సరస్వతీ మహాభద్రా మహామాయా వరప్రదా |
శ్రీప్రదా పద్మనిలయా పద్మాక్షీ పద్మవక్త్రకా || ౧ ||
శివానుజా పుస్తకభృత్ జ్ఞానముద్రా రమా పరా |
కామరూపా మహావిద్యా మహాపాతకనాశినీ || ౨ ||
మహాశ్రయా మాలినీ చ మహాభోగా మహాభుజా |
మహాభాగా మహోత్సాహా దివ్యాంగా సురవందితా || ౩ ||
మహాకాళీ మహాపాశా మహాకారా మహాంకుశా |
పీతా చ విమలా విశ్వా విద్యున్మాలా చ వైష్ణవీ || ౪ ||
చంద్రికా చంద్రవదనా చంద్రలేఖావిభూషితా |
సావిత్రీ సురసా దేవీ దివ్యాలంకారభూషితా || ౫ ||
వాగ్దేవీ వసుదా తీవ్రా మహాభద్రా మహాబలా |
భోగదా భారతీ భామా గోవిందా గోమతీ శివా || ౬ ||
జటిలా వింధ్యవాసా చ వింధ్యాచలవిరాజితా |
చండికా వైష్ణవీ బ్రాహ్మీ బ్రహ్మజ్ఞానైకసాధనా || ౭ ||
సౌదామినీ సుధామూర్తిః సుభద్రా సురపూజితా |
సువాసినీ సునాసా చ వినిద్రా పద్మలోచనా || ౮ ||
విద్యారూపా విశాలాక్షీ బ్రహ్మజాయా మహాఫలా |
త్రయీమూర్తిస్త్రికాలజ్ఞా త్రిగుణా శాస్త్రరూపిణీ || ౯ ||
శుంభాసురప్రమథినీ శుభదా చ స్వరాత్మికా |
రక్తబీజనిహంత్రీ చ చాముండా చాంబికా తథా || ౧౦ ||
ముండకాయప్రహరణా ధూమ్రలోచనమర్దనా |
సర్వదేవస్తుతా సౌమ్యా సురాసురనమస్కృతా || ౧౧ ||
కాళరాత్రీ కళాధారా రూపసౌభాగ్యదాయినీ |
వాగ్దేవీ చ వరారోహా వారాహీ వారిజాసనా || ౧౨ ||
చిత్రాంబరా చిత్రగంధా చిత్రమాల్యవిభూషితా |
కాంతా కామప్రదా వంద్యా విద్యాధరసుపూజితా || ౧౩ ||
శ్వేతాననా నీలభుజా చతుర్వర్గఫలప్రదా |
చతురాననసామ్రాజ్యా రక్తమధ్యా నిరంజనా || ౧౪ ||
హంసాసనా నీలజంఘా బ్రహ్మవిష్ణుశివాత్మికా |
ఏవం సరస్వతీ దేవ్యా నామ్నామష్టోత్తరశతమ్ || ౧౫ ||
ఇతి శ్రీ సరస్వతీ అష్టోత్తరశతనామ స్తోత్రమ్ |