నమః శ్రీవిశ్వనాథాయ దేవవంద్యపదాయ తే ।
కాశీశేశావతారో మే దేవదేవ హ్యుపాదిశ ॥ 1 ॥

మాయాధీశం మహాత్మానం సర్వకారణకారణమ్ ।
వందే తం మాధవం దేవం యః కాశీం చాధితిష్ఠతి ॥ 2 ॥

వందే తం ధర్మగోప్తారం సర్వగుహ్యార్థవేదినమ్ ।
గణదేవం ఢుంఢిరాజం తం మహాంతం సువిఘ్నహమ్ ॥ 3 ॥

భారం వోఢుం స్వభక్తానాం యో యోగం ప్రాప్త ఉత్తమమ్ ।
తం స ఢుంఢిం దండపాణిం వందే గంగాతటస్థితమ్ ॥ 4 ॥

భైరవం దంష్ట్రాకరాళం భక్తాభయకరం భజే ।
దుష్టదండశూలశీర్షధరం వామాధ్వచారిణమ్ ॥ 5 ॥

శ్రీ కాశీం పాపశమనీం దమనీం దుష్టచేతసః ।
స్వర్ణిః శ్రేణిం చావిముక్తపురీం మర్త్యహితం భజే ॥ 6 ॥

నమామి చతురారాధ్యాం సదాణిమ్ని స్థితిం గుహామ్ ।
శ్రీ గంగే భైరవీం దూరీకురు కల్యాణి యాతనామ్ ॥ 7 ॥

భవాని రక్షాన్నపూర్ణే సద్వర్ణితగుణేంబికే ।
దేవర్షివంద్యాంబుమణికర్ణికాం మోక్షదాం భజే ॥ 8 ॥