అస్య శ్రీ గరుడ కవచ స్తోత్రమంత్రస్య నారద ఋషిః వైనతేయో దేవతా అనుష్టుప్ ఛందః మమ శ్రీ వైనతేయ ప్రీత్యర్థే జపే వినియోగః |
శిరో మే గరుడః పాతు లలాటం వినతాసుతః |
నేత్రే తు సర్పహా పాతు కర్ణౌ పాతు సురార్చితః || ౧ ||
నాసికాం పాతు సర్పారిః వదనం విష్ణువాహనః |
సూర్యసూతానుజః కంఠం భుజౌ పాతు మహాబలః || ౨ ||
హస్తౌ ఖగేశ్వరః పాతు కరాగ్రే తరుణాకృతిః |
నఖాన్ నఖాయుధః పాతు కక్షౌ ముక్తిఫలప్రదః || ౩ ||
స్తనౌ మే విహగః పాతు హృదయం పాతు సర్పహా |
నాభిం పాతు మహాతేజాః కటిం పాతు సుధాహరః || ౪ ||
ఊరూ పాతు మహావీరః జానునీ చండవిక్రమః |
జంఘే దండాయుధః పాతు గుల్ఫౌ విష్ణురధః సదా || ౫ ||
సుపర్ణః పాతు మే పాదౌ తార్క్ష్యః పాదాంగులీ తథా |
రోమకూపాని మే వీరో త్వచం పాతు భయాపహా || ౬ ||
ఇత్యేవం కవచం దివ్యం పాపఘ్నం సర్వకామదమ్ |
యః పఠేత్ ప్రాతరుత్థాయ విషదోషం ప్రణశ్యతి || ౭ ||
త్రిసంధ్యం యః పఠేన్నిత్యం బంధనాత్ ముచ్యతే నరః |
ద్వాదశాహం పఠేద్యస్తు ముచ్యతే శత్రుబంధనాత్ || ౮ ||
ఏకవారం పఠేద్యస్తు ముచ్యతే సర్వకిల్బిషైః |
వజ్రపంజరనామేదం కవచం బంధమోచనమ్ || ౯ ||
ఇతి శ్రీనారదగరుడసంవాదే శ్రీ గరుడ కవచమ్ ||