పూర్వాంగం ||
శ్రీమహాగణాధిపతయే నమః |
శ్రీ గురుభ్యో నమః |
హరిః ఓమ్ |
శుచిః –
అపవిత్రః పవిత్రో వా సర్వావస్థాం గతోఽపి వా |
యః స్మరేత్ పుండరీకాక్షం స బాహ్యాభ్యంతరః శుచిః ||
పుండరీకాక్ష పుండరీకాక్ష పుండరీకాక్షాయ నమః ||
ప్రార్థనా –
శుక్లాంబరధరం విష్ణుం శశివర్ణం చతుర్భుజమ్ |
ప్రసన్నవదనం ధ్యాయేత్ సర్వవిఘ్నోపశాంతయే ||
అగజానన పద్మార్కం గజాననమహర్నిశమ్ |
అనేకదం తం భక్తానాం ఏకదంతముపాస్మహే ||
దే॒వీం వాచ॑మజనయన్త దే॒వాస్తాం వి॒శ్వరూ॑పాః ప॒శవో॑ వదన్తి |
సా నో॑ మ॒న్ద్రేష॒మూర్జ॒o దుహా॑నా ధే॒నుర్వాగ॒స్మానుప॒ సుష్టు॒తైతు॑ ||
యః శివో నామ రూపాభ్యాం యా దేవీ సర్వమంగళా |
తయోః సంస్మరణాన్నిత్యం సర్వదా జయ మంగళమ్ ||
తదేవ లగ్నం సుదినం తదేవ
తారాబలం చంద్రబలం తదేవ |
విద్యాబలం దైవబలం తదేవ
లక్ష్మీపతే తేఽంఘ్రియుగం స్మరామి ||
గురుర్బ్రహ్మా గురుర్విష్ణుః గురుర్దేవో మహేశ్వరః |
గురుః సాక్షాత్ పరబ్రహ్మ తస్మై శ్రీగురవే నమః ||
లాభస్తేషాం జయస్తేషాం కుతస్తేషాం పరాభవః |
ఏషామిందీవరశ్యామో హృదయస్థో జనార్దనః ||
సర్వమంగళ మాంగళ్యే శివే సర్వార్థసాధికే |
శరణ్యే త్ర్యంబకే గౌరీ నారాయణి నమోఽస్తు తే ||
శ్రీలక్ష్మీనారాయణాభ్యాం నమః |
ఉమామహేశ్వరాభ్యాం నమః |
వాణీహిరణ్యగర్భాభ్యాం నమః |
శచీపురందరాభ్యాం నమః |
అరుంధతీవసిష్ఠాభ్యాం నమః |
శ్రీసీతారామాభ్యాం నమః |
మాతాపితృభ్యో నమః |
సర్వేభ్యో మహాజనేభ్యో నమః |
ఆచమ్య –
ఓం కేశవాయ స్వాహా |
ఓం నారాయణాయ స్వాహా |
ఓం మాధవాయ స్వాహా |
ఓం గోవిందాయ నమః |
ఓం విష్ణవే నమః |
ఓం మధుసూదనాయ నమః |
ఓం త్రివిక్రమాయ నమః |
ఓం వామనాయ నమః |
ఓం శ్రీధరాయ నమః |
ఓం హృషీకేశాయ నమః |
ఓం పద్మనాభాయ నమః |
ఓం దామోదరాయ నమః |
ఓం సంకర్షణాయ నమః |
ఓం వాసుదేవాయ నమః |
ఓం ప్రద్యుమ్నాయ నమః |
ఓం అనిరుద్ధాయ నమః |
ఓం పురుషోత్తమాయ నమః |
ఓం అధోక్షజాయ నమః |
ఓం నారసింహాయ నమః |
ఓం అచ్యుతాయ నమః |
ఓం జనార్దనాయ నమః |
ఓం ఉపేంద్రాయ నమః |
ఓం హరయే నమః |
ఓం శ్రీకృష్ణాయ నమః |
దీపారాధనమ్ –
దీపస్త్వం బ్రహ్మరూపోఽసి జ్యోతిషాం ప్రభురవ్యయః |
సౌభాగ్యం దేహి పుత్రాంశ్చ సర్వాన్కామాంశ్చ దేహి మే ||
భో దీప దేవి రూపస్త్వం కర్మసాక్షీ హ్యవిఘ్నకృత్ |
యావత్పూజాం కరిష్యామి తావత్త్వం సుస్థిరో భవ ||
దీపారాధన ముహూర్తః సుముహూర్తోఽస్తు ||
పూజార్థే హరిద్రా కుంకుమ విలేపనం కరిష్యే ||
భూతోచ్చాటనమ్ –
ఉత్తిష్ఠంతు భూతపిశాచాః య ఏతే భూమి భారకాః |
ఏతేషామవిరోధేన బ్రహ్మకర్మ సమారభే ||
అపసర్పన్తు తే భూతా యే భూతా భూమిసంస్థితాః |
యే భూతా విఘ్నకర్తారస్తే గచ్ఛంతు శివాఽజ్ఞయా ||
ప్రాణాయామమ్ –
ఓం భూః ఓం భువ॑: ఓగ్‍ం సువ॑: ఓం మహ॑: ఓం జన॑: ఓం తప॑: ఓగ్‍ం సత్యమ్ |
ఓం తత్స॑వితు॒ర్వరే”ణ్య॒o భ॒ర్గో॑ దే॒వస్య॑ ధీ॒మహి |
ధియో॒ యో న॑: ప్రచో॒దయా”త్ |
ఓమాపో॒ జ్యోతీ॒ రసో॒ఽమృత॒o బ్రహ్మ॒ భూర్భువ॒స్సువ॒రోమ్ ||
సంకల్పమ్ –
మమ ఉపాత్త సమస్త దురితక్షయ ద్వారా శ్రీపరమేశ్వరముద్దిశ్య శ్రీపరమేశ్వర ప్రీత్యర్థం శుభాభ్యాం శుభే శోభనే ముహూర్తే శ్రీమహావిష్ణోరాజ్ఞయా ప్రవర్తమానస్య అద్య బ్రహ్మణః ద్వితీయపరార్థే శ్వేతవరాహకల్పే వైవస్వతమన్వంతరే కలియుగే ప్రథమపాదే జంబూద్వీపే భారతవర్షే భరతఖండే మేరోః దక్షిణ దిగ్భాగే శ్రీశైలస్య …… ప్రదేశే ……, …… నద్యోః మధ్యప్రదేశే లక్ష్మీనివాసగృహే సమస్త దేవతా బ్రాహ్మణ ఆచార్య హరి హర గురు చరణ సన్నిధౌ అస్మిన్ వర్తమనే వ్యావహరిక చాంద్రమానేన శ్రీ …….. (*౧) నామ సంవత్సరే …… అయనే (*౨) …… ఋతౌ (*౩) …… మాసే(*౪) …… పక్షే (*౫) …… తిథౌ (*౬) …… వాసరే (*౭) …… నక్షత్రే (*౮) …… యోగే (*౯) …… కరణ (*౧౦) ఏవం గుణ విశేషణ విశిష్టాయాం శుభతిథౌ శ్రీమాన్ …… గోత్రోద్భవస్య …… నామధేయస్య (మమ ధర్మపత్నీ శ్రీమతః …… గోత్రస్య …… నామధేయః సమేతస్య) మమ/అస్మాకం సహకుటుంబస్య క్షేమ స్థైర్య ధైర్య వీర్య విజయ అభయ ఆయుః ఆరోగ్య ఐశ్వర అభివృద్ధ్యర్థం ధర్మ అర్థ కామ మోక్ష చతుర్విధ పురుషార్థ ఫల సిద్ధ్యర్థం ధన కనక వస్తు వాహన సమృద్ధ్యర్థం సర్వాభీష్ట సిద్ధ్యర్థం శ్రీ ………. ఉద్దిశ్య శ్రీ ………. ప్రీత్యర్థం సంభవద్భిః ద్రవ్యైః సంభవద్భిః ఉపచారైశ్చ సంభవతా నియమేన సంభవితా ప్రకారేణ యావచ్ఛక్తి ధ్యాన ఆవాహనాది షోడశోపచార* పూజాం కరిష్యే ||
(నిర్విఘ్న పూజా పరిసమాప్త్యర్థం ఆదౌ శ్రీమహాగణపతి పూజాం కరిష్యే |)
తదంగ కలశారాధనం కరిష్యే |
కలశారాధనమ్ –
కలశే గంధ పుష్పాక్షతైరభ్యర్చ్య |
కలశే ఉదకం పూరయిత్వా |
కలశస్యోపరి హస్తం నిధాయ |
కలశస్య ముఖే విష్ణుః కంఠే రుద్రః సమాశ్రితః |
మూలే త్వస్య స్థితో బ్రహ్మా మధ్యే మాతృగణాః స్మృతా ||
కుక్షౌ తు సాగరాః సర్వే సప్తద్వీపా వసుంధరా |
ఋగ్వేదోఽథ యజుర్వేదో సామవేదో హ్యథర్వణః ||
అంగైశ్చ సహితాః సర్వే కలశాంబు సమాశ్రితాః |
ఓం ఆక॒లశే”షు ధావతి ప॒విత్రే॒ పరి॑షిచ్యతే |
ఉ॒క్థైర్య॒జ్ఞేషు॑ వర్ధతే |
ఆపో॒ వా ఇ॒దగ్‍ం సర్వ॒o విశ్వా॑ భూ॒తాన్యాప॑:
ప్రా॒ణా వా ఆప॑: ప॒శవ॒ ఆపోఽన్న॒మాపోఽమృ॑త॒మాప॑:
స॒మ్రాడాపో॑ వి॒రాడాప॑: స్వ॒రాడాప॒శ్ఛందా॒గ్॒స్యాపో॒
జ్యోతీ॒గ్॒ష్యాపో॒ యజూ॒గ్॒ష్యాప॑: స॒త్యమాప॒:
సర్వా॑ దే॒వతా॒ ఆపో॒ భూర్భువ॒: సువ॒రాప॒ ఓమ్ ||
గంగే చ యమునే చైవ గోదావరీ సరస్వతీ |
నర్మదే సింధు కావేరీ జలేఽస్మిన్ సన్నిధిం కురు ||
కావేరీ తుంగభద్రా చ కృష్ణవేణీ చ గౌతమీ |
భాగీరథీతి విఖ్యాతాః పంచగంగాః ప్రకీర్తితాః ||
ఆయాంతు శ్రీ …….. పూజార్థం మమ దురితక్షయకారకాః |
ఓం ఓం ఓం కలశోదకేన పూజా ద్రవ్యాణి సంప్రోక్ష్య,
దేవం సంప్రోక్ష్య, ఆత్మానం చ సంప్రోక్ష్య ||
శంఖపూజా –
కలశోదకేన శంఖం పూరయిత్వా ||
శంఖే గంధకుంకుమపుష్పతులసీపత్రైరలంకృత్య ||
శంఖం చంద్రార్క దైవతం మధ్యే వరుణ దేవతామ్ |
పృష్ఠే ప్రజాపతిం వింద్యాదగ్రే గంగా సరస్వతీమ్ ||
త్రైలోక్యేయాని తీర్థాని వాసుదేవస్యదద్రయా |
శంఖే తిష్ఠంతు విప్రేంద్రా తస్మాత్ శంఖం ప్రపూజయేత్ ||
త్వం పురా సాగరోత్పన్నో విష్ణునా విధృతః కరే |
పూజితః సర్వదేవైశ్చ పాంచజన్య నమోఽస్తు తే ||
గర్భాదేవారినారీణాం విశీర్యంతే సహస్రధా |
నవనాదేనపాతాళే పాంచజన్య నమోఽస్తు తే ||
ఓం శంఖాయ నమః |
ఓం ధవళాయ నమః |
ఓం పాంచజన్యాయ నమః |
ఓం శంఖదేవతాభ్యో నమః |
సకలపూజార్థే అక్షతాన్ సమర్పయామి ||
ఘంటపూజా –
ఓం జయధ్వని మంత్రమాతః స్వాహా |
ఘంటదేవతాభ్యో నమః |
సకలోపచార పూజార్థే అక్షతాన్ సమర్పయామి |
ఘంటానాదమ్ –
ఆగమార్థం తు దేవానాం గమనార్థం తు రాక్షసామ్ |
ఇతి ఘంటానాదం కృత్వా ||
శ్రీ మహాగణపతి లఘు షోడశోపచార పూజా ||
అస్మిన్ హరిద్రాబింబే శ్రీమహాగణపతిం ఆవాహయామి, స్థాపయామి, పూజయామి ||
ప్రాణప్రతిష్ఠ –
ఓం అసు॑నీతే॒ పున॑ర॒స్మాసు॒ చక్షు॒:
పున॑: ప్రా॒ణమి॒హ నో” ధేహి॒ భోగ”మ్ |
జ్యోక్ప॑శ్యేమ॒ సూర్య॑ము॒చ్చర”న్త॒
మను॑మతే మృ॒డయా” నః స్వ॒స్తి ||
అ॒మృత॒o వై ప్రా॒ణా అ॒మృత॒మాప॑:
ప్రా॒ణానే॒వ య॑థాస్థా॒నముప॑హ్వయతే ||
శ్రీ మహాగణపతయే నమః |
స్థిరో భవ వరదో భవ |
సుముఖో భవ సుప్రసన్నో భవ |
స్థిరాసనం కురు |
ధ్యానం –
హరిద్రాభం చతుర్బాహుం
హరిద్రావదనం ప్రభుమ్ |
పాశాంకుశధరం దేవం
మోదకం దంతమేవ చ |
భక్తాఽభయప్రదాతారం
వందే విఘ్నవినాశనమ్ |
ఓం హరిద్రా గణపతయే నమః |
అగజానన పద్మార్కం గజాననమహర్నిశం
అనేకదం తం భక్తానాం ఏకదంతముపాస్మహే ||
ఓం గ॒ణానా”o త్వా గ॒ణప॑తిగ్ం హవామహే
క॒విం క॑వీ॒నాము॑ప॒మశ్ర॑వస్తమమ్ |
జ్యే॒ష్ఠ॒రాజ॒o బ్రహ్మ॑ణాం బ్రహ్మణస్పత॒
ఆ న॑: శృ॒ణ్వన్నూ॒తిభి॑స్సీద॒ సాద॑నమ్ ||
ఓం మహాగణపతయే నమః |
ధ్యాయామి | ధ్యానం సమర్పయామి | ౧ ||
ఓం మహాగణపతయే నమః |
ఆవాహయామి | ఆవాహనం సమర్పయామి | ౨ ||
ఓం మహాగణపతయే నమః |
నవరత్నఖచిత దివ్య హేమ సింహాసనం సమర్పయామి | ౩ ||
ఓం మహాగణపతయే నమః |
పాదయోః పాద్యం సమర్పయామి | ౪ ||
ఓం మహాగణపతయే నమః |
హస్తయోః అర్ఘ్యం సమర్పయామి | ౫ ||
ఓం మహాగణపతయే నమః |
ముఖే ఆచమనీయం సమర్పయామి | ౬ ||
స్నానం –
ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన |
మ॒హే రణా॑య॒ చక్ష॑సే ||
యో వ॑: శి॒వత॑మో రస॒స్తస్య॑ భాజయతే॒హ న॑: |
ఉ॒శ॒తీరి॑వ మా॒త॑రః ||
తస్మా॒ అర॑o గమామ వో॒ యస్య॒ క్షయా॑య॒ జిన్వ॑థ |
ఆపో॑ జ॒నయ॑థా చ నః ||
ఓం మహాగణపతయే నమః |
శుద్ధోదక స్నానం సమర్పయామి | ౭ ||
స్నానానంతరం ఆచమనీయం సమర్పయామి |
వస్త్రం –
అభి వస్త్రా సువసనాన్యర్షాభి ధేనూః సుదుఘాః పూయమానః |
అభి చంద్రా భర్తవే నో హిరణ్యాభ్యశ్వాన్రథినో దేవ సోమ ||
ఓం మహాగణపతయే నమః |
వస్త్రం సమర్పయామి | ౮ ||
యజ్ఞోపవీతం –
ఓం య॒జ్ఞో॒ప॒వీ॒తం ప॒రమ॑o పవి॒త్రం
ప్ర॒జాప॑తే॒ర్యత్స॒హజ॑o పు॒రస్తా”త్ |
ఆయు॑ష్యమగ్ర్య॒o ప్ర॒తి ము॑oచ శు॒భ్రం
య॑జ్ఞోపవీ॒తం బ॒లమ॑స్తు॒ తేజ॑: ||
ఓం మహాగణపతయే నమః |
యజ్ఞోపవీతార్థం అక్షతాన్ సమర్పయామి | |
గంధం –
గ॒oధ॒ద్వా॒రాం దు॑రాధ॒ర్షా॒o ని॒త్యపు॑ష్టాం కరీ॒షిణీ”మ్ |
ఈ॒శ్వరీ॑గ్ం సర్వ॑భూతా॒నా॒o తామి॒హోప॑హ్వయే॒ శ్రియమ్ ||
ఓం మహాగణపతయే నమః |
దివ్య శ్రీ గంధం సమర్పయామి | ౯ ||
ఓం మహాగణపతయే నమః |
ఆభరణం సమర్పయామి | ౧౦ ||
పుష్పైః పూజయామి |
ఓం సుముఖాయ నమః | ఓం ఏకదంతాయ నమః |
ఓం కపిలాయనమః | ఓం గజకర్ణకాయ నమః |
ఓం లంబోదరాయనమః | ఓం వికటాయ నమః |
ఓం విఘ్నరాజాయ నమః | ఓం గణాధిపాయనమః |
ఓం ధూమకేతవే నమః | ఓం గణాధ్యక్షాయ నమః |
ఓం ఫాలచంద్రాయ నమః | ఓం గజాననాయ నమః |
ఓం వక్రతుండాయ నమః | ఓం శూర్పకర్ణాయ నమః |
ఓం హేరంబాయ నమః | ఓం స్కందపూర్వజాయ నమః |
ఓం సర్వసిద్ధిప్రదాయ నమః |
ఓం మహాగణపతయే నమః |
నానావిధ పరిమళ పత్ర పుష్పాణి సమర్పయామి | ౧౧ ||
ధూపం –
వనస్పత్యుద్భవిర్దివ్యైః నానా గంధైః సుసంయుతః |
ఆఘ్రేయః సర్వదేవానాం ధూపోఽయం ప్రతిగృహ్యతాం ||
ఓం మహాగణపతయే నమః |
ధూపం ఆఘ్రాపయామి | ౧౨ ||
దీపం –
సాజ్యం త్రివర్తి సంయుక్తం వహ్నినా యొజితం ప్రియం |
గృహాణ మంగళం దీపం త్రైలోక్య తిమిరాపహ ||
భక్త్యా దీపం ప్రయచ్ఛామి దేవాయ పరమాత్మనే |
త్రాహిమాం నరకాద్ఘోరాత్ దివ్య జ్యోతిర్నమోఽస్తు తే ||
ఓం మహాగణపతయే నమః |
ప్రత్యక్ష దీపం సమర్పయామి | ౧౩ ||
ధూప దీపానంతరం ఆచమనీయం సమర్పయామి |
నైవేద్యం –
ఓం భూర్భువ॒స్సువ॑: | తత్స॑వి॒తుర్వరే”ణ్య॒o భర్గో॑ దే॒వస్య॑ ధీమహి |
ధియో॒ యో న॑: ప్రచో॒దయా”త్ ||
సత్యం త్వా ఋతేన పరిషించామి |
(సాయంకాలే – ఋతం త్వా సత్యేన పరిషించామి)
అమృతమస్తు | అ॒మృ॒తో॒ప॒స్తర॑ణమసి |
శ్రీ మహాగణపతయే నమః ……………….. సమర్పయామి |
ఓం ప్రా॒ణాయ॒ స్వాహా” | ఓం అ॒పా॒నాయ॒ స్వాహా” |
ఓం వ్యా॒నాయ॒ స్వాహా” | ఓం ఉ॒దా॒నాయ॒ స్వాహా” |
ఓం స॒మా॒నాయ॒ స్వాహా” |
మధ్యే మధ్యే పానీయం సమర్పయామి |
అ॒మృ॒తా॒పి॒ధా॒నమ॑సి | ఉత్తరాపోశనం సమర్పయామి |
హస్తౌ ప్రక్షాళయామి | పాదౌ ప్రక్షాళయామి |
శుద్ధాచమనీయం సమర్పయామి |
ఓం మహాగణపతయే నమః |
నైవేద్యం సమర్పయామి | ౧౪ ||
తాంబూలం –
పూగీఫలశ్చ కర్పూరైః నాగవల్లీదళైర్యుతం |
ముక్తాచూర్ణసంయుక్తం తాంబూలం ప్రతిగృహ్యతాం ||
ఓం మహాగణపతయే నమః |
తాంబూలం సమర్పయామి | ౧౫ ||
నీరాజనం –
వేదా॒హమే॒తం పురు॑షం మ॒హాన్తమ్” |
ఆ॒ది॒త్యవ॑ర్ణం॒ తమ॑స॒స్తు పా॒రే |
సర్వా॑ణి రూ॒పాణి॑ వి॒చిత్య॒ ధీర॑: |
నామా॑ని కృ॒త్వాఽభి॒వద॒న్॒, యదాస్తే” |
ఓం మహాగణపతయే నమః |
నీరాజనం సమర్పయామి | ౧౬ ||
మంత్రపుష్పం –
సుముఖశ్చైకదంతశ్చ కపిలో గజకర్ణకః
లంబోదరశ్చ వికటో విఘ్నరాజో గణాధిపః ||
ధూమకేతుర్గణాధ్యక్షః ఫాలచంద్రో గజాననః
వక్రతుండశ్శూర్పకర్ణో హేరంబస్స్కందపూర్వజః ||
షోడశైతాని నామాని యః పఠేచ్ఛృణుయాదపి
విద్యారంభే వివాహే చ ప్రవేశే నిర్గమే తథా
సంగ్రామే సర్వకార్యేషు విఘ్నస్తస్య న జాయతే ||
ఓం మహాగణపతయే నమః |
సువర్ణ మంత్రపుష్పం సమర్పయామి |
ప్రదక్షిణం –
యానికాని చ పాపాని జన్మాంతరకృతాని చ |
తాని తాని ప్రణశ్యంతి ప్రదక్షిణ పదే పదే ||
పాపోఽహం పాపకర్మాఽహం పాపాత్మా పాపసంభవః |
త్రాహి మాం కృపయా దేవ శరణాగతవత్సల ||
అన్యధా శరణం నాస్తి త్వమేవ శరణం మమ |
తస్మాత్కారుణ్య భావేన రక్ష రక్ష గణాధిప ||
ఓం మహాగణపతయే నమః |
ప్రదక్షిణా నమస్కారాన్ సమర్పయామి |
ఓం మహాగణపతయే నమః |
ఛత్ర చామరాది సమస్త రాజోపచారాన్ సమర్పయామి ||
క్షమాప్రార్థన –
యస్య స్మృత్యా చ నామోక్త్యా తపః పూజా క్రియాదిషు |
న్యూనం సంపూర్ణతాం యాతి సద్యో వందే గజాననం ||
మంత్రహీనం క్రియాహీనం భక్తిహీనం గణాధిప |
యత్పూజితం మయాదేవ పరిపూర్ణం తదస్తు తే ||
ఓం వక్రతుండ మహాకాయ సూర్య కోటి సమప్రభ |
నిర్విఘ్నం కురు మే దేవ సర్వ కార్యేషు సర్వదా ||
అనయా ధ్యాన ఆవాహనాది షోడశోపచార పూజయా భగవాన్ సర్వాత్మకః శ్రీ మహాగణపతి సుప్రీతో సుప్రసన్నో వరదో భవంతు ||
ఉత్తరే శుభకర్మణ్యవిఘ్నమస్తు ఇతి భవంతో బ్రువంతు |
ఉత్తరే శుభకర్మణి అవిఘ్నమస్తు ||
తీర్థం –
అకాలమృత్యుహరణం సర్వవ్యాధినివారణం |
సమస్తపాపక్షయకరం శ్రీ మహాగణపతి పాదోదకం పావనం శుభం ||
శ్రీ మహాగణపతి ప్రసాదం శిరసా గృహ్ణామి ||
ఉద్వాసనం –
ఓం య॒జ్ఞేన॑ య॒జ్ఞమ॑యజన్త దే॒వాః |
తాని॒ ధర్మా॑ణి ప్రథ॒మాన్యా॑సన్ |
తే హ॒ నాక॑o మహి॒మాన॑స్సచన్తే |
యత్ర॒ పూర్వే॑ సా॒ధ్యాస్సన్తి॑ దే॒వాః ||
ఓం శ్రీ మహాగణపతి నమః యథాస్థానం ఉద్వాసయామి ||
శోభనార్థే క్షేమాయ పునరాగమనాయ చ |
ఓం శాంతిః శాంతిః శాంతిః |
పునః సంకల్పం –
పూర్వోక్త ఏవం గుణ విశేషణ విశిష్టాయాం శుభ తిథౌ మమ మేధా ప్రజ్ఞా అభివృద్ధిద్వారా బ్రహ్మజ్ఞానప్రాప్త్యర్థం మమ ఇష్టకామ్యార్థసిద్ధ్యర్థం శ్రీదక్షిణామూర్తి సద్యోజాతవిధానేన షోడశోపచార పూజాం కరిష్యే ||
ధ్యానం –
భస్మం వ్యాపాండురాంగ శశిశకలధరో జ్ఞానముద్రాక్షమాలా
వీణాపుస్తేర్విరాజత్కరకమలధరో లోకపట్టాభిరామః |
వ్యాఖ్యాపీఠేనిషణ్ణా మునివరనికరైః సేవ్యమాన ప్రసన్నః
సవ్యాలకృత్తివాసాః సతతమవతు నో దక్షిణామూర్తిమీశః ||
ఓం శ్రీదక్షిణామూర్తయే నమః | ధ్యాయామి ధ్యానం సమర్పయామి |
ఆవాహనం –
ఓం స॒ద్యోజా॒తం ప్ర॑పద్యా॒మి |
ఆవాహయే సుందరనాగభూషం
విజ్ఞానముద్రాంచిత పంచశాఖమ్ |
భస్మాంగరాగేణ విరాజమానం
శ్రీదక్షిణామూర్తి మహాత్మరూపమ్ ||
ఓం శ్రీదక్షిణామూర్తయే నమః | ఆవాహనం సమర్పయామి |
ఆసనం –
ఓం భవే భ॑వే॒న |
సువర్ణరత్నామలవజ్రనీల-
-మాణిక్యముక్తామణియుక్తపీఠే |
స్థిరో భవ త్వం వరదో భవ త్వం
సంస్థాపయామీశ్వర దక్షిణాస్యమ్ ||
ఓం శ్రీదక్షిణామూర్తయే నమః | రత్న సింహాసనం సమర్పయామి |
పాద్యం –
ఓం భవే భ॑వే॒న |
కస్తూరికామిశ్రమిదం గృహాణ
రుద్రాక్షమాలాభరణాంకితాంగ |
కాలత్రయాబాధ్యజగన్నివాస
పాద్యం ప్రదాస్యే హృది దక్షిణాస్యమ్ ||
ఓం శ్రీదక్షిణామూర్తయే నమః | పాద్యం సమర్పయామి |
అర్ఘ్యం –
ఓం అతి॑ భవే భవస్వ॒మాం |
శ్రీజాహ్నవీనిర్మలతోయమీశ
చార్ఘ్యార్థమానీయ సమర్పయిష్యే |
ప్రసన్నవక్త్రాంబుజలోకవంద్య
కాలత్రయేహం తవ దక్షిణాస్యమ్ ||
ఓం శ్రీదక్షిణామూర్తయే నమః | అర్ఘ్యం సమర్పయామి |
ఆచమనం –
ఓం భ॒వోద్భ॑వాయ॒ నమః |
ముదాహమానంద సురేంద్రవంద్య
గంగానదీతోయమిదం హి దాస్యే |
తవాధునా చాచమనం కురుష్వ
శ్రీదక్షిణామూర్తి గురుస్వరూప ||
ఓం శ్రీదక్షిణామూర్తయే నమః | ఆచమనీయం సమర్పయామి |
పంచామృతస్నానం –
సర్పిః పయో దధి మధు శర్కరాభిః ప్రసేచయే |
పంచామృతమిదం స్నానం దక్షిణాస్య కురు ప్రభో ||
శుద్ధోదక స్నానం –
ఓం వామదేవాయ నమః |
వేదాంతవేద్యాఖిలశూలపాణే
బ్రహ్మామరోపేంద్రసురేంద్రవంద్య |
స్నానం కురుష్వామలగాంగతోయే
సువాసితేస్మిన్ కురు దక్షిణాస్య ||
ఓం శ్రీదక్షిణామూర్తయే నమః | స్నానం సమర్పయామి |
వస్త్రం –
ఓం జ్యే॒ష్ఠాయ॒ నమః |
కౌశేయవస్త్రేణ చ మార్జయామి
దేవేశ్వరాంగాని తవామలాని |
ప్రజ్ఞాఖ్యలోకత్రితయప్రసన్న
శ్రీదక్షిణాస్యాఖిలలోకపాల ||
ఓం శ్రీదక్షిణామూర్తయే నమః | వస్త్రం సమర్పయామి |
యజ్ఞోపవీతం –
ఓం శ్రే॒ష్ఠాయ॒ నమః |
సువర్ణతంతూద్భవమగ్ర్యమీశ
యజ్ఞోపవీతం పరిధత్స్వదేవ |
విశాలబాహూదరపంచవక్త్ర
శ్రీదక్షిణామూర్తి సుఖస్వరూప ||
ఓం శ్రీదక్షిణామూర్తయే నమః | యజ్ఞోపవీతం సమర్పయామి |
ఆభరణం –
ఓం రు॒ద్రాయ॒ నమః |
సురత్నదాంగేయ కిరీటకుండలం
హారాంగుళీకంకణమేఖలావృతమ్ |
ఖండేందుచూడామృతపాత్రయుక్తం
శ్రీదక్షిణామూర్తిమహం భజామి ||
ఓం శ్రీదక్షిణామూర్తయే నమః | ఆభరణాని సమర్పయామి |
గంధం –
ఓం కాలా॑య॒ నమ॑: |
కస్తూరికాచందనకుంకుమాది-
-విమిశ్రగంధం మణిపాత్రసంస్థమ్ |
సమర్పయిష్యామి ముదా మహాత్మన్
గౌరీమనోవస్థితదక్షిణాస్య ||
ఓం శ్రీదక్షిణామూర్తయే నమః | గన్ధం సమర్పయామి |
అక్షతాన్ –
ఓం కల॑వికరణాయ॒ నమః |
శుభ్రాక్షతైః శుభ్రతిలైః సుమిశ్రైః
సంపూజయిష్యే భవతః పరాత్మన్ |
తదేకనిష్ఠేన సమాధినాథ
సదాహమానంద సుదక్షిణాస్య ||
ఓం శ్రీదక్షిణామూర్తయే నమః | అక్షతాన్ సమర్పయామి |
పుష్పం –
ఓం బల॑ వికరణాయ॒ నమః |
సుగంధీని సుపుష్పాణి జాజీబిల్వార్క చంపకైః |
నిర్మితం పుష్పమాలంచ నీలకంఠ గృహాణ భో ||
ఓం శ్రీదక్షిణామూర్తయే నమః | పుష్పాణి సమర్పయామి |
అష్టోత్తరశతనామ పూజా –
శ్రీ దక్షిణామూర్త్యష్టోత్తరశతనామావళిః ||
ఓం విద్యారూపిణే నమః |
ఓం మహాయోగినే నమః |
ఓం శుద్ధజ్ఞానినే నమః |
ఓం పినాకధృతే నమః |
ఓం రత్నాలంకృతసర్వాంగాయ నమః |
ఓం రత్నమాలినే నమః |
ఓం జటాధరాయ నమః |
ఓం గంగాధారిణే నమః |
ఓం అచలావాసినే నమః | ౯
ఓం సర్వజ్ఞానినే నమః |
ఓం సమాధిధృతే నమః |
ఓం అప్రమేయాయ నమః |
ఓం యోగనిధయే నమః |
ఓం తారకాయ నమః |
ఓం భక్తవత్సలాయ నమః |
ఓం బ్రహ్మరూపిణే నమః |
ఓం జగద్వ్యాపినే నమః |
ఓం విష్ణుమూర్తయే నమః | ౧౮
ఓం పురాంతకాయ నమః |
ఓం ఉక్షవాహాయ నమః |
ఓం చర్మవాససే నమః |
ఓం పీతాంబరవిభూషణాయ నమః |
ఓం మోక్షసిద్ధయే నమః |
ఓం మోక్షదాయినే నమః |
ఓం దానవారయే నమః |
ఓం జగత్పతయే నమః |
ఓం విద్యాధారిణే నమః | ౨౭
ఓం శుక్లతనవే నమః |
ఓం విద్యాదాయినే నమః |
ఓం గణాధిపాయ నమః |
ఓం పాపాపస్మృతిసంహర్త్రే నమః |
ఓం శశిమౌళయే నమః |
ఓం మహాస్వనాయ నమః |
ఓం సామప్రియాయ నమః |
ఓం స్వయం సాధవే నమః |
ఓం సర్వదేవైర్నమస్కృతాయ నమః | ౩౬
ఓం హస్తవహ్నిధరాయ నమః |
ఓం శ్రీమతే నమః |
ఓం మృగధారిణే నమః |
ఓం శంకరాయ నమః |
ఓం యజ్ఞనాథాయ నమః |
ఓం క్రతుధ్వంసినే నమః |
ఓం యజ్ఞభోక్త్రే నమః |
ఓం యమాంతకాయ నమః |
ఓం భక్తానుగ్రహమూర్తయే నమః | ౪౫
ఓం భక్తసేవ్యాయ నమః |
ఓం వృషధ్వజాయ నమః |
ఓం భస్మోద్ధూళితసర్వాంగాయ నమః |
ఓం అక్షమాలాధరాయ నమః |
ఓం మహతే నమః |
ఓం త్రయీమూర్తయే నమః |
ఓం పరస్మై బ్రహ్మణే నమః |
ఓం నాగరాజైరలంకృతాయ నమః |
ఓం శాంతరూపాయ నమః | ౫౪
ఓం మహాజ్ఞానినే నమః |
ఓం సర్వలోకవిభూషణాయ నమః |
ఓం అర్ధనారీశ్వరాయ నమః |
ఓం దేవాయ నమః |
ఓం మునిసేవ్యాయ నమః |
ఓం సురోత్తమాయ నమః |
ఓం వ్యాఖ్యానదేవాయ నమః |
ఓం భగవతే నమః |
ఓం అగ్నిచంద్రార్కలోచనాయ నమః | ౬౩
ఓం జగత్స్రష్ట్రే నమః |
ఓం జగద్గోప్త్రే నమః |
ఓం జగద్ధ్వంసినే నమః |
ఓం త్రిలోచనాయ నమః |
ఓం జగద్గురవే నమః |
ఓం మహాదేవాయ నమః |
ఓం మహానందపరాయణాయ నమః |
ఓం జటాధారిణే నమః |
ఓం మహావీరాయ నమః | ౭౨
ఓం జ్ఞానదేవైరలంకృతాయ నమః |
ఓం వ్యోమగంగాజలస్నాతాయ నమః |
ఓం సిద్ధసంఘసమర్చితాయ నమః |
ఓం తత్త్వమూర్తయే నమః |
ఓం మహాయోగినే నమః |
ఓం మహాసారస్వతప్రదాయ నమః |
ఓం వ్యోమమూర్తయే నమః |
ఓం భక్తానామిష్టకామఫలప్రదాయ నమః |
ఓం వీరమూర్తయే నమః | ౮౧
ఓం విరూపిణే నమః |
ఓం తేజోమూర్తయే నమః |
ఓం అనామయాయ నమః |
ఓం వేదవేదాంగతత్త్వజ్ఞాయ నమః |
ఓం చతుష్షష్టికళానిధయే నమః |
ఓం భవరోగభయధ్వంసినే నమః |
ఓం భక్తానామభయప్రదాయ నమః |
ఓం నీలగ్రీవాయ నమః |
ఓం లలాటాక్షాయ నమః | ౯౦
ఓం గజచర్మణే నమః |
ఓం జ్ఞానదాయ నమః |
ఓం అరోగిణే నమః |
ఓం కామదహనాయ నమః |
ఓం తపస్వినే నమః |
ఓం విష్ణువల్లభాయ నమః |
ఓం బ్రహ్మచారిణే నమః |
ఓం సంన్యాసినే నమః |
ఓం గృహస్థాశ్రమకారణాయ నమః | ౯౯
ఓం దాంతశమవతాం శ్రేష్ఠాయ నమః |
ఓం సత్త్వరూపదయానిధయే నమః |
ఓం యోగపట్టాభిరామాయ నమః |
ఓం వీణాధారిణే నమః |
ఓం విచేతనాయ నమః |
ఓం మంత్రప్రజ్ఞానుగాచారాయ నమః |
ఓం ముద్రాపుస్తకధారకాయ నమః |
ఓం రాగహిక్కాదిరోగాణాం వినిహంత్రే నమః |
ఓం సురేశ్వరాయ నమః | ౧౦౮
ఇతి శ్రీ దక్షిణామూర్త్యష్టోత్తరశతనామావళిః ||
ఓం శ్రీదక్షిణామూర్తయే నమః | అష్టోత్తరశతనామపూజాం సమర్పయామి |
ధూపం –
ఓం బలా॑య॒ నమః |
దశాంగధూపం పరికల్పయామి
నానాసుగంధాన్వితమాజ్యయుక్తమ్ |
మేధాఖ్య సర్వజ్ఞ బుధేంద్రపూజ్య
దిగంబర స్వీకురు దక్షిణాస్య ||
ఓం శ్రీదక్షిణామూర్తయే నమః | ధూపం సమర్పయామి |
దీపం –
ఓం బల॑ ప్రమథనాయ॒ నమః |
ఆజ్యేన సంమిశ్రమిమం ప్రదీపం
వర్తిత్రయేణాన్వితమగ్నియుక్తమ్ |
గృహాణ యోగీంద్ర మయార్పితం భో
శ్రీదక్షిణామూర్తిగురో ప్రసీద ||
ఓం శ్రీదక్షిణామూర్తయే నమః | దీపం సమర్పయామి |
నైవేద్యం –
ఓం సర్వ॑ భూత దమనాయ॒ నమః |
శాల్యోదనం నిర్మలసూపశాక-
-భక్ష్యాజ్యసంయుక్తదధిప్రసిక్తమ్ |
కపిత్థ సద్రాక్షఫలైశ్చ చూతైః
సాపోశనం భక్షయ దక్షిణాస్య ||
ఓం శ్రీదక్షిణామూర్తయే నమః | నైవేద్యం సమర్పయామి |
తాంబూలం –
ఓం మ॒నోన్మ॑నాయ॒ నమః |
తాంబూలమద్య ప్రతిసంగృహాణ
కర్పూరముక్తామణిచూర్ణయుక్తమ్ |
సుపర్ణపర్ణాన్వితపూగఖండ-
-మనేకరూపాకృతి దక్షిణాస్య ||
ఓం శ్రీదక్షిణామూర్తయే నమః | తామ్బూలం సమర్పయామి |
నీరాజనం –
ఓం అ॒ఘోరే”భ్యోఽథ॒ ఘోరే”భ్యో॒ ఘోర॒ఘోర॑తరేభ్యః |
సర్వే”భ్యః సర్వ॒శర్వే”భ్యో॒ నమ॑స్తే అస్తు రు॒ద్రరూ॑పేభ్యః ||
నీరాజనం నిర్మలపాత్రసంస్థం
కర్పూరసందీపితమచ్ఛరూపమ్ |
కరోమి వామేశ తవోపరీదం
వ్యోమాకృతే శంకర దక్షిణాస్య ||
ఓం శ్రీదక్షిణామూర్తయే నమః | నీరాజనం సమర్పయామి |
మంత్రపుష్పం –
ఓం తత్పురు॑షాయ వి॒ద్మహే॑ మహాదే॒వాయ॑ ధీమహి |
తన్నో॑ రుద్రః ప్రచో॒దయా”త్ ||
ఓం శ్రీదక్షిణామూర్తయే నమః | మంత్రపుష్పం సమర్పయామి |
పుష్పాంజలి –
మందారపంకేరుహకుందజాజీ-
-సుగంధపుష్పాంజలిమర్పయామి |
త్రిశూల ఢక్కాంచిత పాణియుగ్మ
తే దక్షిణామూర్తి విరూపధారిన్ ||
ఓం శ్రీదక్షిణామూర్తయే నమః | పుష్పాంజలిం సమర్పయామి |
ప్రదక్షిణ –
ఈశానః సర్వ॑విద్యా॒నా॒మీశ్వరః సర్వ॑భూతా॒నా॒o
బ్రహ్మాధి॑పతి॒ర్బ్రహ్మ॒ణోఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ ||
ప్రదక్షిణం సమ్యగహం కరిష్యే
కాలత్రయే త్వాం కరుణాభిరామమ్ |
శివామనోనాథ మమాపరాధం
క్షమస్వ యజ్ఞేశ్వర దక్షిణాస్య ||
ఓం శ్రీదక్షిణామూర్తయే నమః | ప్రదక్షిణనమస్కారాన్ సమర్పయామి |
సర్వోపచారాః –
ఓం శ్రీదక్షిణామూర్తయే నమః ఛత్రమాచ్ఛాదయామి |
ఓం శ్రీదక్షిణామూర్తయే నమః చామరైర్వీజయామి |
ఓం శ్రీదక్షిణామూర్తయే నమః నృత్యం దర్శయామి |
ఓం శ్రీదక్షిణామూర్తయే నమః గీతం శ్రావయామి |
ఓం శ్రీదక్షిణామూర్తయే నమః ఆందోళికానారోహయామి |
ఓం శ్రీదక్షిణామూర్తయే నమః అశ్వానారోహయామి |
ఓం శ్రీదక్షిణామూర్తయే నమః గజానారోహయామి |
సమస్త రాజోపచార దేవోపచారాన్ సమర్పయామి ||
ప్రార్థనా –
నమో హిరణ్యబాహవే హిరణ్యవర్ణాయ హిరణ్యరూపాయ హిరణ్యపతయేఽంబికాపతయ ఉమాపతయే పశుపతయే॑ నమో॒ నమః ||
నమో నమః పాపవినాశనాయ
నమో నమః కంజభవార్చితాయ |
నమో నమః కృష్ణహృదిస్థితాయ
శ్రీదక్షిణామూర్తి మహేశ్వరాయ ||
ఓం శ్రీదక్షిణామూర్తయే నమః | ప్రార్థనా నమస్కారాన్ సమర్పయామి |
క్షమాప్రార్థన –
యస్య స్మృత్యాచ నామోక్త్యా తపః పూజా క్రియాదిషు |
న్యూనం సంపూర్ణతాం యాతి సద్యోవందే మహేశ్వరం ||
మంత్రహీనం క్రియాహీనం భక్తిహీనం మహేశ్వర |
యత్పూజితం మయా దేవ పరిపూర్ణం తదస్తు తే ||
అనయా సద్యోజాత విధినా ధ్యానావహనాది షోడశోపచార పూజయా భగవాన్ సర్వాత్మకః శ్రీ దక్షిణామూర్తిః సుప్రీతః సుప్రసన్నో వరదో భవతు ||
ఏతత్ఫలం పరమేశ్వరార్పణమస్తు ||
తీర్థం –
అకాలమృత్యుహరణం సర్వవ్యాధి నివారణం |
సమస్తపాపక్షయకరం శ్రీదక్షిణామూర్తి పాదోదకం పావనం శుభమ్ ||
ఓం శాంతిః శాంతిః శాంతిః ||