ଜପାକୁସୁମସଂକାଶଂ କାଶ୍ଯପେଯଂ ମହାଦ୍ଯୁତିମ୍ |
ତମୋଽରିଂ ସର୍ଵପାପଘ୍ନଂ ପ୍ରଣତୋଽସ୍ମି ଦିଵାକରମ୍ || ୧ ||
ଦଧିଶଂଖତୁଷାରାଭଂ କ୍ଷୀରୋଦାର୍ଣଵସଂଭଵମ୍ |
ନମାମି ଶଶିନଂ ସୋମଂ ଶଂଭୋର୍ମୁକୁଟଭୂଷଣମ୍ || ୨ ||
ଧରଣୀଗର୍ଭସଂଭୂତଂ ଵିଦ୍ଯୁତ୍କାଂତିସମପ୍ରଭମ୍ |
କୁମାରଂ ଶକ୍ତିହସ୍ତଂ ତଂ ମଂଗଳଂ ପ୍ରଣମାମ୍ଯହମ୍ || ୩ ||
ପ୍ରିଯଂଗୁକଲିକାଶ୍ଯାମଂ ରୂପେଣାପ୍ରତିମଂ ବୁଧମ୍ |
ସୌମ୍ଯଂ ସୌମ୍ଯଗୁଣୋପେତଂ ତଂ ବୁଧଂ ପ୍ରଣମାମ୍ଯହମ୍ || ୪ ||
ଦେଵାନାଂ ଚ ଋଷୀଣାଂ ଚ ଗୁରୁଂ କାଂଚନସନ୍ନିଭମ୍ |
ବୁଦ୍ଧିଭୂତଂ ତ୍ରିଲୋକେଶଂ ତଂ ନମାମି ବୃହସ୍ପତିମ୍ || ୫ ||
ହିମକୁଂଦମୃଣାଲାଭଂ ଦୈତ୍ଯାନାଂ ପରମଂ ଗୁରୁମ୍ |
ସର୍ଵଶାସ୍ତ୍ରପ୍ରଵକ୍ତାରଂ ଭାର୍ଗଵଂ ପ୍ରଣମାମ୍ଯହମ୍ || ୬ ||
ନୀଲାଂଜନସମାଭାସଂ ରଵିପୁତ୍ରଂ ଯମାଗ୍ରଜମ୍ |
ଛାଯାମାର୍ତାଂଡସଂଭୂତଂ ତଂ ନମାମି ଶନୈଶ୍ଚରମ୍ || ୭ ||
ଅର୍ଧକାଯଂ ମହାଵୀର୍ଯଂ ଚଂଦ୍ରାଦିତ୍ଯଵିମର୍ଦନମ୍ |
ସିଂହିକାଗର୍ଭସଂଭୂତଂ ତଂ ରାହୁଂ ପ୍ରଣମାମ୍ଯହମ୍ || ୮ ||
ପଲାଶପୁଷ୍ପସଂକାଶଂ ତାରକାଗ୍ରହମସ୍ତକମ୍ |
ରୌଦ୍ରଂ ରୌଦ୍ରାତ୍ମକଂ ଘୋରଂ ତଂ କେତୁଂ ପ୍ରଣମାମ୍ଯହମ୍ || ୯ ||
ଇତି ଵ୍ଯାସମୁଖୋଦ୍ଗୀତଂ ଯଃ ପଠେତ୍ ସୁସମାହିତଃ |
ଦିଵା ଵା ଯଦି ଵା ରାତ୍ରୌ ଵିଘ୍ନଶାଂତିର୍ଭଵିଷ୍ଯତି || ୧୦ ||
ନରନାରୀନୃପାଣାଂ ଚ ଭଵେଦ୍ଦୁଃସ୍ଵପ୍ନନାଶନମ୍ |
ଐଶ୍ଵର୍ଯମତୁଲଂ ତେଷାମାରୋଗ୍ଯଂ ପୁଷ୍ଟିଵର୍ଧନମ୍ || ୧୧ ||
ଗ୍ରହନକ୍ଷତ୍ରଜାଃ ପୀଡାସ୍ତସ୍କରାଗ୍ନିସମୁଦ୍ଭଵାଃ |
ତାଃ ସର୍ଵାଃ ପ୍ରଶମଂ ଯାଂତି ଵ୍ଯାସୋ ବ୍ରୂତେ ନ ସଂଶଯଃ || ୧୨ ||
ଇତି ଶ୍ରୀଵ୍ଯାସ କୃତ ନଵଗ୍ରହ ସ୍ତୋତ୍ରମ୍ |