നമോ ബ്രഹ്മണ്യദേവായ ഗോ ബ്രാഹ്മണ ഹിതായ ച |
ജഗദ്ധിതായ കൃഷ്ണായ ഗോവിംദായ നമോ നമഃ || ൧
കീര്തനം ശ്രവണം ദാനം ദര്ശനം ചാഽപി പാര്ധിവ |
ഗവാം പ്രശസ്യതേ വീര സര്വപാപഹരം ശിവമ് || ൨
ഘൃതക്ഷീരപ്രദാ ഗാവോ ഘൃതയോന്യോ ഘൃതോദ്ഭവാഃ |
ഘൃതനദ്യോ ഘൃതാവര്താസ്താമേ സംതു സദാ ഗൃഹേ || ൩
ഘൃതം മേ ഹൃദയേ നിത്യം ഘൃതം നാഭ്യാം പ്രതിഷ്ടിതം |
ഘൃതം സര്വേഷു ഗാത്രേഷു ഘൃതം മേ മനസിസ്ഥിതമ് || ൪
ഗാവോ മമാഗ്രതോ നിത്യം ഗാവഃ പൃഷ്ഠത ഏവ ച |
ഗാവോ മേ സര്വതശ്ചൈവ ഗവാം മധ്യേവസാമ്യഹമ് || ൫
ഇത്യാചമ്യ ജപേത്സായം പ്രാതശ്ച പുരുഷസ്സദാ |
യദഹ്നാത്കുരുതേപാപം തസ്മാത് സ പരിമുച്യതേ || ൬