శ్రీశనిరువాచ |
క్రోడం నీలాంజనప్రఖ్యం నీలవర్ణసమస్రజమ్ |
ఛాయామార్తండసంభూతం నమస్యామి శనైశ్చరమ్ || ౧ ||
నమోఽర్కపుత్రాయ శనైశ్చరాయ
నీహారవర్ణాంచిత మేచకాయ |
శ్రుత్వా రహస్యం భవకామదశ్చ
ఫలప్రదో మే భవ సూర్యపుత్ర || ౨ ||
నమోఽస్తు ప్రేతరాజాయ కృష్ణదేహాయ వై నమః |
శనైశ్చరాయ క్రూరాయ శుద్ధబుద్ధిప్రదాయినే || ౩ ||
య ఏభిర్నామభిః స్తౌతి తస్య తుష్టో భవామ్యహమ్ |
మదీయం తు భయం తస్య స్వప్నేఽపి న భవిష్యతి || ౪ ||
ఇతి శ్రీభవిష్యపురాణే ఉత్తరపర్వే చతుర్దశోత్తరశతతమోఽధ్యాయే శ్రీ శనైశ్చర నామ స్తుతిః |