ଗ୍ରହାଣାମାଦିରାଦିତ୍ଯୋ ଲୋକରକ୍ଷଣକାରକଃ |
ଵିଷମସ୍ଥାନସଂଭୂତାଂ ପୀଡାଂ ହରତୁ ମେ ରଵିଃ || ୧ ||
ରୋହିଣୀଶଃ ସୁଧାମୂର୍ତିଃ ସୁଧାଗାତ୍ରଃ ସୁଧାଶନଃ |
ଵିଷମସ୍ଥାନସଂଭୂତାଂ ପୀଡାଂ ହରତୁ ମେ ଵିଧୁଃ || ୨ ||
ଭୂମିପୁତ୍ରୋ ମହାତେଜା ଜଗତାଂ ଭଯକୃତ୍ ସଦା |
ଵୃଷ୍ଟିକୃଦ୍ଵୃଷ୍ଟିହର୍ତା ଚ ପୀଡାଂ ହରତୁ ମେ କୁଜଃ || ୩ ||
ଉତ୍ପାତରୂପୋ ଜଗତାଂ ଚଂଦ୍ରପୁତ୍ରୋ ମହାଦ୍ଯୁତିଃ |
ସୂର୍ଯପ୍ରିଯକରୋ ଵିଦ୍ଵାନ୍ ପୀଡାଂ ହରତୁ ମେ ବୁଧଃ || ୪ ||
ଦେଵମଂତ୍ରୀ ଵିଶାଲାକ୍ଷଃ ସଦା ଲୋକହିତେ ରତଃ |
ଅନେକଶିଷ୍ଯସଂପୂର୍ଣଃ ପୀଡାଂ ହରତୁ ମେ ଗୁରୁଃ || ୫ ||
ଦୈତ୍ଯମଂତ୍ରୀ ଗୁରୁସ୍ତେଷାଂ ପ୍ରାଣଦଶ୍ଚ ମହାମତିଃ |
ପ୍ରଭୁସ୍ତାରାଗ୍ରହାଣାଂ ଚ ପୀଡାଂ ହରତୁ ମେ ଭୃଗୁଃ || ୬ ||
ସୂର୍ଯପୁତ୍ରୋ ଦୀର୍ଘଦେହୋ ଵିଶାଲାକ୍ଷଃ ଶିଵପ୍ରିଯଃ |
ମଂଦଚାରଃ ପ୍ରସନ୍ନାତ୍ମା ପୀଡାଂ ହରତୁ ମେ ଶନିଃ || ୭ ||
ମହାଶିରା ମହାଵକ୍ତ୍ରୋ ଦୀର୍ଘଦଂଷ୍ଟ୍ରୋ ମହାବଲଃ |
ଅତନୁଶ୍ଚୋର୍ଧ୍ଵକେଶଶ୍ଚ ପୀଡାଂ ହରତୁ ମେ ଶିଖୀ || ୮ ||
ଅନେକରୂପଵର୍ଣୈଶ୍ଚ ଶତଶୋଽଥ ସହସ୍ରଶଃ |
ଉତ୍ପାତରୂପୋ ଜଗତାଂ ପୀଡାଂ ହରତୁ ମେ ତମଃ || ୯ ||
ଇତି ନଵଗ୍ରହ ପୀଡାହର ସ୍ତୋତ୍ରମ୍ ||