ലങ്കായാം ശാങ്കരീദേവീ കാമാക്ഷീ കാഞ്ചികാപുരേ |
പ്രദ്യുമ്നേ ശൃങ്ഖലാദേവീ ചാമുണ്ഡീ ക്രൌഞ്ചപട്ടണേ || ൧ ||
അലമ്പുരേ ജോഗുലാമ്ബാ ശ്രീശൈലേ ഭ്രമരാമ്ബികാ |
കോല്ഹാപുരേ മഹാലക്ഷ്മീ മുഹുര്യേ ഏകവീരികാ || ൨ || [മാഹുര്യേ]
ഉജ്ജയിന്യാം മഹാകാലീ പീഠിക്യാം പുരുഹൂതികാ |
ഓഢ്യായാം ഗിരിജാദേവീ മാണിക്യാ ദക്ഷവാടകേ || ൩ ||
ഹരിക്ഷേത്രേ കാമരൂപാ പ്രയാഗേ മാധവേശ്വരീ |
ജ്വാലായാം വൈഷ്ണവീദേവീ ഗയാ മാങ്ഗല്യഗൌരികാ || ൪ ||
വാരാണസ്യാം വിശാലാക്ഷീ കാശ്മീരേഷു സരസ്വതീ |
അഷ്ടാദശ സുപീഠാനി യോഗിനാമപി ദുര്ലഭമ് || ൫ ||
സായങ്കാലേ പഠേന്നിത്യം സര്വശത്രുവിനാശനമ് |
സര്വരോഗഹരം ദിവ്യം സര്വസമ്പത്കരം ശുഭമ് || ൬ ||
ഇതി അഷ്ടാദശ ശക്തിപീഠ സ്തോത്രമ് |