శ్వేతాంబరః శ్వేతవపుః కిరీటీ
శ్వేతద్యుతిర్దండధరో ద్విబాహుః |
చంద్రోఽమృతాత్మా వరదః శశాంకః
శ్రేయాంసి మహ్యం ప్రదదాతు దేవః || ౧ ||
దధిశంఖతుషారాభం క్షీరోదార్ణవసంభవమ్ |
నమామి శశినం సోమం శంభోర్ముకుటభూషణమ్ || ౨ ||
క్షీరసింధుసముత్పన్నో రోహిణీసహితః ప్రభుః |
హరస్య ముకుటావాసః బాలచంద్ర నమోఽస్తు తే || ౩ ||
సుధామయా యత్కిరణాః పోషయంత్యోషధీవనమ్ |
సర్వాన్నరసహేతుం తం నమామి సింధునందనమ్ || ౪ ||
రాకేశం తారకేశం చ రోహిణీప్రియసుందరమ్ |
ధ్యాయతాం సర్వదోషఘ్నం నమామీందుం ముహుర్ముహుః || ౫ ||
ఇతి చంద్ర స్తోత్రమ్ |