శ్రీవిష్ణుపుత్రం శివదివ్యబాలం
మోక్షప్రదం దివ్యజనాభివంద్యమ్ |
కైలాసనాథప్రణవస్వరూపం
శ్రీభూతనాథం మనసా స్మరామి || ౧ ||
అజ్ఞానఘోరాంధధర్మప్రదీపం
ప్రజ్ఞానదానప్రణవం కుమారమ్ |
లక్ష్మీవిలాసైకనివాసరంగం
శ్రీభూతనాథం మనసా స్మరామి || ౨ ||
లోకైకవీరం కరుణాతరంగం
సద్భక్తదృశ్యం స్మరవిస్మయాంగమ్ |
భక్తైకలక్ష్యం స్మరసంగభంగం
శ్రీభూతనాథం మనసా స్మరామి || ౩ ||
లక్ష్మీ తవ ప్రౌఢమనోహరశ్రీ-
-సౌందర్యసర్వస్వవిలాసరంగమ్ |
ఆనందసంపూర్ణకటాక్షలోలం
శ్రీభూతనాథం మనసా స్మరామి || ౪ ||
పూర్ణకటాక్షప్రభయావిమిశ్రం
సంపూర్ణసుస్మేరవిచిత్రవక్త్రమ్ |
మాయావిమోహప్రకరప్రణాశం
శ్రీభూతనాథం మనసా స్మరామి || ౫ ||
విశ్వాభిరామం గుణపూర్ణవర్ణం
దేహప్రభానిర్జితకామదేవమ్ |
కుపేట్యదుఃఖర్వవిషాదనాశం
శ్రీభూతనాథం మనసా స్మరామి || ౬ ||
మాలాభిరామం పరిపూర్ణరూపం
కాలానురూపప్రకటావతారమ్ |
కాలాంతకానందకరం మహేశం
శ్రీభూతనాథం మనసా స్మరామి || ౭ ||
పాపాపహం తాపవినాశమీశం
సర్వాధిపత్యపరమాత్మనాథమ్ |
శ్రీసూర్యచంద్రాగ్నివిచిత్రనేత్రం
శ్రీభూతనాథం మనసా స్మరామి || ౮ ||
ఇతి శ్రీ భూతనాథ మానసాష్టకమ్ |