നമശ്ചംദ്രായ സോമായേംദവേ കുമുദബംധവേ |
വിലോഹിതായ ശുഭ്രായ ശുക്ലാംബരധരായ ച || ൧ ||
ത്വമേവ സര്വലോകാനാമാപ്യായനകരഃ സദാ |
ക്ഷീരോദ്ഭവായ ദേവായ നമഃ ശംകരശേഖര || ൨ ||
യുഗാനാം യുഗകര്താ ത്വം നിശാനാഥോ നിശാകരഃ |
സംവത്സരാണാം മാസാനാമൃതൂനാം തു തഥൈവ ച || ൩ ||
ഗ്രഹാണാം ച ത്വമേകോഽസി സൌമ്യഃ സോമകരഃ പ്രഭുഃ |
ഓഷധീപതയേ തുഭ്യം രോഹിണീപതയേ നമഃ || ൪ ||
ഇദം തു പഠതേ സ്തോത്രം പ്രാതരുത്ഥായ യോ നരഃ |
ദിവാ വാ യദി വാ രാത്രൌ ബദ്ധചിത്തോ ഹി യോ നരഃ || ൫ ||
ന ഭയം വിദ്യതേ തസ്യ കാര്യസിദ്ധിര്ഭവിഷ്യതി |
അഹോരാത്രകൃതം പാപം പഠനാദേവ നശ്യതി || ൬ ||
ദ്വിജരാജോ മഹാപുണ്യസ്താരാപതിര്വിശേഷതഃ |
ഓഷധീനാം ച യോ രാജാ സ സോമഃ പ്രീയതാം മമ || ൭ ||
ഇതി ചംദ്ര സ്തോത്രമ് |