అజ్ఞాన నాశాయ విజ్ఞాన పూర్ణాయ సుజ్ఞానదాత్రే నమస్తే గురో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 1 ||
ఆనందరూపాయ నందాత్మజ శ్రీపదాంభోజభాజే నమస్తే గురో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 2 ||
ఇష్టప్రదానేన కష్టప్రహాణేన శిష్టస్తుత శ్రీపదాంభోజ భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 3 ||
ఈడే భవత్పాద పాథోజమాధ్యాయ భూయోఽపి భూయో భయాత్ పాహి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 4 ||
ఉగ్రం పిశాచాదికం ద్రావయిత్వాశు సౌఖ్యం జనానాం కరోశీష భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 5 ||
ఊర్జత్ కృపాపూర పాథోనిధేమంక్షు తుష్టోఽనుగృహ్ణాసి భక్త్వాన్ విభో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 6 ||
ఋజూత్తమ ప్రాణ పాదార్చనప్రాప్త మాహాత్మ్య సంపూర్ణ సిద్ధేశ భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 7 ||
ఋభుస్వభావాప్త భక్తేష్టకల్పద్రు రూపేశ భూపాది వంద్య ప్రభో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 8 ||
ౠద్ధం యశస్తే విభాతి ప్రకృష్టం ప్రపన్నార్తిహంతర్మహోదార భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 9 ||
క్లిప్తాతి భక్తౌఘ కామ్యార్థ దాతర్భవాంబోధి పారంగత ప్రాజ్ఞ భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 10 ||
ఏకాంత భక్తాయ మాకాంత పాదాబ్జ ఉచ్చాయ లోకే నమస్తే విభో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 11 ||
ఐశ్వర్యభూమన్ మహాభాగ్యదాయిన్ పరేశాం చ కృత్యాది నాశిన్ ప్రభో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 12 ||
ఓంకార వాచ్యార్థభావేన భావేన లబ్ధోదయ శ్రీక యోగీశ భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 13 ||
ఔర్వానలప్రఖ్య దుర్వాదిదావానలైః సర్వతంత్ర స్వతంత్రేశ భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 14 ||
అంభోజసంభూతముఖ్యామరారాధ్య భూనాథ భక్తేశ భావజ్ఞ భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 15 ||
అస్తంగతానేకమాయాది వాదీశ విద్యోతితాశేష వేదాంత భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 16 ||
కామ్యార్థదానాయ బద్ధాదరాశేష లోకాయ సేవానుసక్తాయ భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 17 ||
ఖద్యోతసారేషు ప్రత్యర్థిసార్థేశు మధ్యాహ్న మార్తాండ బింబాభ భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 18 ||
గర్విష్ఠ గర్వాంబుశోషార్యమాత్యుగ్ర నమ్రాంబుధేర్యామినీ నాథ భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 19 ||
ఘోరామయధ్వాంత విధ్వంసనోద్దామ దేదీప్య మానార్క బింబాభ భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 20 ||
ఙణత్కారదండాంక కాషాయవస్త్రాంక కౌపీన పీనాంక హంసాంక భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 21 ||
చండీశ కాండేశ పాఖండ వాక్కాండ తామిశ్రమార్తాండ పాషండ భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 22 ||
ఛద్మాణుభాగం నవిద్మస్త్వదంతః సుసద్మైవ పద్మావధస్యాసి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 23 ||
జాడ్యంహినస్త్విజ్వరార్శఃక్షయాద్యాశు తే పాద పద్మాంబులేశోఽపి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 24 ||
ఝశధ్వజీయేష్వలభ్యోరుచేతః సమారూఢమారూఢ వక్షోంగ భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 25 ||
ఞాంచావిహీనాయ యాదృచ్ఛిక ప్రాప్త తుష్టాయ సద్యః ప్రసన్నోఽసి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 26 ||
టీకారహస్యార్థ విఖ్యాపనగ్రంథ విస్తార లోకోపకర్తః ప్రభో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 27 ||
ఠంకుర్వరీణామ మేయప్రభావోద్ధరాపాద సంసారతో మాం ప్రభో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 28 ||
డాకిన్యపస్మార ఘోరాధికోగ్ర గ్రహోచ్చాటనోదగ్ర వీరాగ్ర్య భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 29 ||
ఢక్కాధికధ్వాన విద్రావితానేక దుర్వాదిగోమాయు సంఘాత భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 30 ||
ణాత్మాదిమాత్రర్ణలక్ష్యార్థక శ్రీపతిధ్యానసన్నద్ధధీసిద్ధ భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 31 ||
తాపత్రయ ప్రౌఢ బాధాభిభూతస్య భక్తస్య తాపత్రయం హంసి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 32 ||
స్థానత్రయప్రాపకజ్ఞానదాతస్త్రిధామాంఘ్రిభక్తిం ప్రయచ్ఛ ప్రభో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 33 ||
దారిద్ర్య దారిద్ర్య యోగేన యోగేన సంపన్న సంపత్తి మా దేహి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 34 ||
ధావంతి తే నామధేయాభి సంకీర్తనేనైన సామాశు వృందాని భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 35 ||
నానా విధానేక జన్మాది దుఃఖౌఘతః సాధ్వసంసంహరోదార భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 36 ||
పాతా త్వమేవేతి మాతా త్వమేవేతి మిత్రం త్వమేవేత్యహం వేద్మి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 37 ||
ఫాలస్థదుర్దైవవర్ణావళీకార్యలోపేఽపి భక్తస్య శక్తోఽసి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 38 ||
బద్ధోస్మి సంసార పాశేన తేఽంఘ్రిం వినాన్యా గతిర్నేత్యమేమి ప్రభో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 39 ||
భావే భజామీహ వాచా వదామి త్వదీయం పదం దండవన్నౌమి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 40 ||
మాన్యేషు మాన్యోఽసి మత్యా చ ధృత్యా చ మామద్యమాన్యం కురుద్రాగ్విభో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 41 ||
యంకామమాకామయే తం న చాపం తతస్త్వం శరణ్యో భవేత్యేమి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 42 ||
రాజాది వశ్యాది కుక్షింభరానేకచాతుర్యవిద్యాసు మూఢోఽస్మి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 43 ||
లక్ష్యేశు తే భక్తవర్గేశు కుర్వేకలక్ష్యం కృపాపాంగలేశస్య మాం |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 44 ||
వారాంగనాద్యూతచౌర్యాన్య దారారతత్వాద్యవద్యత్వతో మాం ప్రభో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 45 ||
శక్తో న శక్తిం తవ స్తోతుమాధ్యాతుమీదృక్వహం కరోమీశ కిం భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 46 ||
షడ్వైరివర్గం మమారాన్నిరకుర్వమందోహరీరాంఘ్రిరాగోఽస్తుభో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 47 ||
సన్మార్గసచ్ఛాస్త్ర సత్సంగ సద్భక్తి సుజ్ఞాన సంపత్తి మాదేహి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 48 ||
హాస్యాస్పదోఽహం సమానేష్టకీర్త్యా తంవాంఘ్రిం ప్రపన్నోఽస్మి సంరక్ష భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 49 ||
లక్ష్మీ విహీనత్వ హేతోః స్వకీయైః సుదూరీకృతోస్మ్యద్య వాచ్యోఽస్మి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 50 ||
క్షేమంకరస్త్వం భవాంభోధి మజ్జజ్జనానామితి త్వాం ప్రపన్నోఽస్మి భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 51 ||
కృష్ణావధూతేన గీతేన మాత్రక్షరాద్యేన గాథాస్తవేనేఢ్య భో |
శ్రీరాఘవేంద్రార్య శ్రీరాఘవేంద్రార్య శ్రీరాఘవేంద్రార్య పాహి ప్రభో || 52 ||