ത്രിദളം ത്രിഗുണാകാരം ത്രിനേത്രം ച ത്രിയായുധമ് |
ത്രിജന്മപാപസംഹാരം ഏകബില്വം ശിവാര്പണമ് || ൧ ||
ത്രിശാഖൈര്ബില്വപത്രൈശ്ച ഹ്യച്ഛിദ്രൈഃ കോമലൈഃ ശുഭൈഃ |
ശിവപൂജാം കരിഷ്യാമി ഏകബില്വം ശിവാര്പണമ് || ൨ ||
അഖംഡബില്വപത്രേണ പൂജിതേ നംദികേശ്വരേ |
ശുദ്ധ്യംതി സര്വപാപേഭ്യഃ ഏകബില്വം ശിവാര്പണമ് || ൩ ||
സാലഗ്രാമശിലാമേകാം ജാതു വിപ്രായ യോഽര്പയേത് |
സോമയജ്ഞമഹാപുണ്യം ഏകബില്വം ശിവാര്പണമ് || ൪ ||
ദംതികോടിസഹസ്രാണി വാജപേയശതാനി ച |
കോടികന്യാമഹാദാനാം ഏകബില്വം ശിവാര്പണമ് || ൫ ||
പാര്വത്യാഃ സ്വേദസംജാതം മഹാദേവസ്യ ച പ്രിയമ് |
ബില്വവൃക്ഷം നമസ്യാമി ഏകബില്വം ശിവാര്പണമ് || ൬ ||
ദര്ശനം ബില്വവൃക്ഷസ്യ സ്പര്ശനം പാപനാശനമ് |
അഘോരപാപസംഹാരം ഏകബില്വം ശിവാര്പണമ് || ൭ ||
മൂലതോ ബ്രഹ്മരൂപായ മധ്യതോ വിഷ്ണുരൂപിണേ |
അഗ്രതഃ ശിവരൂപായ ഏകബില്വം ശിവാര്പണമ് || ൮ ||
ബില്വാഷ്ടകമിദം പുണ്യം യഃ പഠേച്ഛിവസന്നിധൌ |
സര്വപാപവിനിര്മുക്തഃ ശിവലോകമവാപ്നുയാത് || ൯ ||
ഇതി ബില്വാഷ്ടകമ് ||