నారద ఉవాచ |
ధ్యాత్వా గణపతిం రాజా ధర్మరాజో యుధిష్ఠిరః |
ధీరః శనైశ్చరస్యేమం చకార స్తవముత్తమమ్ || ౧ ||
శిరో మే భాస్కరిః పాతు ఫాలం ఛాయాసుతోఽవతు |
కోటరాక్షో దృశౌ పాతు శిఖికంఠనిభః శ్రుతీ || ౨ ||
ఘ్రాణం మే భీషణః పాతు ముఖం బలిముఖోఽవతు |
స్కంధౌ సంవర్తకః పాతు భుజౌ మే భయదోఽవతు || ౩ ||
సౌరిర్మే హృదయం పాతు నాభిం శనైశ్చరోఽవతు |
గ్రహరాజః కటిం పాతు సర్వతో రవినందనః || ౪ ||
పాదౌ మందగతిః పాతు కృష్ణః పాత్వఖిలం వపుః |
రక్షామేతాం పఠేన్నిత్యం సౌరేర్నామబలైర్యుతామ్ |
సుఖీ పుత్రీ చిరాయుశ్చ స భవేన్నాత్ర సంశయః || ౫ ||
ఇతి శ్రీ శనైశ్చర రక్షా స్తవః |