ଲଙ୍କାୟାଂ ଶାଙ୍କରୀଦେଵୀ କାମାକ୍ଷୀ କାଞ୍ଚିକାପୁରେ |
ପ୍ରଦ୍ୟୁମ୍ନେ ଶୃଙ୍ଖଲାଦେଵୀ ଚାମୁଣ୍ଡୀ କ୍ରୌଞ୍ଚପଟ୍ଟଣେ || ୧ ||
ଅଲମ୍ପୁରେ ଜୋଗୁଲାମ୍ବା ଶ୍ରୀଶୈଲେ ଭ୍ରମରାମ୍ବିକା |
କୋଲ୍ହାପୁରେ ମହାଲକ୍ଷ୍ମୀ ମୁହୁର୍ୟେ ଏକଵୀରିକା || ୨ || [ମାହୁର୍ୟେ]
ଉଜ୍ଜୟିନ୍ୟାଂ ମହାକାଲୀ ପୀଠିକ୍ୟାଂ ପୁରୁହୂତିକା |
ଓଢ୍ୟାୟାଂ ଗିରିଜାଦେଵୀ ମାଣିକ୍ୟା ଦକ୍ଷଵାଟକେ || ୩ ||
ହରିକ୍ଷେତ୍ରେ କାମରୂପା ପ୍ରୟାଗେ ମାଧଵେଶ୍ଵରୀ |
ଜ୍ଵାଲାୟାଂ ଵୈଷ୍ଣଵୀଦେଵୀ ଗୟା ମାଙ୍ଗଲ୍ୟଗୌରିକା || ୪ ||
ଵାରାଣସ୍ୟାଂ ଵିଶାଲାକ୍ଷୀ କାଶ୍ମୀରେଷୁ ସରସ୍ଵତୀ |
ଅଷ୍ଟାଦଶ ସୁପୀଠାନି ୟୋଗିନାମପି ଦୁର୍ଲଭମ୍ || ୫ ||
ସାୟଙ୍କାଲେ ପଠେନ୍ନିତ୍ୟଂ ସର୍ଵଶତ୍ରୁଵିନାଶନମ୍ |
ସର୍ଵରୋଗହରଂ ଦିଵ୍ୟଂ ସର୍ଵସମ୍ପତ୍କରଂ ଶୁଭମ୍ || ୬ ||
ଇତି ଅଷ୍ଟାଦଶ ଶକ୍ତିପୀଠ ସ୍ତୋତ୍ରମ୍ |