ప్రథమం శ్రీధరం విద్యాద్ద్వితీయం రఘునాయకమ్ |
తృతీయం రామచంద్రం చ చతుర్థం రావణాంతకమ్ || ౧ ||
పంచమం లోకపూజ్యం చ షష్ఠమం జానకీపతిమ్ |
సప్తమం వాసుదేవం చ శ్రీరామం చాఽష్టమం తథా || ౨ ||
నవమం జలదశ్యామం దశమం లక్ష్మణాగ్రజమ్ |
ఏకాదశం చ గోవిందం ద్వాదశం సేతుబంధనమ్ || ౩ ||
ద్వాదశైతాని నామాని యః పఠేచ్ఛ్రద్ధయాన్వితః |
అర్ధరాత్రే తు ద్వాదశ్యాం కుష్ఠదారిద్ర్యనాశనమ్ || ౪ ||
అరణ్యే చైవ సంగ్రామే అగ్నౌ భయనివారణమ్ |
బ్రహ్మహత్యా సురాపానం గోహత్యాది నివారణమ్ || ౫ ||
సప్తవారం పఠేన్నిత్యం సర్వారిష్టనివారణమ్ |
గ్రహణే చ జలే స్థిత్వా నదీతీరే విశేషతః |
అశ్వమేధశతం పుణ్యం బ్రహ్మలోకం గమిష్యతి || ౬ ||
ఇతి శ్రీ స్కాందపురాణే ఉత్తరఖండే శ్రీ ఉమామహేశ్వరసంవాదే శ్రీ రామ ద్వాదశనామస్తోత్రమ్ |