(శృంగేరీ జగద్గురు విరచితం)
[** అధునా సర్వత్ర జగతి ప్రసరతః జనానం ప్రాణాపాయకరస్య కొరోనా నామకస్య రోగవిశేషస్య నివారణార్థం శృంగేరీ జగద్గురు విరచిత శ్రీ దుర్గా పరమేశ్వరీ స్తోత్ర పారాయణం కరిష్యే | **]
ఏతావంతం సమయం
సర్వాపద్భ్యోఽపి రక్షణం కృత్వా |
దేశస్య పరమిదానీం
తాటస్థ్యం కేన వహసి దుర్గాంబ || ౧ ||
అపరాధా బహుశః ఖలు
పుత్రాణాం ప్రతిపదం భవంత్యేవ |
కో వా సహతే లోకే
సర్వాంస్తాన్మాతరం విహాయైకామ్ || ౨ ||
మా భజ మా భజ దుర్గే
తాటస్థ్యం పుత్రకేషు దీనేషు |
కే వా గృహ్ణంతి సుతాన్
మాత్రా త్యక్తాన్వదాంబికే లోకే || ౩ ||
ఇతః పరం వా జగదంబ జాతు
దేశస్య రోగప్రముఖాపదోఽస్య |
న స్యుస్తథా కుర్వచలాం కృపాం
ఇత్యభ్యర్థనాం మే సఫలీకురుష్వ || ౪ ||
పాపహీనజనతావనదక్షాః
సంతి నిర్జరవరా న కియంతః |
పాపపూర్ణజనరక్షణదక్షాం
త్వాం వినా భువి పరాం న విలోకే || ౫ ||
ఇతి శృంగేరీ జగద్గురు విరచితం శ్రీ దుర్గా పరమేశ్వరీ స్తోత్రం ||