നാമസ്മരണാദന്യോപായം ന ഹി പശ്യാമോ ഭവതരണേ |
രാമ ഹരേ കൃഷ്ണ ഹരേ തവ നാമ വദാമി സദാ നൃഹരേ ||
വേദോദ്ധാരവിചാരമതേ സോമകദാനവസംഹരണേ
മീനാകാരശരീര നമോ ഹരി ഭക്തം തേ പരിപാലയ മാമ് || ൧ ||
മംഥാനാചലധാരണഹേതോ ദേവാസുര പരിപാല വിഭോ
കൂര്മാകാരശരീര നമോ ഹരി ഭക്തം തേ പരിപാലയ മാമ് || ൨ ||
ഭൂചോരകഹര പുണ്യമതേ ക്രീഢോദ്ധൃതഭൂദേശഹരേ
ക്രോഢാകാര ശരീര നമോ ഹരി ഭക്തം തേ പരിപാലയ മാമ് || ൩ ||
ഹിരണ്യകശിപുച്ഛേദനഹേതോ പ്രഹ്ലാദാഽഭയധാരണഹേതോ
നരസിംഹാച്യുതരൂപ നമോ ഹരി ഭക്തം തേ പരിപാലയ മാമ് || ൪ ||
ബലിമദഭംജന വിതതമതേ പാദോദ്വയകൃതലോകകൃതേ
വടുപടുവേഷ മനോജ്ഞ നമോ ഹരി ഭക്തം തേ പരിപാലയ മാമ് || ൫ ||
ക്ഷിതിപതിവംശസംഭവമൂര്തേ ക്ഷിതിപതിരക്ഷാക്ഷതമൂര്തേ
ഭൃഗുപതിരാമവരേണ്യ നമോ ഹരി ഭക്തം തേ പരിപാലയ മാമ് || ൬ ||
സീതാവല്ലഭ ദാശരഥേ ദശരഥനംദന ലോകഗുരോ
രാവണമര്ദന രാമ നമോ ഹരി ഭക്തം തേ പരിപാലയ മാമ് || ൭ ||
കൃഷ്ണാനംത കൃപാജലധേ കംസാരേ കമലേശ ഹരേ
കാളിയമര്ദന കൃഷ്ണ നമോ ഹരി ഭക്തം തേ പരിപാലയ മാമ് || ൮ ||
ത്രിപുരസതീ മാനവിഹരണാ ത്രിപുരവിജയമാര്ഗനരൂപാ
ശുദ്ധജ്ഞാനവിബുദ്ധ നമോ ഭക്താം തേ പരിപാലയ മാമ് || ൯ ||
ശിഷ്ടജനാവന ദുഷ്ടഹര ഖഗതുരഗോത്തമവാഹന തേ
കല്കിരൂപപരിപാല നമോ ഭക്താം തേ പരിപാലയ മാമ് || ൧൦ ||
നാമസ്മരണാദന്യോപായം ന ഹി പശ്യാമോ ഭവതരണേ
രാമ ഹരേ കൃഷ്ണ ഹരേ തവ നാമ വദാമി സദാ നൃഹരേ || ൧൧ ||