జుషస్వ బాలవాక్యవత్ స్తవం మమాంబ భారతీ |
అసత్సదప్యదస్త్వయి భ్రమాద్విభాతి కేవలే || ౧ ||
క్షరాక్షరాత్పరం హి యత్త్వమేవ తత్పదం ధ్రువమ్ |
జలే యథోర్మిబుద్బుదాస్తథా త్వయీశజీవదృక్ || ౨ ||
త్ర్యధీశ ఓంకృతేఽఖిలం త్వమేవ చాస్య మంగళమ్ |
యదర్ధమాత్రమూర్జితం క్రియావికారవర్జితమ్ || ౩ ||
త్రిసప్తయాగసాధికే సుభుక్తిముక్తిదాయకే |
స్వరార్ణకారణే స్తవః స్వయం ను కైః కృతస్తవ || ౪ ||
ప్రకాశకప్రకాశకే శ్రుతిశ్రుతాదిధారకే |
త్వమేవ సర్వకారణం త్వమేవ సర్వతారణమ్ || ౫ ||
సుశక్తభక్తభావితం హి తేన సర్వథా తతమ్ |
తదేవ ధామ తే వరం యదీక్ష్యతే బుధైః పరమ్ || ౬ ||
స్థిరాశ్చరాశ్చ గోచరాః పరత్ర చాత్ర వాఽంబ యే |
త్వదేవ తత్సమాగమః ప్రమాణమత్ర చాగమః || ౭ ||
నమోఽస్తు తే సరస్వతి ధ్యవిత్రి వాజినీవతి |
ప్రసీద బుద్ధిచేతనే స్వభక్తహృన్నికేతనే || ౮ ||
స్తుతైవం విష్ణుజిహ్వా సా ప్రసన్నా సూనృతేరకా |
ప్రాహావిష్కృత్య చాత్మానం తుష్టాస్మి వరయేప్సితమ్ || ౯ ||
సకంబలస్య కురు మే సహాయం శంభుగాయనే |
సుస్వరత్వాది యచ్ఛేతి యయాచేఽహిః సరస్వతీమ్ || ౧౦ ||
వాగీశాహోభయోరస్తు దివ్యనాదరహస్యమిత్ |
స్తోత్రం చాస్తు స్ఖలద్గీష్ట్వధీజాడ్యాదిహరం త్విదమ్ || ౧౧ ||
ఇతి శ్రీవాసుదేవానందసరస్వతీ విరచితం శ్రీ సరస్వతీ స్తవమ్ ||