మహాశాస్తా మహాదేవో మహాదేవసుతోఽవ్యయః |
లోకకర్తా లోకభర్తా లోకహర్తా పరాత్పరః || ౧ ||
త్రిలోకరక్షకో ధన్వీ తపస్వీ భూతసైనికః |
మంత్రవేదీ మహావేదీ మారుతో జగదీశ్వరః || ౨ ||
లోకాధ్యక్షోఽగ్రణీః శ్రీమానప్రమేయపరాక్రమః |
సింహారూఢో గజారూఢో హయారూఢో మహేశ్వరః || ౩ ||
నానాశస్త్రధరోఽనర్ఘో నానావిద్యావిశారదః |
నానారూపధరో వీరో నానాప్రాణినిషేవితః || ౪ ||
భూతేశో భూతిదో భృత్యో భుజంగాభరణోత్తమః |
ఇక్షుధన్వీ పుష్పబాణో మహారూపో మహాప్రభుః || ౫ ||
మాయాదేవీసుతో మాన్యో మహానీతో మహాగుణః |
మహాశైవో మహారుద్రో వైష్ణవో విష్ణుపూజకః || ౬ ||
విఘ్నేశో వీరభద్రేశో భైరవో షణ్ముఖధ్రువః | [ప్రియః]
మేరుశృంగసమాసీనో మునిసంఘనిషేవితః || ౭ ||
దేవో భద్రో జగన్నాథో గణనాథో గణేశ్వరః |
మహాయోగీ మహామాయీ మహాజ్ఞానీ మహాస్థిరః || ౮ ||
దేవశాస్తా భూతశాస్తా భీమహాసపరాక్రమః |
నాగహారో నాగకేశో వ్యోమకేశః సనాతనః || ౯ ||
సగుణో నిర్గుణో నిత్యో నిత్యతృప్తో నిరాశ్రయః |
లోకాశ్రయో గణాధీశశ్చతుష్షష్టికలామయః || ౧౦ ||
ఋగ్యజుఃసామరూపీ చ మల్లకాసురభంజనః |
త్రిమూర్తిర్దైత్యమథనో ప్రకృతిః పురుషోత్తమః || ౧౧ ||
కాలజ్ఞానీ మహాజ్ఞానీ కామదః కమలేక్షణః |
కల్పవృక్షో మహావృక్షో విద్యావృక్షో విభూతిదః || ౧౨ ||
సంసారతాపవిచ్ఛేత్తా పశులోకభయంకరః |
రోగహంతా ప్రాణదాతా పరగర్వవిభంజనః || ౧౩ ||
సర్వశాస్త్రార్థతత్వజ్ఞో నీతిమాన్ పాపభంజనః |
పుష్కలాపూర్ణసంయుక్తో పరమాత్మా సతాంగతిః || ౧౪ ||
అనంతాదిత్యసంకాశః సుబ్రహ్మణ్యానుజో బలీ |
భక్తానుకంపీ దేవేశో భగవాన్ భక్తవత్సలః || ౧౫ ||
ఇతి శ్రీ అయ్యప్ప అష్టోత్తరశతనామ స్తోత్రమ్ |