పూర్వపీఠికా-
యస్మాత్సర్వం సముత్పన్నం చరాచరమిదం జగత్ |
ఇదం నమో నటేశాయ తస్మై కారుణ్యమూర్తయే || ౧ ||
ఓం కైలాసశిఖరే రమ్యే రత్నసింహాసనే స్థితం |
శంకరం కరుణామూర్తిం ప్రణమ్య పరయా ముదా || ౨ ||
వినయావనతా భూత్వా పప్రచ్ఛ పరమేశ్వరీ |
భగవన్ భవ సర్వజ్ఞ భవతాపహరావ్యయ || ౩ ||
త్వత్తః శ్రుతం మయా దేవ సర్వం నామసహస్రకం |
నటేశస్య తు నామాని న శ్రుతాని మయా ప్రభో || ౪ ||
అసంకృత్ప్రార్థితోఽపి త్వం న తత్కథితవానసి |
ఇదానీం కృపయా శంభో వద వాంఛాభిపూర్తయే || ౫ ||
శ్రీ శివ ఉవాచ-
సాధు సాధు మహాదేవి పృష్టం సర్వజగద్ధితం |
పురా నారాయణః శ్రీమాన్ లోకరక్షాపరాయణః || ౬ ||
క్షీరాబ్ధౌ సుచిరం కాలం సాంబమూర్తిధరం శివం |
మామేకాగ్రేణ చిత్తేన ధ్యాయన్ న్యవసదచ్యుతః || ౭ ||
తపసా తస్య సంతుష్టః ప్రసన్నోఽహం కృపావశాత్ |
ధ్యానాత్సముత్థితో విష్ణుర్లక్ష్మ్యా మాం పర్యపూజయత్ || ౮ ||
తుష్టావ వివిధైస్స్తోత్రైర్వేదవేదాంతసమ్మితైః |
వరం వరయ హే వత్స యదిష్టం మనసి స్థితం || ౯ ||
తత్తే దాస్యామి న చిరాదిత్యుక్తః కమలేక్షణః |
ప్రాహ మాం పరయా భక్త్యా వరం దాస్యసి చేత్ప్రభో || ౧౦ ||
రక్షార్థం సర్వజగతామసురాణాం క్షయాయ చ |
సార్వాత్మ్యయోగసిద్ధ్యర్థం మంత్రమేకం మమాదిశ || ౧౧ ||
ఇతి సంప్రార్థితస్తేన మాధవేనాహమంబికే |
సంచింత్యానుత్తమం స్తోత్రం సర్వేషాం సర్వసిద్ధిదం || ౧౨ ||
నటేశనామసాహస్రముక్తవానస్మి విష్ణవే |
తేన జిత్వాఽసురాన్ సర్వాన్ రరక్ష సకలం జగత్ || ౧౩ ||
సార్వాత్మ్యయోగసిద్ధిం చ ప్రాప్తవానంబుజేక్షణః |
తదేవ ప్రార్థయస్యద్య నామసాహస్రమంబికే || ౧౪ ||
పఠనాన్మననాత్తస్య నృత్తం దర్శయతి ప్రభుః |
సర్వపాపహరం పుణ్యం సర్వరక్షాకరం నృణాం || ౧౫ ||
సర్వైశ్వర్యప్రదం సర్వసిద్ధిదం ముక్తిదం పరం |
వక్ష్యామి శృణు హే దేవి నామసాహస్రముత్తమం || ౧౬ ||
అథ శ్రీనటేశసహస్రనామస్తోత్రం
ఓం అస్య శ్రీనటేశసహస్రనామస్తోత్రమాలామహామంత్రస్య
సదాశివ ఋషిః, మహావిరాట్ ఛందః శ్రీమన్నటేశో దేవతా |
బీజం, శక్తిః, కీలకం, అంగన్యాసకరన్యాసౌ చ చింతామణిమంత్రవత్ ||
ధ్యానం-
ధ్యాయేత్కోటిరవిప్రభం త్రినయనం శీతాంశుగంగాధరం
దక్షాంఘ్రిస్థితవామకుంచితపదం శార్దూలచర్మాంబరం |
వహ్నిం డోలకరాభయం డమరుకం వామే శివాం (స్థితాం) శ్యామలాం
కల్హారం జపసృక్షుకం (దధతీం ప్రలంబితకరా) కటికరాం దేవీం సభేశం భజే ||
పంచ పూజ–
లం పృథివ్యాత్మనే గంధం సమర్పయామి
హం ఆకాశాత్మనే పుష్పైః పూజయామి
యం వాయవాత్మనే ధూపం ఆఘ్రాపయామి
రం అగ్న్యఆత్మనే దీపం దర్శయామి
వం అమృతాత్మనే అమృతం మహానైవేద్యం నివేదయామి
సం సర్వాత్మనే సర్వోపచార పూజాం సమర్పయామి ||
శ్రీశివ ఉవాచ-
శ్రీశివః శ్రీశివానాథః శ్రీమాన్ శ్రీపతిపూజితః |
శివంకరః శివతరశ్శిష్టహృష్టశ్శివాగమః || ౧ ||
అఖండానందచిద్రూపః పరమానందతాండవః |
అపస్మృతిన్యస్తపాదః కృత్తివాసాః కృపాకరః || ౨ ||
కాలీవాదప్రియః కాలః కాలాతీతః కలాధరః |
కాలనేతా కాలహంతా కాలచక్రప్రవర్తకః || ౩ ||
కాలజ్ఞః కామదః కాంతః కామారిః కామపాలకః |
కల్యాణమూర్తిః కల్యాణీరమణః కమలేక్షణః || ౪ ||
కాలకంఠః కాలకాలః కాలకూటవిషాశనః |
కృతజ్ఞః కృతిసారజ్ఞః కృశానుః కృష్ణపింగలః || ౫ ||
కరిచర్మాంబరధరః కపాలీ కలుషాపహః |
కపాలమాలాభరణః కంకాలః కలినాశనః || ౬ ||
కైలాసవాసీ కామేశః కవిః కపటవర్జితః |
కమనీయః కలానాథశేఖరః కంబుకంధరః || ౭ ||
కందర్పకోటిసదృశః కపర్దీ కమలాననః |
కరాబ్జధృతకాలాగ్నిః కదంబకుసుమారుణః || ౮ ||
కమనీయనిజానందముద్రాంచితకరాంబుజః |
స్ఫురడ్డమరునిధ్వాననిర్జితాంభోధినిస్వనః || ౯ ||
ఉద్దండతాండవశ్చండ ఊర్ధ్వతాండవపండితః |
సవ్యతాండవసంపన్నో మహాతాండవవైభవః || ౧౦ ||
బ్రహ్మాండకాండవిస్ఫోటమహాప్రలయతాండవః |
మహోగ్రతాండవాభిజ్ఞః పరిభ్రమణతాండవః || ౧౧ ||
నందినాట్యప్రియో నందీ నటేశో నటవేషభృత్ |
కాలికానాట్యరసికో నిశానటననిశ్చలః || ౧౨ ||
భృంగినాట్యప్రమాణజ్ఞో భ్రమరాయితనాట్యకృత్ |
వియదాదిజగత్స్రష్టా వివిధానందదాయకః || ౧౩ ||
వికారరహితో విష్ణుర్విరాడీశో విరాణ్మయః |
విరాఢృదయపద్మస్థో విధిర్విశ్వాధికో విభుః || ౧౪ ||
వీరభద్రో విశాలాక్షో విష్ణుబాణో విశాంపతిః |
విద్యానిధిర్విరూపాక్షో విశ్వయోనిర్వృషధ్వజః || ౧౫ ||
విరూపో విశ్వదిగ్వ్యాపీ వీతశోకో విరోచనః |
వ్యోమకేశో వ్యోమమూర్తిర్వ్యోమాకారోఽవ్యయాకృతిః || ౧౬ ||
వ్యాఘ్రపాదప్రియో వ్యాఘ్రచర్మధృద్వ్యాధినాశనః |
వ్యాకృతో వ్యాపృతో వ్యాపీ వ్యాప్యసాక్షీ విశారదః || ౧౭ ||
వ్యామోహనాశనో వ్యాసో వ్యాఖ్యాముద్రాలసత్కరః .
వరదో వామనో వంద్యో వరిష్ఠో వజ్రవర్మభృత్ || ౧౮ ||
వేదవేద్యో వేదరూపో వేదవేదాంతవిత్తమః |
వేదార్థవిద్వేదయోనిః వేదాంగో వేదసంస్తుతః || ౧౯ ||
వైకుంఠవల్లభోఽవర్ష్యో వైశ్వానరవిలోచనః |
సమస్తభువనవ్యాపీ సమృద్ధస్సతతోదితః || ౨౦ ||
సూక్ష్మాత్సూక్ష్మతరః సూర్యః సూక్ష్మస్థూలత్వవర్జితః |
జహ్నుకన్యాధరో జన్మజరామృత్యునివారకః || ౨౧ ||
శూరసేనః శుభాకారః శుభ్రమూర్తిః శుచిస్మితః |
అనర్ఘరత్నఖచితకిరీటో నికటే స్థితః || ౨౨ ||
సుధారూపః సురాధ్యక్షః సుభ్రూః సుఖఘనః సుధీః |
భద్రో భద్రప్రదో భద్రవాహనో భక్తవత్సలః || ౨౩ ||
భగనేత్రహరో భర్గో భవఘ్నో భక్తిమన్నిధిః |
అరుణః శరణః శర్వః శరణ్యః శర్మదః శివః || ౨౪ ||
పవిత్రః పరమోదారః పరమాపన్నివారకః |
సనాతనస్సమః సత్యః సత్యవాదీ సమృద్ధిదః || ౨౫ ||
ధన్వీ ధనాధిపో ధన్యో ధర్మగోప్తా ధరాధిపః |
తరుణస్తారకస్తామ్రస్తరిష్ణుస్తత్త్వబోధకః || ౨౬ ||
రాజరాజేశ్వరో రమ్యో రాత్రించరవినాశనః |
గహ్వరేష్ఠో గణాధీశో గణేశో గతివర్జితః || ౨౭ ||
పతంజలిప్రాణనాథః పరాపరవివర్జితః |
పరమాత్మా పరజ్యోతిః పరమేష్ఠీ పరాత్పరః || ౨౮ ||
నారసింహో నగాధ్యక్షో నాదాంతో నాదవర్జితః |
నమదానందదో నమ్యో నగరాజనికేతనః || ౨౯ ||
దైవ్యో భిషక్ప్రమాణజ్ఞో బ్రహ్మణ్యో బ్రాహ్మణాత్మకః |
కృతాకృతః కృశః కృష్ణః శాంతిదశ్శరభాకృతిః || ౩౦ ||
బ్రహ్మవిద్యాప్రదో బ్రహ్మా బృహద్గర్భో బృహస్పతిః |
సద్యో జాతస్సదారాధ్యః సామగస్సామసంస్తుతః || ౩౧ ||
అఘోరోఽద్భుతచారిత్ర ఆనందవపురగ్రణీః |
సర్వవిద్యానామీశాన ఈశ్వరాణామధీశ్వరః || ౩౨ ||
సర్వార్థః సర్వదా తుష్టః సర్వశాస్త్రార్థసమ్మతః |
సర్వజ్ఞః సర్వదః స్థాణుః సర్వేశస్సమరప్రియః || ౩౩ ||
జనార్దనో జగత్స్వామీ జన్మకర్మనివారకః |
మోచకో మోహవిచ్ఛేత్తా మోదనీయో మహాప్రభుః || ౩౪ ||
వ్పుప్తకేశో వివిశదో విష్వక్సేనో విశోధకః |
సహస్రాక్షః సహస్రాంఘ్రిః సహస్రవదనాంబుజః || ౩౫ ||
సహస్రాక్షార్చితః సమ్రాట్ సంధాతా సంపదాలయః |
బభ్రుర్బహువిధాకారో బలప్రమథనో బలీ || ౩౬ ||
మనోభర్తా మనోగమ్యో మననైకపరాయణః |
ఉదాసీన ఉపద్రష్టా మౌనగమ్యో మునీశ్వరః || ౩౭ ||
అమానీ మదనోఽమన్యురమానో మానదో మనుః |
యశస్వీ యజమానాత్మా యజ్ఞభుగ్యజనప్రియః || ౩౮ ||
మీఢుష్టమో మృగధరో మృకండుతనయప్రియః |
పురుహూతః పురద్వేషీ పురత్రయవిహారవాన్ || ౩౯ ||
పుణ్యః పుమాన్పురిశయః పూషా పూర్ణః పురాతనః |
శయనశ్శంతమః శాంత శాసకశ్శ్యామలాప్రియః || ౪౦ ||
భావజ్ఞో బంధవిచ్ఛేత్తా భావాతీతోఽభయంకరః |
మనీషీ మనుజాధీశో మిథ్యాప్రత్యయనాశనః || ౪౧ ||
నిరంజనో నిత్యశుద్ధో నిత్యబుద్ధో నిరాశ్రయః |
నిర్వికల్పో నిరాలంబో నిర్వికారో నిరామయః || ౪౨ ||
నిరంకుశో నిరాధారో నిరపాయో నిరత్యయః |
గుహాశయో గుణాతీతో గురుమూర్తిర్గుహప్రియః || ౪౩ ||
ప్రమాణం ప్రణవః ప్రాజ్ఞః ప్రాణదః ప్రాణనాయకః |
సూత్రాత్మా సులభస్స్వచ్ఛః సూదరస్సుందరాననః || ౪౪ ||
కపాలమాలాలంకారః కాలాంతకవపుర్ధరః |
దురారాధ్యో దురాధర్షో దుష్టదూరో దురాసదః || ౪౫ ||
దుర్విజ్ఞేయో దురాచారనాశనో దుర్మదాంతకః |
సర్వేశ్వరః సర్వసాక్షీ సర్వాత్మా సాక్షివర్జితః || ౪౬ ||
సర్వద్వంద్వక్షయకరః సర్వాపద్వినివారకః |
సర్వప్రియతమస్సర్వదారిద్యక్లేశనాశనః || ౪౭ ||
ద్రష్టా దర్శయితా దాంతో దక్షిణామూర్తిరూపభృత్ |
దక్షాధ్వరహరో దక్షో దహరస్థో దయానిధిః || ౪౮ ||
సమదృష్టిస్సత్యకామః సనకాదిమునిస్తుతః |
పతిః పంచత్వనిర్ముక్తః పంచకృత్యపరాయణః || ౪౯ ||
పంచయజ్ఞప్రియః పంచప్రాణాధిపతిరవ్యయః |
పంచభూతప్రభుః పంచపూజాసంతుష్టమానసః || ౫౦ ||
విఘ్నేశ్వరో విఘ్నహంతా శక్తిపాణిశ్శరోద్భవః |
గూఢో గుహ్యతమో గోప్యో గోరక్షీ గణసేవితః || ౫౧ ||
సువ్రతస్సత్యసంకల్పః స్వసంవేద్యస్సుఖావహః |
యోగగమ్యో యోగనిష్ఠో యోగానందో యుధిష్ఠిరః || ౫౨ ||
తత్త్వావబోధస్తత్వేశః తత్త్వభావస్తపోనిధిః |
అక్షరస్త్ర్యక్షరస్త్రయక్షః పక్షపాతవివర్జితః || ౫౩ ||
మాణిభద్రార్చితో మాన్యో మాయావీ మాంత్రికో మహాన్ |
కుఠారభృత్కులాద్రీశః కుంచితైకపదాంబుజః || ౫౪ ||
యక్షరాడ్యజ్ఞఫలదో యజ్ఞమూర్తిర్యశస్కరః |
సిద్ధేశస్సిద్ధిజనకః సిద్ధాంతస్సిద్ధవైభవః || ౫౫ ||
రవిమండలమధ్యస్థో రజోగుణవివర్జితః |
వహ్నిమండలమధ్యస్థో వర్షీయాన్ వరుణేశ్వరః || ౫౬ ||
సోమమండలమధ్యస్థః సోమస్సౌమ్యస్సుహృద్వరః |
దక్షిణాగ్నిర్గార్హపత్యో దమనో దమనాంతకః (దానవాంతకః) || ౫౭ ||
చతుర్వక్త్రశ్చక్రధరః పంచవక్త్రః పరం తపః |
విశ్వస్యాయతనో వర్యో వందారుజనవత్సలః || ౫౮ ||
గాయత్రీవల్లభో గార్గ్యో గాయకానుగ్రహోన్ముఖః |
అనంతరూప ఏకాత్మా స్వస్తరుర్వ్యాహృతిస్స్వధా || ౫౯ ||
స్వాహారూపో వసుమనాః వటుకః క్షేత్రపాలకః |
శ్రావ్యశ్శత్రుహరశ్శూలీ శ్రుతిస్మృతివిధాయకః || ౬౦ ||
అప్రమేయోఽప్రతిరథః ప్రద్యుమ్నః ప్రమథేశ్వరః |
అనుత్తమో హ్యుదాసీనో ముక్తిదో ముదితాననః || ౬౧ ||
ఊర్ధ్వరేతా ఊర్ధ్వపాదః ప్రౌఢనర్తనలంపటః |
మహామాయో మహాయాసో మహావీర్యో మహాభుజః || ౬౨ ||
మహానందో మహాస్కందో మహేంద్రో మహసాన్నిధిః |
భ్రాజిష్ణుర్భావనాగమ్యః భ్రాంతిజ్ఞానవినాశనః || ౬౩ ||
మహర్ధిర్మహిమాధారో మహాసేనగురుర్మహః |
సర్వదృగ్సర్వభూత్సర్గః సర్వహృత్కోశసంస్థితః || ౬౪ ||
దీర్ఘపింగజటాజూటో దీర్ఘబాహుర్దిగంబరః |
సంయద్వామస్సఙ్యమీంద్రః సంశయచ్ఛిత్సహస్రదృక్ || ౬౫ ||
హేతుదృష్టాంతనిర్ముక్తో హేతుర్హేరంబజన్మభూః |
హేలావినిర్మితజగద్ధేమశ్మశ్రుర్హిరణ్మయః || ౬౬ ||
సకృద్విభాతస్సంవేత్తా సదసత్కో టివర్జితః |
స్వాత్మస్థస్స్వాయుధః స్వామీ స్వానన్యస్స్వాంశితాఖిలః || ౬౭ ||
రాతిర్దాతిశ్చతుష్పాదః స్వాత్మరుణహరస్స్వభూః |
వశీ వరేణ్యో వితతో వజ్రభృద్వరుణాత్మజః || ౬౮ ||
చైతన్యశ్చిచ్ఛిదద్వైతః చిన్మాత్రశ్చిత్సభాధిపః |
భూమా భూతపతిర్భవ్యో భృర్భువో వ్యాహృతిప్రియః || ౬౯ ||
వాచ్యవాచకనిర్ముక్తో వాగీశో వాగగోచరః |
వేదాంతకృత్తుర్యపాదో వైద్యుతస్సుకృతోద్భవః || ౭౦ ||
అశుభక్షయకృజ్జ్యోతిః అనాకాశో హ్యలేపకః |
ఆప్తకామోఽనుమంతాఽఽత్మ కామోఽభిన్నోఽనణుర్హరః || ౭౧ ||
అస్నేహస్సంగనిర్ముక్తోఽహ్రస్వోఽదీర్ఘోఽవిశేషకః |
స్వచ్ఛందస్స్వచ్ఛసంవిత్తిరన్వేష్టవ్యోఽశ్రుతోఽమృతః || ౭౨ ||
అపరోక్షోఽవ్రణోఽలింగోఽవిద్వేష్టా ప్రేమసాగరః |
జ్ఞానలింగో గతిర్జ్ఞానీ జ్ఞానగమ్యోఽవభాసకః || ౭౩ ||
శుద్ధస్ఫటికసంకాశః శ్రుతిప్రస్తుతవైభవః |
హిరణ్యబాహుస్సేనానీ హరికేశో దిశాం పతిః || ౭౪ ||
సస్పింజరః పశుపతిః త్విషీమానధ్వనాం పతిః |
బభ్లుశో భగవాన్భవ్యో వివ్యాధీ విగతజ్వరః || ౭౫ ||
అన్నానాం పతిరత్యుగ్రో హరికేశోఽద్వయాకృతిః |
పుష్టానాం పతిరవ్యగ్రో భవహేతుర్జగత్పతిః || ౭౬ ||
ఆతతావీ మహారుద్రః క్షేత్రాణామధిపోఽక్షయః |
సూతస్సదస్పతిస్సూరిరహంత్యో వనపో వరః || ౭౭ ||
రోహితస్స్థపతిర్వృక్షపతిర్మంత్రీ చ వాణిజః |
కక్షపశ్చ భువంతిశ్చ భవాఖ్యో వారివస్కృతః || ౭౮ ||
ఓషధీశస్సతామీశః ఉచ్చైర్ఘోషో విభీషణః |
పత్తీనామధిపః కృత్స్నవీతో ధావన్స సత్వపః || ౭౯ ||
సహమానస్సత్యధర్మా నివ్యాధీ నియమో యమః |
ఆవ్యాధిపతిరాదిత్యః కకుభః కాలకోవిదః || ౮౦ ||
నిషంగీషుధిమానింద్రః తస్కరాణామధీశ్వరః |
నిచేరుకః పరిచరోఽరణ్యానాం పతిరద్భుతః || ౮౧ ||
సృకావీ ముష్ణాతాం నాథః పంచాశద్వర్ణరూపభృత్ |
నక్తంచరః ప్రకృంతానాం పతిర్గిరిచరో యః || ౮౨ ||
కులుంచానాం పతిః కూప్యో ధన్వావీ ధనదాధిపః |
ఆతన్వానశ్శతానందః గృత్సో గృత్సపతిస్సురః || ౮౩ ||
వ్రాతో వ్రాతపతిర్విప్రో వరీయాన్ క్షుల్లకః క్షమీ |
బిల్మీ వరూథీ దుందుభ్య ఆహనన్యః ప్రమర్శకః || ౮౪ ||
ధృష్ణుర్దూతస్తీక్ష్ణదంష్ట్రః సుధన్వా సులభస్సుఖీ |
స్రుత్యః పథ్యః స్వతంత్రస్థః కాట్యో నీప్యః కరోటిభృత్ || ౮౫ ||
సూద్యస్సరస్యో వైశంతో నాద్యోఽవట్యః ప్రవర్షకః |
విద్యుత్యో విశదో మేధ్యో రేష్మియో వాస్తుపో వసుః || ౮౬ ||
అగ్రేవధోఽగ్రే సంపూజ్యో హంతా తారో మయోభవః |
మయస్కరో మహాతీర్థ్యః కూల్యః పార్యః పదాత్మకః || ౮౭ ||
శంగః ప్రతరణోఽవార్యః ఫేన్యః శష్ప్యః ప్రవాహజః .
మునిరాతార్య ఆలాద్య సికత్యశ్చాథ కింశిలః || ౮౮ ||
పులస్త్యః క్షయణో గృధ్యో గోష్ఠ్యో గోపరిపాలకః |
శుష్క్యో హరిత్యో లోప్యశ్చ సూర్మ్యః పర్ణ్యోఽణిమాదిభూః || ౮౯ ||
పర్ణశద్యః ప్రత్యగాత్మా ప్రసన్నః పరమోన్నతః |
శీఘ్రియశ్శీభ్య ఆనంద క్షయద్వీరః క్షరాఽక్షరః || ౯౦ ||
పాశీ పాతకసంహర్తా తీక్ష్ణేషుస్తిమిరాపహః |
వరాభయప్రదో బ్రహ్మపుచ్ఛో బ్రహ్మవిదాం వరః || ౯౧ ||
బ్రహ్మవిద్యాగురుర్గుహ్యో గుహ్యకైస్సమభిష్టుతః |
కృతాంతకృత్క్రియాధారః కృతీ కృపణరక్షకః || ౯౨ ||
నైష్కర్మ్యదో నవరసః త్రిస్థస్త్రిపురభైరవః |
త్రిమాత్రకస్త్రివృదూపః తృతీయస్త్రిగుణాతిగః || ౯౩ ||
త్రిధామా త్రిజగద్ధేతుః త్రికర్తా తిర్యగూర్ధ్వగః |
ప్రపంచోపశమో నామరూపద్వయవివర్జితః || ౯౪ ||
ప్రకృతీశః ప్రతిష్ఠాతా ప్రభవః ప్రమథః ప్రథీ |
సునిశ్చితార్థో రాద్ధాంతః తత్త్వమర్థస్తపోమయః ||౯౫ ||
హితః ప్రమాతా ప్రాగ్వర్తీ సర్వోపనిషదాశ్రయః |
విశృంఖలో వియద్ధేతుః విషమో విద్రుమప్రభః || ౯౬ ||
అఖండబోధోఽఖండాత్మా ఘంటామండలమండితః |
అనంతశక్తిరాచార్యః పుష్కలస్సర్వపూరణః || ౯౭ ||
పురజిత్పూర్వజః పుష్పహాసః పుణ్యఫలప్రదః |
ధ్యానగమ్యో ధ్యాతృరూపో ధ్యేయో ధర్మవిదాం వరః || ౯౮ ||
అవశః స్వవశః స్థాణురంతర్యామీ శతక్రతుః |
కూటస్థః కూర్మపీఠస్థః కూష్మాండగ్రహమోచకః || ౯౯ ||
కూలంకషః కృపాసింధుః కుశలీ కుంకుమేశ్వరః |
గదాధరో గణస్వామీ గరిష్ఠస్తోమరాయుధః || ౧౦౦ ||
జవనో జగదాధారో జమదగ్నిర్జరాహరః |
జటాధరోఽమృతాధారోఽమృతాంశురమృతోద్భవః || ౧౦౧ ||
విద్వత్తమో విదూరస్థో విశ్రమో వేదనామయః |
చతుర్భుజశ్శతతనుః శమితాఖిలకౌతుకః || ౧౦౨ ||
వౌషట్కారో వషట్కారో హుంకారః ఫట్కరః పటుః |
బ్రహ్మిష్ఠో బ్రహ్మసూత్రార్థో బ్రహ్మజ్ఞో బ్రహ్మచేతనః || ౧౦౩ ||
గాయకో గరుడారూఢో గజాసురవిమర్దనః |
గర్వితో గగనావాసో గ్రంథిత్రయవిభేదనః || ౧౦౪ ||
భూతముక్తావలీతంతుః భూతపూర్వో భుజంగభృత్ |
అతర్క్యస్సుకరః సూరః సత్తామాత్రస్సదాశివః || ౧౦౫ ||
శక్తిపాతకరశ్శక్తః శాశ్వతశ్శ్రేయసా నిధిః |
అజీర్ణస్సుకుమారోఽన్యః పారదర్శీ పురందరః || ౧౦౬ ||
అనావరణవిజ్ఞానో నిర్విభాగో విభావసుః |
విజ్ఞానమాత్రో విరజాః విరామో విబుధాశ్రయః || ౧౦౭ ||
విదగ్దముగ్ధవేషాఢ్యో విశ్వాతీతో విశోకదః |
మాయానాట్యవినోదజ్ఞో మాయానటనశిక్షకః || ౧౦౮ ||
మాయానాటకకృన్మాయీ మాయాయంత్రవిమోచకః |
వృద్ధిక్షయవినిర్ముక్తో విద్యోతో విశ్వంచకః || ౧౦౯ ||
కాలాత్మా కాలికానాథః కార్కోటకవిభూషణః |
షడూర్మిరహితః స్తవ్యః షడ్గుణైశ్వర్యదాయకః || ౧౧౦ ||
షడాధారగతః సాంఖ్యః షడక్షరసమాశ్రయః |
అనిర్దేశ్యోఽనిలోఽగమ్యోఽవిక్రియోఽమోఘవైభవః|| ౧౧౧ ||
హేయాదేయవినిర్ముక్తో హేలాకలితతాండవః |
అపర్యంతీఽపరిచ్ఛేద్యోఽగోచరో రుగ్విమోచకః || ౧౧౨ ||
నిరంశో నిగమానందో నిరానందో నిదానభూః |
ఆదిభూతో మహాభూతః స్వేచ్ఛాకలితవిగ్రహః || ౧౧౩ ||
నిస్పందః ప్రత్యగానందో నిర్నిమేషో నిరంతరః |
ప్రబుద్ధః పరమోదారః పరమానందసాగరః || ౧౧౪ ||
సంవత్సరః కలాపూర్ణః సురాసురనమస్కృతః |
నిర్వాణదో నిర్వృతిస్థో నిర్వైరో నిరుపాధికః || ౧౧౫ ||
ఆభాస్వరః పరం తత్త్వమాదిమః పేశలః పవిః |
సంశాంతసర్వసంకల్పః సంసదీశస్సదోదితః || ౧౧౬ ||
భావాభావవినిర్ముక్తో భారూపో భావితో భరః |
సర్వాతీతస్సారతరః సాంబస్సారస్వతప్రదః || ౧౧౭ ||
సర్వకృత్సర్వభృత్సర్వమయస్సత్వావలంబకః |
కేవలః కేశవః కేలీకర కేవలనాయకః || ౧౧౮ ||
ఇచ్ఛానిచ్ఛావిరహితో విహారీ వీర్యవర్ధనః |
విజిఘత్సో విగతభీః విపిపాసో విభావనః || ౧౧౯ ||
విశ్రాంతిభూర్వివసనో విఘ్నహర్తా విశోధకః |
వీరప్రియో వీతభయో వింధ్యదర్పవినాశనః || ౧౨౦ ||
వేతాలనటనప్రీతో వేతండత్వక్కృతాంబరః |
వేలాతిలంఘికరుణో విలాసీ విక్రమోన్నతః || ౧౨౧ ||
వైరాగ్యశేవధిర్విశ్వభోక్తా సర్వోర్ధ్వసంస్థితః |
మహాకర్తా మహాభోక్తా మహాసంవిన్మయో మధుః || ౧౨౨ ||
మనోవచోభిరగ్రాహ్యో మహాబిలకృతాలయః |
అనహంకృతిరచ్ఛేద్యః స్వానందైకఘనాకృతిః || ౧౨౩ ||
సంవర్తాగ్న్యుదరస్సర్వాంతరస్థస్సర్వదుర్గ్రహః |
సంపన్నస్సంక్రమస్సత్రీ సంధాతా సకలోర్జితః || ౧౨ ౪ ||
సంపన్నస్సన్నికృష్టః సంవిమృష్టస్సమయదృక్ |
సంయమస్థః సంహృతిస్థః సంప్రవిష్టస్సముత్సుకః || ౧౨౫ ||
సంప్రహృష్టస్సన్నివిష్టః సంస్పృష్టస్సంప్రమర్దనః |
సూత్రభూతస్స్వప్రకాశః సమశీలస్సదాదయః || ౧౨౬ ||
సత్వసంస్థస్సుషుప్తిస్థః సుతల్పస్సత్స్వరూపగః |
సంకల్పోల్లాసనిర్ముక్తః సమనీరాగచేతనః || ౧౨౭ ||
ఆదిత్యవర్ణస్సంజ్యోతిః సమ్యగ్దర్శనతత్పరః |
మహాతాత్పర్యనిలయః ప్రత్గ్బ్రహ్యైక్యనిశ్చయః || ౧౨౮ ||
ప్రపంచోల్లాసనిర్ముక్తః ప్రత్యక్షః ప్రతిభాత్మకః |
ప్రవేగః ప్రమదార్ధాంగః ప్రనర్తనపరాయణః || ౧౨౯ ||
యోగయోనిర్యథాభూతో యక్షగంధర్వవందితః |
జటిలశ్చటులాపాంగో మహానటనలంపటః || ౧౩౦ ||
పాటలాశుః పటుతరః పారిజాతద్రు మూలగః |
పాపాటవీబృహద్భానుః భానుమత్కోటికోటిభః || ౧౩౧ ||
కోటికందర్పసౌభాగ్యసుందరో మధురస్మితః |
లాస్యామృతాబ్ధిలహరీపూర్ణేందుః పుణ్యగోచరః || ౧౩౨ ||
రుద్రాక్షస్రఙ్మయాకల్పః కహ్లారకిరణద్యుతిః |
అమూల్యమణిసంభాస్వత్ఫణీంద్రకరకంకణః || ౧౩౩ ||
చిచ్ఛక్తిలోచనానందకందలః కుందపాండురః |
అగమ్యమహిమాంభోధిరనౌపమ్యయశోనిధిః || ౧౩౪ ||
చిదానందనటాధీశః చిత్కేవలవపుర్ధరః |
చిదేకరససంపూర్ణః శ్రీశివ శ్రీమహేశ్వరః || ౧౩౫ ||
॥ ఇతి శ్రీనటేశసహస్రనామస్తోత్రం సంపూర్ణం ॥
శ్రీగణేశాయ నమః
ఉత్తరపీఠికా-
ఇతి తే కథితం దేవి నటరాజస్య సుందరం |
నామ్నాం సహస్రమత్యంతం గోప్యం నేదం ప్రకాశయేత్ || ౧ ||
సర్వసిద్ధికరం పుణ్యం సర్వవిద్యావివర్ధనం |
సంపద్ప్రదమిదం నృణాం సర్వాపద్ఘ్నమఘాపహం || ౧ ||
అభిచార ప్రయోగాది మహాకృత్య నివారణం |
అపస్మార మహావ్యాధి జ్వరకుష్ఠాది నాశనం || ౧ ||
అత్యుత్పాద భయక్షోభ క్షుద్రశాంతిద కారణం |
కూశ్మాండ రుద్ర వేతాల శాకిన్యాది భయాపహం || ౧ ||
స్మరణాదేవ జంతూనాం బ్రహ్మహత్యాది నాశనం |
అస్మాత్పరతరం స్తోత్రం నాస్తి లోకత్రయేఽమ్బికే || ౧ ||
ఏతన్నామ సహస్రస్య పఠనాత్ సకృదేవ హి |
మహాపాతకయుక్తోఽపి శివసాయుజ్యమాప్నుయాత్ || ౧ ||
ప్రయోగలక్షణం వక్ష్యే శృణు శైలసుతేఽధునా |
పజ్చమ్యామథవాఽష్టమ్యాం దశమ్యాం వా విశేషతః || ౧ ||
స్నాత్వా శుభాసనే స్థిత్వా ధ్యాయన్ శ్రీనటనాయకం |
ప్రజపేత్ద్వాదశావృత్యా సర్వాన్ కామాన్ లభేన్నర || ౧ ||
ఆర్ద్రాయాం ప్రాతరారభ్య నటరాజస్య సన్నిధౌ |
ఆసాయం ప్రజపేదేతత్ ఏవం సంవత్సరత్రయం || ౧ ||
తస్య భక్తస్య దేవేశో నటనం దర్శయేత్ప్రభుః |
బిల్వవృక్షస్య నికటే త్రివారం ప్రజపేదిదం || ౧ ||
షడ్భిర్మాసైర్మహైశ్వర్యం లభతే న చిరాన్నరః |
అనేన స్తోత్రరాజేన మంత్రితం భస్మధారయేత్ || ౧ ||
భస్మావలోకనాన్మృత్యుర్వశ్యో భవతి తత్క్షణాత్ |
సలిలం ప్రాశయేద్ధీమాన్ మంత్రేణానేన మంత్రితం || ౧ ||
సర్వవిద్యామయో భూత్వా వ్యాకరోత్యశ్రుతాదికం |
నాటకాది మహాగ్రంథం కురుతే నాత్ర సంశయః || ౧ ||
చతుర్థ్యంతం సముచ్చార్యనామైకైకం తతో జపేత్ |
పంచాక్షరం తథా నామ్నాం సహస్రం ప్రజపేత్క్రమాత్ || ౧ ||
ఏవం త్రివారం మాసానామష్టావింశతికే గతే |
నిగ్రహానుగ్రహౌ కర్తుం శక్తిరస్యోపజాయతే || ౧ ||
నామ్నామాదౌ తథాంతే చ పంచాక్షరమహామనుం |
జప్త్వా మధ్యస్థితం నామ నిర్మమోంతం సదా సకృత్ || ౧ ||
చతుర్థ్యంతం జపేద్విద్వాన్ త్రివర్షం చ త్రిమాసకైః |
అణిమాది మహాసిద్ధి రచిరాత్ ప్రాప్నుయాద్ధ్రువం || ౧ ||
సర్వేష్వపి చ లోకేషు సిద్ధః సన్విచరేన్నరః |
లక్ష్మీబీజ ద్వయక్షిప్తమాద్యం తన్నామ యః శివే || ౧ ||
వాంఛితాం శ్రియమాప్నోతి సత్యముక్తం వరాననే |
హల్లేఖామంత్ర సంయుక్తం పూర్వవత్ సంయుతం జపేత్ || ౧ ||
యోగసిద్ధిర్భవేత్తస్య త్రిచతుః పంచవత్సరైః |
కిమత్ర బహునోక్తేన యాయా సిద్ధిరభీప్సితా || ౧ ||
తాం తాం సిద్ధిం లభేన్మర్త్యః సత్యమేవ మయోదితం |
కంఠదఘ్నజలేస్థిత్వా త్రివారం ప్రజపేదిదం || ౧ ||
రిపూనుచ్వాటయేచ్ఛీఘ్రమేకేనైవ దినేన సః |
దక్షిణాభిముఖోభూత్వా ధృత్వాఽఽర్ద్రవసనం శుచిః || ౧ ||
శత్రునామసముచ్వార్య మారయేతిపదాంకితం |
పఠేదిదం స్తవం క్రోధాత్ సప్తకృత్వస్త్రిభిర్దినైః || ౧ ||
స రిపుర్మృత్యుగేహస్య ధ్రువమాతిథ్యభాగ్భవేత్ |
హరిద్రయా నటాధీశం కృత్వా ప్రాణాన్ ప్రతిష్ఠిపేత్ || ౧ ||
పీతపుష్పైః సమభ్యర్చ్య స్తోత్రమేతజ్జపేన్నరః |
స్తంభయేత్సకలాన్లోకాన్ కిమిహక్షుద్రమానుషాన్ || ౧ ||
ఆకర్షణాయ సర్వేషాముత్తరాభిముఖోజపేత్ |
వాంఛితాయోషితస్సర్వాస్తథా లోకాంతరస్థితాః || ౧ ||
యక్షాశ్చ కిన్నరాశ్చాపి రాజానోవశమాప్నుయుః |
కుంభస్థితం జలంస్పృష్ట్వా త్రివారం ప్రజపేదిదం || ౧ ||
మహాగ్రహగణగ్రస్తాన్ అభిషేకంచకారయేత్ |
జలస్పర్శనమాత్రేణముచ్యతే చ గ్రహాదిభిః || ౧ ||
కిమత్ర బహునోక్తేన సిద్ధయంత్యఖిలసిద్ధయః |
సాక్షాన్నటేశ్వరో దేవో వశ్యో భవతి తత్క్షణాత్ || ౧ ||
(శైలజే .. )
అస్మాత్పరతరాసిద్ధిః కావాస్తికథయప్రియే |
నిష్కామస్యాచిరాదేవ బ్రహ్మజ్ఞానమవాప్యతే || ౧ ||
తస్మాత్సర్వప్రయత్నేన యతిభిర్బ్రహ్మచారిభిః |
వనస్థైశ్చ గృహస్థైశ్చ సర్వైర్జప్యం ప్రయత్నతః || ౧ ||
నిత్యకర్మవదేవేదం స్తోత్రం జప్యం సదాదరాత్ |
బ్రహ్మాదయోఽపి యన్నామ పాఠస్యైవ ప్రసాదతః || ౧ ||
సృష్టిత్విత్యంతకర్తారో జగతాం చిరజీవినః |
యదిదం మునయః సర్వే హయగ్రీవాదయః పురా || ౧ ||
పఠిత్వా పరమాం సిద్ధిం పునరావృత్తివర్జితాం |
ప్రాపిరే తదిదం స్తోత్రం పఠత్వమపి శైలజే || ౧ ||
అస్మాత్ పరతరం వేద్యం నాస్తి సత్యం మయోదితం
ఇత్యుత్తర పీఠికా
ఇత్యాకాశభైరవకల్పే ప్రత్యక్షసిద్ధిప్రదే ఉమామహేశ్వరసంవాదే
పంచవింశతిమూర్తిప్రకరణే తత్త్వాతీత శ్రీ చిదంబర
నటేశ్వర సహస్రనామస్తోత్రమాలామహామనోపదశో
నామ ఏకోనషష్టితమోఽధ్యాయః
|| ఓం శివమస్తు ||