ్చైవ॒ యత్ప॑రమ్ |
య॒త్పరా᳚త్ పర॑తో జ్ఞే॒యం॒ తన్మే॒ మనః॑ శి॒వసం॑క॒ల్పమ॑స్తు || 17

పరా᳚త్ పరత॑రో బ్ర॒హ్మా॒ త॒త్పరా᳚త్ పర॒తో హ॑రిః |
త॒త్పరా᳚త్ పర॑తో ఽధీ॒శ॒స్తన్మే॒ మనః॑ శి॒వసం॑క॒ల్పమ॑స్తు || 18

యా వే॑దా॒దిషు॑ గాయ॒త్రీ॒ స॒ర్వ॒వ్యాపి॑ మహే॒శ్వరీ |
ఋగ్ య॑జు-స్సామా-థర్వై॒శ్చ॒ తన్మే॒ మనః॑ శి॒వసం॑క॒ల్పమ॑స్తు || 19

యో వై॑ దే॒వం మ॑హాదే॒వం॒ ప్ర॒ణవం॑ పర॒మేశ్వ॑రమ్ |
యః సర్వే॑ సర్వ॑ వేదై॒శ్చ॒ తన్మే॒ మనః॑ శి॒వసం॑క॒ల్పమ॑స్తు || 20

ప్రయ॑తః॒ ప్రణ॑వోంకా॒రం॒ ప్ర॒ణవం॑ పురు॒షోత్త॑మమ్ |
ఓకాం॑రం॒ ప్రణ॑వాత్మా॒నం॒ తన్మే॒ మనః॑ శి॒వసం॑క॒ల్పమ॑స్తు || 21

యోఽసౌ॑ స॒ర్వేషు॑ వేదే॒షు॒ ప॒ఠ్యతే᳚ హ్యజ॒ ఈశ్వ॑రః | అ॒కాయో॑ నిర్గు॑ణో హ్యా॒త్మా॒ తన్మే॒ మనః॑ శి॒వసం॑క॒ల్పమ॑స్తు || 22

గోభి॒ ర్జుష్టం॒ ధనే॑న॒ హ్యాయు॑షా చ॒ బలే॑న చ | ప్ర॒జయా॑ ప॒శుభిః॑ పుష్కరా॒క్షం॒ తన్మే॒ మనః॑ శి॒వసం॑క॒ల్పమ॑స్తు || 23

కైలా॑స॒ శిఖ॑రే ర॒మ్యే॒ శం॒కర॑స్య శి॒వాల॑యే |
దే॒వతా᳚స్తత్ర॑ మోదం॒తే॒ తన్మే॒ మనః॑ శి॒వసం॑క॒ల్పమ॑స్తు || 24

త్ర్య॑బంకం-యఀజామహే సుగం॒ధిం పు॑ష్టి॒వర్ధ॑నమ్ | ఉ॒ర్వా॒రు॒కమి॑వ॒ బంధ॑నాన్ మృ॒త్యో-ర్ము॑క్షీయ॒ మాఽమృతా॒త్ తన్మే॒ మనః॑ శి॒వసం॑క॒ల్పమ॑స్తు || 25
వి॒శ్వత॑-శ్చక్షురు॒త వి॒శ్వతో॑ ముఖో వి॒శ్వతో॑ హస్త ఉ॒త వి॒శ్వత॑స్పాత్ |

సంబా॒హుభ్యాం॒-నమ॑తి॒ సంప॑తత్రై॒ ర్ద్యావా॑ పృథి॒వీ జ॒నయ॑న్ దే॒వ ఏక॒స్తన్మే॒ మనః॑ శి॒వసం॑క॒ల్పమ॑స్తు || 26

చ॒తురో॑ వే॒దాన॑ధీయీ॒త॒ స॒ర్వ శా᳚స్త్రమ॒యం-విఀ ॑దుః | ఇ॒తి॒హా॒స॒ పు॒రా॒ణా॒నాం॒ తన్మే॒ మనః॑ శి॒వసం॑క॒ల్పమ॑స్తు || 27

మా నో॑ మ॒హాంత॑ము॒త మా నో॑ అర్భ॒కం మా న॒ ఉక్షం॑తము॒త మా న॑ ఉక్షి॒తమ్ | మా నో॑ వధీః పి॒తరం॒ మోత మా॒తరం॑ ప్రి॒యా మా న॑స్త॒నువో॑ రుద్ర రీరిష॒స్తన్మే॒ మనః॑ శి॒వసం॑క॒ల్పమ॑స్తు || 28

మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః |
వీ॒రాన్మానో॑ రుద్ర భామి॒తోవ॑ధీ ర్హ॒విష్మం॑తో॒ నమ॑సా విధేమ తే॒ తన్మే॒ మనః॑ శి॒వసం॑క॒ల్పమ॑స్తు || 29

ఋ॒తగ్ం స॒త్యం ప॑రం బ్ర॒హ్మ॒ పు॒రుషం॑ కృష్ణ॒పింగ॑లమ్ |
ఊ॒ర్ధ్వరే॑తం-విఀ ॑రూపా॒క్షం॒-విఀ॒శ్వరూ॑పాయ॒ వై నమో॒ నమ॒స్తన్మే॒ మనః॑ శి॒వసం॑క॒ల్పమ॑స్తు || 30

క-ద్రు॒ద్రాయ॒ ప్రచే॑తసే మీ॒ఢుష్ట॑మాయ॒ తవ్య॑సే | వో॒చేమ॒ శంత॑మగ్ం హృ॒దే |
సర్వో॒ హ్యే॑ష రు॒ద్రస్తస్మై॑ రు॒ద్రాయ॒ నమో॑ అస్తు॒ తన్మే॒ మనః॑ శి॒వసం॑క॒ల్పమ॑స్తు || 31

బ్రహ్మ॑జజ్ఞా॒నం ప్ర॑థ॒మం పు॒రస్తా॒-ద్విసీ॑మ॒త-స్సు॒రుచో॑ వే॒న ఆ॑వః |
స బు॒ధ్నియా॑ ఉప॒మా అ॑స్య వి॒ష్ఠా-స్స॒తశ్చ॒ యోని॒-మస॑తశ్చ॒ వివ॒స్తన్మే॒ మనః॑ శి॒వసం॑క॒ల్పమ॑స్తు || 32

యః ప్రా॑ణ॒తో ని॑మిష॒తో మ॑హి॒త్వైక॒ ఇద్రాజా॒ జగ॑తో బ॒భూవ॑ | య ఈశే॑ అ॒స్య ద్వి॒పద॒-శ్చతు॑ష్పదః॒ కస్మై॑ దే॒వాయ॑ హ॒విషా॑ విధేమ॒ తన్మే॒ మనః॑ శి॒వసం॑క॒ల్పమ॑స్తు || 33

య ఆ᳚త్మ॒దా బ॑ల॒దా యస్య॒ విశ్వ॑ ఉ॒పాస॑తే ప్ర॒శిషం॒-యఀస్య॑ దే॒వాః |
యస్య॑ ఛా॒యాఽమృతం॒-యఀస్య॑ మృ॒త్యుః కస్మై॑ దే॒వాయ॑ హ॒విషా॑ విధేమ॒ తన్మే॒ మనః॑ శి॒వసం॑క॒ల్పమ॑స్తు || 34

యో రు॒ద్రో అ॒గ్నౌ యో అ॒ఫ్సు య ఓష॑ధీషు॒ యో రు॒ద్రో విశ్వా॒ భువ॑నాఽఽవి॒వేశ॒ తస్మై॑ రు॒ద్రాయ॒ నమో॑ అస్తు॒ తన్మే॒ మనః॑ శి॒వసం॑క॒ల్పమ॑స్తు || 35

గం॒ధ॒ద్వా॒రాం దు॑రాధ॒ర్షాం॒ ని॒త్యపు॑ష్టాం కరీ॒షిణీ᳚మ్ | ఈ॒శ్వరీగ్ం॑ సర్వ॑ భూతా॒నాం॒ తామి॒హోప॑హ్వయే॒ శ్రియం॒ తన్మే॒ మనః॑ శి॒వసం॑క॒ల్పమ॑స్తు || 36
య ఇదగ్ం॑ శివ॑సంక॒ల్ప॒గ్ం॒ స॒దా ధ్యా॑యంతి॒ బ్రాహ్మ॑ణాః | తే ప॑రం మోక్షం॑ గమిష్యం॒తి॒ తన్మే॒ మనః॑ శి॒వసం॑క॒ల్పమ॑స్తు || 37

ఓం నమో భగవతే॑ రుద్రా॒య || శివసంకల్పగ్ం హృదయాయ నమః॑ ||

7.2 పురుష సూక్తం
(తై. అర. 3.12.1 – తై. అర. 3.12.7)

స॒హస్ర॑శీర్షా॒ పురు॑షః | స॒హ॒స్రా॒క్షః స॒హస్ర॑పాత్ | స భూమిం॑-విఀ॒శ్వతో॑ వృ॒త్వా | అత్య॑తిష్ఠ-ద్దశాంగు॒లమ్ | పురు॑ష ఏ॒వేదగ్ం సర్వ᳚మ్ | య-ద్భూ॒తం-యఀచ్చ॒ భవ్య᳚మ్ |
ఉ॒తామృ॑త॒త్వస్యేశా॑నః | యదన్నే॑నా-తి॒రోహ॑తి |
ఏ॒తావా॑నస్య మహి॒మా | అతో॒ జ్యాయాగ్గ్॑శ్చ॒ పూరు॑షః || 1

పాదో᳚ఽస్య॒ విశ్వా॑ భూ॒తాని॑ | త్రి॒పాద॑స్యా॒-మృతం॑ ది॒వి | త్రి॒పాదూ॒ర్ధ్వ ఉదై॒త్ పురు॑షః | పాదో᳚ ఽస్యే॒హాఽఽభ॑వా॒త్ పునః॑ |
తతో॒ విష్వం॒-వ్యఀ ॑క్రామత్ | సా॒శ॒నా॒న॒శ॒నే అ॒భి || తస్మా᳚-ద్వి॒రాడ॑జాయత | వి॒రాజో॒ అధి॒ పూరు॑షః | స జా॒తో అత్య॑రిచ్యత | ప॒శ్చా-ద్భూమి॒మథో॑ పు॒రః || 2

యత్పురు॑షేణ హ॒విషా᳚ | దే॒వా య॒జ్ఞమత॑న్వత | వ॒సం॒తో అ॑స్యాసీ॒దాజ్య᳚మ్ | గ్రీ॒ష్మ ఇ॒ద్ధ్మ శ్శ॒రద్ధ॒విః | స॒ప్తాస్యా॑సన్ పరి॒ధయః॑ | త్రిః స॒ప్త స॒మిధః॑ కృ॒తాః | దే॒వాయ-ద్య॒జ్ఞం త॑న్వా॒నాః | అబ॑ధ్న॒న్ పురు॑షం ప॒శుమ్ ||
తం-యఀ॒జ్ఞం బ॒ర్హిషి॒ ప్రౌక్షన్న్॑ | పురు॑షం జా॒తమ॑గ్ర॒తః || 3

తేన॑ దే॒వా అయ॑జంత | సా॒ద్ధ్యా ఋష॑యశ్చ॒ యే |
తస్మా᳚-ద్య॒జ్ఞాత్ స॑ర్వ॒హుతః॑ | సంభృ॑తం పృషదా॒జ్యమ్ | ప॒శూగ్గ్స్తాగ్గ్శ్చ॑క్రే వాయ॒వ్యాన్॑ | ఆ॒ర॒ణ్యాన్ గ్రా॒మ్యాశ్చ॒ యే | తస్మా᳚-ద్య॒జ్ఞాత్ స॑ర్వ॒హుతః॑ | ఋచః॒ సామా॑ని జజ్ఞిరే |
ఛందాగ్ం॑సి జజ్ఞిరే॒ తస్మా᳚త్ | యజు॒స్తస్మా॑-దజాయత || 4

తస్మా॒దశ్వా॑ అజాయంత | యే కే చో॑భ॒యాద॑తః |
గావో॑ హ జజ్ఞిరే॒ తస్మా᳚త్ | తస్మా᳚జ్జా॒తా అ॑జా॒వయః॑ |
యత్పురు॑షం॒-వ్యఀ ॑దధుః | క॒తి॒ధా వ్య॑కల్పయన్న్ |
ముఖం॒ కిమ॑స్య॒ కౌ బా॒హూ | కావూ॒రూ పాదా॑వుచ్యేతే | బ్రా॒హ్మ॒ణో᳚ఽస్య॒ ముఖ॑మాసీత్ | బా॒హూ రా॑జ॒న్యః॑ కృ॒తః || 5

ఊ॒రూ తద॑స్య॒ య-ద్వైశ్యః॑ | ప॒ద్భ్యాగ్ం శూ॒ద్రో అ॑జాయత | చం॒ద్రమా॒ మన॑సో జా॒తః | చక్షోః॒ సూర్యో॑ అజాయత | ముఖా॒-దింద్ర॑శ్చా॒గ్నిశ్చ॑ |
ప్రా॒ణా-ద్వా॒యుర॑జాయత | నాభ్యా॑ ఆసీదం॒తరి॑క్షమ్ | శీ॒ర్ష్ణో ద్యౌః సమ॑వర్తత | ప॒ద్భ్యాం భూమి॒ ర్దిశః॒ శ్రోత్రా᳚త్ | తథా॑ లో॒కాగ్ం అ॑కల్పయన్న్ || 6

వేదా॒హమే॒తం పురు॑షం మ॒హాంత᳚మ్ | ఆ॒ది॒త్యవ॑ర్ణం॒ తమ॑స॒స్తు పా॒రే |
సర్వా॑ణి రూ॒పాణి॑ వి॒చిత్య॒ ధీరః॑ | నామా॑ని కృ॒త్వాభి॒వద॒న్ యదాస్తే᳚ | ధా॒తా పు॒రస్తా॒-ద్యము॑దాజ॒హార॑ | శ॒క్రః ప్రవి॒ద్వాన్ ప్ర॒దిశ॒శ్చత॑స్రః | తమే॒వం-విఀ॒ద్వాన॒మృత॑ ఇ॒హ భ॑వతి | నాన్యః పంథా॒ అయ॑నాయ విద్యతే |
య॒జ్ఞేన॑ య॒జ్ఞమ॑యజంత దే॒వాః | తాని॒ ధర్మా॑ణి ప్రథ॒మాన్యా॑సన్న్ | తే హ॒ నాకం॑ మహి॒మాన॑-స్సచంతే | యత్ర॒ పూర్వే॑ సా॒ద్ధ్యాః సంతి॑ దే॒వాః || 7

ఓం నమో భగవతే॑ రుద్రా॒య || పురుషసూక్తగ్ం శిరసే స్వాహా ||

7.3 ఉత్తర నారాయణం
(తై. అర. 3.13.1 – తై. అర. 3.13.2)

అ॒ద్భ్యః సంభూ॑తః పృథి॒వ్యై రసా᳚చ్చ | వి॒శ్వక॑ర్మణః॒ సమ॑వర్త॒తాధి॑ |
తస్య॒ త్వష్టా॑ వి॒దధ॑-ద్రూ॒పమే॑తి | తత్పురు॑షస్య॒ విశ్వ॒మాజా॑న॒మగ్రే᳚ |
వేదా॒హమే॒తం పురు॑షం మ॒హాంత᳚మ్ | ఆ॒ది॒త్యవ॑ర్ణం॒ తమ॑సః॒ పర॑స్తాత్ |
తమే॒వం-విఀ॒ద్వాన॒మృత॑ ఇ॒హ భ॑వతి | నాన్యః పంథా॑ విద్య॒తేఽయ॑నాయ | ప్ర॒జాప॑తిశ్చరతి॒ గర్భే॑ అం॒తః | అ॒జాయ॑మానో బహు॒ధా విజా॑యతే |
తస్య॒ ధీరాః॒ పరి॑జానంతి॒ యోని᳚మ్ | మరీ॑చీనాం ప॒దమి॑చ్ఛంతి వే॒ధసః॑ || 1

యో దే॒వేభ్య॒ ఆత॑పతి | యో దే॒వానాం᳚ పు॒రోహి॑తః |
పూర్వో॒ యో దే॒వేభ్యో॑ జా॒తః | నమో॑ రు॒చాయ॒ బ్రాహ్మ॑యే | రుచం॑ బ్రా॒హ్మం జ॒నయం॑తః | దే॒వా అగ్రే॒ తద॑బ్రువన్న్ | యస్త్వై॒వం బ్రా᳚హ్మ॒ణో వి॒ద్యాత్ | తస్య॑ దే॒వా అస॒న్ వశే᳚ | హ్రీశ్చ॑ తే ల॒క్ష్మీశ్చ॒ పత్న్యౌ᳚ | అ॒హో॒రా॒త్రే పా॒ర్శ్వే | నక్ష॑త్రాణి రూ॒పమ్ | అ॒శ్వినౌ॒ వ్యాత్త᳚మ్ | ఇ॒ష్టం మ॑నిషాణ |
అ॒ముం మ॑నిషాణ | సర్వం॑ మనిషాణ || 2

ఓం నమో భగవతే॑ రుద్రా॒య || ఉత్తర నారాయణగ్ం శిఖాయై వషట్ ||

7.4 అప్రతిరథం
(తై. సం. 4.6.4.1 – తై. సం. 4.6.4.5)

ఆ॒శుః శిశా॑నో వృష॒భో న యు॒ధ్మో ఘ॑నాఘ॒నః క్షోభ॑ణ-శ్చర్షణీ॒నామ్ |
సం॒॒క్రంద॑నో-ఽనిమి॒ష ఏ॑క వీ॒రశ్శ॒తగ్ం సేనా॑ అజయథ్సా॒-కమింద్రః॑ |
సం॒క్రంద॑నేనా నిమి॒షేణ॑ జి॒ష్ణునా॑ యుత్కా॒రేణ॑ దుశ్చ్యవ॒నేన॑ ధృ॒ష్ణునా᳚ |
తదింద్రే॑ణ జయత॒ తథ్స॑హధ్వం॒-యుఀధో॑ నర॒ ఇషు॑ హస్తేన॒ వృష్ణా᳚ |
స ఇషు॑హస్తైః॒ స ని॑షం॒గిభి॑ ర్వ॒శీ సగ్గ్స్ర॑ష్టా॒ సయుధ॒ ఇంద్రో॑ గ॒ణేన॑ |
స॒గ్ం॒సృ॒ష్ట॒-జిథ్సో॑మ॒పా బా॑హు శ॒ర్ధ్యూ᳚ర్ధ్వ-ధ॑న్వా॒ ప్రతి॑హితా-భి॒రస్తా᳚ |
బృహ॑స్పతే॒ పరి॑దీయా॒ రథే॑న రక్షో॒హాఽమిత్రాగ్ం॑ అప॒ బాధ॑మానః | 1

ప్ర॒భం॒జన్ థ్సేనాః᳚ ప్రమృ॒ణో యు॒ధా జయ॑న్న॒స్మాక॑-మేద్ధ్యవి॒తా రథా॑నామ్ |
గో॒త్ర॒భిదం॑ గో॒విదం॒-వఀజ్ర॑బాహుం॒ జయం॑త॒మజ్మ॑ ప్రమృ॒ణంత॒-మోజ॑సా |
ఇ॒మగ్ం స॑జాతా॒ అను॑వీర-యధ్వ॒మింద్రగ్ం॑ సఖా॒యోఽను॒ సర॑భధ్వమ్ |
బ॒ల॒వి॒జ్ఞా॒య-స్స్థవి॑రః॒ ప్రవీ॑ర॒-స్సహ॑స్వాన్ వా॒జీ సహ॑మాన ఉ॒గ్రః |
అ॒భివీ॑రో అ॒భిస॑త్వా సహో॒జా జైత్ర॑మింద్ర॒ రథ॒మాతి॑ష్ఠ గో॒విత్ | 2

అ॒భి గో॒త్రాణి॒ సహ॑సా॒ గాహ॑మానో-ఽదా॒యో వీ॒ర శ్శ॒త-మ॑న్యు॒రింద్రః॑ |
దు॒శ్చ్య॒వ॒నః పృ॑తనా॒షాడ॑ యు॒ద్ధ్యో᳚-ఽస్మాక॒గ్ం॒ సేనా॑ అవతు॒ ప్రయు॒థ్సు |
ఇంద్ర॑ ఆసాం నే॒తా బృహ॒స్పతి॒ ర్దక్షి॑ణా య॒జ్ఞః పు॒ర ఏ॑తు॒ సోమః॑ |
దే॒వ॒సే॒నానా॑-మభిభం జతీ॒నాం జయం॑తీనాం మ॒రుతో॑ యం॒త్వగ్రే᳚ |
ఇంద్ర॑స్య॒ వృష్ణో॒ వరు॑ణస్య॒ రాజ్ఞ॑ ఆది॒త్యానాం᳚ మ॒రుతా॒గ్ం॒ శర్ధ॑ ఉ॒గ్రమ్ |

మ॒హామ॑నసాం భువనచ్య॒వానాం॒ ఘోషో॑ దే॒వానాం॒ జయ॑తా॒ ముద॑స్థాత్ |
అ॒స్మాక॒-మింద్రః॒-సమృ॑తేషు-ధ్వ॒జే-ష్వ॒స్మాకం॒-యాఀ ఇష॑వ॒స్తా జ॑యంతు | 3

అ॒స్మాకం॑-వీఀ॒రా ఉత్త॑రే భవంత్వ॒స్మాను॑ దేవా అవతా॒ హవే॑షు | ఉద్ధ॑ర్షయ మఘవ॒న్నా-యు॑ధా॒-న్యుథ్సత్వ॑నాం మామ॒కానాం॒ మహాగ్ం॑సి |
ఉద్వృ॑త్రహన్ వా॒జినాం॒-వాఀజి॑నా॒-న్యుద్రథా॑నాం॒ జయ॑తామేతు॒ ఘోషః॑ |
ఉప॒ప్రేత॒ జయ॑తా నరః స్థి॒రా వః॑ సంతు బా॒హవః॑ | ఇంద్రో॑ వః॒ శర్మ॑ యచ్ఛత్వనా-ధృ॒ష్యా యథాఽస॑థ | అవ॑సృష్టా॒ పరా॑పత॒ శర॑వ్యే॒ బ్రహ్మ॑ సగ్ంశితా | గచ్ఛా॒మిత్రా॒న్ ప్రవి॑శ॒ మైషాం॒ కంచ॒నోచ్ఛి॑షః |
మర్మా॑ణి తే॒ వర్మ॑భిశ్ఛా-దయామి॒ సోమ॑స్త్వా॒ రాజా॒ఽమృతే॑నా॒-భివ॑స్తామ్ | ఉ॒రో ర్వరీ॑యో॒ వరి॑వస్తే అస్తు॒ జయం॑తం॒ త్వామను॑ మదంతు దే॒వాః | యత్ర॑ బా॒ణాః సం॒పతం॑తి కుమా॒రా వి॑శి॒ఖా ఇ॑వ |
ఇంద్రో॑ న॒స్తత్ర॑ వృత్ర॒హా వి॑శ్వా॒హా శర్మ॑ యచ్ఛతు || 4 ||

ఓం నమో భగవతే॑ రుద్రా॒య || ఆశుశ్శిశానో-ఽప్రతిరథం కవచాయ హుమ్ |

7.5 ప్రతి పూరుషం
(తై. సం. 1.8.6.1 – తై. సం. 1.8.6.2)
(తై. బ్రా. 1.6.10.1 – తై. బ్రా. 1.6.10.5)

ప్ర॒తి॒పూ॒రు॒ష మేక॑కపాలా॒న్ నిర్వ॑ప॒త్యే-క॒మతి॑రిక్తం॒-యాఀవం॑తో గృ॒హ్యాః᳚ స్మస్తేభ్యః॒ కమ॑కరం పశూ॒నాగ్ం శర్మా॑సి॒ శర్మ॒ యజ॑మానస్య॒ శర్మ॑ మే
య॒చ్ఛైక॑ ఏ॒వ రు॒ద్రో న ద్వి॒తీయా॑య తస్థ ఆ॒ఖుస్తే॑ రుద్ర ప॒శుస్తం జు॑షస్వై॒ష తే॑ రుద్ర భా॒గః స॒హ స్వస్రాం-ఽబి॑కయా॒ తంజు॑షస్వ భేష॒జం గవేఽశ్వా॑య॒
పురు॑షాయ భేష॒జమథో॑ అ॒స్మభ్యం॑ భేష॒జగ్ం సుభే॑షజం॒-యఀథాఽస॑తి | 1

సు॒గం మే॒షాయ॑ మే॒ష్యా॑ అవా᳚బం రు॒ద్రమ॑ది-మ॒హ్యవ॑ దే॒వం త్ర్య॑బంకమ్ |
యథా॑ నః॒ శ్రేయ॑సః॒ కర॒ద్యథా॑ నో॒ వస్య॑ సః॒ కర॒ద్యథా॑ నః పశు॒మతః॒
కర॒ద్యథా॑ నో వ్యవసా॒యయా᳚త్ | త్ర్య॑బంకం-యఀజామహే సుగం॒ధిం పు॑ష్టి॒వర్ధ॑నమ్ |
ఉ॒ర్వా॒రు॒కమి॑వ॒ బంధ॑నాన్ మృ॒త్యో ర్ము॑క్షీయ॒ మాఽమృతా᳚త్ | ఏ॒షతే॑ రుద్ర భా॒గ స్తంజు॑షస్వ॒ తేనా॑వ॒సేన॑ ప॒రో మూజ॑వ॒తో-ఽతీ॒హ్యవ॑తత
ధన్వా॒ పినా॑కహస్తః॒ కృత్తి॑వాసాః || 2

త్ర్య॑బంకం-యఀజామహ॒ ఇత్యా॑హ | మృ॒త్యో ర్ము॑క్షీయ॒ మాఽమృతా॒-దితి॒ వా వై తదా॑హ |
ఉత్కి॑రంతి | భగ॑స్య లీఫ్సంతే | మూతే॑ కృ॒త్వా స॑జంతి |
యథా॒ జనం॑-యఀ॒తే॑ఽవ॒సం క॒రోతి॑ | తా॒దృగే॒వ తత్ | ఏ॒ష తే॑ రుద్రభా॒గ ఇత్యా॑హ ని॒రవ॑త్యై | అప్ర॑తీక్ష॒-మాయం॑తి | అ॒పః పరి॑షించతి | రు॒ద్రస్యాం॒త ర్హి॑త్యై | ప్రవా ఏ॒తే᳚ఽస్మా-ల్లో॒కా-చ్చ్య॑వంతే | యే త్ర్య॑బంకై॒-శ్చరం॑తి | ఆ॒ది॒త్యం చ॒రుం పున॒రేత్య॒ నిర్వ॑పతి | ఇ॒యం-వాఀ అది॑తిః | అ॒స్యామే॒వ ప్రతి॑తిష్ఠంతి || 7

ఓం నమో భగవతే॑ రుద్రా॒య || ప్రతిపూరుషం-విఀభాడితి నేత్రత్రయా॑య వౌ॒షట్ ||

7.6 శత రుద్రీయం (త్వమగ్నే రుద్రోఽనువాకః)
తై. బ్రా. 3.11.2.1 – తై. బ్రా. 3.11.2.4

ఓం నమో భగవతే॑ రుద్రా॒య || త్వమగ్నే త్వమగ్నే శతరుద్రీయమిత్యస్త్రాయ ఫట్ ||

7.7 పంచాంగ జపః
అథ పంచాంగజపః ||

స॒ద్యోజా॒తం ప్ర॑పద్యా॒మి॒ స॒ద్యోజా॒తాయ॒ వై నమో॒ నమః॑ |
భ॒వే భ॑వే॒ నాతి॑భవే భవస్వ॒ మామ్ |
భ॒వోద్భ॑వాయ॒ నమః॑ || 1

అ॒ఘోరే᳚భ్యోఽథ॒ ఘోరే᳚భ్యో॒ ఘోర॒ఘోర॑తరేభ్యః |
సర్వే᳚భ్యః సర్వ॒శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః || 3

తత్పురు॑షాయ వి॒ద్మహే॑ మహాదే॒వాయ॑ ధీమహి |
తన్నో॑ రుద్రః ప్రచో॒దయా᳚త్ || 4

ఈశానః సర్వ॑విద్యా॒నా॒మీశ్వరః సర్వ॑భూతా॒నాం॒
బ్రహ్మాధి॑పతి॒ర్బ్రహ్మ॒ణోఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ || 5

7.8 అష్టాంగ ప్రణామః
హి॒ర॒ణ్య॒గ॒ర్భ-స్సమ॑వర్త॒-తాగ్రే॑ భూ॒తస్య॑ జా॒తః పతి॒రేక॑ ఆసీత్ |
సదా॑ధార పృథి॒వీం ద్యాము॒తేమాం కస్మై॑ దే॒వాయ॑ హ॒విషా॑ విధేమ ||
ఉరసా నమః || 1 (తై. సం. 4.1.8.3)

యః ప్రా॑ణ॒తో ని॑మిష॒తో మ॑హి॒త్వైక॒ ఇద్రాజా॒ జగ॑తో బ॒భూవ॑ |
య ఈశే॑ అ॒స్య ద్వి॒పద॒-శ్చతు॑ష్పదః॒ కస్మై॑ దే॒వాయ॑ హ॒విషా॑ విధేమ ||
శిరసా నమః || 2 (తై. సం. 4.1.8.4)

బ్రహ్మ॑జజ్ఞా॒నం ప్ర॑థ॒మం పు॒రస్తా॒-ద్విసీ॑మ॒త-స్సు॒రుచో॑ వే॒న ఆ॑వః |
స బు॒ధ్నియా॑ ఉప॒మా అ॑స్య వి॒ష్ఠా-స్స॒తశ్చ॒ యోని॒మ-స॑తశ్చ॒ వివః॑ | (
దృష్యా నమః | 3 (తై. సం. 4.2.8.2.)

మ॒హీ ద్యౌః పృ॑థి॒వీ చ॑ న ఇ॒మం-యఀ॒జ్ఞం మి॑మిక్షతామ్ |
పి॒పృ॒తాన్నో॒ భరీ॑మభిః |
మనసా నమః || 4 (తై. సం. 3.3.10.2)

ఉప॑శ్వాసయ పృథి॒వీ-ము॒త ద్యాం పు॑రు॒త్రా తే॑ మనుతాం॒-విఀష్ఠి॑తం॒ జగ॑త్ |
స దుం॑దుభే స॒జూరింద్రే॑ణ దే॒వై-ర్దూ॒రాద్దవీ॑యో॒ అప॑సేధ॒ శత్రూన్॑ |
వచసా నమః || 5 (తై. సం. 4.6.6.6)

అగ్నే॒ నయ॑ సు॒పథా॑ రా॒యే అ॒స్మాన్ విశ్వా॑ని దేవ వ॒యునా॑ని వి॒ద్వాన్ |
యు॒యో॒ద్ధ్య॑స్మ-జ్జు॑హురా॒ణ-మేనో॒ భూయి॑ష్ఠాంతే॒ నమ॑ ఉక్తిం-విఀధేమ ||
పధ్భ్యాం నమః || 6 (తై. సం. 1.1.14.3)

యా తే॑ అగ్నే॒ రుద్రి॑యా త॒నూస్తయా॑ నః పాహి॒ తస్యా᳚స్తే॒ స్వాహా᳚ |
యా తే॑ అగ్నేఽయాశ॒యా ర॑జాశ॒యా హ॑రాశ॒యా త॒నూర్వర్షి॑ష్ఠా గహ్వరే॒ష్ఠోగ్రం-వఀచో॒ అపా॑వధీం త్వే॒షం-వఀచో॒ అపా॑వధీ॒గ్ం॒ స్వాహా᳚ ||
కరాభ్యాం నమః || 7 (తై. సం. 1.2.11.2)

ఇ॒మం-యఀ ॑మప్రస్త॒రమాహి సీదాంగి॑రోభిః పి॒తృభిః॑ సంవిఀదా॒నః |
ఆత్వా॒ మంత్రాః॑ కవిశ॒స్తా వ॑హంత్వే॒నా రా॑జన్ హ॒విషా॑ మాదయస్వ ||
కర్ణాభ్యాం నమః || 8 (తై. సం. 2.6.12.6)

ఉరసా శిరసా దృష్ట్యా మన॑సా వచసా త॒థా |
పద్భ్యాం కరాభ్యాం కర్ణాభ్యాం ప్రణామోఽష్టాంగ॑ ఉచ్యతే ||

ఉమామహేశ్వరాభ్యాం నమః ||

మరిన్ని శ్రీ శివ స్తోత్రాలు చూడండి.

📜 Request Stotra