പൂർവാംഗ പൂജാ
ശുചിഃ
അപവിത്രഃ പവിത്രോ വാ സർവാവസ്ഥാം ഗതോഽപി വാ |
യഃ സ്മരേത് പുംഡരീകാക്ഷം സ ബാഹ്യാഭ്യംതരഃ ശുചിഃ ||
പുംഡരീകാക്ഷ പുംഡരീകാക്ഷ പുംഡരീകാക്ഷായ നമഃ ||
പ്രാര്ഥനാ
ശുക്ലാംബരധരം-വിഁഷ്ണും ശശിവര്ണം ചതുര്ഭുജമ് |
പ്രസന്നവദനം ധ്യായേത് സർവവിഘ്നോപശാംതയേ ||
അഗജാനന പദ്മാര്കം ഗജാനനമഹര്നിശമ് |
അനേകദം തം ഭക്താനാം ഏകദംതമുപാസ്മഹേ ||
ദേ॒വീം-വാഁച॑മജനയംത ദേ॒വാസ്താം-വിഁ॒ശ്വരൂ॑പാഃ പ॒ശവോ॑ വദംതി |
സാ നോ॑ മം॒ദ്രേഷ॒മൂര്ജം॒ ദുഹാ॑നാ ധേ॒നുർവാഗ॒സ്മാനുപ॒ സുഷ്ടു॒തൈതു॑ ||
യഃ ശിവോ നാമ രൂപാഭ്യാം-യാഁ ദേവീ സർവമംഗളാ |
തയോഃ സംസ്മരണാന്നിത്യം സർവദാ ജയ മംഗളമ് ||
തദേവ ലഗ്നം സുദിനം തദേവ
താരാബലം ചംദ്രബലം തദേവ |
വിദ്യാബലം ദൈവബലം തദേവ
ലക്ഷ്മീപതേ തേഽംഘ്രിയുഗം സ്മരാമി ||
ഗുരുര്ബ്രഹ്മാ ഗുരുർവിഷ്ണുഃ ഗുരുര്ദേവോ മഹേശ്വരഃ |
ഗുരുഃ സാക്ഷാത് പരബ്രഹ്മ തസ്മൈ ശ്രീഗുരവേ നമഃ ||
ലാഭസ്തേഷാം ജയസ്തേഷാം കുതസ്തേഷാം പരാഭവഃ |
ഏഷാമിംദീവരശ്യാമോ ഹൃദയസ്ഥോ ജനാര്ദനഃ ||
സർവമംഗള മാംഗള്യേ ശിവേ സർവാര്ഥസാധികേ |
ശരണ്യേ ത്ര്യംബകേ ഗൌരീ നാരായണി നമോഽസ്തു തേ ||
ശ്രീലക്ഷ്മീനാരായണാഭ്യാം നമഃ |
ഉമാമഹേശ്വരാഭ്യാം നമഃ |
വാണീഹിരണ്യഗര്ഭാഭ്യാം നമഃ |
ശചീപുരംദരാഭ്യാം നമഃ |
അരുംധതീവസിഷ്ഠാഭ്യാം നമഃ |
ശ്രീസീതാരാമാഭ്യാം നമഃ |
മാതാപിതൃഭ്യോ നമഃ |
സർവേഭ്യോ മഹാജനേഭ്യോ നമഃ |
കര്പൂര ഗൌരം കരുണാവതാരം
സംസാരസാരം ഭുജഗേംദ്ര ഹാരമ് |
സദാ രമംതം ഹൃദയാരവിംദേ
ഭവം ഭവാനീ സഹിതം നമാമി ||
വാഗര്ഥാവിവ സംപൃക്തൌ വാഗര്ഥ പ്രതിപത്തയേ |
ജഗതഃ പിതരൌ വംദേ പാർവതീ പരമേശ്വരൌ ||
വംദേ മഹേശം സുരസിദ്ധസേവിതം
ദേവാംഗനാ ഗീത സുനൃത്യ തുഷ്ടമ് |
പര്യംകഗം ശൈലസുതാസമേതം
കല്പദ്രുമാരണ്യഗതം പ്രസന്നമ് ||
ആപാതാള-നഭഃസ്ഥലാംത-ഭുവന-ബ്രഹ്മാംഡ-മാവിസ്ഫുരത്-
ജ്യോതിഃ സ്ഫാടിക-ലിംഗ-മൌളി-വിലസത്-പൂര്ണേംദു-വാംതാമൃതൈഃ |
അസ്തോകാപ്ലുത-മേക-മീശ-മനിശം രുദ്രാനു-വാകാംജപന്
ധ്യായേ-ദീപ്സിത-സിദ്ധയേ ധ്രുവപദം-വിഁപ്രോഽഭിഷിംചേ-ച്ചിവമ് ||
ബ്രഹ്മാംഡ വ്യാപ്തദേഹാ ഭസിത ഹിമരുചാ ഭാസമാനാ ഭുജംഗൈഃ
കംഠേ കാലാഃ കപര്ദാഃ കലിത-ശശികലാ-ശ്ചംഡ കോദംഡ ഹസ്താഃ |
ത്ര്യക്ഷാ രുദ്രാക്ഷമാലാഃ പ്രകടിതവിഭവാഃ ശാംഭവാ മൂര്തിഭേദാഃ
രുദ്രാഃ ശ്രീരുദ്രസൂക്ത-പ്രകടിതവിഭവാ നഃ പ്രയച്ചംതു സൌഖ്യമ് ||
ദീപാരാധനമ്
ദീപസ്ത്വം ബ്രഹ്മരൂപോഽസി ജ്യോതിഷാം പ്രഭുരവ്യയഃ |
സൌഭാഗ്യം ദേഹി പുത്രാംശ്ച സർവാന്കാമാംശ്ച ദേഹി മേ ||
ഭോ ദീപ ദേവി രൂപസ്ത്വം കര്മസാക്ഷീ ഹ്യവിഘ്നകൃത് |
യാവത്പൂജാം കരിഷ്യാമി താവത്ത്വം സുസ്ഥിരോ ഭവ ||
ദീപാരാധന മുഹൂര്തഃ സുമുഹൂര്തോഽസ്തു ||
പൂജാര്ഥേ ഹരിദ്രാ കുംകുമ വിലേപനം കരിഷ്യേ ||
ആചമ്യ
ഓം കേശവായ സ്വാഹാ |
ഓം നാരായണായ സ്വാഹാ |
ഓം മാധവായ സ്വാഹാ |
ഓം ഗോവിംദായ നമഃ |
ഓം-വിഁഷ്ണവേ നമഃ |
ഓം മധുസൂദനായ നമഃ |
ഓം ത്രിവിക്രമായ നമഃ |
ഓം-വാഁമനായ നമഃ |
ഓം ശ്രീധരായ നമഃ |
ഓം ഹൃഷീകേശായ നമഃ |
ഓം പദ്മനാഭായ നമഃ |
ഓം ദാമോദരായ നമഃ |
ഓം സംകര്ഷണായ നമഃ |
ഓം-വാഁസുദേവായ നമഃ |
ഓം പ്രദ്യുമ്നായ നമഃ |
ഓം അനിരുദ്ധായ നമഃ |
ഓം പുരുഷോത്തമായ നമഃ |
ഓം അധോക്ഷജായ നമഃ |
ഓം നാരസിംഹായ നമഃ |
ഓം അച്യുതായ നമഃ |
ഓം ജനാര്ദനായ നമഃ |
ഓം ഉപേംദ്രായ നമഃ |
ഓം ഹരയേ നമഃ |
ഓം ശ്രീകൃഷ്ണായ നമഃ |
ഭൂതോച്ചാടനമ്
ഉത്തിഷ്ഠംതു ഭൂതപിശാചാഃ യ ഏതേ ഭൂമി ഭാരകാഃ |
ഏതേഷാമവിരോധേന ബ്രഹ്മകര്മ സമാരഭേ ||
അപസര്പംതു തേ ഭൂതാ യേ ഭൂതാ ഭൂമിസംസ്ഥിതാഃ |
യേ ഭൂതാ വിഘ്നകര്താരസ്തേ ഗച്ഛംതു ശിവാഽജ്ഞയാ ||
പ്രാണായാമമ്
ഓം ഭൂഃ ഓം ഭുവഃ॑ ഓഗ്ം സുവഃ॑ ഓം മഹഃ॑ ഓം ജനഃ॑ ഓം തപഃ॑ ഓഗ്ം സത്യമ് |
ഓം തത്സ॑വി॒തുർവരേ᳚ണ്യം॒ ഭര്ഗോ॑ ദേ॒വസ്യ॑ ധീമഹി |
ധിയോ॒ യോ നഃ॑ പ്രചോ॒ദയാ᳚ത് ||
ഓമാപോ॒ ജ്യോതീ॒ രസോ॒ഽമൃതം॒ ബ്രഹ്മ॒ ഭൂര്ഭുവ॒സ്സുവ॒രോമ് ||
സംകല്പമ്
മമോപാത്ത സമസ്ത ദുരിതക്ഷയദ്വാരാ ശ്രീ പരമേശ്വര പ്രീത്യര്ഥം,
ശുഭേ ശോഭനേ മുഹൂര്തേ ആദ്യബ്രഹ്മണഃ ദ്വിതീയ പരാര്ധേ ശ്വേതവരാഹ കല്പേ വൈവസ്വത മന്വംതരേ അഷ്ടാവിംശതി തമേ കലിയുഗേ പ്രഥമേ പാദേ ജംബൂദ്വീപേ ഭാരതവര്ഷേ ഭരതഖംഡേ മേരോഃ ദക്ഷിണേ പാര്ശ്വേ ശകാബ്ദേ അസ്മിന് വര്തമാനേ വ്യവഹാരികേ പ്രഭവാദി ഷഷ്ഠ്യാഃ സംവഁഥ്സരാണാം മദ്ധ്യേ ……… നാമസംവഁഥ്സരേ ……ഽയനേ ………. ഋതൌ …….. മാസേ …………പക്ഷേ ………. ശുഭതിഥൌ. ………….. വാസരയുക്തായാം …………. നക്ഷത്രയുക്തായാം, ശുഭയോഗ ശുഭകരണ ഏവം ഗുണ സകല വിശേഷണ വിശിഷ്ടായാം അസ്യാം ………..ശുഭതിഥൌ മമോപാത്ത സമസ്ത ദുരിതക്ഷയദ്വാരാ ശ്രീ പരമേശ്വര പ്രീത്യര്ഥം ………. നക്ഷത്രേ …….രാശൌ ജാതസ്യ ……….ശര്മണഃ മമ ………. നക്ഷത്രേ ……………രാശൌ ………….ജാതയാഃ മമ ധര്മപത്ന്യാശ്ച ആവയോഃ സകുഢുംബായോഃ …………… സപുത്രകയോഃ സബംധുവര്ഗയോഃ സാശ്രിത-ജനയോശ്ച ക്ഷേമ-സ്ഥൈര്യ-വീര്യ-വിജയ, ആയുരാരോഗ്യ-ഐശ്വര്യാണാം അഭിവൃദ്ധ്യര്ഥം, ധര്മാര്ഥ-കാമ-മോക്ഷ-ചതുർവിധ ഫലപുരുഷാര്ഥ സിദ്ധ്യര്ഥം, സർവാരിഷ്ട ശാംത്യര്ഥം, സർവാഭീഷ്ട സിദ്ധ്യര്ഥം, സപരിവാര സോമാസ്കംദ പരമേശ്വര ചരണാരവിംദയോഃ അചംചല-നിഷ്കപട-ഭക്തി സിദ്ധ്യര്ഥം , യാവച്ഛക്തി പരിവാര സഹിത രുദ്രവിധാനേന ധ്യാന-ആവാഹനാദി-ഷോഡശോപചാര-പൂജാ പുരസ്സരം മഹാന്യാസജപ (ലഘുന്യാസജപ) രുദ്രാഭിഷേക-അര്ച്ചനാദി സഹിത സാംബശിവ പൂജാം കരിഷ്യേ |
തദംഗം കലശ-ശംഖ-ആത്മ-പീഠ-പൂജാം ച കരിഷ്യേ | (ദ്വി)
(നിർവിഘ്ന പൂജാ പരിസമാപ്ത്യര്ഥം ആദൌ ശ്രീമഹാഗണപതി പൂജാം കരിഷ്യേ |)
ശ്രീ മഹാഗണപതി പൂജാ ||
തദംഗ കലശാരാധനം കരിഷ്യേ |
കലശാരാധനമ്
കലശേ ഗംധ പുഷ്പാക്ഷതൈരഭ്യര്ച്യ |
കലശേ ഉദകം പൂരയിത്വാ |
കലശസ്യോപരി ഹസ്തം നിധായ |
കലശസ്യ മുഖേ വിഷ്ണുഃ കംഠേ രുദ്രഃ സമാശ്രിതഃ |
മൂലേ ത്വസ്യ സ്ഥിതോ ബ്രഹ്മാ മധ്യേ മാതൃഗണാഃ സ്മൃതാ ||
കുക്ഷൌ തു സാഗരാഃ സർവേ സപ്തദ്വീപാ വസുംധരാ |
ഋഗ്വേദോഽഥ യജുർവേദോ സാമവേദോ ഹ്യഥർവണഃ ||
അംഗൈശ്ച സഹിതാഃ സർവേ കലശാംബു സമാശ്രിതാഃ |
ഓം ആക॒ലശേ᳚ഷു ധാവതി പ॒വിത്രേ॒ പരി॑ഷിച്യതേ |
ഉ॒ക്ഥൈര്യ॒ജ്ഞേഷു॑ വര്ധതേ |
ആപോ॒ വാ ഇ॒ദഗ്ം സർവം॒-വിഁശ്വാ॑ ഭൂ॒താന്യാപഃ॑
പ്രാ॒ണാ വാ ആപഃ॑ പ॒ശവ॒ ആപോഽന്ന॒മാപോഽമൃ॑ത॒മാപഃ॑
സ॒മ്രാഡാപോ॑ വി॒രാഡാപഃ॑ സ്വ॒രാഡാപ॒ശ്ഛംദാ॒ഗ്॒സ്യാപോ॒
ജ്യോതീ॒ഗ്॒ഷ്യാപോ॒ യജൂ॒ഗ്॒ഷ്യാപഃ॑ സ॒ത്യമാപഃ॒
സർവാ॑ ദേ॒വതാ॒ ആപോ॒ ഭൂര്ഭുവഃ॒ സുവ॒രാപ॒ ഓമ് ||
ഗംഗേ ച യമുനേ ചൈവ ഗോദാവരീ സരസ്വതീ |
നര്മദേ സിംധു കാവേരീ ജലേഽസ്മിന് സന്നിധിം കുരു ||
കാവേരീ തുംഗഭദ്രാ ച കൃഷ്ണവേണീ ച ഗൌതമീ |
ഭാഗീരഥീതി വിഖ്യാതാഃ പംചഗംഗാഃ പ്രകീര്തിതാഃ ||
ആയാംതു ശ്രീ ശിവപൂജാര്ഥം മമ ദുരിതക്ഷയകാരകാഃ |
ഓം ഭൂര്ഭുവസ്സുവോ ഭൂര്ഭുവസ്സുവോ ഭൂര്ഭുവസ്സുവഃ ||
ഓം ഓം ഓം കലശോദകേന പൂജാ ദ്രവ്യാണി സംപ്രോക്ഷ്യ,
ദേവം സംപ്രോക്ഷ്യ, ആത്മാനം ച സംപ്രോക്ഷ്യ ||
പംചകലശ സ്ഥാപനം
പശ്ചിമം
സ॒ദ്യോ ജാ॒തം പ്ര॑പദ്യാ॒മി॒ സ॒ദ്യോ ജാ॒തായ॒ വൈ നമോ॒ നമഃ॑ | ഭ॒വേ ഭ॑വേ॒
നാതി॑ഭവേ ഭവസ്വ॒ മാമ് | ഭ॒വോദ്ഭ॑വായ॒ നമഃ॑ || ഓം ഭൂര്ഭുവ॒സ്സുവ॒രോമ് |
അസ്മിന് പശ്ചിമകലശേ സദ്യോജാതം ധ്യായാമി | ആവാഹയാമി |
ഉത്തരം
വാ॒മ॒ദേ॒വായ॒ നമോ᳚ ജ്യേ॒ഷ്ഠായ॒ നമഃ॑ ശ്രേ॒ഷ്ഠായ॒ നമോ॑ രു॒ദ്രായ॒ നമഃ॒ കാലാ॑യ॒ നമഃ॒ കല॑വികരണായ നമോ॒ ബല॑വികരണായ॒ നമോ॒ ബലാ॑യ॒ നമോ॒ ബല॑പ്രമഥനായ॒ നമഃ॒ സർവ॑ഭൂതദമനായ॒ നമോ॑ മ॒നോന്മ॑നായ॒ നമഃ॑ | ഓം ഭൂര്ഭുവ॒സ്സുവ॒രോമ് | അസ്മിന് ഉത്തരകലശേ വാമദേവം ധ്യായാമി | ആവാഹയാമി |
ദക്ഷിണം
അ॒ഘോരേ᳚ഭ്യോ ഽഥ॒ഘോരേ᳚ഭ്യോ॒ ഘോര॒ഘോര॑തരേഭ്യഃ | സർവേ᳚ഭ്യഃ സർവ॒ശർവേ᳚ഭ്യോ॒
നമ॑സ്തേ അസ്തു രു॒ദ്രരൂ॑പേഭ്യഃ || ഓം ഭൂര്ഭുവ॒സ്സുവ॒രോമ് |
അസ്മിന് ദക്ഷിണകലശേ അഘോരം ധ്യായാമി | ആവാഹയാമി |
പൂർവം
തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി | തന്നോ॑ രുദ്രഃ പ്രചോ॒ദയാ᳚ത് ||
ഓം ഭൂര്ഭുവ॒സ്സുവ॒രോമ് | അസ്മിന് പൂർവകലശേ തത്പുരുഷം ധ്യായാമി | ആവാഹയാമി |
മദ്ധ്യമം
ഈശാനഃ സർവ॑വിദ്യാ॒നാ॒-മീശ്വരഃ സർവ॑ഭൂതാ॒നാം॒ ബ്രഹ്മാധി॑പതി॒ ര്ബ്രഹ്മ॒ണോഽധി॑പതി॒ ര്ബ്രഹ്മാ॑ ശി॒വോ മേ॑ അസ്തു സദാശിവോമ് || ഓം ഭൂര്ഭുവ॒സ്സുവ॒രോമ് |
അസ്മിന് മദ്ധ്യമ കലശേ ഈശാനം ധ്യായാമി | ആവാഹയാമി |
പ്രാണപ്രതിഷ്ഠാ
ഓം അസു॑നീതേ॒ പുന॑ര॒സ്മാസു॒ ചക്ഷുഃ॒
പുനഃ॑ പ്രാ॒ണമി॒ഹ നോ᳚ ധേഹി॒ ഭോഗ᳚മ് |
ജ്യോക്പ॑ശ്യേമ॒ സൂര്യ॑മു॒ച്ചരം᳚ത॒
മനു॑മതേ മൃ॒ഡയാ᳚ നഃ സ്വ॒സ്തി ||
അ॒മൃതം॒-വൈഁ പ്രാ॒ണാ അ॒മൃത॒മാപഃ॑
പ്രാ॒ണാനേ॒വ യ॑ഥാസ്ഥാ॒നമുപ॑ഹ്വയതേ ||
സ്വാമിന് സർവജഗന്നാഥ യാവത് പൂജാവസാനകമ് |
താവത് ത്വം പ്രീതിഭാവേന ലിംഗേഽസ്മിന് സംന്നിധിം കുരു ||
ഓം ത്ര്യം॑ബകം-യഁജാമഹേ സുഗം॒ധിം പു॑ഷ്ടി॒ വര്ധ॑നമ് |
ഉ॒ർവാ॒രു॒കമി॑വ॒ ബംധ॑നാന്മൃ॒ത്യോര്മു॑ക്ഷീയ॒ മാഽമൃതാ᳚ത് ||
ആവാഹിതോ ഭവ | സ്ഥാപിതോ ഭവ | സന്നിഹിതോ ഭവ | സന്നിരുദ്ധോ ഭവ | അവകുംഠിതോ ഭവ | സുപ്രീതോ ഭവ | സുപ്രസന്നോ ഭവ | വരദോ ഭവ |
സ്വാഗതം അസ്തു | പ്രസീദ പ്രസീദ |
ലഘുന്യാസം / മഹാന്യാസമ് ||
ധ്യാനം
കൈലാസേ കമനീയ രത്ന ഖചിതേ കല്പദ്രുമൂലേ സ്ഥിതം
കര്പൂര സ്ഫടികേംദു സുംദര തനും കാത്യായനീ സേവിതമ് |
ഗംഗോത്തുംഗ തരംഗ രംജിത ജടാ ഭാരം കൃപാസാഗരം
കംഠാലംകൃത ശേഷഭൂഷണമഹം മൃത്യുംജയം ഭാവയേ ||
ഓം ശ്രീ ഉമാമഹേശ്വര സ്വാമിനേ നമഃ ധ്യായാമി |
ആവാഹനം (ഓം സ॒ദ്യോജാ॒തം പ്ര॑പദ്യാ॒മി)
ഓംകാരായ നമസ്തുഭ്യം ഓംകാരപ്രിയ ശംകര |
ആവാഹനം ഗൃഹാണേദം പാർവതീപ്രിയ വല്ലഭ ||
ഓം ശ്രീ ഉമാമഹേശ്വര സ്വാമിനേ നമഃ ആവാഹയാമി |
ആസനം (ഓം സ॒ദ്യോജാ॒തായ॒വൈ നമോ॒ നമഃ॑)
നമസ്തേ ഗിരിജാനാഥ കൈലാസഗിരി മംദിര |
സിംഹാസനം മയാ ദത്തം സ്വീകുരുഷ്വ ഉമാപതേ ||
ശ്രീ ഉമാമഹേശ്വര സ്വാമിനേ നമഃ നവരത്ന ഖചിത ഹേമ സിംഹാസനം സമര്പയാമി |
പാദ്യം (ഓം ഭവേ ഭ॑വേ॒ന)
മഹാദേവ ജഗന്നാഥ ഭക്താനാമഭയപ്രദ |
പാദ്യം ഗൃഹാണ ദേവേശ മമ സൌഖ്യം-വിഁവര്ധയ ||
ശ്രീ ഉമാമഹേശ്വര സ്വാമിനേ നമഃ പാദയോഃ പാദ്യം സമര്പയാമി |
അര്ഘ്യം (ഓം അതി॑ ഭവേ ഭവസ്വ॒മാം)
ശിവാപ്രിയ നമസ്തേസ്തു പാവനം ജലപൂരിതമ് |
അര്ഘ്യം ഗൃഹാണ ഭഗവന് ഗാംഗേയ കലശസ്ഥിതമ് ||
ശ്രീ ഉമാമഹേശ്വര സ്വാമിനേ നമഃ ഹസ്തയോഃ അര്ഘ്യം സമര്പയാമി |
ആചമനം (ഓം ഭ॒വോദ്ഭ॑വായ॒ നമഃ)
വാമാദേവ സുരാധീശ വംദിതാംഘ്രി സരോരുഹ |
ഗൃഹാണാചമനം ദേവ കരുണാ വരുണാലയ ||
ശ്രീ ഉമാമഹേശ്വര സ്വാമിനേ നമഃ മുഖേ ആചമനീയം സമര്പയാമി |
മധുപര്കം
യമാംതകായ ഉഗ്രായ ഭീമായ ച നമോ നമഃ |
മധുപര്കം പ്രദാസ്യാമി ഗൃഹാണ ത്വമുമാപതേ ||
ശ്രീ ഉമാമഹേശ്വര സ്വാമിനേ നമഃ മധുപര്കം സമര്പയാമി |
പംചാമൃത സ്നാനം
1. ആപ്യായസ്യേതി ക്ഷീരം (milk) –
ഓം ആപ്യാ॑യസ്വ॒ സമേ॑തു തേ വി॒ശ്വത॑സ്സോമ॒ വൃഷ്ണി॑യമ് |
ഭവാ॒ വാജ॑സ്യ സംഗ॒ഥേ ||
ക്ഷീരേണ സ്നപയാമി ||
2. ദധിക്രാവ്ണോ ഇതി ദധി (yogurt) –
ഓം ദ॒ധി॒ക്രാവ്ണോ॑ അകാരിഷം ജി॒ഷ്ണോരശ്വ॑സ്യ വാ॒ജിനഃ॑ |
സു॒ര॒ഭി നോ॒ മുഖാ॑ കര॒ത്പ്രാണ॒ ആയൂഗ്മ്॑ഷി താരിഷത് ||
ദധ്നാ സ്നപയാമി ||
3. ശുക്രമസീതി ആജ്യം (ghee) –
ഓം ശു॒ക്രമ॑സി॒ ജ്യോതി॑രസി॒ തേജോ॑സി ദേ॒വോവ॑സ്സവി॒തോത്പു॑നാ॒തു
അച്ഛി॑ദ്രേണ പ॒വിത്രേ॑ണ॒ വസോ॒സ്സൂര്യ॑സ്യ ര॒ശ്മിഭിഃ॑ |
ആജ്യേന സ്നപയാമി ||
4. മധുവാതാ ഋതായതേ ഇതി മധു (honey) –
ഓം മധു॒വാതാ॑ ഋതായ॒തേ മധു॑ക്ഷരംതി॒ സിംധ॑വഃ |
മാധ്വീ᳚ര്നഃ സം॒ത്വൌഷ॑ധീഃ |
മധു॒നക്ത॑മു॒തോഷ॑സി॒ മധു॑മ॒ത്പാര്ഥി॑വ॒ഗ്മ്॒ രജഃ॑ |
മധു॒ദ്യൌര॑സ്തു നഃ പി॒താ |
മധു॑മാന്നോ॒ വന॒സ്പതി॒ര്മധു॑മാഗ്ം അസ്തു॒ സൂര്യഃ॑ |
മാധ്വീ॒ര്ഗാവോ॑ ഭവംതു നഃ |
മധുനാ സ്നപയാമി ||
5. സ്വാദുഃ പവസ്യേതി ശര്കരാ (sugar) –
ഓം സ്വാ॒ദുഃ പ॑വസ്വ ദി॒വ്യായ॒ ജന്മ॑നേ |
സ്വാ॒ദുരിംദ്രാ᳚യ സു॒ഹവീ᳚തു നാമ്നേ |
സ്വാ॒ദുര്മി॒ത്രായ॒ വരു॑ണായ വാ॒യവേ॒ |
ബൃഹ॒സ്പത॑യേ॒ മധു॑മാം॒ അദാ᳚ഭ്യഃ |
ശര്കരേണ സ്നപയാമി ||
ഫലോദകം (coconut water)
യാഃ ഫ॒ലിനീ॒ര്യാ അ॑ഫ॒ലാ അ॑പു॒ഷ്പായാശ്ച॑ പു॒ഷ്പിണീഃ॑ |
ബൃഹ॒സ്പതി॑ പ്രസൂതാ॒സ്താനോ॑ മുന്ചം॒ത്വഗ്ം ഹ॑സഃ ||
ഫലോദകേന സ്നപയാമി ||
ശുദ്ധോദക സ്നാനം – (ഓം-വാഁമദേവായ നമഃ)
ഓംകാര പ്രീത മനസേ നമോ ബ്രഹ്മാര്ചിതാംഘ്രയേ |
സ്നാനം സ്വീകുരു ദേവേശ മയാനീതം നദീ ജലമ് ||
നമ॑ശ്ശം॒ഭവേ॑ ച മയോ॒ഭവേ॑ച॒ നമ॑ശ്ശംക॒രായ॑ ച
മയസ്ക॒രായ॑ ച॒ നമ॑ശ്ശി॒വായ॑ ച ശി॒വത॑രായ ച ||
രുദ്രപ്രശ്നഃ – നമകമ് ||
രുദ്രപ്രശ്നഃ – ചമകമ് ||
പുരുഷ സൂക്തമ് ||
ശ്രീ സൂക്തമ് ||
ഓം ശ്രീ ഉമാമഹേശ്വര സ്വാമിനേ നമഃ ശുദ്ധോദക സ്നാനം സമര്പയാമി |
സ്നാനാനംതരം ആചമനീയം സമര്പയാമി |
വസ്ത്രം – (ഓം ജ്യേ॒ഷ്ഠായ॒ നമഃ)
നമോ നാഗവിഭൂഷായ നാരദാദി സ്തുതായ ച |
വസ്ത്രയുഗ്മം പ്രദാസ്യാമി പാര്ഥിവേശ്വര സ്വീകുരു ||
ഓം ശ്രീ ഉമാമഹേശ്വര സ്വാമിനേ നമഃ വസ്ത്രയുഗ്മം സമര്പയാമി |
(വസ്ത്രാര്ഥം അക്ഷതാന് സമര്പയാമി)
യജ്ഞോപവീതം – (ഓം ശ്രേ॒ഷ്ഠായ॒ നമഃ)
യജ്ഞേശ യജ്ഞവിധ്വംസ സർവദേവ നമസ്കൃത |
യജ്ഞസൂത്രം പ്രദാസ്യാമി ശോഭനം ചോത്തരീയകമ് ||
ഓം ശ്രീ ഉമാമഹേശ്വര സ്വാമിനേ നമഃ യജ്ഞോപവീതം സമര്പയാമി |
(ഉപവീതാര്ഥം അക്ഷതാന് സമര്പയാമി)
ആഭരണം – (ഓം രു॒ദ്രായ॒ നമഃ)
നാഗാഭരണ വിശ്വേശ ചംദ്രാര്ധകൃതമസ്തക |
പാര്ഥിവേശ്വര മദ്ദത്തം ഗൃഹാണാഭരണം-വിഁഭോ ||
ഓം ശ്രീ ഉമാമഹേശ്വര സ്വാമിനേ നമഃ ആഭരണം സമര്പയാമി |
ഗംധം – (ഓം കാലാ॑യ॒ നമഃ॑)
ശ്രീ ഗംധം തേ പ്രയച്ഛാമി ഗൃഹാണ പരമേശ്വര |
കസ്തൂരി കുംകുമോപേതം ശിവാശ്ലിഷ്ട ഭുജദ്വയ ||
ഓം ശ്രീ ഉമാമഹേശ്വര സ്വാമിനേ നമഃ ശ്രീഗംധാദി പരിമള ദ്രവ്യം സമര്പയാമി |
അക്ഷതാന് – (ഓം കല॑വികരണായ॒ നമഃ)
അക്ഷതാന് ധവളാന് ദിവ്യാന് ശാലി തുംഡുല മിശ്രിതാന് |
അക്ഷതോസി സ്വഭാവേന സ്വീകുരുഷ്വ മഹേശ്വര ||
ഓം ശ്രീ ഉമാമഹേശ്വര സ്വാമിനേ നമഃ ധവളാക്ഷതാന് സമര്പയാമി |
പുഷ്പം – (ഓം ബല॑ വികരണായ॒ നമഃ)
സുഗംധീനി സുപുഷ്പാണി ജാജീബില്വാര്ക ചംപകൈഃ |
നിര്മിതം പുഷ്പമാലംച നീലകംഠ ഗൃഹാണ ഭോ ||
ഓം ശ്രീ ഉമാമഹേശ്വര സ്വാമിനേ നമഃ പുഷ്പ ബില്വദളാനി സമര്പയാമി |
അഥാംഗ പൂജാ
ഓം മഹേശ്വരായ നമഃ – പാദൌ പൂജയാമി |
ഓം ഈശ്വരായ നമഃ – ജംഘൌ പൂജയാമി |
ഓം കാമരൂപായ നമഃ – ജാനുനീ പൂജയാമി |
ഓം ഹരായ നമഃ – ഊരൂ പൂജയാമി |
ഓം ത്രിപുരാംതകായ നമഃ – ഗുഹ്യം പൂജയാമി |
ഓം ഭവായ നമഃ – കടിം പൂജയാമി |
ഓം-വ്യാഁഘ്രചര്മാംബരധരായ നമഃ – നാഭിം പൂജയാമി |
ഓം കുക്ഷിസ്ഥ ബ്രഹാംഡായ നമഃ – ഉദരം പൂജയാമി |
ഓം ഗൌരീ മനഃ പ്രിയായ നമഃ – ഹൃദയം പൂജയാമി |
ഓം പിനാകിനേ നമഃ – ഹസ്തൌ പൂജയാമി |
ഓം നാഗാവൃതഭുജദംഡായ നമഃ – ഭുജൌ പൂജയാമി |
ഓം ശ്രീകംഠായ നമഃ – കംഠം പൂജയാമി |
ഓം-വിഁരൂപാക്ഷായ നമഃ – മുഖം പൂജയാമി |
ഓം ത്രിനേത്രായ നമഃ – നേത്രാണി പൂജയാമി |
ഓം രുദ്രായ നമഃ – ലലാടം പൂജയാമി |
ഓം ശർവായ നമഃ – ശിരഃ പൂജയാമി |
ഓം ചംദ്രമൌളയേ നമഃ – മൌളിം പൂജയാമി |
ഓം അര്ധനാരീശ്വരായ നമഃ – തനും പൂജയാമി |
ഓം ശ്രീ ഉമാമഹേശ്വരായ നമഃ – സർവാണ്യംഗാനി പൂജയാമി |
അഷ്ടോത്തരശതനാമ പൂജാ
ഓം ശിവായ നമഃ
ഓം മഹേശ്വരായ നമഃ
ഓം ശംഭവേ നമഃ
ഓം പിനാകിനേ നമഃ
ഓം ശശിശേഖരായ നമഃ
ഓം-വാഁമദേവായ നമഃ
ഓം-വിഁരൂപാക്ഷായ നമഃ
ഓം കപര്ദിനേ നമഃ
ഓം നീലലോഹിതായ നമഃ
ഓം ശംകരായ നമഃ (10)
ഓം ശൂലപാണയേ നമഃ
ഓം ഖട്വാംഗിനേ നമഃ
ഓം-വിഁഷ്ണുവല്ലഭായ നമഃ
ഓം ശിപിവിഷ്ടായ നമഃ
ഓം അംബികാനാഥായ നമഃ
ഓം ശ്രീകംഠായ നമഃ
ഓം ഭക്തവത്സലായ നമഃ
ഓം ഭവായ നമഃ
ഓം ശർവായ നമഃ
ഓം ത്രിലോകേശായ നമഃ (20)
ഓം ശിതികംഠായ നമഃ
ഓം ശിവാപ്രിയായ നമഃ
ഓം ഉഗ്രായ നമഃ
ഓം കപാലിനേ നമഃ
ഓം കാമാരയേ നമഃ
ഓം അംധകാസുര സൂദനായ നമഃ
ഓം ഗംഗാധരായ നമഃ
ഓം-ലഁലാടാക്ഷായ നമഃ
ഓം കാലകാലായ നമഃ
ഓം കൃപാനിധയേ നമഃ (30)
ഓം ഭീമായ നമഃ
ഓം പരശുഹസ്തായ നമഃ
ഓം മൃഗപാണയേ നമഃ
ഓം ജടാധരായ നമഃ
ഓം കൈലാസവാസിനേ നമഃ
ഓം കവചിനേ നമഃ
ഓം കഠോരായ നമഃ
ഓം ത്രിപുരാംതകായ നമഃ
ഓം-വൃഁഷാംകായ നമഃ
ഓം-വൃഁഷഭാരൂഢായ നമഃ (40)
ഓം ഭസ്മോദ്ധൂളിത വിഗ്രഹായ നമഃ
ഓം സാമപ്രിയായ നമഃ
ഓം സ്വരമയായ നമഃ
ഓം ത്രയീമൂര്തയേ നമഃ
ഓം അനീശ്വരായ നമഃ
ഓം സർവജ്ഞായ നമഃ
ഓം പരമാത്മനേ നമഃ
ഓം സോമസൂര്യാഗ്നി ലോചനായ നമഃ
ഓം ഹവിഷേ നമഃ
ഓം-യഁജ്ഞമയായ നമഃ (50)
ഓം സോമായ നമഃ
ഓം പംചവക്ത്രായ നമഃ
ഓം സദാശിവായ നമഃ
ഓം-വിഁശ്വേശ്വരായ നമഃ
ഓം-വീഁരഭദ്രായ നമഃ
ഓം ഗണനാഥായ നമഃ
ഓം പ്രജാപതയേ നമഃ
ഓം ഹിരണ്യരേതസേ നമഃ
ഓം ദുര്ധര്ഷായ നമഃ
ഓം ഗിരീശായ നമഃ (60)
ഓം ഗിരിശായ നമഃ
ഓം അനഘായ നമഃ
ഓം ഭുജംഗ ഭൂഷണായ നമഃ
ഓം ഭര്ഗായ നമഃ
ഓം ഗിരിധന്വനേ നമഃ
ഓം ഗിരിപ്രിയായ നമഃ
ഓം കൃത്തിവാസസേ നമഃ
ഓം പുരാരാതയേ നമഃ
ഓം ഭഗവതേ നമഃ
ഓം പ്രമഥാധിപായ നമഃ (70)
ഓം മൃത്യുംജയായ നമഃ
ഓം സൂക്ഷ്മതനവേ നമഃ
ഓം ജഗദ്വ്യാപിനേ നമഃ
ഓം ജഗദ്ഗുരവേ നമഃ
ഓം-വ്യോഁമകേശായ നമഃ
ഓം മഹാസേന ജനകായ നമഃ
ഓം ചാരുവിക്രമായ നമഃ
ഓം രുദ്രായ നമഃ
ഓം ഭൂതപതയേ നമഃ
ഓം സ്ഥാണവേ നമഃ (80)
ഓം അഹിര്ബുധ്ന്യായ നമഃ
ഓം ദിഗംബരായ നമഃ
ഓം അഷ്ടമൂര്തയേ നമഃ
ഓം അനേകാത്മനേ നമഃ
ഓം സാത്ത്വികായ നമഃ
ഓം ശുദ്ധവിഗ്രഹായ നമഃ
ഓം ശാശ്വതായ നമഃ
ഓം ഖംഡപരശവേ നമഃ
ഓം അജായ നമഃ
ഓം പാശവിമോചകായ നമഃ (90)
ഓം മൃഡായ നമഃ
ഓം പശുപതയേ നമഃ
ഓം ദേവായ നമഃ
ഓം മഹാദേവായ നമഃ
ഓം അവ്യയായ നമഃ
ഓം ഹരയേ നമഃ
ഓം പൂഷദംതഭിദേ നമഃ
ഓം അവ്യഗ്രായ നമഃ
ഓം ദക്ഷാധ്വരഹരായ നമഃ
ഓം ഹരായ നമഃ (100)
ഓം ഭഗനേത്രഭിദേ നമഃ
ഓം അവ്യക്തായ നമഃ
ഓം സഹസ്രാക്ഷായ നമഃ
ഓം സഹസ്രപാദേ നമഃ
ഓം അപവര്ഗപ്രദായ നമഃ
ഓം അനംതായ നമഃ
ഓം താരകായ നമഃ
ഓം പരമേശ്വരായ നമഃ (108)
ഓം നിധ॑നപതയേ॒ നമഃ | ഓം നിധ॑നപതാംതികായ॒ നമഃ |
ഓം ഊര്ധ്വായ॒ നമഃ | ഓം ഊര്ധ്വലിംഗായ॒ നമഃ |
ഓം ഹിരണ്യായ॒ നമഃ | ഓം ഹിരണ്യലിംഗായ॒ നമഃ |
ഓം സുവര്ണായ॒ നമഃ | ഓം സുവര്ണലിംഗായ॒ നമഃ |
ഓം ദിവ്യായ॒ നമഃ | ഓം ദിവ്യലിംഗായ॒ നമഃ |
ഓം ഭവായ॒ നമഃ | ഓം ഭവലിംഗായ॒ നമഃ |
ഓം ശർവായ॒ നമഃ | ഓം ശർവലിംഗായ॒ നമഃ |
ഓം ശിവായ॒ നമഃ | ഓം ശിവലിംഗായ॒ നമഃ |
ഓം ജ്വലായ॒ നമഃ | ഓം ജ്വലലിംഗായ॒ നമഃ |
ഓം ആത്മായ॒ നമഃ | ഓം ആത്മലിംഗായ॒ നമഃ |
ഓം പരമായ॒ നമഃ | ഓം പരമലിംഗായ॒ നമഃ |
ഓം ഭ॒വായ॑ ദേ॒വായ॒ നമഃ
– ഓം ഭ॒വസ്യ॑ ദേ॒വസ്യ॒ പത്ന്യൈ॒ നമഃ॑ |
ഓം ശ॒ർവായ॑ ദേ॒വായ॒ നമഃ
– ഓം ശ॒ർവസ്യ॑ ദേ॒വസ്യ॒ പത്ന്യൈ॒ നമഃ॑ |
ഓം ഈശാ॑നായ ദേ॒വായ॒ നമഃ
– ഓം ഈശാ॑നസ്യ ദേ॒വസ്യ॒ പത്ന്യൈ॒ നമഃ॑ |
ഓം പശു॒പത॑യേ ദേ॒വായ॒ നമഃ
– ഓം പശു॒പതേ᳚ര്ദേ॒വസ്യ പത്ന്യൈ॒ നമഃ॑ |
ഓം രു॒ദ്രായ॑ ദേ॒വായ॒ നമഃ
– ഓം രു॒ദ്രസ്യ॑ ദേ॒വസ്യ॒ പത്ന്യൈ॒ നമഃ॑ |
ഓം ഉ॒ഗ്രായ॑ ദേ॒വായ॒ നമഃ
– ഓം ഉ॒ഗ്രസ്യ॑ ദേ॒വസ്യ॒ പത്ന്യൈ॒ നമഃ॑ |
ഓം ഭീ॒മായ॑ ദേ॒വായ॒ നമഃ
– ഓം ഭീ॒മസ്യ॑ ദേ॒വസ്യ॒ പത്ന്യൈ॒ നമഃ॑ |
ഓം മഹ॑തേ ദേ॒വായ॒ നമഃ
– ഓം മഹ॑തോ ദേ॒വസ്യ॒ പത്ന്യൈ॒ നമഃ॑ |
ഓം ശ്രീ ഉമാമഹേശ്വര സ്വാമിനേ നമഃ നാനാ വിധ പരിമള പത്ര പുഷ്പാക്ഷതാന് സമര്പയാമി |
ധൂപം – (ഓം ബലാ॑യ॒ നമഃ)
ധൂര॑സി॒ ധൂർവ॒ ധൂർവം॑തം॒ ധൂർവ॒തം-യോഁ᳚ഽസ്മാന് ധൂർവ॑തി॒ തം ധൂ᳚ർവ॒യം-വഁ॒യം
ധൂർവാ॑മ॒സ്ത്വം ദേ॒വാനാ॑മസി॒ സസ്നി॑തമം॒ പപ്രി॑തമം॒ ജുഷ്ട॑തമം॒-വഁഹ്നി॑തമം
ദേവ॒ഹൂത॑മ॒-മഹ്രു॑തമസി ഹവി॒ര്ധാനം॒ ദൃഗ്മ് ഹ॑സ്വ॒ മാഹ്വാ᳚ ര്മി॒ത്രസ്യ॑ ത്വാ॒ ചക്ഷു॑ഷാ॒
പ്രേക്ഷേ॒ മാ ഭേര്മാ സംവിഁ ॑ക്താ॒ മാ ത്വാ॑ ഹിഗ്മ്സിഷമ് |
ആവാഹിതാഭ്യഃ സർവാഭ്യോ ദേവതാഭ്യോ നമഃ | ധൂപമാഘ്രാപയാമി |
ദീപം – (ഓം ബല॑ പ്രമഥനായ॒ നമഃ)
ഉദ്ദീ᳚പ്യസ്വ ജാതവേദോഽപ॒ഘ്നന് നിഋ॑തിം॒ മമ॑ | പ॒ശുഗ്ഗ്ശ്ച॒ മഹ്യ॒മാവ॑ഹ॒ ജീവ॑നം ച॒ ദിശോ॑ ദിശ | മാനോ॑ ഹിഗ്മ്സീ-ജ്ജാതവേദോ॒ ഗാമശ്വം॒ പുരു॑ഷം॒ ജഗ॑ത് | അബി॑ഭ്ര॒ദഗ്ന॒ ആഗ॑ഹി ശ്രി॒യാ മാ॒ പരി॑പാതയ |
ആവാഹിതാഭ്യഃ സർവാഭ്യോ ദേവതാഭ്യോ നമഃ | ധൂപമാഘ്രാപയാമി |
ധൂപ ദീപാനംതരം ശുദ്ധാചമനീയം സമര്പയാമി |
നൈവേദ്യം – (ഓം സർവ॑ ഭൂത ദമനായ॒ നമഃ)
ഓം ഭൂര്ഭുവ॒സ്സുവഃ॒ | തത്സ॑വി॒തുർവരേ᳚ണ്യം॒ ഭര്ഗോ॑ ദേ॒വസ്യ॑ ധീമഹി |
ധി॒യോ യോ നഃ॑ പ്രചോ॒ദയാ᳚ത് | ദേവ സവിതഃ പ്രസുവഃ |
സത്യം ത്വര്തേന പരിഷിംചാമി |
(സായംകാലേ – ഋതം ത്വാ സത്യേന പരിഷിംചാമി)
അമൃതം അസ്തു | അമൃതോപസ്തരണമസി |
ഓം പ്രാണായ സ്വാഹാഃ | ഓം അപാനായ സ്വാഹാഃ |
ഓം-വ്യാഁനായ സ്വാഹാഃ | ഓം ഉദാനായ സ്വാഹാഃ |
ഓം സമാനായ സ്വാഹാഃ | ഓം ബ്രഹ്മണേ സ്വാഹാഃ |
മധു॒വാതാ॑ ഋതായ॒തേ മധു॑ക്ഷരംതി॒ സിംധ॑വഃ |
മാദ്ധ്വീ᳚ര്നഃ സം॒ത്വോഷ॑ധീഃ | മധു॒നക്ത॑ മു॒തോഷസി॒ മധു॑മ॒ത് പാര്ഥി॑വ॒ഗ്മ്॒ രജഃ॑ |
മധു॒ദ്യൌര॑സ്തു നഃ പി॒താ | മധു॑മാന്നോ॒ വന॒സ്പതി॒ ര്മധു॑മാഗ്മ് അസ്തു॒ സൂര്യഃ॑ |
മാധ്വീ॒ര്ഗാവോ॑ ഭവംതു നഃ || മധു മധു മധു ||
ആവാഹിതാഭ്യഃ സർവാഭ്യോ ദേവതാഭ്യോ നമഃ |
(ദിവ്യാന്നം, ഘൃതഗുളപായസം, നാളികേരഖംഡദ്വയം, കദളീഫലം …)
ഓം ശ്രീ ഉമാമഹേശ്വര സ്വാമിനേ നമഃ | മഹാനൈവേദ്യം നിവേദയാമി |
മധ്യേ മധ്യേ പാനീയം സമര്പയാമി |
അ॒മൃ॒താ॒പി॒ധാ॒നമ॑സി | ഉത്തരാപോശനം സമര്പയാമി |
ഹസ്തൌ പ്രക്ഷാളയാമി | പാദൌ പ്രക്ഷാളയാമി |
ശുദ്ധാചമനീയം സമര്പയാമി |
താംബൂലം – (ഓം മ॒നോന്മ॑നായ॒ നമഃ)
പൂഗീഫലസമായുക്തം നാഗവല്ലീദളൈര്യുതമ് |
കര്പൂരചൂര്ണ സംയുഁക്തം താംബൂലം പ്രതിഗൃഹ്യതാമ് |
ആവാഹിതാഭ്യഃ സർവാഭ്യോ ദേവതാഭ്യോ നമഃ | താംബൂലം നിവേദയാമി |
താംബൂല ചർവണാനംതരം ശുദ്ധ ആചമനീയം സമര്പയാമി |
നീരാജനം
സോമോ॒ വാ ഏ॒തസ്യ॑ രാ॒ജ്യമാദ॑ത്തേ | യോ രാജാ॒സന് രാ॒ജ്യോ വാ॒ സോമേ॑ന॒
യജ॑തേ | ദേ॒വ॒ സു॒വാമേ॒താനി॑ ഹ॒വിഗ്മ്ഷി॑ ഭവംതി |
ഏ॒താവം॑തോ॒ വൈ ദേ॒വാനാഗ്മ്॑ സ॒വാഃ | ത ഏ॒വാസ്മൈ॑ സ॒വാന് പ്ര॑യച്ഛംതി |
ത ഏ॑നം പു॒നഃ സുവം॑തേ രാ॒ജ്യായ॑ | ദേ॒വ॒സൂ രാജാ॑ ഭവതി |
രാ॒ജാ॒ധി॒രാ॒ജായ॑ പ്രസഹ്യ സാ॒ഹിനേ᳚ | നമോ॑ വ॒യം-വൈഁ᳚ശ്രവ॒ണായ॑ കുര്മഹേ |
സ മേ॒ കാമാ॒ന് കാമ॒കാമാ॑യ॒ മഹ്യ᳚മ് | കാ॒മേ॒ശ്വ॒രോ വൈ᳚ശ്രവ॒ണോ ദ॑ദാതു |
കു॒ബേ॒രായ॑ വൈശ്രവ॒ണായ॑ | മ॒ഹാ॒രാ॒ജായ॒ നമഃ॑ |
അ॒ഘോരേ᳚ഭ്യോ ഽഥ॒ഘോരേ᳚ഭ്യോ॒ ഘോര॒ഘോര॑തരേഭ്യഃ |
സർവേ᳚ഭ്യഃ സർവ॒ശർവേ᳚ഭ്യോ॒ നമ॑സ്തേ അസ്തു രു॒ദ്രരൂ॑പേഭ്യഃ ||
തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി |
തന്നോ॑ രുദ്രഃ പ്രചോ॒ദയാ᳚ത് ||
ഈശാനഃ സർവ॑വിദ്യാ॒നാ॒-മീശ്വരഃ സർവ॑ഭൂതാ॒നാം॒ ബ്രഹ്മാധി॑പതി॒ ര്ബ്രഹ്മ॒ണോഽധി॑പതി॒ ര്ബ്രഹ്മാ॑ ശി॒വോ മേ॑ അസ്തു സദാശിവോമ് ||
നീരാജനമിദം ദേവ കര്പൂരാമോദ സംയുഁതമ് |
ഗൃഹാണ പരമാനംദ ഹേരംബ വരദായക ||
ആവാഹിതാഭ്യഃ സർവാഭ്യോ ദേവതാഭ്യോ നമഃ | കര്പൂര നീരാജനം ദര്ശയാമി |
നീരാജനാനംതരം ശുദ്ധ ആചമനീയം സമര്പയാമി |
മംത്രപുഷ്പം
ആത്മരക്ഷാ
ബ്രഹ്മാ᳚ത്മ॒ന് വദ॑സൃജത | തദ॑കാമയത | സമാ॒ത്മനാ॑ പദ്യേ॒യേതി॑ |
ആത്മ॒ന്നാ-ത്മ॒ന്നിത്യാ-മം॑ത്രയത | തസ്മൈ॑ ദശ॒മഗ്മ് ഹൂ॒തഃ പ്രത്യ॑ശൃണോത് |
സ ദശ॑ഹൂതോഽഭവത് | ദശ॑ഹൂതോ ഹ॒വൈ നാമൈ॒ഷഃ | തം-വാഁ ഏ॒തം ദശ॑ഹൂത॒ഗ്മ്॒ സംത᳚മ് |
ദശ॑ഹോ॒തേത്യാ ച॑ക്ഷതേ പ॒രോക്ഷേ॑ണ | പ॒രോക്ഷ॑പ്രിയാ ഇവ॒ ഹി ദേ॒വാഃ || 1
ആത്മ॒ന്നാ-ത്മ॒ന്നിത്യാ-മം॑ത്രയത | തസ്മൈ॑ സപ്ത॒മഗ്മ് ഹൂ॒തഃ പ്രത്യ॑ശൃണോത് |
സ സ॒പ്തഹൂ॑തോഽഭവത് | സ॒പ്തഹൂ॑തോ ഹ॒വൈ നാമൈ॒ഷഃ | തം-വാഁ ഏ॒തഗ്മ് സ॒പ്തഹൂ॑ത॒ഗ്മ്॒ സംത᳚മ് | സ॒പ്തഹോ॒തേത്യാ ച॑ക്ഷതേ പ॒രോക്ഷേ॑ണ | പ॒രോക്ഷ॑പ്രിയാ ഇവ॒ ഹി ദേ॒വാഃ || 2
ആത്മ॒ന്നാ-ത്മ॒ന്നിത്യാ-മം॑ത്രയത | തസ്മൈ॑ ഷ॒ഷ്ഠഗ്മ് ഹൂ॒തഃ പ്രത്യ॑ശൃണോത് |
സ ഷഡ്ഢൂ॑തോഽഭവത് | ഷഡ്ഢൂ॑തോ ഹ॒വൈ നാമൈ॒ഷഃ | തം-വാഁ ഏ॒തഗ്മ് ഷഡ്ഢൂ॑ത॒ഗ്മ്॒ സംത᳚മ് |
ഷഡ്ഢോ॒തേത്യാ ച॑ക്ഷതേ പ॒രോക്ഷേ॑ണ | പ॒രോക്ഷ॑പ്രിയാ ഇവ॒ ഹി ദേ॒വാഃ || 3
ആത്മ॒ന്നാ-ത്മ॒ന്നിത്യാ-മം॑ത്രയത | തസ്മൈ॑ പംച॒മഗ്മ് ഹൂ॒തഃ പ്രത്യ॑ശൃണോത് |
സ പംച॑ഹൂതോഽഭവത് | പംച॑ഹൂതോ ഹ॒വൈ നാമൈ॒ഷഃ | തം-വാഁ ഏ॒തം പംച॑ഹൂത॒ഗ്മ്॒ സംത᳚മ് | പംച॑ഹോ॒തേത്യാ ച॑ക്ഷതേ പ॒രോക്ഷേ॑ണ | പ॒രോക്ഷ॑പ്രിയാ ഇവ॒ ഹി ദേ॒വാഃ || 4
ആത്മ॒ന്നാ-ത്മ॒ന്നിത്യാ-മം॑ത്രയത | തസ്മൈ॑ ചതു॒ര്ഥഗ്മ് ഹൂ॒തഃ പ്രത്യ॑ശൃണോത് |
സ ചതു॑ര്ഹൂതോഽഭവത് | ചതു॑ര്ഹൂതോ ഹ॒വൈ നാമൈ॒ഷഃ | തം-വാഁ ഏ॒തം ചതു॑ര്ഹൂത॒ഗ്മ്॒
സംത᳚മ് | ചതു॑ര്ഹോ॒തേത്യാ ച॑ക്ഷതേ പ॒രോക്ഷേ॑ണ | പ॒രോക്ഷ॑പ്രിയാ ഇവ॒ ഹി ദേ॒വാഃ || 5
തമ॑ബ്രവീത് | ത്വം-വൈഁ മേ॒ നേദി॑ഷ്ഠഗ്മ് ഹൂ॒തഃ പ്രത്യ॑ശ്രൌഷീഃ |
ത്വയൈ॑ നാനാഖ്യാ॒താര॒ ഇതി॑ | തസ്മാ॒ന്നുഹൈ॑നാ॒ഗ്ഗ്॒-ശ്ച॑തു ര്ഹോതാര॒ ഇത്യാച॑ക്ഷതേ |
തസ്മാ᳚ച്ഛുശ്രൂ॒ഷുഃ പു॒ത്രാണാ॒ഗ്മ്॒ ഹൃദ്യ॑തമഃ | നേദി॑ഷ്ഠോ॒ ഹൃദ്യ॑തമഃ |
നേദി॑ഷ്ഠോ॒ ബ്രഹ്മ॑ണോ ഭവതി | യ ഏ॒വം-വേഁദ॑ || 6 (ആത്മനേ॒ നമഃ॑)
ഓം തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി |
തന്നോ॑ രുദ്രഃ പ്രചോ॒ദയാ᳚ത് ||
ഓം കാ॒ത്യാ॒യ॒നായ॑ വി॒ദ്മഹേ॑ കന്യകു॒മാരി॑ ധീമഹി |
തന്നോ॑ ദുര്ഗിഃ പ്രചോ॒ദയാ᳚ത് ||
യോ॑ഽപാം പുഷ്പം॒-വേഁദ॑ | പുഷ്പ॑വാന് പ്ര॒ജാവാ᳚ന് പശു॒മാന് ഭ॑വതി |
ചം॒ദ്രമാ॒ വാ അ॒പാം പുഷ്പ᳚മ് | പുഷ്പ॑വാന് പ്ര॒ജാവാ᳚ന് പശു॒മാന് ഭ॑വതി |
ഓം᳚ തദ്ബ്ര॒ഹ്മ | ഓം᳚ തദ്വാ॒യുഃ | ഓം᳚ തദാ॒ത്മാ | ഓം᳚ തഥ്സ॒ത്യമ് |
ഓം᳚ തഥ്സർവ᳚മ് | ഓം᳚ തത്പുരോ॒ര്നമഃ |
അംതശ്ചരതി॑ ഭൂതേ॒ഷു॒ ഗുഹായാം-വിഁ ॑ശ്വമൂ॒ര്തിഷു | ത്വം-യഁജ്ഞസ്ത്വം-വഁഷട്കാര സ്ത്വമിംദ്രസ്ത്വഗ്മ് രുദ്രസ്ത്വം-വിഁഷ്ണുസ്ത്വം ബ്രഹ്മത്വം॑ പ്രജാ॒പതിഃ |
ത്വം ത॑ദാപ॒ ആപോ॒ ജ്യോതീ॒രസോ॒ഽമൃതം॒ ബ്രഹ്മ॒ ഭൂര്ഭുവ॒സ്സുവ॒രോമ് |
ആവാഹിതാഭ്യഃ സർവാഭ്യോ ദേവതാഭ്യോ നമഃ |
പാദാരവിംദയോഃ ദിവ്യ സുവര്ണ മംത്ര പുഷ്പാംജലിം സമര്പയാമി |
ചതുർവേദ പാരായണം
ഓമ് | അ॒ഗ്നിമീ᳚ളേ പു॒രോഹി॑തം-യഁ॒ജ്ഞസ്യ॑ ദേ॒വമൃ॒ത്വിജ᳚മ് | ഹോതാ᳚രം രത്ന॒ ധാത॑മമ് |
ഓമ് | ഇ॒ഷേത്വോ॒ര്ജേത്വാ॑ വാ॒യവഃ॑ സ്ഥോ പാ॒യവഃ॑ സ്ഥ ദേ॒വോ വ॑സ്സവി॒താ പ്രാര്പ॑യതു॒ ശ്രേഷ്ഠ॑തമായ॒ കര്മ॑ണേ |
ഓമ് | അഗ്ന॒ ആയാ॑ഹി വീ॒തയേ॑ ഗൃണാ॒നോ ഹ॒വ്യ ദാ॑തയേ |
നിഹോതാ॑ സഥ്സി ബ॒ര്ഹിഷി॑ |
ഓമ് | ശന്നോ॑ ദേ॒വീര॒ഭിഷ്ട॑യ॒ ആപോ॑ ഭവംതു പീ॒തയേ᳚ | ശംയോഁര॒ഭിസ്ര॑വംതു നഃ ||
പ്രദക്ഷിണം
ഈശാനഃ സർവ॑വിദ്യാ॒നാ॒മീശ്വരഃ സർവ॑ഭൂതാ॒നാം॒
ബ്രഹ്മാധി॑പതി॒ര്ബ്രഹ്മ॒ണോഽധി॑പതി॒ര്ബ്രഹ്മാ॑ ശി॒വോ മേ॑ അസ്തു സദാശി॒വോമ് ||
പദേ പദേ സർവതമോ നികൃംതനം
പദേ പദേ സർവ ശുഭപ്രദായകമ് |
പ്രക്ഷിണം ഭക്തിയുതേന ചേതസാ
കരോമി മൃത്യുംജയ രക്ഷ രക്ഷ മാമ് ||
ഓം ശ്രീ ഉമാമഹേശ്വര സ്വാമിനേ നമഃ ആത്മപ്രദക്ഷിണ നമസ്കാരാന് സമര്പയാമി |
പ്രാര്ഥനാ
നമോ ഹിരണ്യബാഹവേ ഹിരണ്യവര്ണായ ഹിരണ്യരൂപായ ഹിരണ്യപതയേഽംബികാപതയ ഉമാപതയേ പശുപതയേ॑ നമോ॒ നമഃ ||
അഥ തര്പണം
ഭവം ദേവം തര്പയാമി
– ഭവസ്യ ദേവസ്യ പത്നീം തര്പയാമി |
ശർവം ദേവം തര്പയാമി
– ശർവസ്യ ദേവസ്യ പത്നീം തര്പയാമി |
ഈശാനം ദേവം തര്പയാമി
– ഈശാനസ്യ ദേവസ്യ പത്നീം തര്പയാമി |
പശുപതിം ദേവം തര്പയാമി
– പശുപതേര്ദേവസ്യ പത്നീം തര്പയാമി |
രുദ്രം ദേവം തര്പയാമി
– രുദ്രസ്യ ദേവസ്യ പത്നീം തര്പയാമി |
ഉഗ്രം ദേവം തര്പയാമി
– ഉഗ്രസ്യ ദേവസ്യ പത്നീം തര്പയാമി |
ഭീമം ദേവം തര്പയാമി
– ഭീമസ്യ ദേവസ്യ പത്നീം തര്പയാമി |
മഹാംതം ദേവം തര്പയാമി
– മഹതോ ദേവസ്യ പത്നീം തര്പയാമി |
ഇതി തര്പയിത്വാ അഘോരാദിഭിസ്ത്രിഭിര്മംത്രൈഃ ഘോര തനൂരുപതിഷ്ഠതേ |
ഓം അ॒ഘോരേ᳚ഭ്യോഽഥ॒ ഘോരേ᳚ഭ്യോ॒ ഘോര॒ഘോര॑തരേഭ്യഃ |
സർവേ᳚ഭ്യഃ സർവ॒ശർവേ᳚ഭ്യോ॒ നമ॑സ്തേ അസ്തു രു॒ദ്രരൂ॑പേഭ്യഃ ||
ഓം തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി |
തന്നോ॑ രുദ്രഃ പ്രചോ॒ദയാ᳚ത് ||
ഈശാനസ്സ॑ർവവിദ്യാ॒നാ॒മീശ്വരസ്സർവ॑ഭൂതാ॒നാം॒ ബ്രഹ്മാഽധി॑പതി॒ര്ബ്രഹ്മ॒ണോഽധി॑പതി॒ര്ബ്രഹ്മാ॑ ശി॒വോ മേ॑ അസ്തു സദാശി॒വോമ് ||
ഇതി ധ്യാത്വാ രുദ്രഗായത്രീം-യഁഥാ ശക്തി ജപേത് |
ഓം തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി |
തന്നോ॑ രുദ്രഃ പ്രചോ॒ദയാ᳚ത് ||
ഇതി ജപിത്വാ അഥൈനമാശിഷമാശാസ്തേ |
(തൈ.ബ്രാ.3-5-10-4)
ആശാ᳚സ്തേ॒ഽയം-യഁജ॑മാനോ॒ഽസൌ | ആയു॒രാശാ᳚സ്തേ |
സു॒പ്ര॒ജാ॒സ്ത്വമാശാ᳚സ്തേ | സ॒ജാ॒ത॒വ॒ന॒സ്യാമാശാ᳚സ്തേ |
ഉത്ത॑രാം ദേവയ॒ജ്യാമാശാ᳚സ്തേ | ഭൂയോ॑ ഹവി॒ഷ്കര॑ണ॒മാശാ᳚സ്തേ |
ദി॒വ്യം ധാമാശാ᳚സ്തേ | വിശ്വം॑ പ്രി॒യമാശാ᳚സ്തേ |
യദ॒നേന॑ ഹ॒വിഷാഽഽശാ᳚സ്തേ | തദ॑സ്യാ॒ത്ത॒ദൃ॑ധ്യാത് |
തദ॑സ്മൈ ദേ॒വാ രാ॑സംതാമ് | തദ॒ഗ്നിര്ദേ॒വോ ദേ॒വേഭ്യോ॒ വന॑തേ |
വ॒യമ॒ഗ്നേര്മാനു॑ഷാഃ | ഇ॒ഷ്ടം ച॑ വീ॒തം ച॑ |
ഉ॒ഭേ ച॑ നോ॒ ദ്യാവാ॑പൃഥി॒വീ അഗ്മ്ഹ॑സഃ സ്പാതാമ് |
ഇ॒ഹ ഗതി॑ർവാ॒മസ്യേ॒ദം ച॑ | നമോ॑ ദേ॒വേഭ്യഃ॑ ||
ഉപചാരപൂജാഃ
പുനഃ പൂജാം കരിഷ്യേ | ഛത്രമാച്ഛാദയാമി |
ചാമരൈർവീജയാമി | നൃത്യം ദര്ശയാമി |
ഗീതം ശ്രാവയാമി | ആംദോളികാനാരോഹയാമി |
അശ്വാനാരോഹയാമി | ഗജാനാരോഹയാമി |
സമസ്ത രാജോപചാര ദേവോപചാര ഭക്ത്യുപചാര ശക്ത്യുപചാര മംത്രോപചാര പൂജാസ്സമര്പയാമി ||
ലിംഗാഷ്ടകമ് ||
ബില്വാഷ്ടകമ് ||
ക്ഷമാപ്രാര്ഥന
കരചരണകൃതം-വാഁക്കായജം കര്മജം-വാഁ
ശ്രവണനയനജം-വാഁ മാനസം-വാഁഽപരാധമ് |
വിഹിതമവിഹിതം-വാഁ സർവമേതത്ക്ഷ്മസ്വ
ശിവ ശിവ കരുണാബ്ധേ ശ്രീമഹാദേവ ശംഭോ || 18 ||
യസ്യ സ്മൃത്യാ ച നാമോക്ത്യാ തപഃ പൂജാ ക്രിയാദിഷു |
ന്യൂനം സംപൂര്ണതാം-യാഁതി സദ്യോവംദേ മഹേശ്വരമ് ||
മംത്രഹീനം ക്രിയാഹീനം ഭക്തിഹീനം മഹേശ്വര |
യത്പൂജിതം മയാ ദേവ പരിപൂര്ണം തദസ്തു തേ ||
അനയാ സദ്യോജാത വിധിനാ ധ്യാനാവഹനാദി ഷോഡശോപചാര പൂജയാ ഭഗവാന് സർവാത്മകഃ ശ്രീ ഉമാമഹേശ്വരസ്വാമീ സുപ്രീതഃ സുപ്രസന്നോ വരദോ ഭവതു |
ഏതത്ഫലം പരമേശ്വരാര്പണമസ്തു ||
ഉത്തരതശ്ചംഡീശ്വരായ നമഃ നിര്മാല്യം-വിഁസൃജ്യ ||
തീര്ഥം
അകാലമൃത്യുഹരണം സർവവ്യാധി നിവാരണമ് |
സമസ്തപാപക്ഷയകരം ശിവപാദോദകം പാവനം ശുഭമ് ||
ഇതി ത്രിവാരം പീത്വാ ശിവ നിര്മാല്യ രൂപ ബില്വദളം-വാഁ ദക്ഷിണേ കര്ണേ ധാരയേത് |
ഓം ശാംതിഃ ശാംതിഃ ശാംതിഃ ||