1 కృష్ణయజుర్వేద (కఠోపనిషత్, మాండుక్యోపనిషత్, శ్వేతశ్వతారోపనిషత్)
ఓం స॒హ నా॑వవతు | స॒హ నౌ॑ భునక్తు |
స॒హ వీ॒ర్యం॑ కరవావహై |
తే॒జ॒స్వినా॒వధీ॑తమస్తు॒ మా వి॑ద్విషా॒వహై᳚ ||
ఓం శాంతిః॒ శాంతిః॒ శాంతిః॑ |
2 కృష్ణయజుర్వేద తైత్తిరీయోపనిషత్
ఓం శం నో॑ మి॒త్రః శం వరు॑ణః | శం నో॑ భవత్వర్య॒మా | శం న॒ ఇంద్రో॒
బృహ॒స్పతిః॑ | శం నో॒ విష్ణు॑రురుక్ర॒మః | నమో॒ బ్రహ్మ॑ణే | నమ॑స్తే వాయో |
త్వమే॒వ ప్ర॒త్యక్షం॒ బ్రహ్మా॑సి | త్వమే॒వ ప్ర॒త్యక్షం॒ బ్రహ్మ॑ వదిష్యామి | ఋ॒తం
వ॑దిష్యామి | స॒త్యం వ॑దిష్యామి | తన్మామ॑వతు | తద్వ॒క్తార॑మవతు | అవ॑తు॒ మాం |
అవ॑తు వ॒క్తారం᳚ || ఓం శాంతిః॒ శాంతిః॒ శాంతిః॑ ||
3 అథర్వవేద ప్రశ్నోపనిషత్ ముండకోపనిషత్ మాండుక్యోపనిషత్
ఓం భ॒ద్రం కర్ణే॑భిః శృణు॒యామ॑ దేవాః |
భ॒ద్రం ప॑శ్యేమా॒క్షభి॒ర్యజ॑త్రాః |
స్థి॒రైరంగై᳚స్తుష్టు॒వాం+స॑స్త॒నూభిః॑ |
వ్యశే॑మ దే॒వహి॑తం॒ యదాయుః॑ |
స్వ॒స్తి న॒ ఇంద్రో॑ వృ॒ద్ధశ్ర॑వాః |
స్వ॒స్తి నః॑ పూ॒షా వి॒శ్వవే॑దాః |
స్వ॒స్తి న॒స్తార్క్ష్యో॒ అరి॑ష్టనేమిః |
స్వ॒స్తి నో॒ బృహ॒స్పతి॑ర్దధాతు |
ఓం శాంతిః॒ శాంతిః॒ శాంతిః॑ ||
4 ఓం నమో॒ బ్రహ్మ॑ణే॒ నమో॑ అస్త్వ॒గ్నయే॒ నమః॑ పృథి॒వ్యై నమ॒ ఓష॑ధీభ్యః |
నమో॑ వా॒చే నమో॑ వా॒చస్పత॑యే॒ నమో॒ విష్ణ॑వే బృహ॒తే క॑రోమి || ఓం శాంతిః॒
శాంతిః॒ శాంతిః॑ ||
5 ఓం యశ్ఛంద॑సామృష॒భో వి॒శ్వరూ॑పః |
ఛందో॒భ్యోఽధ్య॒మృతా᳚థ్సంబ॒భూవ॑ | స మేంద్రో॑ మే॒ధయా᳚
స్పృణోతు | అ॒మృత॑స్య దేవ॒ధార॑ణో భూయాసం | శరీ॑రం
మే॒ విచ॑ర్షణం | జి॒హ్వా మే॒ మధు॑మత్తమా | కర్ణా᳚భ్యాం॒
భూరి॒విశ్రు॑వం | బ్రహ్మ॑ణః కో॒శో॑ఽసి మే॒ధయా పి॑హితః | శ్రు॒తం
మే॑ గోపాయ | ఓం శాంతిః॒ శాంతిః॒ శాంతిః॑ ||
6 ఓం తచ్ఛం॒ యోరావృ॑ణీమహే | గా॒తుం య॒జ్ఞాయ॑ | గా॒తుం య॒జ్ఞప॑తయే | దైవీ᳚
స్వ॒స్తిర॑స్తు నః | స్వ॒స్తిర్మాను॑షేభ్యః | ఊ॒ర్ధ్వం జి॑గాతు భేష॒జం | శం నో॑
అస్తు ద్వి॒పదే᳚ | శం చతు॑ష్పదే || ఓం శాంతిః॒ శాంతిః॒ శాంతిః॑ ||
7 ఓం నమో॑ వా॒చే యా చో॑ది॒తా యా చాను॑దితా॒ తస్యై॑ వా॒చే నమో॒ నమో॑ వా॒చే నమో॑
వా॒చస్పత॑యే॒ నమ॒ ఋషి॑భ్యో మంత్ర॒కృద్భ్యో॒ మంత్ర॑పతిభ్యో॒ మామామృష॑యో
మంత్ర॒కృతో॑ మంత్ర॒పత॑యః॒ పరా॑దు॒ర్మా ఽహమృషీ᳚న్మంత్ర॒కృతో॑
మంత్ర॒పతీ॒న్పరా॑దాం వైశ్వదే॒వీం వాచ॑ముద్యాసం+ శి॒వామద॑స్తాం॒ జుష్టాం᳚
దే॒వేభ్యః॒ శర్మ॑ మే॒ ద్యౌః శర్మ॑పృథి॒వీ శర్మ॒ విశ్వ॑మి॒దం జగ॑త్ |
శర్మ॑ చం॒ద్రశ్చ॒ సూర్య॑శ్చ॒ శర్మ॑ బ్రహ్మప్రజాప॒తీ | భూ॒తం వ॑దిష్యే॒
భువ॑నం వదిష్యే॒ తేజో॑ వదిష్యే॒ యశో॑ వదిష్యే॒ తపో॑ వదిష్యే॒ బ్రహ్మ॑ వదిష్యే
స॒త్యం వ॑దిష్యే॒ తస్మా॑ అ॒హమి॒దము॑ప॒స్తర॑ణ॒ముప॑స్తృణ ఉప॒స్తర॑ణం
మే ప్ర॒జాయై॑ పశూ॒నాం భూ॑యాదుప॒స్తర॑ణమ॒హం ప్ర॒జాయై॑ పశూ॒నాం భూ॑యాసం॒
ప్రాణా॑పానౌ మృ॒త్యోర్మా॑పాతం॒ ప్రాణ॑పానౌ॒ మా మా॑ హాసిష్టం॒ మధు॑ మనిష్యే॒ మధు॑
జనిష్యే॒ మధు॑ వక్ష్యామి॒ మధు॑ వదిష్యామి॒ మధు॑మతీం దే॒వేభ్యో॒ వాచ॑ముద్యాసం+
శుశ్రూ॒షేణ్యాం᳚ మను॒ష్యే᳚భ్య॒స్తం మా॑ దే॒వా అ॑వంతు శో॒భాయై॑ పి॒తరోఽను॑మదంతు
|| ఓం శాంతిః॒ శాంతిః॒ శాంతిః॑ ||
8 ఋగ్వేద
ఋ॒జు॒నీ॒తీ నో॒ వరు॑ణో మి॒త్రో న॑యతు వి॒ద్వాన్ |
అ॒ర్య॒మా దే॒వైః స॒జోషాః॑ || 1 | 090 | 01
తే హి వస్వో॒ వస॑వానా॒స్తే అప్ర॑మూరా॒ మహో॑భిః |
వ్ర॒తా ర॑క్షంతే వి॒శ్వాహా॑ || 1 | 090 | 02
తే అ॒స్మభ్యం॒ శర్మ॑ యంసన్న॒మృతా॒ మర్త్యే॑భ్యః |
బాధ॑మానా॒ అప॒ ద్విషః॑ || 1 | 090 | 03
వి నః॑ ప॒థః సు॑వి॒తాయ॑ చి॒యంత్వింద్రో॑ మ॒రుతః॑ |
పూ॒షా భగో॒ వంద్యా॑సః || 1 | 090 | 04
ఉ॒త నో॒ ధియో॒ గోఅ॑గ్రాః॒ పూష॒న్విష్ణ॒వేవ॑యావః |
కర్తా॑ నః స్వస్తి॒మతః॑ || 1 | 090 | 05
మధు॒ వాతా॑ ఋతాయ॒తే మధు॑ క్షరంతి॒ సింధ॑వః |
మాధ్వీ॑ర్నః సం॒త్వోష॑ధీః || 1 | 090 | 06
మధు॒ నక్త॑ము॒తోషసో॒ మధు॑మ॒త్పార్థి॑వం॒ రజః॑ |
మధు॒ ద్యౌర॑స్తు నః పి॒తా || 1 | 090 | 07
మధు॑మాన్నో॒ వన॒స్పతి॒ర్మధు॑మాఀ అస్తు॒ సూర్యః॑ |
మాధ్వీ॒ర్గావో॑ భవంతు నః || 1 | 090 | 08
శం నో॑ మి॒త్రః శం వరు॑ణః॒ శం నో॑ భవత్వర్య॒మా |
శం న॒ ఇంద్రో॒ బృహ॒స్పతిః॒ శం నో॒ విష్ణు॑రురుక్ర॒మః || 1 | 090 | 09
9 ఋగ్వేద ఐతరేయోపనిషత్ |
ఓం వాఙ్మే॒ మన॑సి॒ ప్రతి॑ష్ఠితా॒ మనో॑ మే॒ వాచి॒
ప్రతి॑ష్ఠితమా॒విరా॒వీర్మ॑ ఏధి వే॒దస్య మ॒ ఆణీ᳚స్థః శ్రు॒తం మే॒ మా
ప్రహా॑సీర॒నేనా॒ధీతే॑నాహోరా॒త్రాన్ సంద॑ధామ్యృ॒తం వ॑దిష్యామి స॒త్యం వ॑దిష్యామి॒
తన్మామ॑వతు॒ తద్వ॒క్తార॑మవ॒త్వవ॑తు॒ మామవ॑తు వ॒క్తార॒మవ॑తు వ॒క్తారం᳚ ||
ఓం శాంతిః॒ శాంతిః॒ శాంతిః॑ ||
10 శుక్లయజుర్వేద ఈశావాస్యోపనిషత్ బృహదారణ్యకోపనిషత్
ఓం పూర్ణ॒మదః॒ పూర్ణ॒మిదం॒ పూర్ణా॒త్పూర్ణ॒ముద॒చ్యతే | పూర్ణ॒స్య
పూర్ణ॒మాదా॒య పూర్ణ॒మేవావశి॒ష్యతే || ఓం శాంతిః॒ శాంతిః॒ శాంతిః॒ ||
11 రుద్రప్రశ్నః
ఓం ఇడా॑ దేవ॒హూర్మను॑ర్యజ్ఞ॒నీర్బృహ॒స్పతి॑రుక్థామ॒దాని॑
శꣳసిష॒ద్విశ్వే॑దే॒వాః సూ᳚క్త॒వాచః॒
పృథి॑వీమాత॒ర్మా మా॑ హిꣳసీ॒ర్మధు॑ మనిష్యే॒
మధు॑ జనిష్యే॒ మధు॒ వక్ష్యామి॒ మధు॑ వదిష్యామి॒
మధు॒మతీం దే॒వేభ్యో॒ వాచ॑ముద్యాసꣳ శుశ్రూ॒షేణ్యాం᳚
మను॒ష్యే᳚భ్య॒స్తం మా॑ దే॒వా అ॑వంతు శో॒భాయై॑
పి॒తరోఽను॑మదంతు ||
ఓం శాంతిః॒ శాంతిః॒ శాంతిః॑ ||
12 ఘోషాశాంతిః
ఓం శం నో॒ వాతః॑ పవతాం మాత॒రిశ్వా॒ శం న॑స్తపతు॒ సూర్యః॑ | అహా॑ని॒ శం భ॑వంతు
న॒శ్శం+ రాత్రిః॒ ప్రతి॑ ధీయతాం | శము॒షానో॒ వ్యు॑చ్ఛతు॒ శమా॑ది॒త్య ఉదే॑తు నః |
శి॒వా న॒శ్శంత॑మాభవ సుమృడీ॒కా సర॑స్వతి |
మాతే॒ వ్యో॑మ సం॒దృశి॑ | ఇడా॑యై॒వాస్త్వ॑సి వాస్తు॒ మద్వా᳚స్తు॒మంతో॑ భూయాస్మ॒
మా వాస్తో᳚-శ్ఛిథ్స్మహ్యవా॒స్తుస్స భూ॑యా॒ద్యో᳚ఽస్మాంద్వేష్టి॒ యం చ॑ వ॒యం ద్వి॒ష్మః |
ప్ర॒తి॒ష్ఠాసి॑ ప్రతి॒ష్ఠావం॑తో భూయాస్మ॒మా
ప్ర॑తి॒ష్ఠాయా᳚-శ్ఛిథ్స్మహ్యప్రతి॒ష్ఠస్స భూ॑యా॒ద్యో᳚ఽస్మాంద్వేష్టి॒ యం చ॑ వ॒యం
ద్వి॒ష్మః | ఆవా॑తవాహి భేష॒జం వివా॑తవాహి॒ యద్రపః॑ | త్వం+ హి వి॒శ్వభే॑షజో
దే॒వానాం᳚ దూ॒త ఈయ॑సే | ద్వావి॒మౌ వాతౌ॑ వాత॒ ఆసింధో॒రాప॑రా॒వతః॑ ||
దక్షం॑ మే అ॒న్య ఆ॒వాతు॒ పరా॒న్యోవా॑తు॒ యద్రపః॑ | యద॒దోవా॑తతే
గృ॒హే॑ఽమృత॑స్య ని॒ధిర్హి॒తః | తతో॑ నో దేహి జీ॒వసే॒ తతో॑ నో ధేహి భేష॒జం
| తతో॑ నో॒ మహ॒ ఆవ॑హ॒ వాత॒ ఆవా॑తు భేష॒జం |
శం॒భూర్మ॑యో॒భూర్నో॑ హృ॒దేప్రణ॒ ఆయూం+షి తారిషత్ | ఇంద్ర॑స్య గృ॒హో॑ఽసి॒ తం
త్వా॒ ప్రప॑ద్యే॒ సగు॒స్సాశ్వః॑ | స॒హ యన్మే॒ అస్తి॒ తేన॑ | భూః ప్రప॑ద్యే॒ భువః॒
ప్రప॑ద్యే॒ సువః॒ ప్రప॑ద్యే॒ భూర్భువ॒స్సువః॒ ప్రప॑ద్యే వా॒యుం ప్రప॒ద్యేనా᳚ర్తాం
దే॒వతాం॒ ప్రప॒ద్యేఽశ్మా॑నమాఖ॒ణం ప్రప॑ద్యే ప్ర॒జాప॑తేర్బ్రహ్మకో॒శం
బ్రహ్మ॒ప్రప॑ద్య॒ ఓం ప్రప॑ద్యే |
అం॒తరి॑క్షం మ ఉ॒ర్వం॑తరం॑ బృ॒హద॒గ్నయః॒ పర్వ॑తాశ్చ॒ యయా॒ వాతః॑
స్వ॒స్త్యా స్వ॑స్తి॒మాంతయా᳚ స్వ॒స్త్యా స్వ॑స్తి॒మాన॑సాని |
ప్రాణా॑పానౌ మృ॒త్యోర్మా॑పాతం॒ ప్రాణా॑పానౌ॒ మా మా॑ హాసిష్టం॒ మయి॑ మే॒ధాం మయి॑
ప్ర॒జాం మయ్య॒గ్నిస్తేజో॑ దధాతు॒ మయి॑ మే॒ధాం మయి॑ ప్ర॒జాం మయీంద్ర॑ ఇంద్రి॒యం
ద॑ధాతు॒ మయి॑ మే॒ధాం మయి॑ ప్ర॒జాం మయి॒ సూర్యో॒ భ్రాజో॑ దధాతు ||
ద్యు॒భి-ర॒క్తుభిః॒ పరి॑పాతమ॒స్మానరి॑ష్టేభిరశ్వినా॒ సౌభ॑గేభిః | తన్నో॑
మి॒త్రో వరు॑ణో మామహంతా॒మది॑తిః॒ సింధుః॑ పృథి॒వీ ఉ॒తద్యౌః | కయా॑నశ్చి॒త్ర
ఆభు॑వదూ॒తీ స॒దావృ॑ధ॒స్సఖా᳚ |
కయా॒శచి॑ష్ఠయా వృ॒తా | కస్త్వా॑ స॒త్యో మదా॑నాం॒ మం+హి॑ష్ఠో మథ్స॒దంధ॑సః |
దృ॒ఢా చి॑దా॒రుజే॒ వసు॑ | అ॒భీషుణ॒స్సఖీ॑నామవి॒తా జ॑రితౄ॒ణాం |
శ॒తం భ॑వాస్యూ॒తిభిః॑ | వయ॑స్సుప॒ర్ణా ఉప॑సేదు॒రింద్రం॑ ప్రి॒యమే॑ధా॒ ఋష॑యో॒
నాధ॑మానాః | అప॑ధ్వాం॒తమూ᳚ర్ణు॒హి పూ॒ర్ధిచక్షు॑ర్ముము॒గ్ధ్య॑స్మన్ని॒ధయే॑వ
బ॒ద్ధాన్ |
శం నో॑ దే॒వీర॒భిష్ట॑య॒ ఆపో॑ భవంతు పీ॒తయే᳚ | శంయోర॒భిస్ర॑వంతు నః ||
ఈశా॑నా॒వార్యా॑ణాం॒ క్షయం॑తీశ్చర్షణీ॒నాం | అ॒పో యా॑చామి భేష॒జం |
సు॒మి॒త్రాన॒ ఆప॒ ఓష॑ధయః సంతు దుర్మి॒త్రాస్తస్మై॑ భూయాసు॒ర్యో᳚ఽస్మాంద్వేష్టి॒
యం చ॑ వ॒యం ద్వి॒ష్మః |
ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన | మ॒హేరణా॑య॒ చక్ష॑సే |
యో వః॑ శి॒వత॑మో రస॒స్తస్య॑ భాజయతే॒ హ నః॑ | ఉ॒శ॒తీరి॑వ మా॒త॑రః |
తస్మా॒ అరం॑గమామవో॒ యస్య॒ క్షయా॑య॒ జిన్వ॑థ | ఆపో॑ జ॒నయ॑థా చ నః |
పృ॒థి॒వీ శాం॒తా సాగ్నినా॑ శాం॒తా సామే॑ శాం॒తా శుచం+॑ శమయతు | అం॒తరి॑క్షం+
శాం॒తం తద్వా॒యునా॑ శాం॒తం తన్మే॑ శాం॒తం+ శుచం+॑ శమయతు | ద్యౌశ్శాం॒తా
సాది॒త్యేన॑ శాం॒తా సా మే॑ శాం॒తా శుచం+॑ శమయతు |
పృ॒థి॒వీ శాంతి॑రం॒తరి॑క్షం॒+॒
శాంతి॒-ర్ద్యౌ-శ్శాంతి॒ర్దిశ॒-శ్శాంతి॑-రవాంతరది॒శా-శ్శాంతి॑-ర॒గ్ని-
శ్శాంతి॑-ర్వా॒యు-శ్శాంతి॑-రాది॒త్య-శ్శాంతి॑-శ్చం॒ద్రమా॒-శ్శాంతి॒-
ర్నక్ష॑త్రాణి॒-శాంతి॒-రాప॒-శ్శాంతి॒-రోష॑ధయ॒-శ్శాంతి॒-
ర్వన॒స్పత॑య॒-శ్శాంతి॒-ర్గౌ-శ్శాంతి॑-ర॒జా-శాంతి॒-రశ్వ॒-శ్శాంతిః॒
పురు॑ష॒-శ్శాంతి॒-ర్బ్రహ్మ॒-శ్శాంతి॑-ర్బ్రాహ్మ॒ణ-శ్శాంతి॒-శ్శాంతి॑-రే॒వ
శాంతి-శ్శాంతి॑-ర్మే అస్తు॒ శాంతిః॑ |
తయా॒హꣳ శాం॒త్యా స॑ర్వశాం॒త్యా మహ్యం॑ ద్వి॒పదే॒ చతు॑ష్పదే చ॒ శాంతిం॑ కరోమి
శాంతి॑ర్మే అస్తు॒ శాంతిః॑ ||
ఏహ॒ శ్రీశ్చ॒ హ్రీశ్చ॒ ధృతి॑శ్చ॒ తపో॑ మే॒ధా ప్ర॑తి॒ష్ఠా శ్ర॒ద్ధా స॒త్యం
ధర్మ॑శ్చై॒తాని॒ మోత్తి॑ష్ఠంత॒-మనూత్తి॑ష్ఠంతు॒ మా మా॒గ్॒ శ్రీశ్చ॒ హ్రీశ్చ॒
ధృతి॑శ్చ॒ తపో॑ మే॒ధా ప్ర॑తి॒ష్ఠా శ్ర॒ద్ధా స॒త్యం ధర్మ॑శ్చై॒తాని॑ మా॒
మా హా॑సిషుః |
ఉదాయు॑షా స్వా॒యుషోదోష॑ధీనాం॒+ రసే॒నోత్ప॒ర్జన్య॑స్య॒
శుష్మే॒ణోద॑స్థామ॒మృతాం॒+॒ అను॑ | తచ్చక్షు॑ర్దే॒వహి॑తం
పు॒రస్తా᳚చ్ఛు॒క్రము॒చ్చర॑త్ |
పశ్యే॑మ శ॒రద॑శ్శ॒తం జీవే॑మ శ॒రద॑శ్శ॒తం నందా॑మ శ॒రద॑శ్శ॒తం
మోదా॑మ శ॒రద॑శ్శ॒తం భవా॑మ శ॒రద॑శ్శ॒తం+ శృ॒ణవా॑మ
శ॒రద॑శ్శ॒తం ప్రబ్ర॑వామ శ॒రద॑శ్శ॒తమజీ॑తాస్స్యామ శ॒రద॑శ్శ॒తం
జ్యోక్చ॒ సూర్యం॑ దృ॒శే |
య ఉద॑గాన్మహ॒తోఽర్ణవా᳚ద్వి॒భ్రాజ॑మానస్సరి॒రస్య॒ మధ్యా॒థ్సమా॑ వృష॒భో
లో॑హితా॒క్షస్సూర్యో॑ విప॒శ్చిన్మన॑సా పునాతు ||
బ్రహ్మ॑ణ॒శ్చోత॑న్యసి॒ బ్రహ్మ॑ణ ఆ॒ణీస్థో॒ బ్రహ్మ॑ణ ఆ॒వప॑నమసి ధారి॒తేయం
పృ॑థి॒వీ బ్రహ్మ॑ణా మ॒హీ ధా॑రి॒తమే॑నేన మ॒హదం॒తరి॑క్షం॒ దివం॑ దాధార
పృథి॒వీం+ సదే॑వాం॒ యద॒హం వేద॒ తద॒హం ధా॑రయాణి॒ మామద్వేదోఽధి॒ విస్ర॑సత్ |
మే॒ధా॒మ॒నీ॒షే మావి॑శతాం+ స॒మీచీ॑ భూ॒తస్య॒ భవ్య॒స్యావ॑రుధ్యై॒
సర్వ॒మాయు॑రయాణి॒ సర్వ॒మాయు॑రయాణి |
ఆ॒భిర్గీ॒ర్భిర్యదతో॑న ఊ॒నమాప్యా॑యయ హరివో॒ వర్ధ॑మానః | య॒దా స్తో॒తృభ్యో॒
మహి॑ గో॒త్రా రు॒జాసి॑ భూయిష్ఠ॒భాజో॒ అధ॑ తే స్యామ | బ్రహ్మ॒ ప్రావా॑దిష్మ॒ తన్నో॒
మా హా॑సీత్ || ఓం శాంతిః॒ శాంతిః॒ శాంతిః॑ ||
ఓం సం త్వా॑ సించామి॒ యజు॑షా ప్ర॒జామాయు॒ర్ధనం॑ చ || ఓం శాంతిః॒ శాంతిః॒ శాంతిః॑ ||
13 సామవేద కేనోపనిషత్ ఛాందోగ్యోపనిషత్
ఓం ఆప్యాయంతు మమాంగాని వాక్ప్రాణశ్చక్షుఃశ్రోత్రం |
అథో బలమింద్రియాణి చ సర్వాణి |
సర్వం బ్రహ్మౌపనిషదం మాఽహం బ్రహ్మనిరాకుర్యాం |
మా మా బ్రహ్మనిరాకరోదనిరాకరణమస్తు |
అనిరాకరణం మేఽస్తు |
తదాత్మని నిరతే య ఉపనిషత్సు ధర్మాస్తే మయి సంతు |
తే మయి సంతు ||
ఓం శాంతిః॒ శాంతిః॒ శాంతిః॑ ||
ఓం శాంతిః శాంతిః శాంతిః ||