1 କୃଷ୍ଣୟଜୁର୍ୱେଦ (କଠୋପନିଷତ୍, ମାଣ୍ଡୁକ୍ୟୋପନିଷତ୍, ଶ୍ୱେତଶ୍ୱତାରୋପନିଷତ୍)

ଓଁ ସ॒ହ ନା॑ବବତୁ | ସ॒ହ ନୌ॑ ଭୁନକ୍ତୁ |
ସ॒ହ ବୀ॒ର୍ୟଂ॑ କରବାବହୈ |
ତେ॒ଜ॒ସ୍ୱିନା॒ବଧୀ॑ତମସ୍ତୁ॒ ମା ବି॑ଦ୍ୱିଷା॒ବହୈ᳚ ||

ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ |

2 କୃଷ୍ଣୟଜୁର୍ୱେଦ ତୈତ୍ତିରୀୟୋପନିଷତ୍

ଓଁ ଶଂ ନୋ॑ ମି॒ତ୍ରଃ ଶଂ ବରୁ॑ଣଃ | ଶଂ ନୋ॑ ଭବତ୍ୱର୍ୟ॒ମା | ଶଂ ନ॒ ଇନ୍ଦ୍ରୋ॒
ବୃହ॒ସ୍ପତିଃ॑ | ଶଂ ନୋ॒ ବିଷ୍ଣୁ॑ରୁରୁକ୍ର॒ମଃ | ନମୋ॒ ବ୍ରହ୍ମ॑ଣେ | ନମ॑ସ୍ତେ ବାୟୋ |
ତ୍ୱମେ॒ବ ପ୍ର॒ତ୍ୟକ୍ଷଂ॒ ବ୍ରହ୍ମା॑ସି | ତ୍ୱମେ॒ବ ପ୍ର॒ତ୍ୟକ୍ଷଂ॒ ବ୍ରହ୍ମ॑ ବଦିଷ୍ୟାମି | ଋ॒ତଂ
ବ॑ଦିଷ୍ୟାମି | ସ॒ତ୍ୟଂ ବ॑ଦିଷ୍ୟାମି | ତନ୍ମାମ॑ବତୁ | ତଦ୍ୱ॒କ୍ତାର॑ମବତୁ | ଅବ॑ତୁ॒ ମାଂ |
ଅବ॑ତୁ ବ॒କ୍ତାରଂ᳚ || ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ ||

3 ଅଥର୍ୱବେଦ ପ୍ରଶ୍ନୋପନିଷତ୍ ମୁଣ୍ଡକୋପନିଷତ୍ ମାଣ୍ଡୁକ୍ୟୋପନିଷତ୍

ଓଁ ଭ॒ଦ୍ରଂ କର୍ଣେ॑ଭିଃ ଶୃଣୁ॒ୟାମ॑ ଦେବାଃ |
ଭ॒ଦ୍ରଂ ପ॑ଶ୍ୟେମା॒କ୍ଷଭି॒ର୍ୟଜ॑ତ୍ରାଃ |
ସ୍ଥି॒ରୈରଙ୍ଗୈ᳚ସ୍ତୁଷ୍ଟୁ॒ବାଂ+ସ॑ସ୍ତ॒ନୂଭିଃ॑ |
ବ୍ୟଶେ॑ମ ଦେ॒ବହି॑ତଂ॒ ଯଦାୟୁଃ॑ |

ସ୍ୱ॒ସ୍ତି ନ॒ ଇନ୍ଦ୍ରୋ॑ ବୃ॒ଦ୍ଧଶ୍ର॑ବାଃ |
ସ୍ୱ॒ସ୍ତି ନଃ॑ ପୂ॒ଷା ବି॒ଶ୍ୱବେ॑ଦାଃ |
ସ୍ୱ॒ସ୍ତି ନ॒ସ୍ତାର୍କ୍ଷ୍ୟୋ॒ ଅରି॑ଷ୍ଟନେମିଃ |
ସ୍ୱ॒ସ୍ତି ନୋ॒ ବୃହ॒ସ୍ପତି॑ର୍ଦଧାତୁ |
ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ ||

4 ଓଁ ନମୋ॒ ବ୍ରହ୍ମ॑ଣେ॒ ନମୋ॑ ଅସ୍ତ୍ୱ॒ଗ୍ନୟେ॒ ନମଃ॑ ପୃଥି॒ବ୍ୟୈ ନମ॒ ଓଷ॑ଧୀଭ୍ୟଃ |
ନମୋ॑ ବା॒ଚେ ନମୋ॑ ବା॒ଚସ୍ପତ॑ୟେ॒ ନମୋ॒ ବିଷ୍ଣ॑ବେ ବୃହ॒ତେ କ॑ରୋମି || ଓଁ ଶାନ୍ତିଃ॒
ଶାନ୍ତିଃ॒ ଶାନ୍ତିଃ॑ ||

5 ଓଁ ଯଶ୍ଛନ୍ଦ॑ସାମୃଷ॒ଭୋ ବି॒ଶ୍ୱରୂ॑ପଃ |
ଛନ୍ଦୋ॒ଭ୍ୟୋଽଧ୍ୟ॒ମୃତା᳚ଥ୍ସମ୍ବ॒ଭୂବ॑ | ସ ମେନ୍ଦ୍ରୋ॑ ମେ॒ଧୟା᳚
ସ୍ପୃଣୋତୁ | ଅ॒ମୃତ॑ସ୍ୟ ଦେବ॒ଧାର॑ଣୋ ଭୂୟାସଂ | ଶରୀ॑ରଂ
ମେ॒ ବିଚ॑ର୍ଷଣଂ | ଜି॒ହ୍ୱା ମେ॒ ମଧୁ॑ମତ୍ତମା | କର୍ଣା᳚ଭ୍ୟାଂ॒
ଭୂରି॒ବିଶ୍ରୁ॑ବଂ | ବ୍ରହ୍ମ॑ଣଃ କୋ॒ଶୋ॑ଽସି ମେ॒ଧୟା ପି॑ହିତଃ | ଶ୍ରୁ॒ତଂ
ମେ॑ ଗୋପାୟ | ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ ||

6 ଓଁ ତଚ୍ଛଂ॒ ଯୋରାବୃ॑ଣୀମହେ | ଗା॒ତୁଂ ଯ॒ଜ୍ଞାୟ॑ | ଗା॒ତୁଂ ଯ॒ଜ୍ଞପ॑ତୟେ | ଦୈବୀ᳚
ସ୍ୱ॒ସ୍ତିର॑ସ୍ତୁ ନଃ | ସ୍ୱ॒ସ୍ତିର୍ମାନୁ॑ଷେଭ୍ୟଃ | ଊ॒ର୍ଧ୍ୱଂ ଜି॑ଗାତୁ ଭେଷ॒ଜଂ | ଶଂ ନୋ॑
ଅସ୍ତୁ ଦ୍ୱି॒ପଦେ᳚ | ଶଂ ଚତୁ॑ଷ୍ପଦେ || ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ ||

7 ଓଁ ନମୋ॑ ବା॒ଚେ ଯା ଚୋ॑ଦି॒ତା ଯା ଚାନୁ॑ଦିତା॒ ତସ୍ୟୈ॑ ବା॒ଚେ ନମୋ॒ ନମୋ॑ ବା॒ଚେ ନମୋ॑
ବା॒ଚସ୍ପତ॑ୟେ॒ ନମ॒ ଋଷି॑ଭ୍ୟୋ ମନ୍ତ୍ର॒କୃଦ୍ଭ୍ୟୋ॒ ମନ୍ତ୍ର॑ପତିଭ୍ୟୋ॒ ମାମାମୃଷ॑ୟୋ
ମନ୍ତ୍ର॒କୃତୋ॑ ମନ୍ତ୍ର॒ପତ॑ୟଃ॒ ପରା॑ଦୁ॒ର୍ମା ଽହମୃଷୀ᳚ନ୍ମନ୍ତ୍ର॒କୃତୋ॑
ମନ୍ତ୍ର॒ପତୀ॒ନ୍ପରା॑ଦାଂ ବୈଶ୍ୱଦେ॒ବୀଂ ବାଚ॑ମୁଦ୍ୟାସଂ+ ଶି॒ବାମଦ॑ସ୍ତାଂ॒ ଜୁଷ୍ଟାଂ᳚
ଦେ॒ବେଭ୍ୟଃ॒ ଶର୍ମ॑ ମେ॒ ଦ୍ୟୌଃ ଶର୍ମ॑ପୃଥି॒ବୀ ଶର୍ମ॒ ବିଶ୍ୱ॑ମି॒ଦଂ ଜଗ॑ତ୍ |
ଶର୍ମ॑ ଚନ୍॒ଦ୍ରଶ୍ଚ॒ ସୂର୍ୟ॑ଶ୍ଚ॒ ଶର୍ମ॑ ବ୍ରହ୍ମପ୍ରଜାପ॒ତୀ | ଭୂ॒ତଂ ବ॑ଦିଷ୍ୟେ॒
ଭୁବ॑ନଂ ବଦିଷ୍ୟେ॒ ତେଜୋ॑ ବଦିଷ୍ୟେ॒ ଯଶୋ॑ ବଦିଷ୍ୟେ॒ ତପୋ॑ ବଦିଷ୍ୟେ॒ ବ୍ରହ୍ମ॑ ବଦିଷ୍ୟେ
ସ॒ତ୍ୟଂ ବ॑ଦିଷ୍ୟେ॒ ତସ୍ମା॑ ଅ॒ହମି॒ଦମୁ॑ପ॒ସ୍ତର॑ଣ॒ମୁପ॑ସ୍ତୃଣ ଉପ॒ସ୍ତର॑ଣଂ
ମେ ପ୍ର॒ଜାୟୈ॑ ପଶୂ॒ନାଂ ଭୂ॑ୟାଦୁପ॒ସ୍ତର॑ଣମ॒ହଂ ପ୍ର॒ଜାୟୈ॑ ପଶୂ॒ନାଂ ଭୂ॑ୟାସଂ॒
ପ୍ରାଣା॑ପାନୌ ମୃ॒ତ୍ୟୋର୍ମା॑ପାତଂ॒ ପ୍ରାଣ॑ପାନୌ॒ ମା ମା॑ ହାସିଷ୍ଟଂ॒ ମଧୁ॑ ମନିଷ୍ୟେ॒ ମଧୁ॑
ଜନିଷ୍ୟେ॒ ମଧୁ॑ ବକ୍ଷ୍ୟାମି॒ ମଧୁ॑ ବଦିଷ୍ୟାମି॒ ମଧୁ॑ମତୀଂ ଦେ॒ବେଭ୍ୟୋ॒ ବାଚ॑ମୁଦ୍ୟାସଂ+
ଶୁଶ୍ରୂ॒ଷେଣ୍ୟାଂ᳚ ମନୁ॒ଷ୍ୟେ᳚ଭ୍ୟ॒ସ୍ତଂ ମା॑ ଦେ॒ବା ଅ॑ବନ୍ତୁ ଶୋ॒ଭାୟୈ॑ ପି॒ତରୋଽନୁ॑ମଦନ୍ତୁ
|| ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ ||

8 ଋଗ୍ୱେଦ
ଋ॒ଜୁ॒ନୀ॒ତୀ ନୋ॒ ବରୁ॑ଣୋ ମି॒ତ୍ରୋ ନ॑ୟତୁ ବି॒ଦ୍ୱାନ୍ |
ଅ॒ର୍ୟ॒ମା ଦେ॒ବୈଃ ସ॒ଜୋଷାଃ॑ || 1 | 090 | 01
ତେ ହି ବସ୍ୱୋ॒ ବସ॑ବାନା॒ସ୍ତେ ଅପ୍ର॑ମୂରା॒ ମହୋ॑ଭିଃ |
ବ୍ର॒ତା ର॑କ୍ଷନ୍ତେ ବି॒ଶ୍ୱାହା॑ || 1 | 090 | 02
ତେ ଅ॒ସ୍ମଭ୍ୟଂ॒ ଶର୍ମ॑ ଯଂସନ୍ନ॒ମୃତା॒ ମର୍ତ୍ୟେ॑ଭ୍ୟଃ |
ବାଧ॑ମାନା॒ ଅପ॒ ଦ୍ୱିଷଃ॑ || 1 | 090 | 03
ବି ନଃ॑ ପ॒ଥଃ ସୁ॑ବି॒ତାୟ॑ ଚି॒ୟନ୍ତ୍ୱିନ୍ଦ୍ରୋ॑ ମ॒ରୁତଃ॑ |
ପୂ॒ଷା ଭଗୋ॒ ବନ୍ଦ୍ୟା॑ସଃ || 1 | 090 | 04
ଉ॒ତ ନୋ॒ ଧିୟୋ॒ ଗୋଅ॑ଗ୍ରାଃ॒ ପୂଷ॒ନ୍ୱିଷ୍ଣ॒ବେବ॑ୟାବଃ |
କର୍ତା॑ ନଃ ସ୍ୱସ୍ତି॒ମତଃ॑ || 1 | 090 | 05
ମଧୁ॒ ବାତା॑ ଋତାୟ॒ତେ ମଧୁ॑ କ୍ଷରନ୍ତି॒ ସିନ୍ଧ॑ବଃ |
ମାଧ୍ୱୀ॑ର୍ନଃ ସନ୍॒ତ୍ୱୋଷ॑ଧୀଃ || 1 | 090 | 06
ମଧୁ॒ ନକ୍ତ॑ମୁ॒ତୋଷସୋ॒ ମଧୁ॑ମ॒ତ୍ପାର୍ଥି॑ବଂ॒ ରଜଃ॑ |
ମଧୁ॒ ଦ୍ୟୌର॑ସ୍ତୁ ନଃ ପି॒ତା || 1 | 090 | 07
ମଧୁ॑ମାନ୍ନୋ॒ ବନ॒ସ୍ପତି॒ର୍ମଧୁ॑ମାଁ ଅସ୍ତୁ॒ ସୂର୍ୟଃ॑ |
ମାଧ୍ୱୀ॒ର୍ଗାବୋ॑ ଭବନ୍ତୁ ନଃ || 1 | 090 | 08
ଶଂ ନୋ॑ ମି॒ତ୍ରଃ ଶଂ ବରୁ॑ଣଃ॒ ଶଂ ନୋ॑ ଭବତ୍ୱର୍ୟ॒ମା |
ଶଂ ନ॒ ଇନ୍ଦ୍ରୋ॒ ବୃହ॒ସ୍ପତିଃ॒ ଶଂ ନୋ॒ ବିଷ୍ଣୁ॑ରୁରୁକ୍ର॒ମଃ || 1 | 090 | 09

9 ଋଗ୍ୱେଦ ଐତରେୟୋପନିଷତ୍ |

ଓଁ ବାଙ୍ମେ॒ ମନ॑ସି॒ ପ୍ରତି॑ଷ୍ଠିତା॒ ମନୋ॑ ମେ॒ ବାଚି॒
ପ୍ରତି॑ଷ୍ଠିତମା॒ବିରା॒ବୀର୍ମ॑ ଏଧି ବେ॒ଦସ୍ୟ ମ॒ ଆଣୀ᳚ସ୍ଥଃ ଶ୍ରୁ॒ତଂ ମେ॒ ମା
ପ୍ରହା॑ସୀର॒ନେନା॒ଧୀତେ॑ନାହୋରା॒ତ୍ରାନ୍ ସନ୍ଦ॑ଧାମ୍ୟୃ॒ତଂ ବ॑ଦିଷ୍ୟାମି ସ॒ତ୍ୟଂ ବ॑ଦିଷ୍ୟାମି॒
ତନ୍ମାମ॑ବତୁ॒ ତଦ୍ୱ॒କ୍ତାର॑ମବ॒ତ୍ୱବ॑ତୁ॒ ମାମବ॑ତୁ ବ॒କ୍ତାର॒ମବ॑ତୁ ବ॒କ୍ତାରଂ᳚ ||

ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ ||

10 ଶୁକ୍ଲୟଜୁର୍ୱେଦ ଈଶାବାସ୍ୟୋପନିଷତ୍ ବୃହଦାରଣ୍ୟକୋପନିଷତ୍

ଓଁ ପୂର୍ଣ॒ମଦଃ॒ ପୂର୍ଣ॒ମିଦଂ॒ ପୂର୍ଣା॒ତ୍ପୂର୍ଣ॒ମୁଦ॒ଚ୍ୟତେ | ପୂର୍ଣ॒ସ୍ୟ
ପୂର୍ଣ॒ମାଦା॒ୟ ପୂର୍ଣ॒ମେବାବଶି॒ଷ୍ୟତେ || ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॒ ||

11 ରୁଦ୍ରପ୍ରଶ୍ନଃ
ଓଁ ଇଡା॑ ଦେବ॒ହୂର୍ମନୁ॑ର୍ୟଜ୍ଞ॒ନୀର୍ବୃହ॒ସ୍ପତି॑ରୁକ୍ଥାମ॒ଦାନି॑
ଶꣳସିଷ॒ଦ୍ୱିଶ୍ୱେ॑ଦେ॒ବାଃ ସୂ᳚କ୍ତ॒ବାଚଃ॒
ପୃଥି॑ବୀମାତ॒ର୍ମା ମା॑ ହିꣳସୀ॒ର୍ମଧୁ॑ ମନିଷ୍ୟେ॒
ମଧୁ॑ ଜନିଷ୍ୟେ॒ ମଧୁ॒ ବକ୍ଷ୍ୟାମି॒ ମଧୁ॑ ବଦିଷ୍ୟାମି॒
ମଧୁ॒ମତୀଂ ଦେ॒ବେଭ୍ୟୋ॒ ବାଚ॑ମୁଦ୍ୟାସꣳ ଶୁଶ୍ରୂ॒ଷେଣ୍ୟାଂ᳚
ମନୁ॒ଷ୍ୟେ᳚ଭ୍ୟ॒ସ୍ତଂ ମା॑ ଦେ॒ବା ଅ॑ବନ୍ତୁ ଶୋ॒ଭାୟୈ॑
ପି॒ତରୋଽନୁ॑ମଦନ୍ତୁ ||

ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ ||

12 ଘୋଷାଶାନ୍ତିଃ
ଓଁ ଶଂ ନୋ॒ ବାତଃ॑ ପବତାଂ ମାତ॒ରିଶ୍ୱା॒ ଶଂ ନ॑ସ୍ତପତୁ॒ ସୂର୍ୟଃ॑ | ଅହା॑ନି॒ ଶଂ ଭ॑ବନ୍ତୁ
ନ॒ଶ୍ଶଂ+ ରାତ୍ରିଃ॒ ପ୍ରତି॑ ଧୀୟତାଂ | ଶମୁ॒ଷାନୋ॒ ବ୍ୟୁ॑ଚ୍ଛତୁ॒ ଶମା॑ଦି॒ତ୍ୟ ଉଦେ॑ତୁ ନଃ |
ଶି॒ବା ନ॒ଶ୍ଶନ୍ତ॑ମାଭବ ସୁମୃଡୀ॒କା ସର॑ସ୍ୱତି |
ମାତେ॒ ବ୍ୟୋ॑ମ ସନ୍॒ଦୃଶି॑ | ଇଡା॑ୟୈ॒ବାସ୍ତ୍ୱ॑ସି ବାସ୍ତୁ॒ ମଦ୍ୱା᳚ସ୍ତୁ॒ମନ୍ତୋ॑ ଭୂୟାସ୍ମ॒
ମା ବାସ୍ତୋ᳚-ଶ୍ଛିଥ୍ସ୍ମହ୍ୟବା॒ସ୍ତୁସ୍ସ ଭୂ॑ୟା॒ଦ୍ୟୋ᳚ଽସ୍ମାନ୍ଦ୍ୱେଷ୍ଟି॒ ଯଂ ଚ॑ ବ॒ୟଂ ଦ୍ୱି॒ଷ୍ମଃ |
ପ୍ର॒ତି॒ଷ୍ଠାସି॑ ପ୍ରତି॒ଷ୍ଠାବନ୍॑ତୋ ଭୂୟାସ୍ମ॒ମା
ପ୍ର॑ତି॒ଷ୍ଠାୟା᳚-ଶ୍ଛିଥ୍ସ୍ମହ୍ୟପ୍ରତି॒ଷ୍ଠସ୍ସ ଭୂ॑ୟା॒ଦ୍ୟୋ᳚ଽସ୍ମାନ୍ଦ୍ୱେଷ୍ଟି॒ ଯଂ ଚ॑ ବ॒ୟଂ
ଦ୍ୱି॒ଷ୍ମଃ | ଆବା॑ତବାହି ଭେଷ॒ଜଂ ବିବା॑ତବାହି॒ ଯଦ୍ରପଃ॑ | ତ୍ୱଂ+ ହି ବି॒ଶ୍ୱଭେ॑ଷଜୋ
ଦେ॒ବାନାଂ᳚ ଦୂ॒ତ ଈୟ॑ସେ | ଦ୍ୱାବି॒ମୌ ବାତୌ॑ ବାତ॒ ଆସିନ୍ଧୋ॒ରାପ॑ରା॒ବତଃ॑ ||

ଦକ୍ଷଂ॑ ମେ ଅ॒ନ୍ୟ ଆ॒ବାତୁ॒ ପରା॒ନ୍ୟୋବା॑ତୁ॒ ଯଦ୍ରପଃ॑ | ଯଦ॒ଦୋବା॑ତତେ
ଗୃ॒ହେ॑ଽମୃତ॑ସ୍ୟ ନି॒ଧିର୍ହି॒ତଃ | ତତୋ॑ ନୋ ଦେହି ଜୀ॒ବସେ॒ ତତୋ॑ ନୋ ଧେହି ଭେଷ॒ଜଂ
| ତତୋ॑ ନୋ॒ ମହ॒ ଆବ॑ହ॒ ବାତ॒ ଆବା॑ତୁ ଭେଷ॒ଜଂ |
ଶମ୍॒ଭୂର୍ମ॑ୟୋ॒ଭୂର୍ନୋ॑ ହୃ॒ଦେପ୍ରଣ॒ ଆୟୂଂ+ଷି ତାରିଷତ୍ | ଇନ୍ଦ୍ର॑ସ୍ୟ ଗୃ॒ହୋ॑ଽସି॒ ତଂ
ତ୍ୱା॒ ପ୍ରପ॑ଦ୍ୟେ॒ ସଗୁ॒ସ୍ସାଶ୍ୱଃ॑ | ସ॒ହ ଯନ୍ମେ॒ ଅସ୍ତି॒ ତେନ॑ | ଭୂଃ ପ୍ରପ॑ଦ୍ୟେ॒ ଭୁବଃ॒
ପ୍ରପ॑ଦ୍ୟେ॒ ସୁବଃ॒ ପ୍ରପ॑ଦ୍ୟେ॒ ଭୂର୍ଭୁବ॒ସ୍ସୁବଃ॒ ପ୍ରପ॑ଦ୍ୟେ ବା॒ୟୁଂ ପ୍ରପ॒ଦ୍ୟେନା᳚ର୍ତାଂ
ଦେ॒ବତାଂ॒ ପ୍ରପ॒ଦ୍ୟେଽଶ୍ମା॑ନମାଖ॒ଣଂ ପ୍ରପ॑ଦ୍ୟେ ପ୍ର॒ଜାପ॑ତେର୍ବ୍ରହ୍ମକୋ॒ଶଂ
ବ୍ରହ୍ମ॒ପ୍ରପ॑ଦ୍ୟ॒ ଓଁ ପ୍ରପ॑ଦ୍ୟେ |
ଅନ୍॒ତରି॑କ୍ଷଂ ମ ଉ॒ର୍ୱନ୍॑ତରଂ॑ ବୃ॒ହଦ॒ଗ୍ନୟଃ॒ ପର୍ୱ॑ତାଶ୍ଚ॒ ଯୟା॒ ବାତଃ॑
ସ୍ୱ॒ସ୍ତ୍ୟା ସ୍ୱ॑ସ୍ତି॒ମାନ୍ତୟା᳚ ସ୍ୱ॒ସ୍ତ୍ୟା ସ୍ୱ॑ସ୍ତି॒ମାନ॑ସାନି |
ପ୍ରାଣା॑ପାନୌ ମୃ॒ତ୍ୟୋର୍ମା॑ପାତଂ॒ ପ୍ରାଣା॑ପାନୌ॒ ମା ମା॑ ହାସିଷ୍ଟଂ॒ ମୟି॑ ମେ॒ଧାଂ ମୟି॑
ପ୍ର॒ଜାଂ ମୟ୍ୟ॒ଗ୍ନିସ୍ତେଜୋ॑ ଦଧାତୁ॒ ମୟି॑ ମେ॒ଧାଂ ମୟି॑ ପ୍ର॒ଜାଂ ମୟୀନ୍ଦ୍ର॑ ଇନ୍ଦ୍ରି॒ୟଂ
ଦ॑ଧାତୁ॒ ମୟି॑ ମେ॒ଧାଂ ମୟି॑ ପ୍ର॒ଜାଂ ମୟି॒ ସୂର୍ୟୋ॒ ଭ୍ରାଜୋ॑ ଦଧାତୁ ||

ଦ୍ୟୁ॒ଭି-ର॒କ୍ତୁଭିଃ॒ ପରି॑ପାତମ॒ସ୍ମାନରି॑ଷ୍ଟେଭିରଶ୍ୱିନା॒ ସୌଭ॑ଗେଭିଃ | ତନ୍ନୋ॑
ମି॒ତ୍ରୋ ବରୁ॑ଣୋ ମାମହନ୍ତା॒ମଦି॑ତିଃ॒ ସିନ୍ଧୁଃ॑ ପୃଥି॒ବୀ ଉ॒ତଦ୍ୟୌଃ | କୟା॑ନଶ୍ଚି॒ତ୍ର
ଆଭୁ॑ବଦୂ॒ତୀ ସ॒ଦାବୃ॑ଧ॒ସ୍ସଖା᳚ |
କୟା॒ଶଚି॑ଷ୍ଠୟା ବୃ॒ତା | କସ୍ତ୍ୱା॑ ସ॒ତ୍ୟୋ ମଦା॑ନାଂ॒ ମଂ+ହି॑ଷ୍ଠୋ ମଥ୍ସ॒ଦନ୍ଧ॑ସଃ |
ଦୃ॒ଢା ଚି॑ଦା॒ରୁଜେ॒ ବସୁ॑ | ଅ॒ଭୀଷୁଣ॒ସ୍ସଖୀ॑ନାମବି॒ତା ଜ॑ରିତୄ॒ଣାଂ |
ଶ॒ତଂ ଭ॑ବାସ୍ୟୂ॒ତିଭିଃ॑ | ବୟ॑ସ୍ସୁପ॒ର୍ଣା ଉପ॑ସେଦୁ॒ରିନ୍ଦ୍ରଂ॑ ପ୍ରି॒ୟମେ॑ଧା॒ ଋଷ॑ୟୋ॒
ନାଧ॑ମାନାଃ | ଅପ॑ଧ୍ୱାନ୍॒ତମୂ᳚ର୍ଣୁ॒ହି ପୂ॒ର୍ଧିଚକ୍ଷୁ॑ର୍ମୁମୁ॒ଗ୍ଧ୍ୟ॑ସ୍ମନ୍ନି॒ଧୟେ॑ବ
ବ॒ଦ୍ଧାନ୍ |
ଶଂ ନୋ॑ ଦେ॒ବୀର॒ଭିଷ୍ଟ॑ୟ॒ ଆପୋ॑ ଭବନ୍ତୁ ପୀ॒ତୟେ᳚ | ଶଂୟୋର॒ଭିସ୍ର॑ବନ୍ତୁ ନଃ ||

ଈଶା॑ନା॒ବାର୍ୟା॑ଣାଂ॒ କ୍ଷୟନ୍॑ତୀଶ୍ଚର୍ଷଣୀ॒ନାଂ | ଅ॒ପୋ ଯା॑ଚାମି ଭେଷ॒ଜଂ |
ସୁ॒ମି॒ତ୍ରାନ॒ ଆପ॒ ଓଷ॑ଧୟଃ ସନ୍ତୁ ଦୁର୍ମି॒ତ୍ରାସ୍ତସ୍ମୈ॑ ଭୂୟାସୁ॒ର୍ୟୋ᳚ଽସ୍ମାନ୍ଦ୍ୱେଷ୍ଟି॒
ଯଂ ଚ॑ ବ॒ୟଂ ଦ୍ୱି॒ଷ୍ମଃ |
ଆପୋ॒ ହିଷ୍ଠା ମ॑ୟୋ॒ଭୁବ॒ସ୍ତା ନ॑ ଊ॒ର୍ଜେ ଦ॑ଧାତନ | ମ॒ହେରଣା॑ୟ॒ ଚକ୍ଷ॑ସେ |
ଯୋ ବଃ॑ ଶି॒ବତ॑ମୋ ରସ॒ସ୍ତସ୍ୟ॑ ଭାଜୟତେ॒ ହ ନଃ॑ | ଉ॒ଶ॒ତୀରି॑ବ ମା॒ତ॑ରଃ |
ତସ୍ମା॒ ଅରଙ୍॑ଗମାମବୋ॒ ଯସ୍ୟ॒ କ୍ଷୟା॑ୟ॒ ଜିନ୍ୱ॑ଥ | ଆପୋ॑ ଜ॒ନୟ॑ଥା ଚ ନଃ |
ପୃ॒ଥି॒ବୀ ଶାନ୍॒ତା ସାଗ୍ନିନା॑ ଶାନ୍॒ତା ସାମେ॑ ଶାନ୍॒ତା ଶୁଚଂ+॑ ଶମୟତୁ | ଅନ୍॒ତରି॑କ୍ଷଂ+
ଶାନ୍॒ତଂ ତଦ୍ୱା॒ୟୁନା॑ ଶାନ୍॒ତଂ ତନ୍ମେ॑ ଶାନ୍॒ତଂ+ ଶୁଚଂ+॑ ଶମୟତୁ | ଦ୍ୟୌଶ୍ଶାନ୍॒ତା
ସାଦି॒ତ୍ୟେନ॑ ଶାନ୍॒ତା ସା ମେ॑ ଶାନ୍॒ତା ଶୁଚଂ+॑ ଶମୟତୁ |
ପୃ॒ଥି॒ବୀ ଶାନ୍ତି॑ରନ୍॒ତରି॑କ୍ଷଂ॒+॒
ଶାନ୍ତି॒-ର୍ଦ୍ୟୌ-ଶ୍ଶାନ୍ତି॒ର୍ଦିଶ॒-ଶ୍ଶାନ୍ତି॑-ରବାନ୍ତରଦି॒ଶା-ଶ୍ଶାନ୍ତି॑-ର॒ଗ୍ନି-
ଶ୍ଶାନ୍ତି॑-ର୍ୱା॒ୟୁ-ଶ୍ଶାନ୍ତି॑-ରାଦି॒ତ୍ୟ-ଶ୍ଶାନ୍ତି॑-ଶ୍ଚନ୍॒ଦ୍ରମା॒-ଶ୍ଶାନ୍ତି॒-
ର୍ନକ୍ଷ॑ତ୍ରାଣି॒-ଶାନ୍ତି॒-ରାପ॒-ଶ୍ଶାନ୍ତି॒-ରୋଷ॑ଧୟ॒-ଶ୍ଶାନ୍ତି॒-
ର୍ୱନ॒ସ୍ପତ॑ୟ॒-ଶ୍ଶାନ୍ତି॒-ର୍ଗୌ-ଶ୍ଶାନ୍ତି॑-ର॒ଜା-ଶାନ୍ତି॒-ରଶ୍ୱ॒-ଶ୍ଶାନ୍ତିଃ॒
ପୁରୁ॑ଷ॒-ଶ୍ଶାନ୍ତି॒-ର୍ବ୍ରହ୍ମ॒-ଶ୍ଶାନ୍ତି॑-ର୍ବ୍ରାହ୍ମ॒ଣ-ଶ୍ଶାନ୍ତି॒-ଶ୍ଶାନ୍ତି॑-ରେ॒ବ
ଶାନ୍ତି-ଶ୍ଶାନ୍ତି॑-ର୍ମେ ଅସ୍ତୁ॒ ଶାନ୍ତିଃ॑ |
ତୟା॒ହꣳ ଶାନ୍॒ତ୍ୟା ସ॑ର୍ୱଶାନ୍॒ତ୍ୟା ମହ୍ୟଂ॑ ଦ୍ୱି॒ପଦେ॒ ଚତୁ॑ଷ୍ପଦେ ଚ॒ ଶାନ୍ତିଂ॑ କରୋମି
ଶାନ୍ତି॑ର୍ମେ ଅସ୍ତୁ॒ ଶାନ୍ତିଃ॑ ||

ଏହ॒ ଶ୍ରୀଶ୍ଚ॒ ହ୍ରୀଶ୍ଚ॒ ଧୃତି॑ଶ୍ଚ॒ ତପୋ॑ ମେ॒ଧା ପ୍ର॑ତି॒ଷ୍ଠା ଶ୍ର॒ଦ୍ଧା ସ॒ତ୍ୟଂ
ଧର୍ମ॑ଶ୍ଚୈ॒ତାନି॒ ମୋତ୍ତି॑ଷ୍ଠନ୍ତ॒-ମନୂତ୍ତି॑ଷ୍ଠନ୍ତୁ॒ ମା ମା॒ଗ୍॒ ଶ୍ରୀଶ୍ଚ॒ ହ୍ରୀଶ୍ଚ॒
ଧୃତି॑ଶ୍ଚ॒ ତପୋ॑ ମେ॒ଧା ପ୍ର॑ତି॒ଷ୍ଠା ଶ୍ର॒ଦ୍ଧା ସ॒ତ୍ୟଂ ଧର୍ମ॑ଶ୍ଚୈ॒ତାନି॑ ମା॒
ମା ହା॑ସିଷୁଃ |
ଉଦାୟୁ॑ଷା ସ୍ୱା॒ୟୁଷୋଦୋଷ॑ଧୀନାଂ॒+ ରସେ॒ନୋତ୍ପ॒ର୍ଜନ୍ୟ॑ସ୍ୟ॒
ଶୁଷ୍ମେ॒ଣୋଦ॑ସ୍ଥାମ॒ମୃତାଂ॒+॒ ଅନୁ॑ | ତଚ୍ଚକ୍ଷୁ॑ର୍ଦେ॒ବହି॑ତଂ
ପୁ॒ରସ୍ତା᳚ଚ୍ଛୁ॒କ୍ରମୁ॒ଚ୍ଚର॑ତ୍ |
ପଶ୍ୟେ॑ମ ଶ॒ରଦ॑ଶ୍ଶ॒ତଂ ଜୀବେ॑ମ ଶ॒ରଦ॑ଶ୍ଶ॒ତଂ ନନ୍ଦା॑ମ ଶ॒ରଦ॑ଶ୍ଶ॒ତଂ
ମୋଦା॑ମ ଶ॒ରଦ॑ଶ୍ଶ॒ତଂ ଭବା॑ମ ଶ॒ରଦ॑ଶ୍ଶ॒ତଂ+ ଶୃ॒ଣବା॑ମ
ଶ॒ରଦ॑ଶ୍ଶ॒ତଂ ପ୍ରବ୍ର॑ବାମ ଶ॒ରଦ॑ଶ୍ଶ॒ତମଜୀ॑ତାସ୍ସ୍ୟାମ ଶ॒ରଦ॑ଶ୍ଶ॒ତଂ
ଜ୍ୟୋକ୍ଚ॒ ସୂର୍ୟଂ॑ ଦୃ॒ଶେ |
ଯ ଉଦ॑ଗାନ୍ମହ॒ତୋଽର୍ଣବା᳚ଦ୍ୱି॒ଭ୍ରାଜ॑ମାନସ୍ସରି॒ରସ୍ୟ॒ ମଧ୍ୟା॒ଥ୍ସମା॑ ବୃଷ॒ଭୋ
ଲୋ॑ହିତା॒କ୍ଷସ୍ସୂର୍ୟୋ॑ ବିପ॒ଶ୍ଚିନ୍ମନ॑ସା ପୁନାତୁ ||

ବ୍ରହ୍ମ॑ଣ॒ଶ୍ଚୋତ॑ନ୍ୟସି॒ ବ୍ରହ୍ମ॑ଣ ଆ॒ଣୀସ୍ଥୋ॒ ବ୍ରହ୍ମ॑ଣ ଆ॒ବପ॑ନମସି ଧାରି॒ତେୟଂ
ପୃ॑ଥି॒ବୀ ବ୍ରହ୍ମ॑ଣା ମ॒ହୀ ଧା॑ରି॒ତମେ॑ନେନ ମ॒ହଦନ୍॒ତରି॑କ୍ଷଂ॒ ଦିବଂ॑ ଦାଧାର
ପୃଥି॒ବୀଂ+ ସଦେ॑ବାଂ॒ ଯଦ॒ହଂ ବେଦ॒ ତଦ॒ହଂ ଧା॑ରୟାଣି॒ ମାମଦ୍ୱେଦୋଽଧି॒ ବିସ୍ର॑ସତ୍ |
ମେ॒ଧା॒ମ॒ନୀ॒ଷେ ମାବି॑ଶତାଂ+ ସ॒ମୀଚୀ॑ ଭୂ॒ତସ୍ୟ॒ ଭବ୍ୟ॒ସ୍ୟାବ॑ରୁଧ୍ୟୈ॒
ସର୍ୱ॒ମାୟୁ॑ରୟାଣି॒ ସର୍ୱ॒ମାୟୁ॑ରୟାଣି |
ଆ॒ଭିର୍ଗୀ॒ର୍ଭିର୍ୟଦତୋ॑ନ ଊ॒ନମାପ୍ୟା॑ୟଯ ହରିବୋ॒ ବର୍ଧ॑ମାନଃ | ଯ॒ଦା ସ୍ତୋ॒ତୃଭ୍ୟୋ॒
ମହି॑ ଗୋ॒ତ୍ରା ରୁ॒ଜାସି॑ ଭୂୟିଷ୍ଠ॒ଭାଜୋ॒ ଅଧ॑ ତେ ସ୍ୟାମ | ବ୍ରହ୍ମ॒ ପ୍ରାବା॑ଦିଷ୍ମ॒ ତନ୍ନୋ॒
ମା ହା॑ସୀତ୍ || ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ ||

ଓଁ ସଂ ତ୍ୱା॑ ସିଞ୍ଚାମି॒ ଯଜୁ॑ଷା ପ୍ର॒ଜାମାୟୁ॒ର୍ଧନଂ॑ ଚ || ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ ||

13 ସାମବେଦ କେନୋପନିଷତ୍ ଛାନ୍ଦୋଗ୍ୟୋପନିଷତ୍

ଓଁ ଆପ୍ୟାୟନ୍ତୁ ମମାଙ୍ଗାନି ବାକ୍ପ୍ରାଣଶ୍ଚକ୍ଷୁଃଶ୍ରୋତ୍ରଂ |
ଅଥୋ ବଲମିନ୍ଦ୍ରିୟାଣି ଚ ସର୍ୱାଣି |
ସର୍ୱଂ ବ୍ରହ୍ମୌପନିଷଦଂ ମାଽହଂ ବ୍ରହ୍ମନିରାକୁର୍ୟାଂ |
ମା ମା ବ୍ରହ୍ମନିରାକରୋଦନିରାକରଣମସ୍ତୁ |
ଅନିରାକରଣଂ ମେଽସ୍ତୁ |
ତଦାତ୍ମନି ନିରତେ ଯ ଉପନିଷତ୍ସୁ ଧର୍ମାସ୍ତେ ମୟି ସନ୍ତୁ |
ତେ ମୟି ସନ୍ତୁ ||

ଓଁ ଶାନ୍ତିଃ॒ ଶାନ୍ତିଃ॒ ଶାନ୍ତିଃ॑ ||
ଓଁ ଶାନ୍ତିଃ ଶାନ୍ତିଃ ଶାନ୍ତିଃ ||