ତ୍ରିଦଳଂ ତ୍ରିଗୁଣାକାରଂ ତ୍ରିନେତ୍ରଂ ଚ ତ୍ରିଯାଯୁଧମ୍ |
ତ୍ରିଜନ୍ମପାପସଂହାରଂ ଏକବିଲ୍ଵଂ ଶିଵାର୍ପଣମ୍ || ୧ ||
ତ୍ରିଶାଖୈର୍ବିଲ୍ଵପତ୍ରୈଶ୍ଚ ହ୍ଯଚ୍ଛିଦ୍ରୈଃ କୋମଲୈଃ ଶୁଭୈଃ |
ଶିଵପୂଜାଂ କରିଷ୍ଯାମି ଏକବିଲ୍ଵଂ ଶିଵାର୍ପଣମ୍ || ୨ ||
ଅଖଂଡବିଲ୍ଵପତ୍ରେଣ ପୂଜିତେ ନଂଦିକେଶ୍ଵରେ |
ଶୁଦ୍ଧ୍ଯଂତି ସର୍ଵପାପେଭ୍ଯଃ ଏକବିଲ୍ଵଂ ଶିଵାର୍ପଣମ୍ || ୩ ||
ସାଲଗ୍ରାମଶିଲାମେକାଂ ଜାତୁ ଵିପ୍ରାଯ ଯୋଽର୍ପଯେତ୍ |
ସୋମଯଜ୍ଞମହାପୁଣ୍ଯଂ ଏକବିଲ୍ଵଂ ଶିଵାର୍ପଣମ୍ || ୪ ||
ଦଂତିକୋଟିସହସ୍ରାଣି ଵାଜପେଯଶତାନି ଚ |
କୋଟିକନ୍ଯାମହାଦାନାଂ ଏକବିଲ୍ଵଂ ଶିଵାର୍ପଣମ୍ || ୫ ||
ପାର୍ଵତ୍ଯାଃ ସ୍ଵେଦସଂଜାତଂ ମହାଦେଵସ୍ଯ ଚ ପ୍ରିଯମ୍ |
ବିଲ୍ଵଵୃକ୍ଷଂ ନମସ୍ଯାମି ଏକବିଲ୍ଵଂ ଶିଵାର୍ପଣମ୍ || ୬ ||
ଦର୍ଶନଂ ବିଲ୍ଵଵୃକ୍ଷସ୍ଯ ସ୍ପର୍ଶନଂ ପାପନାଶନମ୍ |
ଅଘୋରପାପସଂହାରଂ ଏକବିଲ୍ଵଂ ଶିଵାର୍ପଣମ୍ || ୭ ||
ମୂଲତୋ ବ୍ରହ୍ମରୂପାଯ ମଧ୍ଯତୋ ଵିଷ୍ଣୁରୂପିଣେ |
ଅଗ୍ରତଃ ଶିଵରୂପାଯ ଏକବିଲ୍ଵଂ ଶିଵାର୍ପଣମ୍ || ୮ ||
ବିଲ୍ଵାଷ୍ଟକମିଦଂ ପୁଣ୍ଯଂ ଯଃ ପଠେଚ୍ଛିଵସନ୍ନିଧୌ |
ସର୍ଵପାପଵିନିର୍ମୁକ୍ତଃ ଶିଵଲୋକମଵାପ୍ନୁଯାତ୍ || ୯ ||
ଇତି ବିଲ୍ଵାଷ୍ଟକମ୍ ||