വംദേ ശംഭുമുമാപതിം സുരഗുരും വംദേ ജഗത്കാരണം
വംദേ പന്നഗഭൂഷണം മൃഗധരം വംദേ പശൂനാം പതിമ് |
വംദേ സൂര്യശശാംകവഹ്നിനയനം വംദേ മുകുംദപ്രിയം
വംദേ ഭക്തജനാശ്രയം ച വരദം വംദേ ശിവം ശംകരമ് || ൧ ||
വംദേ സര്വജഗദ്വിഹാരമതുലം വംദേഽംധകധ്വംസിനം
വംദേ ദേവശിഖാമണിം ശശിനിഭം വംദേ ഹരേര്വല്ലഭമ് |
വംദേ നാഗഭുജംഗഭൂഷണധരം വംദേ ശിവം ചിന്മയം
വംദേ ഭക്തജനാശ്രയം ച വരദം വംദേ ശിവം ശംകരമ് || ൨ ||
വംദേ ദിവ്യമചിംത്യമദ്വയമഹം വംദേഽര്കദര്പാപഹം
വംദേ നിര്മലമാദിമൂലമനിശം വംദേ മഖധ്വംസിനമ് |
വംദേ സത്യമനംതമാദ്യമഭയം വംദേഽതിശാംതാകൃതിം
വംദേ ഭക്തജനാശ്രയം ച വരദം വംദേ ശിവം ശംകരമ് || ൩ ||
വംദേ ഭൂരഥമംബുജാക്ഷവിശിഖം വംദേ ത്രയീഘോടകം
വംദേ ശൈലശരാസനം ഫണിഗുണം വംദേഽബ്ധിതൂണീരകമ് |
വംദേ പദ്മജസാരഥിം പുരഹരം വംദേ മഹാവൈഭവം
വംദേ ഭക്തജനാശ്രയം ച വരദം വംദേ ശിവം ശംകരമ് || ൪ ||
വംദേ പംചമുഖാംബുജം ത്രിനയനം വംദേ ലലാടേക്ഷണം
വംദേ വ്യോമഗതം ജടാസുമുകുടം വംദേംദുഗംഗാധരമ് |
വംദേ ഭസ്മകൃതത്രിപുംഡ്രനിടിലം വംദേഽഷ്ടമൂര്ത്യാത്മകം
വംദേ ഭക്തജനാശ്രയം ച വരദം വംദേ ശിവം ശംകരമ് || ൫ ||
വംദേ കാലഹരം ഹരം വിഷധരം വംദേ മൃഡം ധൂര്ജടിം
വംദേ സര്വഗതം ദയാമൃതനിധിം വംദേ നൃസിംഹാപഹമ് |
വംദേ വിപ്രസുരാര്ചിതാംഘ്രികമലം വംദേ ഭഗാക്ഷാപഹം
വംദേ ഭക്തജനാശ്രയം ച വരദം വംദേ ശിവം ശംകരമ് || ൬ ||
വംദേ മംഗളരാജതാദ്രിനിലയം വംദേ സുരാധീശ്വരം
വംദേ ശംകരമപ്രമേയമതുലം വംദേ യമദ്വേഷിണമ് |
വംദേ കുംഡലിരാജകുംഡലധരം വംദേ സഹസ്രാനനം
വംദേ ഭക്തജനാശ്രയം ച വരദം വംദേ ശിവം ശംകരമ് || ൭ ||
വംദേ ഹംസമതീംദ്രിയം സ്മരഹരം വംദേ വിരൂപേക്ഷണം
വംദേ ഭൂതഗണേശമവ്യയമഹം വംദേഽര്ഥരാജ്യപ്രദമ് |
വംദേ സുംദരസൌരഭേയഗമനം വംദേ ത്രിശൂലായുധം
വംദേ ഭക്തജനാശ്രയം ച വരദം വംദേ ശിവം ശംകരമ് || ൮ ||
വംദേ സൂക്ഷ്മമനംതമാദ്യമഭയം വംദേഽംധകാരാപഹം
വംദേ രാവണനംദിഭൃംഗിവിനതം വംദേ സുപര്ണാവൃതമ് |
വംദേ ശൈലസുതാര്ധഭാഗവപുഷം വംദേഽഭയം ത്ര്യംബകം
വംദേ ഭക്തജനാശ്രയം ച വരദം വംദേ ശിവം ശംകരമ് || ൯ ||
വംദേ പാവനമംബരാത്മവിഭവം വംദേ മഹേംദ്രേശ്വരം
വംദേ ഭക്തജനാശ്രയാമരതരും വംദേ നതാഭീഷ്ടദമ് |
വംദേ ജഹ്നുസുതാംബികേശമനിശം വംദേ ഗണാധീശ്വരം
വംദേ ഭക്തജനാശ്രയം ച വരദം വംദേ ശിവം ശംകരമ് || ൧൦ ||
ഇതി ശ്രീ ശിവ സ്തുതിഃ |