ബ്രഹ്മമുരാരിസുരാര്ചിത ലിങ്ഗം
നിര്മലഭാസിതശോഭിത ലിങ്ഗമ് |
ജന്മജദുഃഖവിനാശക ലിങ്ഗം
തത്പ്രണമാമി സദാ ശിവ ലിങ്ഗമ് || ൧ ||
ദേവമുനിപ്രവരാര്ചിത ലിങ്ഗം
കാമദഹം കരുണാകര ലിങ്ഗമ് |
രാവണദര്പവിനാശന ലിങ്ഗം
തത്പ്രണമാമി സദാ ശിവ ലിങ്ഗമ് || ൨ ||
സര്വസുഗന്ധസുലേപിത ലിങ്ഗം
ബുദ്ധിവിവര്ധനകാരണ ലിങ്ഗമ് |
സിദ്ധസുരാസുരവന്ദിത ലിങ്ഗം
തത്പ്രണമാമി സദാ ശിവ ലിങ്ഗമ് || ൩ ||
കനകമഹാമണിഭൂഷിത ലിങ്ഗം
ഫണിപതിവേഷ്ടിതശോഭിത ലിങ്ഗമ് |
ദക്ഷസുയജ്ഞവിനാശന ലിങ്ഗം
തത്പ്രണമാമി സദാ ശിവ ലിങ്ഗമ് || ൪ ||
കുങ്കുമചന്ദനലേപിത ലിങ്ഗം
പങ്കജഹാരസുശോഭിത ലിങ്ഗമ് |
സഞ്ചിതപാപവിനാശന ലിങ്ഗം
തത്പ്രണമാമി സദാ ശിവ ലിങ്ഗമ് || ൫ ||
ദേവഗണാര്ചിതസേവിത ലിങ്ഗം
ഭാവൈര്ഭക്തിഭിരേവ ച ലിങ്ഗമ് |
ദിനകരകോടിപ്രഭാകര ലിങ്ഗം
തത്പ്രണമാമി സദാ ശിവ ലിങ്ഗമ് || ൬ ||
അഷ്ടദലോപരിവേഷ്ടിത ലിങ്ഗം
സര്വസമുദ്ഭവകാരണ ലിങ്ഗമ് |
അഷ്ടദരിദ്രവിനാശന ലിങ്ഗം
തത്പ്രണമാമി സദാ ശിവ ലിങ്ഗമ് || ൭ ||
സുരഗുരുസുരവരപൂജിത ലിങ്ഗം
സുരവനപുഷ്പസദാര്ചിത ലിങ്ഗമ് |
പരാത്പരം പരമാത്മക ലിങ്ഗം [** പരമപദം **]
തത്പ്രണമാമി സദാ ശിവ ലിങ്ഗമ് || ൮ ||
ലിങ്ഗാഷ്ടകമിദം പുണ്യം യഃ പഠേച്ഛിവസന്നിധൌ |
ശിവലോകമവാപ്നോതി ശിവേന സഹ മോദതേ ||