ହନୁମନ୍ନଂଜନୀସୂନୋ ମହାବଲପରାକ୍ରମ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୧ ||
ମର୍କଟାଧିପ ମାର୍ତାଂଡମଂଡଲଗ୍ରାସକାରକ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୨ ||
ଅକ୍ଷକ୍ଷପଣ ପିଂଗାକ୍ଷ ଦିତିଜାସୁକ୍ଷଯଂକର |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୩ ||
ରୁଦ୍ରାଵତାର ସଂସାରଦୁଃଖଭାରାପହାରକ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୪ ||
ଶ୍ରୀରାମଚରଣାଂଭୋଜମଧୁପାଯିତମାନସ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୫ ||
ଵାଲିପ୍ରମଥନକ୍ଲାଂତସୁଗ୍ରୀଵୋନ୍ମୋଚନପ୍ରଭୋ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୬ ||
ସୀତାଵିରହଵାରାଶିଭଗ୍ନ ସୀତେଶତାରକ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୭ ||
ରକ୍ଷୋରାଜପ୍ରତାପାଗ୍ନିଦହ୍ଯମାନଜଗଦ୍ଵନ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୮ ||
ଗ୍ରସ୍ତାଶେଷଜଗତ୍ସ୍ଵାସ୍ଥ୍ଯ ରାକ୍ଷସାଂଭୋଧିମଂଦର |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୯ ||
ପୁଚ୍ଛଗୁଚ୍ଛସ୍ଫୁରଦ୍ଵୀର ଜଗଦ୍ଦଗ୍ଧାରିପତ୍ତନ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୧୦ ||
ଜଗନ୍ମନୋଦୁରୁଲ୍ଲଂଘ୍ଯପାରାଵାରଵିଲଂଘନ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୧୧ ||
ସ୍ମୃତମାତ୍ରସମସ୍ତେଷ୍ଟପୂରକ ପ୍ରଣତପ୍ରିଯ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୧୨ ||
ରାତ୍ରିଂଚରତମୋରାତ୍ରିକୃଂତନୈକଵିକର୍ତନ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୧୩ ||
ଜାନକ୍ଯା ଜାନକୀଜାନେଃ ପ୍ରେମପାତ୍ର ପରଂତପ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୧୪ ||
ଭୀମାଦିକମହାଵୀରଵୀରାଵେଶାଵତାରକ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୧୫ ||
ଵୈଦେହୀଵିରହକ୍ଲାଂତରାମରୋଷୈକଵିଗ୍ରହ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୧୬ ||
ଵଜ୍ରାଂଗନଖଦଂଷ୍ଟ୍ରେଶ ଵଜ୍ରିଵଜ୍ରାଵଗୁଂଠନ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୧୭ ||
ଅଖର୍ଵଗର୍ଵଗଂଧର୍ଵପର୍ଵତୋଦ୍ଭେଦନସ୍ଵର |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୧୮ ||
ଲକ୍ଷ୍ମଣପ୍ରାଣସଂତ୍ରାଣ ତ୍ରାତତୀକ୍ଷ୍ଣକରାନ୍ଵଯ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୧୯ ||
ରାମାଦିଵିପ୍ରଯୋଗାର୍ତ ଭରତାଦ୍ଯାର୍ତିନାଶନ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୨୦ ||
ଦ୍ରୋଣାଚଲସମୁତ୍କ୍ଷେପସମୁତ୍କ୍ଷିପ୍ତାରିଵୈଭଵ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୨୧ ||
ସୀତାଶୀର୍ଵାଦସଂପନ୍ନ ସମସ୍ତାଵଯଵାକ୍ଷତ |
ଲୋଲଲ୍ଲାଂଗୂଲପାତେନ ମମାରାତୀନ୍ନିପାତଯ || ୨୨ ||
ଇତ୍ଯେଵମଶ୍ଵତ୍ଥତଲୋପଵିଷ୍ଟଃ
ଶତ୍ରୁଂଜଯଂ ନାମ ପଠେତ୍ସ୍ଵଯଂ ଯଃ |
ସ ଶୀଘ୍ରମେଵାସ୍ତସମସ୍ତଶତ୍ରୁଃ
ପ୍ରମୋଦତେ ମାରୂତଜପ୍ରସାଦାତ୍ || ୨୩ ||
ଇତି ଶ୍ରୀ ହନୁମାଲ୍ଲାଂଗୂଲାସ୍ତ୍ର ସ୍ତୋତ୍ରମ୍ |