పూర్వాంగం

శ్రీమహాగణాధిపతయే నమః |
శ్రీ గురుభ్యో నమః |
హరిః ఓమ్ |

శుచిః –
అపవిత్రః పవిత్రో వా సర్వావస్థాం గతోఽపి వా |
యః స్మరేత్ పుండరీకాక్షం స బాహ్యాభ్యంతరః శుచిః ||
పుండరీకాక్ష పుండరీకాక్ష పుండరీకాక్షాయ నమః ||

ప్రార్థనా –
శుక్లాంబరధరం విష్ణుం శశివర్ణం చతుర్భుజమ్ |
ప్రసన్నవదనం ధ్యాయేత్ సర్వవిఘ్నోపశాంతయే ||
అగజానన పద్మార్కం గజాననమహర్నిశమ్ |
అనేకదం తం భక్తానాం ఏకదంతముపాస్మహే ||

దే॒వీం వాచ॑మజనయన్త దే॒వాస్తాం వి॒శ్వరూ॑పాః ప॒శవో॑ వదన్తి |
సా నో॑ మ॒న్ద్రేష॒మూర్జ॒o దుహా॑నా ధే॒నుర్వాగ॒స్మానుప॒ సుష్టు॒తైతు॑ ||

యః శివో నామ రూపాభ్యాం యా దేవీ సర్వమంగళా |
తయోః సంస్మరణాన్నిత్యం సర్వదా జయ మంగళమ్ ||

తదేవ లగ్నం సుదినం తదేవ
తారాబలం చంద్రబలం తదేవ |
విద్యాబలం దైవబలం తదేవ
లక్ష్మీపతే తేఽంఘ్రియుగం స్మరామి ||

గురుర్బ్రహ్మా గురుర్విష్ణుః గురుర్దేవో మహేశ్వరః |
గురుః సాక్షాత్ పరబ్రహ్మ తస్మై శ్రీగురవే నమః ||

లాభస్తేషాం జయస్తేషాం కుతస్తేషాం పరాభవః |
ఏషామిందీవరశ్యామో హృదయస్థో జనార్దనః ||

సర్వమంగళ మాంగళ్యే శివే సర్వార్థసాధికే |
శరణ్యే త్ర్యంబకే గౌరీ నారాయణి నమోఽస్తు తే ||

శ్రీలక్ష్మీనారాయణాభ్యాం నమః |
ఉమామహేశ్వరాభ్యాం నమః |
వాణీహిరణ్యగర్భాభ్యాం నమః |
శచీపురందరాభ్యాం నమః |
అరుంధతీవసిష్ఠాభ్యాం నమః |
శ్రీసీతారామాభ్యాం నమః |
మాతాపితృభ్యో నమః |
సర్వేభ్యో మహాజనేభ్యో నమః |

ఆచమ్య –
ఓం కేశవాయ స్వాహా |
ఓం నారాయణాయ స్వాహా |
ఓం మాధవాయ స్వాహా |
ఓం గోవిందాయ నమః |
ఓం విష్ణవే నమః |
ఓం మధుసూదనాయ నమః |
ఓం త్రివిక్రమాయ నమః |
ఓం వామనాయ నమః |
ఓం శ్రీధరాయ నమః |
ఓం హృషీకేశాయ నమః |
ఓం పద్మనాభాయ నమః |
ఓం దామోదరాయ నమః |
ఓం సంకర్షణాయ నమః |
ఓం వాసుదేవాయ నమః |
ఓం ప్రద్యుమ్నాయ నమః |
ఓం అనిరుద్ధాయ నమః |
ఓం పురుషోత్తమాయ నమః |
ఓం అధోక్షజాయ నమః |
ఓం నారసింహాయ నమః |
ఓం అచ్యుతాయ నమః |
ఓం జనార్దనాయ నమః |
ఓం ఉపేంద్రాయ నమః |
ఓం హరయే నమః |
ఓం శ్రీకృష్ణాయ నమః |

దీపారాధనమ్ –
దీపస్త్వం బ్రహ్మరూపోఽసి జ్యోతిషాం ప్రభురవ్యయః |
సౌభాగ్యం దేహి పుత్రాంశ్చ సర్వాన్కామాంశ్చ దేహి మే ||
భో దీప దేవి రూపస్త్వం కర్మసాక్షీ హ్యవిఘ్నకృత్ |
యావత్పూజాం కరిష్యామి తావత్త్వం సుస్థిరో భవ ||
దీపారాధన ముహూర్తః సుముహూర్తోఽస్తు ||
పూజార్థే హరిద్రా కుంకుమ విలేపనం కరిష్యే ||

భూతోచ్చాటనమ్ –
ఉత్తిష్ఠంతు భూతపిశాచాః య ఏతే భూమి భారకాః |
ఏతేషామవిరోధేన బ్రహ్మకర్మ సమారభే ||
అపసర్పన్తు తే భూతా యే భూతా భూమిసంస్థితాః |
యే భూతా విఘ్నకర్తారస్తే గచ్ఛంతు శివాఽజ్ఞయా ||

ప్రాణాయామమ్ –
ఓం భూః ఓం భువ॑: ఓగ్‍ం సువ॑: ఓం మహ॑: ఓం జన॑: ఓం తప॑: ఓగ్‍ం సత్యమ్ |
ఓం తత్స॑వితు॒ర్వరే᳚ణ్య॒o భ॒ర్గో॑ దే॒వస్య॑ ధీ॒మహి |
ధియో॒ యో న॑: ప్రచో॒దయా᳚త్ |
ఓమాపో॒ జ్యోతీ॒ రసో॒ఽమృత॒o బ్రహ్మ॒ భూర్భువ॒స్సువ॒రోమ్ ||

సంకల్పమ్ –
మమ ఉపాత్త సమస్త దురితక్షయ ద్వారా శ్రీపరమేశ్వరముద్దిశ్య శ్రీపరమేశ్వర ప్రీత్యర్థం శుభాభ్యాం శుభే శోభనే ముహూర్తే శ్రీమహావిష్ణోరాజ్ఞయా ప్రవర్తమానస్య అద్య బ్రహ్మణః ద్వితీయపరార్థే శ్వేతవరాహకల్పే వైవస్వతమన్వంతరే కలియుగే ప్రథమపాదే జంబూద్వీపే భారతవర్షే భరతఖండే మేరోః దక్షిణ దిగ్భాగే శ్రీశైలస్య …… ప్రదేశే ……, …… నద్యోః మధ్యప్రదేశే లక్ష్మీనివాసగృహే సమస్త దేవతా బ్రాహ్మణ ఆచార్య హరి హర గురు చరణ సన్నిధౌ అస్మిన్ వర్తమనే వ్యావహరిక చాంద్రమానేన శ్రీ …….. (*౧) నామ సంవత్సరే …… అయనే (*౨) …… ఋతౌ (*౩) …… మాసే(*౪) …… పక్షే (*౫) …… తిథౌ (*౬) …… వాసరే (*౭) …… నక్షత్రే (*౮) …… యోగే (*౯) …… కరణ (*౧౦) ఏవం గుణ విశేషణ విశిష్టాయాం శుభతిథౌ శ్రీమాన్ …… గోత్రోద్భవస్య …… నామధేయస్య (మమ ధర్మపత్నీ శ్రీమతః …… గోత్రస్య …… నామధేయః సమేతస్య) మమ/అస్మాకం సహకుటుంబస్య క్షేమ స్థైర్య ధైర్య వీర్య విజయ అభయ ఆయుః ఆరోగ్య ఐశ్వర అభివృద్ధ్యర్థం ధర్మ అర్థ కామ మోక్ష చతుర్విధ పురుషార్థ ఫల సిద్ధ్యర్థం ధన కనక వస్తు వాహన సమృద్ధ్యర్థం సర్వాభీష్ట సిద్ధ్యర్థం శ్రీ ………. ఉద్దిశ్య శ్రీ ………. ప్రీత్యర్థం సంభవద్భిః ద్రవ్యైః సంభవద్భిః ఉపచారైశ్చ సంభవతా నియమేన సంభవితా ప్రకారేణ యావచ్ఛక్తి ధ్యాన ఆవాహనాది షోడశోపచార* పూజాం కరిష్యే ||

(నిర్విఘ్న పూజా పరిసమాప్త్యర్థం ఆదౌ శ్రీమహాగణపతి పూజాం కరిష్యే |)

తదంగ కలశారాధనం కరిష్యే |

కలశారాధనమ్ –
కలశే గంధ పుష్పాక్షతైరభ్యర్చ్య |
కలశే ఉదకం పూరయిత్వా |
కలశస్యోపరి హస్తం నిధాయ |

కలశస్య ముఖే విష్ణుః కంఠే రుద్రః సమాశ్రితః |
మూలే తత్రోస్థితోబ్రహ్మా మధ్యే మాతృగణాః స్మృతా ||
కుక్షౌ తు సాగరాః సర్వే సప్తద్వీపా వసుంధరా |
ఋగ్వేదోఽథ యజుర్వేదో సామవేదో హ్యథర్వణః ||
అంగైశ్చ సహితాః సర్వే కలశాంబు సమాశ్రితాః |

ఓం ఆక॒లశే᳚షు ధావతి ప॒విత్రే॒ పరి॑షిచ్యతే |
ఉ॒క్థైర్య॒జ్ఞేషు॑ వర్ధతే |

ఆపో॒ వా ఇ॒దగ్‍ం సర్వ॒o విశ్వా॑ భూ॒తాన్యాప॑:
ప్రా॒ణా వా ఆప॑: ప॒శవ॒ ఆపోఽన్న॒మాపోఽమృ॑త॒మాప॑:
స॒మ్రాడాపో॑ వి॒రాడాప॑: స్వ॒రాడాప॒శ్ఛందా॒గ్॒‍స్యాపో॒
జ్యోతీ॒గ్॒‍ష్యాపో॒ యజూ॒గ్॒‍ష్యాప॑: స॒త్యమాప॒:
సర్వా॑ దే॒వతా॒ ఆపో॒ భూర్భువ॒: సువ॒రాప॒ ఓమ్ ||

గంగే చ యమునే చైవ గోదావరీ సరస్వతీ |
నర్మదే సింధు కావేరీ జలేఽస్మిన్ సన్నిధిం కురు ||
కావేరీ తుంగభద్రా చ కృష్ణవేణీ చ గౌతమీ |
భాగీరథీతి విఖ్యాతాః పంచగంగాః ప్రకీర్తితాః ||

ఆయాంతు శ్రీ …….. పూజార్థం మమ దురితక్షయకారకాః |
ఓం ఓం ఓం కలశోదకేన పూజా ద్రవ్యాణి సంప్రోక్ష్య,
దేవం సంప్రోక్ష్య, ఆత్మానం చ సంప్రోక్ష్య ||

శంఖపూజా –
కలశోదకేన శంఖం పూరయిత్వా ||
శంఖే గంధకుంకుమపుష్పతులసీపత్రైరలంకృత్య ||

శంఖం చంద్రార్క దైవతం మధ్యే వరుణ దేవతామ్ |
పృష్ఠే ప్రజాపతిం వింద్యాదగ్రే గంగా సరస్వతీమ్ ||
త్రైలోక్యేయాని తీర్థాని వాసుదేవస్యదద్రయా |
శంఖే తిష్ఠంతు విప్రేంద్రా తస్మాత్ శంఖం ప్రపూజయేత్ ||
త్వం పురా సాగరోత్పన్నో విష్ణునా విధృతః కరే |
పూజితః సర్వదేవైశ్చ పాంచజన్య నమోఽస్తు తే ||
గర్భాదేవారినారీణాం విశీర్యంతే సహస్రధా |
నవనాదేనపాతాళే పాంచజన్య నమోఽస్తు తే ||

ఓం శంఖాయ నమః |
ఓం ధవళాయ నమః |
ఓం పాంచజన్యాయ నమః |
ఓం శంఖదేవతాభ్యో నమః |
సకలపూజార్థే అక్షతాన్ సమర్పయామి ||

ఘంటపూజా –
ఓం జయధ్వని మంత్రమాతః స్వాహా |
ఘంటదేవతాభ్యో నమః |
సకలోపచార పూజార్థే అక్షతాన్ సమర్పయామి |

ఘంటానాదమ్ –
ఆగమార్థం తు దేవానాం గమనార్థం తు రాక్షసామ్ |
ఘంటారవం కరోమ్యాదౌ దేవతాహ్వాన లాంఛనమ్ ||
ఇతి ఘంటానాదం కృత్వా ||

శ్రీ మహాగణపతి లఘు షోడశోపచార పూజా

అస్మిన్ హరిద్రాబింబే శ్రీమహాగణపతిం ఆవాహయామి, స్థాపయామి, పూజయామి ||

ప్రాణప్రతిష్ఠ –
ఓం అసు॑నీతే॒ పున॑ర॒స్మాసు॒ చక్షు॒:
పున॑: ప్రా॒ణమి॒హ నో᳚ ధేహి॒ భోగ᳚మ్ |
జ్యోక్ప॑శ్యేమ॒ సూర్య॑ము॒చ్చర᳚న్త॒
మను॑మతే మృ॒డయా᳚ నః స్వ॒స్తి ||
అ॒మృత॒o వై ప్రా॒ణా అ॒మృత॒మాప॑:
ప్రా॒ణానే॒వ య॑థాస్థా॒నముప॑హ్వయతే ||
శ్రీ మహాగణపతయే నమః |
స్థిరో భవ వరదో భవ |
సుముఖో భవ సుప్రసన్నో భవ |
స్థిరాసనం కురు |

ధ్యానం –
హరిద్రాభం చతుర్బాహుం
హరిద్రావదనం ప్రభుమ్ |
పాశాంకుశధరం దేవం
మోదకం దంతమేవ చ |
భక్తాఽభయప్రదాతారం
వందే విఘ్నవినాశనమ్ |
ఓం హరిద్రా గణపతయే నమః |

అగజానన పద్మార్కం గజాననమహర్నిశం
అనేకదం తం భక్తానాం ఏకదంతముపాస్మహే ||

ఓం గ॒ణానా᳚o త్వా గ॒ణప॑తిగ్ం హవామహే
క॒విం క॑వీ॒నాము॑ప॒మశ్ర॑వస్తమమ్ |
జ్యే॒ష్ఠ॒రాజ॒o బ్రహ్మ॑ణాం బ్రహ్మణస్పత॒
ఆ న॑: శృ॒ణ్వన్నూ॒తిభి॑స్సీద॒ సాద॑నమ్ ||

ఓం మహాగణపతయే నమః |
ధ్యాయామి | ధ్యానం సమర్పయామి | ౧ ||

ఓం మహాగణపతయే నమః |
ఆవాహయామి | ఆవాహనం సమర్పయామి | ౨ ||

ఓం మహాగణపతయే నమః |
నవరత్నఖచిత దివ్య హేమ సింహాసనం సమర్పయామి | ౩ ||

ఓం మహాగణపతయే నమః |
పాదయోః పాద్యం సమర్పయామి | ౪ ||

ఓం మహాగణపతయే నమః |
హస్తయోః అర్ఘ్యం సమర్పయామి | ౫ ||

ఓం మహాగణపతయే నమః |
ముఖే ఆచమనీయం సమర్పయామి | ౬ ||

స్నానం –
ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన |
మ॒హే రణా॑య॒ చక్ష॑సే ||
యో వ॑: శి॒వత॑మో రస॒స్తస్య॑ భాజయతే॒హ న॑: |
ఉ॒శ॒తీరి॑వ మా॒త॑రః ||
తస్మా॒ అర॑o గమామ వో॒ యస్య॒ క్షయా॑య॒ జిన్వ॑థ |
ఆపో॑ జ॒నయ॑థా చ నః ||
ఓం మహాగణపతయే నమః |
శుద్ధోదక స్నానం సమర్పయామి | ౭ ||
స్నానానంతరం ఆచమనీయం సమర్పయామి |

వస్త్రం –
అభి వస్త్రా సువసనాన్యర్షాభి ధేనూః సుదుఘాః పూయమానః |
అభి చంద్రా భర్తవే నో హిరణ్యాభ్యశ్వాన్రథినో దేవ సోమ ||
ఓం మహాగణపతయే నమః |
వస్త్రం సమర్పయామి | ౮ ||

యజ్ఞోపవీతం –
ఓం య॒జ్ఞో॒ప॒వీ॒తం ప॒రమ॑o పవి॒త్రం
ప్ర॒జాప॑తే॒ర్యత్స॒హజ॑o పు॒రస్తా᳚త్ |
ఆయు॑ష్యమగ్ర్య॒o ప్ర॒తి ము॑oచ శు॒భ్రం
య॑జ్ఞోపవీ॒తం బ॒లమ॑స్తు॒ తేజ॑: ||
ఓం మహాగణపతయే నమః |
యజ్ఞోపవీతార్థం అక్షతాన్ సమర్పయామి | |

గంధం –
గ॒oధ॒ద్వా॒రాం దు॑రాధ॒ర్షా॒o ని॒త్యపు॑ష్టాం కరీ॒షిణీ᳚మ్ |
ఈ॒శ్వరీ॑గ్ం సర్వ॑భూతా॒నా॒o తామి॒హోప॑హ్వయే॒ శ్రియమ్ ||
ఓం మహాగణపతయే నమః |
దివ్య శ్రీ గంధం సమర్పయామి | ౯ ||

ఓం మహాగణపతయే నమః |
ఆభరణం సమర్పయామి | ౧౦ ||

పుష్పైః పూజయామి |
ఓం సుముఖాయ నమః | ఓం ఏకదంతాయ నమః |
ఓం కపిలాయనమః | ఓం గజకర్ణకాయ నమః |
ఓం లంబోదరాయనమః | ఓం వికటాయ నమః |
ఓం విఘ్నరాజాయ నమః | ఓం గణాధిపాయనమః |
ఓం ధూమకేతవే నమః | ఓం గణాధ్యక్షాయ నమః |
ఓం ఫాలచంద్రాయ నమః | ఓం గజాననాయ నమః |
ఓం వక్రతుండాయ నమః | ఓం శూర్పకర్ణాయ నమః |
ఓం హేరంబాయ నమః | ఓం స్కందపూర్వజాయ నమః |
ఓం సర్వసిద్ధిప్రదాయ నమః |
ఓం మహాగణపతయే నమః |
నానావిధ పరిమళ పత్ర పుష్పాణి సమర్పయామి | ౧౧ ||

ధూపం –
వనస్పత్యుద్భవిర్దివ్యైః నానా గంధైః సుసంయుతః |
ఆఘ్రేయః సర్వదేవానాం ధూపోఽయం ప్రతిగృహ్యతాం ||
ఓం మహాగణపతయే నమః |
ధూపం ఆఘ్రాపయామి | ౧౨ ||

దీపం –
సాజ్యం త్రివర్తి సంయుక్తం వహ్నినా యొజితం ప్రియం |
గృహాణ మంగళం దీపం త్రైలోక్య తిమిరాపహ ||
భక్త్యా దీపం ప్రయచ్ఛామి దేవాయ పరమాత్మనే |
త్రాహిమాం నరకాద్ఘోరాత్ దివ్య జ్యోతిర్నమోఽస్తు తే ||
ఓం మహాగణపతయే నమః |
ప్రత్యక్ష దీపం సమర్పయామి | ౧౩ ||

ధూప దీపానంతరం ఆచమనీయం సమర్పయామి |

నైవేద్యం –
ఓం భూర్భువ॒స్సువ॑: | తత్స॑వి॒తుర్వరే᳚ణ్య॒o భర్గో॑ దే॒వస్య॑ ధీమహి |
ధియో॒ యో న॑: ప్రచో॒దయా᳚త్ ||
సత్యం త్వా ఋతేన పరిషించామి |
(సాయంకాలే – ఋతం త్వా సత్యేన పరిషించామి)
అమృతమస్తు | అ॒మృ॒తో॒ప॒స్తర॑ణమసి |
శ్రీ మహాగణపతయే నమః ……………….. సమర్పయామి |
ఓం ప్రా॒ణాయ॒ స్వాహా᳚ | ఓం అ॒పా॒నాయ॒ స్వాహా᳚ |
ఓం వ్యా॒నాయ॒ స్వాహా᳚ | ఓం ఉ॒దా॒నాయ॒ స్వాహా᳚ |
ఓం స॒మా॒నాయ॒ స్వాహా᳚ |
మధ్యే మధ్యే పానీయం సమర్పయామి |
అ॒మృ॒తా॒పి॒ధా॒నమ॑సి | ఉత్తరాపోశనం సమర్పయామి |
హస్తౌ ప్రక్షాళయామి | పాదౌ ప్రక్షాళయామి |
శుద్ధాచమనీయం సమర్పయామి |
ఓం మహాగణపతయే నమః |
నైవేద్యం సమర్పయామి | ౧౪ ||

తాంబూలం –
పూగీఫలశ్చ కర్పూరైః నాగవల్లీదళైర్యుతం |
ముక్తాచూర్ణసంయుక్తం తాంబూలం ప్రతిగృహ్యతాం ||
ఓం మహాగణపతయే నమః |
తాంబూలం సమర్పయామి | ౧౫ ||

నీరాజనం –
వేదా॒హమే॒తం పురు॑షం మ॒హాన్తమ్᳚ |
ఆ॒ది॒త్యవ॑ర్ణం॒ తమ॑స॒స్తు పా॒రే |
సర్వా॑ణి రూ॒పాణి॑ వి॒చిత్య॒ ధీర॑: |
నామా॑ని కృ॒త్వాఽభి॒వద॒న్॒, యదాస్తే᳚ |
ఓం మహాగణపతయే నమః |
నీరాజనం సమర్పయామి | ౧౬ ||

మంత్రపుష్పం –
సుముఖశ్చైకదంతశ్చ కపిలో గజకర్ణకః
లంబోదరశ్చ వికటో విఘ్నరాజో గణాధిపః ||
ధూమకేతుర్గణాధ్యక్షః ఫాలచంద్రో గజాననః
వక్రతుండశ్శూర్పకర్ణో హేరంబస్స్కందపూర్వజః ||
షోడశైతాని నామాని యః పఠేచ్ఛృణుయాదపి
విద్యారంభే వివాహే చ ప్రవేశే నిర్గమే తథా
సంగ్రామే సర్వకార్యేషు విఘ్నస్తస్య న జాయతే ||
ఓం మహాగణపతయే నమః |
సువర్ణ మంత్రపుష్పం సమర్పయామి |

ప్రదక్షిణం –
యానికాని చ పాపాని జన్మాంతరకృతాని చ |
తాని తాని ప్రణశ్యంతి ప్రదక్షిణ పదే పదే ||
పాపోఽహం పాపకర్మాఽహం పాపాత్మా పాపసంభవః |
త్రాహి మాం కృపయా దేవ శరణాగతవత్సల ||
అన్యధా శరణం నాస్తి త్వమేవ శరణం మమ |
తస్మాత్కారుణ్య భావేన రక్ష రక్ష గణాధిప ||
ఓం మహాగణపతయే నమః |
ప్రదక్షిణా నమస్కారాన్ సమర్పయామి |

ఓం మహాగణపతయే నమః |
ఛత్ర చామరాది సమస్త రాజోపచారాన్ సమర్పయామి ||

క్షమాప్రార్థన –
యస్య స్మృత్యా చ నామోక్త్యా తపః పూజా క్రియాదిషు |
న్యూనం సంపూర్ణతాం యాతి సద్యో వందే గజాననం ||
మంత్రహీనం క్రియాహీనం భక్తిహీనం గణాధిప |
యత్పూజితం మయాదేవ పరిపూర్ణం తదస్తు తే ||
ఓం వక్రతుండ మహాకాయ సూర్య కోటి సమప్రభ |
నిర్విఘ్నం కురు మే దేవ సర్వ కార్యేషు సర్వదా ||

అనయా ధ్యాన ఆవాహనాది షోడశోపచార పూజయా భగవాన్ సర్వాత్మకః శ్రీ మహాగణపతి సుప్రీతో సుప్రసన్నో వరదో భవంతు ||

ఉత్తరే శుభకర్మణ్యవిఘ్నమస్తు ఇతి భవంతో బ్రువంతు |
ఉత్తరే శుభకర్మణి అవిఘ్నమస్తు ||

తీర్థం –
అకాలమృత్యుహరణం సర్వవ్యాధినివారణం |
సమస్తపాపక్షయకరం శ్రీ మహాగణపతి పాదోదకం పావనం శుభం ||
శ్రీ మహాగణపతి ప్రసాదం శిరసా గృహ్ణామి ||

ఉద్వాసనం –
ఓం య॒జ్ఞేన॑ య॒జ్ఞమ॑యజన్త దే॒వాః |
తాని॒ ధర్మా॑ణి ప్రథ॒మాన్యా॑సన్ |
తే హ॒ నాక॑o మహి॒మాన॑స్సచన్తే |
యత్ర॒ పూర్వే॑ సా॒ధ్యాస్సన్తి॑ దే॒వాః ||
ఓం శ్రీ మహాగణపతి నమః యథాస్థానం ఉద్వాసయామి ||
శోభనార్థే క్షేమాయ పునరాగమనాయ చ |

ఓం శాంతిః శాంతిః శాంతిః |

లఘున్యాసం

ఓం అథాత్మానగ్ం శివాత్మానగ్ం శ్రీరుద్రరూపం ధ్యాయేత్ ||

శుద్ధస్ఫటికసంకాశం త్రినేత్రం పఞ్చవక్త్రకమ్ |
గఙ్గాధరం దశభుజం సర్వాభరణభూషితమ్ ||

నీలగ్రీవం శశాంకాంకం నాగయజ్ఞోపవీతినమ్ |
వ్యాఘ్రచర్మోత్తరీయం చ వరేణ్యమభయప్రదమ్ ||

కమణ్డల్వక్షసూత్రాణాం ధారిణం శూలపాణినమ్ |
జ్వలన్తం పిఙ్గలజటాశిఖాముద్యోతధారిణమ్ ||

వృషస్కన్ధసమారూఢమ్ ఉమాదేహార్ధధారిణమ్ |
అమృతేనాప్లుతం శాన్తం దివ్యభోగసమన్వితమ్ ||

దిగ్దేవతాసమాయుక్తం సురాసురనమస్కృతమ్ |
నిత్యం చ శాశ్వతం శుద్ధం ధ్రువమక్షరమవ్యయమ్ ||

సర్వవ్యాపినమీశానం రుద్రం వై విశ్వరూపిణమ్ |
ఏవం ధ్యాత్వా ద్విజస్సమ్యక్ తతో యజనమారభేత్ ||

అథాతో రుద్ర స్నానార్చనాభిషేక విధిం వ్యా᳚ఖ్యాస్యామః |
ఆదిత ఏవ తీర్థే స్నాత్వా ఉదేత్య శుచిః ప్రయతో
బ్రహ్మచారీ శుక్లవాసా దేవాభిముఖః స్థిత్వా
ఆత్మని దేవతాః స్థాపయేత్ |

ఓం ప్రజననే బ్రహ్మా తిష్ఠతు | పాదయోర్విష్ణుస్తిష్ఠతు |
హస్తయోర్హరస్తిష్ఠతు | బాహ్వోరిన్ద్రస్తిష్ఠతు |
జఠరే అగ్నిస్తిష్ఠతు | హృదయే శివస్తిష్ఠతు |
కణ్ఠే వసవస్తిష్ఠన్తు | వక్త్రే సరస్వతీ తిష్ఠతు |
నాసికయోర్వాయుస్తిష్ఠతు | నయనయోశ్చన్ద్రాదిత్యౌ తిష్ఠేతామ్ |
కర్ణయోరశ్వినౌ తిష్ఠేతామ్ |
లలాటే రుద్రాస్తిష్ఠన్తు | మూర్ధ్న్యాదిత్యాస్తిష్ఠన్తు |
శిరసి మహాదేవస్తిష్ఠతు | శిఖాయాం వామదేవస్తిష్ఠతు |
పృష్ఠే పినాకీ తిష్ఠతు | పురతశ్శూలీ తిష్ఠతు |
పార్శ్వయోశ్శివాశంకరౌ తిష్ఠేతామ్ |
సర్వతో వాయుస్తిష్ఠతు |
తతో బహిస్సర్వతోఽగ్నిజ్వాలామాలాః పరివృతాస్తిష్ఠతు |
సర్వేష్వఙ్గేషు సర్వాదేవతా యథాస్థానం తిష్ఠన్తు |
మాగ్ం రక్షన్తు ||

ఓం అ॒గ్నిర్మే॑ వా॒చి శ్రి॒తః |
వాగ్ధృద॑యే | హృద॑య॒o మయి॑ |
అ॒హమ॒మృతే᳚ | అ॒మృత॒o బ్రహ్మ॑ణి |

వా॒యుర్మే᳚ ప్రా॒ణే శ్రి॒తః |
ప్రా॒ణో హృద॑యే | హృద॑య॒o మయి॑ |
అ॒హమ॒మృతే᳚ | అ॒మృత॒o బ్రహ్మ॑ణి |

సూర్యో॑ మే॒ చక్షుషి శ్రి॒తః |
చక్షు॒ర్హృద॑యే | హృద॑య॒o మయి॑ |
అ॒హమ॒మృతే᳚ | అ॒మృత॒o బ్రహ్మ॑ణి |

చ॒న్ద్రమా॑ మే॒ మన॑సి శ్రి॒తః |
మనో॒ హృద॑యే | హృద॑య॒o మయి॑ |
అ॒హమ॒మృతే᳚ | అ॒మృత॒o బ్రహ్మ॑ణి |

దిశో॑ మే॒ శ్రోత్రే᳚ శ్రి॒తాః |
శ్రోత్ర॒గ్॒o హృద॑యే | హృద॑య॒o మయి॑ |
అ॒హమ॒మృతే᳚ | అ॒మృత॒o బ్రహ్మ॑ణి |

ఆపో॑ మే॒ రేత॑సి శ్రి॒తాః |
రేతో॒ హృద॑యే | హృద॑య॒o మయి॑ |
అ॒హమ॒మృతే᳚ | అ॒మృత॒o బ్రహ్మ॑ణి |

పృ॒థి॒వీ మే॒ శరీ॑రే శ్రి॒తా |
శరీ॑ర॒గ్॒o హృద॑యే | హృద॑య॒o మయి॑ |
అ॒హమ॒మృతే᳚ | అ॒మృత॒o బ్రహ్మ॑ణి |

ఓ॒ష॒ధి॒వ॒న॒స్ప॒తయో॑ మే॒ లోమ॑సు శ్రి॒తాః |
లోమా॑ని॒ హృద॑యే | హృద॑య॒o మయి॑ |
అ॒హమ॒మృతే᳚ | అ॒మృత॒o బ్రహ్మ॑ణి |

ఇన్ద్రో॑ మే॒ బలే᳚ శ్రి॒తః |
బల॒గ్॒o హృద॑యే | హృద॑య॒o మయి॑ |
అ॒హమ॒మృతే᳚ | అ॒మృత॒o బ్రహ్మ॑ణి |

ప॒ర్జన్యో॑ మే మూ॒ర్ధ్ని శ్రి॒తః |
మూ॒ర్ధా హృద॑యే | హృద॑య॒o మయి॑ |
అ॒హమ॒మృతే᳚ | అ॒మృత॒o బ్రహ్మ॑ణి |

ఈశా॑నో మే మ॒న్యౌ శ్రి॒తః |
మ॒న్యుర్హృద॑యే | హృద॑య॒o మయి॑ |
అ॒హమ॒మృతే᳚ | అ॒మృత॒o బ్రహ్మ॑ణి |

ఆ॒త్మా మ॑ ఆ॒త్మని॑ శ్రి॒తః |
ఆ॒త్మా హృద॑యే | హృద॑య॒o మయి॑ |
అ॒హమ॒మృతే᳚ | అ॒మృత॒o బ్రహ్మ॑ణి |

పున॑ర్మ ఆ॒త్మా పున॒రాయు॒రాగా᳚త్ |
పున॑: ప్రా॒ణః పున॒రాకూ॑త॒మాగా᳚త్ |

వై॒శ్వా॒న॒రో ర॒శ్మిభి॑ర్వావృధా॒నః |
అ॒న్తస్తి॑ష్ఠత్వ॒మృత॑స్య గో॒పాః ||

అస్య శ్రీ రుద్రాధ్యాయ ప్రశ్న మహామంత్రస్య అఘోర ఋషిః, అనుష్టుప్ ఛందః, సంకర్షణమూర్తిస్వరూపో యోఽసావాదిత్యః పరమపురుషః స ఏష రుద్రో దేవతా | నమః శివాయేతి బీజమ్ | శివతరాయేతి శక్తిః | మహాదేవాయేతి కీలకమ్ | శ్రీ సాంబసదాశివ ప్రసాద సిద్ధ్యర్థే జపే వినియోగః ||

ఓం అగ్నిహోత్రాత్మనే అఙ్గుష్ఠాభ్యాం నమః |
దర్శపూర్ణమాసాత్మనే తర్జనీభ్యాం నమః |
చాతుర్మాస్యాత్మనే మధ్యమాభ్యాం నమః |
నిరూఢపశుబన్ధాత్మనే అనామికాభ్యాం నమః |
జ్యోతిష్టోమాత్మనే కనిష్ఠికాభ్యాం నమః |
సర్వక్రత్వాత్మనే కరతలకరపృష్ఠాభ్యాం నమః |

అగ్నిహోత్రాత్మనే హృదయాయ నమః |
దర్శపూర్ణమాసాత్మనే శిరసే స్వాహా |
చాతుర్మాస్యాత్మనే శిఖాయై వషట్ |
నిరూఢపశుబన్ధాత్మనే కవచాయ హుమ్ |
జ్యోతిష్టోమాత్మనే నేత్రత్రయాయ వౌషట్ |
సర్వక్రత్వాత్మనే అస్త్రాయ ఫట్ |
భూర్భువస్సువరోమితి దిగ్బంధః |

ధ్యానం ||
ఆపాతాళ నభః స్థలాంత భువన బ్రహ్మాండమావిస్ఫుర-
జ్జ్యోతిః స్ఫాటిక లింగ మౌళివిలసత్ పూర్ణేందు వాంతామృతైః |
అస్తోకాప్లుతమేకమీశమనిశం రుద్రానువాకాన్ జపన్
ధ్యాయేదీప్సితసిద్ధయే ధ్రువపదం విప్రోఽభిషించేచ్ఛివమ్ ||

బ్రహ్మాండ వ్యాప్తదేహాః భసిత హిమరుచా భాసమానా భుజంగైః
కంఠే కాలాః కపర్దాః కలిత శశికలాశ్చండ కోదండ హస్తాః ||
త్ర్యక్షా రుద్రాక్షమాలాః సలలితవపుషాశ్శాంభవా మూర్తిభేదాః
రుద్రాః శ్రీరుద్రసూక్త ప్రకటిత విభవాః నః ప్రయచ్ఛంతు సౌఖ్యమ్ ||

ఓం గ॒ణానా᳚o త్వా గ॒ణప॑తిగ్ం హవామహే
క॒విం క॑వీ॒నాము॑ప॒మశ్ర॑వస్తమమ్ |
జ్యే॒ష్ఠ॒రాజ॒o బ్రహ్మ॑ణాం బ్రహ్మణస్పత॒
ఆ న॑: శృ॒ణ్వన్నూ॒తిభి॑స్సీద॒ సాద॑నమ్ ||
మహాగణపతయే॒ నమః ||

ఓం శం చ॑ మే॒ మయ॑శ్చ మే ప్రి॒యం చ॑ మేఽనుకా॒మశ్చ॑ మే॒ కామ॑శ్చ మే సౌమన॒సశ్చ॑ మే భ॒ద్రం చ॑ మే॒ శ్రేయ॑శ్చ మే॒ వస్య॑శ్చ మే॒ యశ॑శ్చ మే॒ భగ॑శ్చ మే॒ ద్రవి॑ణం చ మే య॒న్తా చ మే ధ॒ర్తా చ॑ మే॒ క్షేమ॑శ్చ మే॒ ధృతి॑శ్చ మే॒ విశ్వ॑o చ మే॒ మహ॑శ్చ మే స॒oవిచ్చ॑ మే॒ జ్ఞాత్ర॑o చ మే॒ సూశ్చ॑ మే ప్ర॒సూశ్చ॑ మే॒ సీర॑o చ మే ల॒యశ్చ॑ మ ఋ॒తం చ॑ మే॒ఽమృత॑o చ మేఽయ॒క్ష్మం చ॒ మేఽనా॑మయచ్చ మే జీ॒వాతుశ్చ మే దీర్ఘాయు॒త్వం చ॑ మేఽనమి॒త్రం చ॒ మేఽభ॑యం చ మే సు॒గం చ॑ మే॒ శయ॑నం చ మే సూ॒షా చ॑ మే సు॒దిన॑o చ మే ||

ఓం శాన్తి॒: శాన్తి॒: శాన్తి॑: ||

అనుబంధం – శివోపాసన మంత్రాః |

నిధ॑నపతయే॒ నమః | నిధ॑నపతాన్తికాయ॒ నమః |
ఊర్ధ్వాయ॒ నమః | ఊర్ధ్వలిఙ్గాయ॒ నమః |
హిరణ్యాయ॒ నమః | హిరణ్యలిఙ్గాయ॒ నమః |
సువర్ణాయ॒ నమః | సువర్ణలిఙ్గాయ॒ నమః |
దివ్యాయ॒ నమః | దివ్యలిఙ్గాయ॒ నమః |
భవాయ॒ నమః | భవలిఙ్గాయ॒ నమః |
శర్వాయ॒ నమః | శర్వలిఙ్గాయ॒ నమః |
శివాయ॒ నమః | శివలిఙ్గాయ॒ నమః |
జ్వలాయ॒ నమః | జ్వలలిఙ్గాయ॒ నమః |
ఆత్మాయ॒ నమః | ఆత్మలిఙ్గాయ॒ నమః |
పరమాయ॒ నమః | పరమలిఙ్గాయ॒ నమః |

ఏతథ్సోమస్య॑ సూర్య॒స్య॒ సర్వలిఙ్గగ్గ్॑ స్థాప॒య॒తి॒ పాణిమన్త్ర॑o పవి॒త్రమ్ ||
స॒ద్యోజా॒తం ప్ర॑పద్యా॒మి స॒ద్యోజా॒తాయ॒ వై నమో॒ నమ॑: |
భ॒వే భ॑వే॒ నాతి॑భవే భవస్వ॒ మామ్ | భ॒వోద్భ॑వాయ॒ నమ॑: ||

వా॒మ॒దే॒వాయ॒ నమో᳚ జ్యే॒ష్ఠాయ॒ నమ॑శ్శ్రే॒ష్ఠాయ॒ నమో॑ రు॒ద్రాయ॒ నమ॒: కాలా॑య॒ నమ॒: కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమ॒స్సర్వ॑భూతదమనాయ॒ నమో॑ మ॒నోన్మ॑నాయ॒ నమ॑: ||

అ॒ఘోరే᳚భ్యోఽథ॒ ఘోరే᳚భ్యో॒ ఘోర॒ఘోర॑తరేభ్యః |
సర్వే᳚భ్యః సర్వ॒శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ||

తత్పురు॑షాయ వి॒ద్మహే॑ మహాదే॒వాయ॑ ధీమహి | తన్నో॑ రుద్రః ప్రచో॒దయా᳚త్ ||

ఈశానస్స॑ర్వవిద్యా॒నా॒మీశ్వరస్సర్వ॑ భూతా॒నా॒o బ్రహ్మాఽధి॑పతి॒ర్బ్రహ్మ॒ణోఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ ||

అస్మిన్ లింగే శ్రీ ఉమామహేశ్వర స్వామినమావాహయామి స్థాపయామి | తతః ప్రాణ ప్రతిష్ఠాపనం కరిష్యే ||

ధ్యానం –
కర్పూర గౌరం కరుణావతారం
సంసారసారం భుజగేంద్ర హారం |
సదా రమంతం హృదయారవిందే
భవం భవానీ సహితం నమామి || ౧

వందే మహేశం సురసిద్ధసేవితం
దేవాంగనా గీత సునృత్య తుష్టం |
పర్యంకగం శైలసుతాసమేతం
కల్పద్రుమారణ్యగతం ప్రసన్నమ్ || ౨

ధ్యాయేన్నిత్యం మహేశం రజతగిరినిభం చారుచంద్రావతంసం
రత్నకల్పోజ్జ్వలాంగం పరశువరమృగాభీతి హస్తం ప్రసన్నమ్ |
పద్మాసీనం సమంతాత్ స్తుతమమరగణైర్వ్యాఘ్రకృత్తిం వసానం
విశ్వాద్యం విశ్వవంద్యం నిఖిల భయహరం పంచవక్త్రం త్రినేత్రమ్ || ౩

ప్రాణప్రతిష్ఠా –
ఓం అసు॑నీతే॒ పున॑ర॒స్మాసు॒ చక్షు॒:
పున॑: ప్రా॒ణమి॒హ నో᳚ ధేహి॒ భోగ᳚మ్ |
జ్యోక్ప॑శ్యేమ॒ సూర్య॑ము॒చ్చర᳚న్త॒
మను॑మతే మృ॒డయా᳚ నః స్వ॒స్తి ||
అ॒మృత॒o వై ప్రా॒ణా అ॒మృత॒మాప॑:
ప్రా॒ణానే॒వ య॑థాస్థా॒నముప॑హ్వయతే ||

స్థిరో భవ | వరదో భవ | సుముఖో భవ |
సుప్రసన్నో భవ | స్థిరాసనం కురు ||

స్వామిన్ సర్వ జగన్నాథ యావత్పూజాఽవసానకమ్ |
తావత్త్వం ప్రీతి భావేన లిఙ్గేఽస్మిన్ సన్నిధిం కురు ||

త్ర్యంబకమితి స్థాపన ముద్రాం దర్శయిత్వా |

ఓం త్ర్య॑oబకం యజామహే సుగ॒న్ధిం పు॑ష్టి॒ వర్ధ॑నం |
ఉ॒ర్వా॒రు॒కమి॑వ॒ బన్ధ॑నాన్మృ॒త్యోర్ము॑క్షీయ॒ మాఽమృతా᳚త్ ||

ధ్యానం –
కైలాసే కమనీయ రత్న ఖచితే కల్పద్రుమూలే స్థితం
కర్పూర స్ఫటికేందు సుందర తనుం కాత్యాయనీ సేవితమ్ |
గంగోత్తుంగ తరంగ రంజిత జటా భారం కృపాసాగరం
కంఠాలంకృత శేషభూషణమహం మృత్యుంజయం భావయే ||
ఓం శ్రీ ఉమామహేశ్వర స్వామినే నమః ధ్యాయామి |

ఆవాహనం – (ఓం స॒ద్యోజా॒తం ప్ర॑పద్యా॒మి)
ఓంకారాయ నమస్తుభ్యం ఓంకారప్రియ శంకర |
ఆవాహనం గృహాణేదం పార్వతీప్రియ వల్లభ ||
ఓం శ్రీ ఉమామహేశ్వర స్వామినే నమః ఆవాహయామి |

ఆసనం – (ఓం స॒ద్యోజా॒తాయ॒వై నమో॒ నమ॑:)
నమస్తే గిరిజానాథ కైలాసగిరి మందిర |
సింహాసనం మయా దత్తం స్వీకురుష్వ ఉమాపతే ||
శ్రీ ఉమామహేశ్వర స్వామినే నమః నవరత్న ఖచిత హేమ సింహాసనం సమర్పయామి |

పాద్యం – (ఓం భవే భ॑వే॒న)
మహాదేవ జగన్నాథ భక్తానామభయప్రద |
పాద్యం గృహాణ దేవేశ మమ సౌఖ్యం వివర్ధయ ||
శ్రీ ఉమామహేశ్వర స్వామినే నమః పాదయోః పాద్యం సమర్పయామి |

అర్ఘ్యం – (ఓం అతి॑ భవే భవస్వ॒మాం)
శివాప్రియ నమస్తేస్తు పావనం జలపూరితం |
అర్ఘ్యం గృహాణ భగవన్ గాంగేయ కలశస్థితం ||
శ్రీ ఉమామహేశ్వర స్వామినే నమః హస్తయోః అర్ఘ్యం సమర్పయామి |

ఆచమనం – (ఓం భ॒వోద్భ॑వాయ॒ నమః)
వామాదేవ సురాధీశ వందితాంఘ్రి సరోరుహ |
గృహాణాచమనం దేవ కరుణా వరుణాలయ ||
శ్రీ ఉమామహేశ్వర స్వామినే నమః ముఖే ఆచమనీయం సమర్పయామి |

మధుపర్కం –
యమాంతకాయ ఉగ్రాయ భీమాయ చ నమో నమః |
మధుపర్కం ప్రదాస్యామి గృహాణ త్వముమాపతే ||
శ్రీ ఉమామహేశ్వర స్వామినే నమః మధుపర్కం సమర్పయామి |

పంచామృత స్నానం –

పంచామృతాభిషేక మన్త్రాః

– 1. క్షీరమ్ –
ఆ ప్యా॑యస్వ॒ సమే॑తు తే వి॒శ్వత॑: సోమ॒ వృష్ణి॑యమ్ |
భవా॒ వాజ॑స్య సఙ్గ॒థే ||
శ్రీ ………. నమః క్షీరేణ స్నపయామి |

// (తై.సం.౩-౨-౫-౧౮) ఆ, ప్యాయస్వ, సం, ఏతు, తే, విశ్వతః, సోమ, వృష్ణియం, భవ, వాజస్య, సం-గథే //

– 2. దధి –
ద॒ధి॒క్రావ్‍ణ్ణో॑ అకారిషం జి॒ష్ణోరశ్వ॑స్య వా॒జిన॑: |
సు॒ర॒భి నో॒ ముఖా॑ కర॒త్ప్రణ॒ ఆయూగ్॑oషి తారిషత్ ||
శ్రీ ………. నమః | దధ్నా స్నపయామి |

// (తై.సం. ౭-౪-౧౯-౫౦) దధి, క్రావ్-ణ్ణః, అకారిషం, జిష్ణోః, అశ్వస్య, వాజినః, సురభి, నః, ముఖా, కరత్, ప్ర-నః, ఆయూంషి, తారిషత్ //

– 3. ఆజ్యమ్ –
శు॒క్రమ॑సి॒ జ్యోతి॑రసి॒ తేజో॑సి దే॒వోవ॑: సవి॒తోత్పు॑నా॒త్వచ్ఛి॑ద్రేణ ప॒విత్రే॑ణ॒ వసో॒: సూర్య॑స్య ర॒శ్మిభి॑: ||
శ్రీ ………. నమః | ఆజ్యేన స్నపయామి |

// (తై.సం. ౧-౧-౧౦-౧౮), శుక్రం, అసి, జ్యోతిః, అసి, తేజః, అసి, దేవః, వః, సవితా, ఉత్, పునాతు, అచ్ఛిద్రేణ, పవిత్రేణ, వసోః, సూర్యస్య, రశ్మి-భిః //

– 4. మధు –
మధు॒ వాతా॑ ఋతాయ॒తే మధు॑ క్షరన్తి॒ సిన్ధ॑వః |
మాధ్వీ᳚ర్నః స॒న్త్వోష॑ధీః ||
మధు॒ నక్త॑ము॒తోష॑సి॒ మధు॑మ॒త్పార్థి॑వ॒గ్॒o రజ॑: |
మధు॒ ద్యౌర॑స్తు నః పి॒తా ||
మధు॑మాన్నో॒ వన॒స్పతి॒ర్మధు॑మాగ్ం అస్తు॒ సూర్య॑: |
మాధ్వీ॒ర్గావో॑ భవన్తు నః ||
శ్రీ ………. నమః | మధునా స్నపయామి |

// (తై.సం. ౪-౨-౯-౩౮) మధు, వాతాః, ఋత-యతే, మధు, క్షరన్తి, సిన్ధవః, మాధ్వీః, నః, సన్తు, ఓషధీః, మధు, నక్తం, ఉత, ఉషసి, మధు-మత్, పార్థివం, రజః, మధు, ద్యౌః, అస్తు, నః, పితా, మధు-మాన్, నః, వనస్పతిః, మధు-మాన్, అస్తు, సూర్యః, మాధ్వీః, గావః, భవన్తు, నః //

– 5. శర్కర –
స్వా॒దుః ప॑వస్వ ది॒వ్యాయ॒ జన్మ॑నే |
స్వా॒దురిన్ద్రా॑య సు॒హవీ॑తు॒ నామ్నే᳚ |
స్వా॒దుర్మి॒త్రాయ॒ వరు॑ణాయ వా॒యవే॒ |
బృహ॒స్పత॑యే॒ మధు॑మా॒గ్ం అదా᳚భ్యః ||
శ్రీ ………. నమః | శర్కరయా స్నపయామి |

// (ఋ.వే.౯-౮౫-౬) స్వాదుః, పవస్వ, దివ్యాయ, జన్మనే, స్వాదుః, ఇన్ద్రాయ, సుహవీతు నామ్నే, స్వాదుః, మిత్రాయ, వరుణాయ, వాయవే, బృహస్పతయే, మధు-మాన్, అదాభ్యః //

శ్రీ ………. నమః | పఞ్చామృత స్నానం సమర్పయామి |

– ఫలోదకమ్ –
యాః ఫ॒లినీ॒ర్యా అ॑ఫ॒లా అ॑పు॒ష్పాయాశ్చ॑ పు॒ష్పిణీ᳚: |
బృహ॒స్పతి॑ ప్రసూతా॒స్తా నో॑ ముఞ్చ॒న్త్వగ్‍ంహ॑సః ||
శ్రీ ………. నమః | ఫలోదకేన స్నపయామి |

// (తై.సం.౪-౨-౬-౨౭) యాః, ఫలినీః, యాః, అఫలాః, అపుష్పాః, యాః, చ, పుష్పిణీః, బృహస్పతి-ప్రసూతాః, తాః, నః, ముఞ్చన్తు, అం-హసః //

– శుద్ధోదక స్నానమ్ –
ఆపో॒ హిష్ఠా మ॑యో॒ భువ॒స్తా న॑ ఊ॒ర్జే ద॑ధాతన |
మ॒హే రణా॑య॒ చక్ష॑సే ||
యో వ॑: శి॒వత॑మో రస॒స్తస్య॑ భాజయతే॒హ న॑: |
ఉ॒శ॒తీరి॑వ మా॒త॑రః ||
తస్మా॒ అర॑o గమామ వో॒ యస్య॒ క్షయా॑య॒ జిన్వ॑థ |
ఆపో॑ జ॒నయ॑థా చ నః ||
శ్రీ ………. నమః | శుద్ధోదకేన స్నపయామి |

// (తై.సం. ౭-౪-౧౯-౫౦) ఆపః, హి, స్థ, మయః-భువః, తాః, నః, ఊర్జే, దధాతన, మహే, రణాయ, చక్షసే, యః, వః, శివ-తమః, రసః, తస్య, భాజయత, ఇహ, నః, ఉశతీః, ఇవ, మాతరః, తస్మై, అరం, గమామ, వః, యస్య, క్షయాయ, జిన్వథ, ఆపః, జనయథ, చ, నః //

శుద్ధోదక స్నానం – (ఓం వామదేవాయ నమః)
ఓంకార ప్రీత మనసే నమో బ్రహ్మార్చితాంఘ్రయే |
స్నానం స్వీకురు దేవేశ మయానీతం నదీ జలం ||
[* నమ॑శ్శ॒oభవే॑ చ మయో॒భవే॑చ॒ నమ॑శ్శంక॒రాయ॑ చ
మయస్క॒రాయ॑ చ॒ నమ॑శ్శి॒వాయ॑ చ శి॒వత॑రాయ చ || *]

రుద్రప్రశ్నః – నమకం||

ఓం నమో భగవతే॑ రుద్రా॒య ||

|| ప్రథమ అనువాక ||
ఓం నమ॑స్తే రుద్ర మ॒న్యవ॑ ఉ॒తోత॒ ఇష॑వే॒ నమ॑: |
నమ॑స్తే అస్తు॒ ధన్వ॑నే బా॒హుభ్యా॑ము॒త తే॒ నమ॑: |

యా త॒ ఇషు॑: శి॒వత॑మా శి॒వం బ॒భూవ॑ తే॒ ధను॑: |
శి॒వా శ॑ర॒వ్యా॑ యా తవ॒ తయా॑ నో రుద్ర మృడయ |

యా తే॑ రుద్ర శి॒వా త॒నూరఘో॒రాఽపా॑పకాశినీ |
తయా॑ నస్త॒నువా॒ శన్త॑మయా॒ గిరి॑శన్తా॒భిచా॑కశీహి |

యామిషు॑o గిరిశన్త॒ హస్తే॒ బిభ॒ర్ష్యస్త॑వే |
శి॒వాం గి॑రిత్ర॒ తాం కు॑రు॒ మా హిగ్॑oసీ॒: పురు॑ష॒o జగ॑త్ |

శి॒వేన॒ వచ॑సా త్వా॒ గిరి॒శాచ్ఛా॑వదామసి |
యథా॑ న॒: సర్వ॒మిజ్జగ॑దయ॒క్ష్మగ్ం సు॒మనా॒ అస॑త్ |

అధ్య॑వోచదధివ॒క్తా ప్ర॑థ॒మో దైవ్యో॑ భి॒షక్ |
అహీగ్॑శ్చ॒ సర్వా᳚ఞ్జ॒oభయ॒న్త్సర్వా᳚శ్చ యాతుధా॒న్య॑: |

అ॒సౌ యస్తా॒మ్రో అ॑రు॒ణ ఉ॒త బ॒భ్రుః సు॑మ॒ఙ్గల॑: |
యే చే॒మాగ్ం రు॒ద్రా అ॒భితో॑ ది॒క్షు శ్రి॒తాః
స॑హస్ర॒శోఽవై॑షా॒గ్॒o హేడ॑ ఈమహే |

అ॒సౌ యో॑ఽవ॒సర్ప॑తి॒ నీల॑గ్రీవో॒ విలో॑హితః |
ఉ॒తైన॑o గో॒పా అ॑దృశ॒న్నదృ॑శన్నుదహా॒ర్య॑: |

ఉ॒తైన॒o విశ్వా॑ భూ॒తాని॒ స దృ॒ష్టో మృ॑డయాతి నః |
నమో॑ అస్తు॒ నీల॑గ్రీవాయ సహస్రా॒క్షాయ॑ మీ॒ఢుషే᳚ |

అథో॒ యే అ॑స్య॒ సత్త్వా॑నో॒ఽహం తేభ్యో॑ఽకర॒న్నమ॑: |
ప్రము॑ఞ్చ॒ ధన్వ॑న॒స్త్వము॒భయో॒రార్త్ని॑యో॒ర్జ్యామ్ |

యాశ్చ॑ తే॒ హస్త॒ ఇష॑వ॒: పరా॒ తా భ॑గవో వప |
అ॒వ॒తత్య॒ ధను॒స్తవగ్ం సహ॑స్రాక్ష॒ శతే॑షుధే |

ని॒శీర్య॑ శ॒ల్యానా॒o ముఖా॑ శి॒వో న॑: సు॒మనా॑ భవ |
విజ్య॒o ధను॑: కప॒ర్దినో॒ విశ॑ల్యో॒ బాణ॑వాగ్ం ఉ॒త |

అనే॑శన్న॒స్యేష॑వ ఆ॒భుర॑స్య నిష॒oగథి॑: |
యా తే॑ హే॒తిర్మీ॑ఢుష్టమ॒ హస్తే॑ బ॒భూవ॑ తే॒ ధను॑: |

తయా॒ఽస్మాన్ వి॒శ్వత॒స్త్వమ॑య॒క్ష్మయా॒ పరి॑బ్భుజ |
నమ॑స్తే అ॒స్త్వాయు॑ధా॒యానా॑తతాయ ధృ॒ష్ణవే᳚ |

ఉ॒భాభ్యా॑ము॒త తే॒ నమో॑ బా॒హుభ్యా॒o తవ॒ ధన్వ॑నే |
పరి॑తే॒ ధన్వ॑నో హే॒తిర॒స్మాన్వృ॑ణక్తు వి॒శ్వత॑: |

అథో॒ య ఇ॑షు॒ధిస్తవా॒రే అ॒స్మన్నిధే॑హి॒ తమ్ ||

నమ॑స్తే అస్తు భగవన్విశ్వేశ్వ॒రాయ॑ మహాదే॒వాయ॑
త్ర్యంబ॒కాయ॑ త్రిపురాన్త॒కాయ॑ త్రికాగ్నికా॒లాయ॑
కాలాగ్నిరు॒ద్రాయ॑ నీలక॒ణ్ఠాయ॑ మృత్యుఞ్జ॒యాయ॑
సర్వేశ్వ॒రాయ॑ సదాశి॒వాయ॑ శ్రీమన్మహాదే॒వాయ॒ నమ॑: || ౧ ||

|| ద్వితీయ అనువాక ||
నమో॒ హిర॑ణ్యబాహవే సేనా॒న్యే॑ ది॒శాం చ॒ పత॑యే॒ నమో॒
నమో॑ వృ॒క్షేభ్యో॒ హరి॑కేశేభ్యః పశూ॒నాం పత॑యే॒ నమో॒
నమ॑: స॒స్పిఞ్జ॑రాయ॒ త్విషీ॑మతే పథీ॒నాం పత॑యే॒ నమో॒
నమో॑ బభ్లు॒శాయ॑ వివ్యా॒ధినేఽన్నా॑నా॒o పత॑యే॒ నమో॒
నమో॒ హరి॑కేశాయోపవీ॒తినే॑ పు॒ష్టానా॒o పత॑యే॒ నమో॒
నమో॑ భ॒వస్య॑ హే॒త్యై జగ॑తా॒o పత॑యే॒ నమో॒
నమో॑ రు॒ద్రాయా॑తతా॒వినే॒ క్షేత్రా॑ణా॒o పత॑యే॒ నమో॒
నమ॑: సూ॒తాయాహ॑న్త్యాయ॒ వనా॑నా॒o పత॑యే॒ నమో॒
నమో॒ రోహి॑తాయ స్థ॒పత॑యే వృ॒క్షాణా॒o పత॑యే॒ నమో॒
నమో॑ మ॒న్త్రిణే॑ వాణి॒జాయ॒ కక్షా॑ణా॒o పత॑యే॒ నమో॒
నమో॑ భువ॒oతయే॑ వారివస్కృ॒తాయౌష॑ధీనా॒o పత॑యే॒ నమో॒
నమ॑ ఉ॒చ్చైర్ఘో॑షాయాక్ర॒న్దయ॑తే పత్తీ॒నాం పత॑యే॒ నమో॒
నమ॑: కృత్స్నవీ॒తాయ॒ ధావ॑తే॒ సత్త్వ॑నా॒o పత॑యే॒ నమ॑: || ౨ ||

|| తృతీయ అనువాక ||
నమ॒: సహ॑మానాయ నివ్యా॒ధిన॑ ఆవ్యా॒ధినీ॑నా॒o పత॑యే॒ నమో॒
నమ॑: కకు॒భాయ॑ నిష॒ఙ్గిణే᳚ స్తే॒నానా॒o పత॑యే॒ నమో॒
నమో॑ నిష॒ఙ్గిణ॑ ఇషుధి॒మతే॒ తస్క॑రాణా॒o పత॑యే॒ నమో॒
నమో॒ వఞ్చ॑తే పరి॒వఞ్చ॑తే స్తాయూ॒నాం పత॑యే॒ నమో॒
నమో॑ నిచే॒రవే॑ పరిచ॒రాయార॑ణ్యానా॒o పత॑యే॒ నమో॒
నమ॑: సృకా॒విభ్యో॒ జిఘాగ్॑oసద్భ్యో ముష్ణ॒తాం పత॑యే॒ నమో॒
నమో॑ఽసి॒మద్భ్యో॒ నక్త॒ఞ్చర॑ద్భ్యః ప్రకృ॒న్తానా॒o పత॑యే॒ నమో॒
నమ॑ ఉష్ణీ॒షిణే॑ గిరిచ॒రాయ॑ కులు॒ఞ్చానా॒o పత॑యే॒ నమో॒
నమ॒ ఇషు॑మద్భ్యో ధన్వా॒విభ్య॑శ్చ వో॒ నమో॒
నమ॑ ఆతన్వా॒నేభ్య॑: ప్రతి॒దధా॑నేభ్యశ్చ వో॒ నమో॒
నమ॑ ఆ॒యచ్ఛ॑ద్భ్యో విసృ॒జద్భ్య॑శ్చ వో॒ నమో॒
నమో ఽస్య॑ద్భ్యో॒ విధ్య॑ద్భ్యశ్చ వో॒ నమో॒
నమ॒ ఆసీ॑నేభ్య॒: శయా॑నేభ్యశ్చ వో॒ నమో॒
నమ॑: స్వ॒పద్భ్యో॒ జాగ్ర॑ద్భ్యశ్చ వో॒ నమో॒
నమస్తి॒ష్ఠ॑ద్భ్యో॒ ధావ॑ద్భ్యశ్చ వో॒ నమో॒
నమ॑: స॒భాభ్య॑: స॒భాప॑తిభ్యశ్చ వో॒ నమో॒
నమో॒ అశ్వే॒భ్యోఽశ్వ॑పతిభ్యశ్చ వో॒ నమ॑: || ౩ ||

|| చతుర్థ అనువాక ||
నమ॑ ఆవ్యా॒ధినీ᳚భ్యో వి॒విధ్య॑న్తీభ్యశ్చ వో॒ నమో॒
నమ॒ ఉగ॑ణాభ్యస్తృగ్ంహ॒తీభ్య॑శ్చ వో॒ నమో॒
నమో॑ గృ॒త్సేభ్యో॑ గృ॒త్సప॑తిభ్యశ్చ వో॒ నమో॒
నమో॒ వ్రాతే᳚భ్యో॒ వ్రాత॑పతిభ్యశ్చ వో॒ నమో॒
నమో॑ గ॒ణేభ్యో॑ గ॒ణప॑తిభ్యశ్చ వో॒ నమో॒
నమో॒ విరూ॑పేభ్యో వి॒శ్వరూ॑పేభ్యశ్చ వో॒ నమో॒
నమో॑ మ॒హద్భ్య॑:, క్షుల్ల॒కేభ్య॑శ్చ వో॒ నమో॒
నమో॑ ర॒థిభ్యో॑ఽర॒థేభ్య॑శ్చ వో॒ నమో॒
నమో॒ రథే᳚భ్యో॒ రథ॑పతిభ్యశ్చ వో॒ నమో॒
నమ॒: సేనా᳚భ్యః సేనా॒నిభ్య॑శ్చ వో॒ నమో॒
నమ॑:, క్ష॒త్తృభ్య॑: సంగ్రహీ॒తృభ్య॑శ్చ వో॒ నమో॒
నమ॒స్తక్ష॑భ్యో రథకా॒రేభ్య॑శ్చ వో॒ నమో॒
నమ॒: కులా॑లేభ్యః క॒ర్మారే᳚భ్యశ్చ వో॒ నమో॒
నమ॑: పు॒ఞ్జిష్టే᳚భ్యో నిషా॒దేభ్య॑శ్చ వో॒ నమో॒
నమ॑ ఇషు॒కృద్భ్యో॑ ధన్వ॒కృద్భ్య॑శ్చ వో॒ నమో॒
నమో॑ మృగ॒యుభ్య॑: శ్వ॒నిభ్య॑శ్చ వో॒ నమో॒
నమ॒: శ్వభ్య॒: శ్వప॑తిభ్యశ్చ వో॒ నమ॑: || ౪ ||

|| పంచమ అనువాక ||
నమో॑ భ॒వాయ॑ చ రు॒ద్రాయ॑ చ॒ నమ॑: శ॒ర్వాయ॑ చ
పశు॒పత॑యే చ॒ నమో॒ నీల॑గ్రీవాయ చ శితి॒కణ్ఠా॑య చ॒
నమ॑: కప॒ర్దినే॑ చ॒ వ్యు॑ప్తకేశాయ చ॒
నమ॑: సహస్రా॒క్షాయ॑ చ శ॒తధ॑న్వనే చ॒
నమో॑ గిరి॒శాయ॑ చ శిపివి॒ష్టాయ॑ చ॒
నమో॑ మీ॒ఢుష్ట॑మాయ॒ చేషు॑మతే చ॒
నమో᳚ హ్ర॒స్వాయ॑ చ వామ॒నాయ॑ చ॒
నమో॑ బృహ॒తే చ॒ వర్షీ॑యసే చ॒
నమో॑ వృ॒ద్ధాయ॑ చ స॒oవృధ్వ॑నే చ॒
నమో॒ అగ్రి॑యాయ చ ప్రథ॒మాయ॑ చ॒
నమ॑ ఆ॒శవే॑ చాజి॒రాయ॑ చ॒
నమ॒: శీఘ్రి॑యాయ చ॒ శీభ్యా॑య చ॒
నమ॑ ఊ॒ర్మ్యా॑య చావస్వ॒న్యా॑య చ॒
నమ॑: స్రోత॒స్యా॑య చ॒ ద్వీప్యా॑య చ || ౫ ||

|| షష్ఠమ అనువాక ||
నమో᳚ జ్యే॒ష్ఠాయ॑ చ కని॒ష్ఠాయ॑ చ॒
నమ॑: పూర్వ॒జాయ॑ చాపర॒జాయ॑ చ॒
నమో॑ మధ్య॒మాయ॑ చాపగ॒ల్భాయ॑ చ॒
నమో॑ జఘ॒న్యా॑య చ॒ బుధ్ని॑యాయ చ॒
నమ॑: సో॒భ్యా॑య చ ప్రతిస॒ర్యా॑య చ॒
నమో॒ యామ్యా॑య చ॒ క్షేమ్యా॑య చ॒
నమ॑ ఉర్వ॒ర్యా॑య చ॒ ఖల్యా॑య చ॒
నమ॒: శ్లోక్యా॑య చాఽవసా॒న్యా॑య చ॒
నమో॒ వన్యా॑య చ॒ కక్ష్యా॑య చ॒
నమ॑: శ్ర॒వాయ॑ చ ప్రతిశ్ర॒వాయ॑ చ॒
నమ॑ ఆ॒శుషే॑ణాయ చా॒శుర॑థాయ చ॒
నమ॒: శూరా॑య చావభిన్ద॒తే చ॒
నమో॑ వ॒ర్మిణే॑ చ వరూ॒థినే॑ చ॒
నమో॑ బి॒ల్మినే॑ చ కవ॒చినే॑ చ॒
నమ॑: శ్రు॒తాయ॑ చ శ్రుతసే॒నాయ॑ చ || ౬ ||

|| సప్తమ అనువాక ||
నమో॑ దున్దు॒భ్యా॑య చాహన॒న్యా॑య చ॒
నమో॑ ధృ॒ష్ణవే॑ చ ప్రమృ॒శాయ॑ చ॒
నమో॑ దూ॒తాయ॑ చ॒ ప్రహి॑తాయ చ॒
నమో॑ నిష॒ఙ్గిణే॑ చేషుధి॒మతే॑ చ॒
నమ॑స్తీ॒క్ష్ణేష॑వే చాయు॒ధినే॑ చ॒
నమ॑: స్వాయు॒ధాయ॑ చ సు॒ధన్వ॑నే చ॒
నమ॒: స్రుత్యా॑య చ॒ పథ్యా॑య చ॒
నమ॑: కా॒ట్యా॑య చ నీ॒ప్యా॑య చ॒
నమ॒: సూద్యా॑య చ సర॒స్యా॑య చ॒
నమో॑ నా॒ద్యాయ॑ చ వైశ॒న్తాయ॑ చ॒
నమ॒: కూప్యా॑య చావ॒ట్యా॑య చ॒
నమో॒ వర్ష్యా॑య చావ॒ర్ష్యాయ॑ చ॒
నమో॑ మే॒ఘ్యా॑య చ విద్యు॒త్యా॑య చ॒
నమ॑ ఈ॒ధ్రియా॑య చాత॒ప్యా॑య చ॒
నమో॒ వాత్యా॑య చ॒ రేష్మి॑యాయ చ॒
నమో॑ వాస్త॒వ్యా॑య చ వాస్తు॒ పాయ॑ చ || ౭ ||

|| అష్టమ అనువాక ||
నమ॒: సోమా॑య చ రు॒ద్రాయ॑ చ॒
నమ॑స్తా॒మ్రాయ॑ చారు॒ణాయ॑ చ॒
నమ॑: శ॒ఙ్గాయ॑ చ పశు॒పత॑యే చ॒
నమ॑ ఉ॒గ్రాయ॑ చ భీ॒మాయ॑ చ॒
నమో॑ అగ్రేవ॒ధాయ॑ చ దూరేవ॒ధాయ॑ చ॒
నమో॑ హ॒న్త్రే చ॒ హనీ॑యసే చ॒
నమో॑ వృ॒క్షేభ్యో॒ హరి॑కేశేభ్యో॒
నమ॑స్తా॒రాయ॒ నమ॑శ్శ॒oభవే॑ చ మయో॒భవే॑ చ॒
నమ॑: శఙ్క॒రాయ॑ చ మయస్క॒రాయ॑ చ॒
నమ॑: శి॒వాయ॑ చ శి॒వత॑రాయ చ॒
నమ॒స్తీర్థ్యా॑య చ॒ కూల్యా॑య చ॒
నమ॑: పా॒ర్యా॑య చావా॒ర్యా॑య చ॒
నమ॑: ప్ర॒తర॑ణాయ చో॒త్తర॑ణాయ చ॒
నమ॑ ఆతా॒ర్యా॑య చాలా॒ద్యా॑య చ॒
నమ॒: శష్ప్యా॑య చ॒ ఫేన్యా॑య చ॒
నమ॑: సిక॒త్యా॑య చ ప్రవా॒హ్యా॑య చ || ౮ ||

|| నవమ అనువాక ||
నమ॑ ఇరి॒ణ్యా॑య చ ప్రప॒థ్యా॑య చ॒
నమ॑: కిగ్ంశి॒లాయ॑ చ॒ క్షయ॑ణాయ చ॒
నమ॑: కప॒ర్దినే॑ చ పుల॒స్తయే॑ చ॒
నమో॒ గోష్ఠ్యా॑య చ॒ గృహ్యా॑య చ॒
నమ॒స్తల్ప్యా॑య చ॒ గేహ్యా॑య చ॒
నమ॑: కా॒ట్యా॑య చ గహ్వరే॒ష్ఠాయ॑ చ॒
నమో᳚ హ్రద॒య్యా॑య చ నివే॒ష్ప్యా॑య చ॒
నమ॑: పాగ్ం స॒వ్యా॑య చ రజ॒స్యా॑య చ॒
నమ॒: శుష్క్యా॑య చ హరి॒త్యా॑య చ॒
నమో॒ లోప్యా॑య చోల॒ప్యా॑య చ॒
నమ॑ ఊ॒ర్వ్యా॑య చ సూ॒ర్మ్యా॑య చ॒
నమ॑: ప॒ర్ణ్యా॑య చ పర్ణశ॒ద్యా॑య చ॒
నమో॑ఽపగు॒రమా॑ణాయ చాభిఘ్న॒తే చ॒
నమ॑ ఆఖ్ఖిద॒తే చ॑ ప్రఖ్ఖిద॒తే చ॒
నమో॑ వః కిరి॒కేభ్యో॑ దే॒వానా॒గ్॒o హృద॑యేభ్యో॒
నమో॑ విక్షీణ॒కేభ్యో॒ నమో॑ విచిన్వ॒త్కేభ్యో॒
నమ॑ ఆనిర్..హ॒తేభ్యో॒ నమ॑ ఆమీవ॒త్కేభ్య॑: || ౯ ||

|| దశమ అనువాక ||
ద్రాపే॒ అన్ధ॑సస్పతే॒ దరి॑ద్ర॒న్నీల॑లోహిత |
ఏ॒షాం పురు॑షాణామే॒షాం ప॑శూ॒నాం మా భేర్మాఽరో॒
మో ఏ॑షా॒o కిఞ్చ॒నామ॑మత్ |

యా తే॑ రుద్ర శి॒వా త॒నూః శి॒వా వి॒శ్వాహ॑భేషజీ |
శి॒వా రు॒ద్రస్య॑ భేష॒జీ తయా॑ నో మృడ జీ॒వసే᳚ |

ఇ॒మాగ్ం రు॒ద్రాయ॑ త॒వసే॑ కప॒ర్దినే᳚
క్ష॒యద్వీ॑రాయ॒ ప్రభ॑రామహే మ॒తిమ్ |
యథా॑ న॒: శమస॑ద్ద్వి॒పదే॒ చతు॑ష్పదే॒
విశ్వ॑o పు॒ష్టం గ్రామే॑ అ॒స్మిన్ననా॑తురమ్ |

మృ॒డా నో॑ రుద్రో॒త నో॒ మయ॑స్కృధి
క్ష॒యద్వీ॑రాయ॒ నమ॑సా విధేమ తే |
యచ్ఛం చ॒ యోశ్చ॒ మను॑రాయ॒జే
పి॒తా తద॑శ్యామ॒ తవ॑ రుద్ర॒ ప్రణీ॑తౌ |

మా నో॑ మ॒హాన్త॑ము॒త మా నో॑ అర్భ॒కం
మా న॒ ఉక్ష॑న్తము॒త మా న॑ ఉక్షి॒తమ్ |
మా నో॑ఽవధీః పి॒తర॒o మోత మా॒తర॑o
ప్రి॒యా మా న॑స్త॒నువో॑ రుద్ర రీరిషః |

మా న॑స్తో॒కే తన॑యే॒ మా న॒ ఆయు॑షి॒
మా నో॒ గోషు॒ మా నో॒ అశ్వే॑షు రీరిషః |
వీ॒రాన్మా నో॑ రుద్ర భామి॒తోఽవ॑ధీర్హ॒విష్మ॑న్తో॒
నమ॑సా విధేమ తే |

ఆ॒రాత్తే॑ గో॒ఘ్న ఉ॒త పూ॑రుష॒ఘ్నే క్ష॒యద్వీ॑రాయ
సు॒మ్నమ॒స్మే తే॑ అస్తు |
రక్షా॑ చ నో॒ అధి॑ చ దేవ బ్రూ॒హ్యధా॑ చ న॒:
శర్మ॑ యచ్ఛ ద్వి॒బర్హా᳚: |

స్తు॒హి శ్రు॒తం గ॑ర్త॒సద॒o యువా॑నం మృ॒గన్న
భీ॒మము॑పహ॒త్నుము॒గ్రమ్ |
మృ॒డా జ॑రి॒త్రే రు॑ద్ర॒ స్తవా॑నో అ॒న్యన్తే॑
అ॒స్మన్నివ॑పన్తు॒ సేనా᳚: |

పరి॑ణో రు॒ద్రస్య॑ హే॒తిర్వృ॑ణక్తు॒ పరి॑ త్వే॒షస్య॑
దుర్మ॒తి ర॑ఘా॒యోః |
అవ॑ స్థి॒రా మ॒ఘవ॑ద్భ్యస్తనుష్వ॒ మీఢ్వ॑స్తో॒కాయ॒
తన॑యాయ మృడయ |

మీఢు॑ష్టమ॒ శివ॑తమ శి॒వో న॑: సు॒మనా॑ భవ |
ప॒ర॒మే వృ॒క్ష ఆయు॑ధన్ని॒ధాయ॒ కృత్తి॒o వసా॑న॒
ఆచ॑ర॒ పినా॑క॒o బిభ్ర॒దాగ॑హి |

వికి॑రిద॒ విలో॑హిత॒ నమ॑స్తే అస్తు భగవః |
యాస్తే॑ స॒హస్రగ్॑o హే॒తయో॒న్యమ॒స్మన్నివ॑పన్తు॒ తాః |

స॒హస్రా॑ణి సహస్ర॒ధా బా॑హు॒వోస్తవ॑ హే॒తయ॑: |
తాసా॒మీశా॑నో భగవః పరా॒చీనా॒ ముఖా॑ కృధి || ౧౦ ||

|| ఏకాదశ అనువాక ||
స॒హస్రా॑ణి సహస్ర॒శో యే రు॒ద్రా అధి॒ భూమ్యా᳚మ్ |
తేషాగ్॑o సహస్రయోజ॒నేఽవ॒ధన్వా॑ని తన్మసి |

అ॒స్మిన్మ॑హ॒త్య॑ర్ణ॒వే᳚ఽన్తరి॑క్షే భ॒వా అధి॑ |
నీల॑గ్రీవాః శితి॒కణ్ఠా᳚: శ॒ర్వా అ॒ధః క్ష॑మాచ॒రాః |
నీల॑గ్రీవాః శితి॒కణ్ఠా॒ దివగ్॑o రు॒ద్రా ఉప॑శ్రితాః |
యే వృ॒క్షేషు॑ స॒స్పిఞ్జ॑రా॒ నీల॑గ్రీవా॒ విలో॑హితాః |
యే భూ॒తానా॒మధి॑పతయో విశి॒ఖాస॑: కప॒ర్దిన॑: |
యే అన్నే॑షు వి॒విధ్య॑న్తి॒ పాత్రే॑షు॒ పిబ॑తో॒ జనాన్॑ |
యే ప॒థాం ప॑థి॒రక్ష॑య ఐలబృ॒దా య॒వ్యుధ॑: |
యే తీ॒ర్థాని॑ ప్ర॒చర॑న్తి సృ॒కావ॑న్తో నిష॒ఙ్గిణ॑: |
య ఏ॒తావ॑న్తశ్చ॒ భూయాగ్॑oసశ్చ॒ దిశో॑ రు॒ద్రా వి॑తస్థి॒రే |
తేషాగ్॑o సహస్రయోజ॒నేఽవ॒ధన్వా॑ని తన్మసి |

నమో॑ రు॒ద్రేభ్యో॒ యే పృ॑థి॒వ్యాం యే᳚ఽన్తరి॑క్షే॒ యే ది॒వి
యేషా॒మన్న॒o వాతో॑ వ॒ర్॒షమిష॑వ॒స్తేభ్యో॒ దశ॒ ప్రాచీ॒ర్దశ॑
దక్షి॒ణా దశ॑ ప్ర॒తీచీ॒ర్దశోదీ॑చీ॒ర్దశో॒ర్ధ్వాస్తేభ్యో॒ నమ॒స్తే నో॑
మృడయన్తు॒ తే యం ద్వి॒ష్మో యశ్చ॑ నో॒ ద్వేష్టి॒ తం
వో॒ జంభే॑ దధామి || ౧౧ ||

త్ర్య॑oబకం యజామహే సుగ॒న్ధిం పు॑ష్టి॒వర్ధ॑నమ్ |
ఉ॒ర్వా॒రు॒కమి॑వ॒ బన్ధ॑నాన్మృ॒త్యోర్ము॑క్షీయ॒ మాఽమృతా᳚త్ |

యో రు॒ద్రో అ॒గ్నౌ యో అ॒ప్సు య ఓష॑ధీషు॒ యో రు॒ద్రో
విశ్వా॒ భువ॑నా వి॒వేశ॒ తస్మై॑ రు॒ద్రాయ॒ నమో॑ అస్తు |

తము॑ ష్టు॒హి॒ యః స్వి॒షుః సు॒ధన్వా॒
యో విశ్వ॑స్య॒ క్షయ॑తి భేష॒జస్య॑ |
యక్ష్వా᳚మ॒హే సౌ᳚మన॒సాయ॑ రు॒ద్రం
నమో᳚భిర్దే॒వమసు॑రం దువస్య |

అ॒యం మే॒ హస్తో॒ భగ॑వాన॒యం మే॒ భగ॑వత్తరః |
అ॒యం మే᳚ వి॒శ్వభే᳚షజో॒ఽయగ్ం శి॒వాభి॑మర్శనః |

యే తే॑ స॒హస్ర॑మ॒యుత॒o పాశా॒ మృత్యో॒ మర్త్యా॑య॒ హన్త॑వే |
తాన్ య॒జ్ఞస్య॑ మా॒యయా॒ సర్వా॒నవ॑యజామహే |
మృ॒త్యవే॒ స్వాహా॑ మృ॒త్యవే॒ స్వాహా᳚ |
ఓం నమో భగవతే రుద్రాయ విష్ణవే మృత్యు॑ర్మే పా॒హి ||

ప్రాణానాం గ్రన్థిరసి రుద్రో మా॑ విశా॒న్తకః |
తేనాన్నేనా᳚ప్యాయ॒స్వ | సదాశి॒వోమ్ ||

ఓం శాన్తి॒: శాన్తి॒: శాన్తి॑: ||

రుద్రప్రశ్నః – చమకం||

|| ప్రథమ అనువాక ||
ఓం అగ్నా॑విష్ణూ స॒జోష॑సే॒మా వ॑ర్ధన్తు వా॒o గిర॑: |
ద్యు॒మ్నైర్వాజే॑భి॒రాగ॑తమ్ |
వాజ॑శ్చ మే ప్రస॒వశ్చ॑ మే॒ ప్రయ॑తిశ్చ మే॒ ప్రసి॑తిశ్చ మే
ధీ॒తిశ్చ॑ మే॒ క్రతు॑శ్చ మే॒ స్వర॑శ్చ మే॒ శ్లోక॑శ్చ మే
శ్రా॒వశ్చ॑ మే॒ శ్రుతి॑శ్చ మే॒ జ్యోతి॑శ్చ మే॒ సువ॑శ్చ మే
ప్రా॒ణశ్చ॑ మేఽపా॒నశ్చ॑ మే వ్యా॒నశ్చ॒ మేఽసు॑శ్చ మే
చి॒త్తం చ॑ మ॒ ఆధీ॑తం చ మే॒ వాక్చ॑ మే॒ మన॑శ్చ మే॒
చక్షు॑శ్చ మే॒ శ్రోత్ర॑o చ మే॒ దక్ష॑శ్చ మే॒ బల॑o చ మ॒
ఓజ॑శ్చ మే॒ సహ॑శ్చ మ॒ ఆయు॑శ్చ మే జ॒రా చ॑ మ
ఆ॒త్మా చ॑ మే త॒నూశ్చ॑ మే॒ శర్మ॑ చ మే॒ వర్మ॑ చ
మే॒ఽఙ్గా॑ని చ మే॒ఽస్థాని॑ చ మే॒ పరూగ్॑oషి చ మే॒
శరీ॑రాణి చ మే || ౧ ||

|| ద్వితీయ అనువాక ||
జ్యైష్ఠ్య॑o చ మ॒ ఆధి॑పత్యం చ మే మ॒న్యుశ్చ॑ మే॒
భామ॑శ్చ॒ మేఽమ॑శ్చ॒ మేఽంభ॑శ్చ మే జే॒మా చ॑ మే
మహి॒మా చ॑ మే వరి॒మా చ॑ మే ప్రథి॒మా చ॑ మే
వ॒ర్ష్మా చ॑ మే ద్రాఘు॒యా చ॑ మే వృ॒ద్ధం చ॑ మే॒
వృద్ధి॑శ్చ మే స॒త్యం చ॑ మే శ్ర॒ద్ధా చ॑ మే॒ జగ॑చ్చ మే॒
ధన॑o చ మే॒ వశ॑శ్చ మే॒ త్విషి॑శ్చ మే క్రీ॒డా చ॑ మే॒
మోద॑శ్చ మే జా॒తం చ॑ మే జని॒ష్యమా॑ణం చ మే
సూ॒క్తం చ॑ మే సుకృ॒తం చ॑ మే వి॒త్తం చ॑ మే॒
వేద్య॑o చ మే భూ॒తం చ॑ మే భవి॒ష్యచ్చ॑ మే
సు॒గం చ॑ మే సు॒పథ॑o చ మ ఋ॒ద్ధం చ॑ మ॒
ఋద్ధి॑శ్చ మే క్ళు॒ప్తం చ॑ మే॒ క్ళుప్తి॑శ్చ మే
మ॒తిశ్చ॑ మే సుమ॒తిశ్చ॑ మే || ౨ ||

|| తృతీయ అనువాక ||
శం చ॑ మే॒ మయ॑శ్చ మే ప్రి॒యం చ॑ మేఽనుకా॒మశ్చ॑ మే॒
కామ॑శ్చ మే సౌమన॒సశ్చ॑ మే భ॒ద్రం చ॑ మే॒ శ్రేయ॑శ్చ మే॒
వస్య॑శ్చ మే॒ యశ॑శ్చ మే॒ భగ॑శ్చ మే॒ ద్రవి॑ణం చ మే
య॒న్తా చ॑ మే ధ॒ర్తా చ॑ మే॒ క్షేమ॑శ్చ మే॒ ధృతి॑శ్చ మే॒
విశ్వ॑o చ మే॒ మహ॑శ్చ మే స॒oవిచ్చ॑ మే॒ జ్ఞాత్ర॑o చ మే॒
సూశ్చ॑ మే ప్ర॒సూశ్చ॑ మే॒ సీర॑o చ మే ల॒యశ్చ॑ మ
ఋ॒తం చ॑ మే॒ఽమృత॑o చ మేఽయ॒క్ష్మం చ॒
మేఽనా॑మయచ్చ మే జీ॒వాతు॑శ్చ మే దీర్ఘాయు॒త్వం చ॑
మేఽనమి॒త్రం చ॒ మేఽభ॑యం చ మే సు॒గం చ॑ మే॒
శయ॑నం చ మే సూ॒షా చ॑ మే సు॒దిన॑o చ మే || ౩ ||

|| చతుర్థ అనువాక ||
ఊర్క్చ॑ మే సూ॒నృతా॑ చ మే॒ పయ॑శ్చ మే॒ రస॑శ్చ మే
ఘృ॒తం చ॑ మే॒ మధు॑ చ మే॒ సగ్ధి॑శ్చ మే॒ సపీ॑తిశ్చ మే
కృ॒షిశ్చ॑ మే॒ వృష్టి॑శ్చ మే॒ జైత్ర॑o చ మ॒ ఔద్భి॑ద్యం చ మే
ర॒యిశ్చ॑ మే॒ రాయ॑శ్చ మే పు॒ష్టం చ॑ మే॒ పుష్టి॑శ్చ మే
వి॒భు చ॑ మే ప్ర॒భు చ॑ మే బ॒హు చ॑ మే॒ భూయ॑శ్చ మే
పూ॒ర్ణం చ॑ మే పూ॒ర్ణత॑రం చ॒ మేఽక్షి॑తిశ్చ మే॒
కూయ॑వాశ్చ॒ మేఽన్న॑o చ॒ మేఽక్షు॑చ్చ మే వ్రీ॒హయ॑శ్చ మే॒
యవా᳚శ్చ మే॒ మాషా᳚శ్చ మే॒ తిలా᳚శ్చ మే ము॒ద్గాశ్చ॑ మే
ఖ॒ల్వా᳚శ్చ మే గో॒ధూమా᳚శ్చ మే మ॒సురా᳚శ్చ మే
ప్రి॒యంగ॑వశ్చ॒ మేఽణ॑వశ్చ మే శ్యా॒మకా᳚శ్చ మే
నీ॒వారా᳚శ్చ మే || ౪ ||

|| పంచమ అనువాక ||
అశ్మా॑ చ మే॒ మృత్తి॑కా చ మే గి॒రయ॑శ్చ మే॒ పర్వ॑తాశ్చ మే॒
సిక॑తాశ్చ మే॒ వన॒స్పత॑యశ్చ మే॒ హిర॑ణ్యం చ॒
మేఽయ॑శ్చ మే॒ సీస॑o చ మే॒ త్రపు॑శ్చ మే శ్యా॒మం చ॑ మే
లో॒హం చ॑ మే॒ఽగ్నిశ్చ॑ మ॒ ఆప॑శ్చ మే వీ॒రుధ॑శ్చ మ॒
ఓష॑ధయశ్చ మే కృష్టప॒చ్యం చ॑ మేఽకృష్టప॒చ్యం చ॑ మే
గ్రా॒మ్యాశ్చ॑ మే ప॒శవ॑ ఆర॒ణ్యాశ్చ॑ య॒జ్ఞేన॑ కల్పన్తాం
వి॒త్తం చ మే॒ విత్తి॑శ్చ మే భూ॒తం చ॑ మే॒ భూతి॑శ్చ మే॒
వసు॑ చ మే వస॒తిశ్చ॑ మే॒ కర్మ॑ చ మే॒ శక్తి॑శ్చ॒
మేఽర్థ॑శ్చ మ॒ ఏమ॑శ్చ మ॒ ఇతి॑శ్చ మే॒ గతి॑శ్చ మే || ౫ ||

|| షష్ఠమ అనువాక ||
అ॒గ్నిశ్చ॑ మ॒ ఇన్ద్ర॑శ్చ మే॒ సోమ॑శ్చ మ॒ ఇన్ద్ర॑శ్చ మే
సవి॒తా చ॑ మ॒ ఇన్ద్ర॑శ్చ మే॒ సర॑స్వతీ చ మ॒ ఇన్ద్ర॑శ్చ మే
పూ॒షా చ॑ మ॒ ఇన్ద్ర॑శ్చ మే॒ బృహ॒స్పతి॑శ్చ మ॒ ఇన్ద్ర॑శ్చ మే
మి॒త్రశ్చ॑ మ॒ ఇన్ద్ర॑శ్చ మే॒ వరు॑ణశ్చ మ॒ ఇన్ద్ర॑శ్చ మే॒
త్వష్టా॑ చ మ॒ ఇన్ద్ర॑శ్చ మే ధా॒తా చ॑ మ॒ ఇన్ద్ర॑శ్చ మే॒
విష్ణు॑శ్చ మ॒ ఇన్ద్ర॑శ్చ మే॒ఽశ్వినౌ॑ చ మ॒ ఇన్ద్ర॑శ్చ మే
మ॒రుత॑శ్చ మ॒ ఇన్ద్ర॑శ్చ మే॒ విశ్వే॑ చ మే దే॒వా ఇన్ద్ర॑శ్చ మే
పృథి॒వీ చ॑ మ॒ ఇన్ద్ర॑శ్చ మే॒ఽన్తరి॑క్షం చ మ॒ ఇన్ద్ర॑శ్చ మే॒
ద్యౌశ్చ॑ మ॒ ఇన్ద్ర॑శ్చ మే॒ దిశ॑శ్చ మ॒ ఇన్ద్ర॑శ్చ మే
మూ॒ర్ధా చ॑ మ॒ ఇన్ద్ర॑శ్చ మే ప్ర॒జాప॑తిశ్చ మ॒ ఇన్ద్ర॑శ్చ మే || ౬ ||

|| సప్తమ అనువాక ||
అ॒గ్॒oశుశ్చ॑ మే ర॒శ్మిశ్చ॒ మేఽదా᳚భ్యశ్చ॒ మేఽధి॑పతిశ్చ మ
ఉపా॒గ్॒oశుశ్చ॑ మేఽన్తర్యా॒మశ్చ॑ మ ఐన్ద్రవాయ॒వశ్చ॑ మే
మైత్రావరు॒ణశ్చ॑ మ ఆశ్వి॒నశ్చ॑ మే ప్రతిప్ర॒స్థాన॑శ్చ మే
శు॒క్రశ్చ॑ మే మ॒న్థీ చ॑ మ ఆగ్రయ॒ణశ్చ॑ మే వైశ్వదే॒వశ్చ॑ మే
ధ్రు॒వశ్చ॑ మే వైశ్వాన॒రశ్చ॑ మ ఋతుగ్ర॒హాశ్చ॑
మేఽతిగ్రా॒హ్యా᳚శ్చ మ ఐన్ద్రా॒గ్నశ్చ॑ మే వైశ్వదే॒వశ్చ॑ మే
మరుత్వ॒తీయా᳚శ్చ మే మాహే॒న్ద్రశ్చ॑ మ ఆది॒త్యశ్చ॑ మే
సావి॒త్రశ్చ॑ మే సారస్వ॒తశ్చ॑ మే పౌ॒ష్ణశ్చ॑ మే
పాత్నీవ॒తశ్చ॑ మే హారియోజ॒నశ్చ॑ మే || ౭ ||

|| అష్టమ అనువాక ||
ఇ॒ధ్మశ్చ॑ మే బ॒ర్హిశ్చ॑ మే॒ వేది॑శ్చ మే॒ ధిష్ణి॑యాశ్చ మే॒
స్రుచ॑శ్చ మే చమ॒సాశ్చ॑ మే॒ గ్రావా॑ణశ్చ మే॒ స్వర॑వశ్చ మ
ఉపర॒వాశ్చ॑ మేఽధి॒షవ॑ణే చ మే ద్రోణకల॒శశ్చ॑ మే
వాయ॒వ్యా॑ని చ మే పూత॒భృచ్చ॑ మ ఆధవ॒నీయ॑శ్చ మ॒
ఆగ్నీ᳚ధ్రం చ మే హవి॒ర్ధాన॑o చ మే గృ॒హాశ్చ॑ మే॒
సద॑శ్చ మే పురో॒డాశా᳚శ్చ మే పచ॒తాశ్చ॑
మేఽవభృ॒థశ్చ॑ మే స్వగాకా॒రశ్చ॑ మే || ౮ ||

|| నవమ అనువాక ||
అ॒గ్నిశ్చ॑ మే ఘ॒ర్మశ్చ॑ మే॒ఽర్కశ్చ॑ మే॒ సూర్య॑శ్చ మే
ప్రా॒ణశ్చ॑ మేఽశ్వమే॒ధశ్చ॑ మే పృథి॒వీ చ॒ మేఽది॑తిశ్చ మే॒
దితి॑శ్చ మే॒ ద్యౌశ్చ॑ మే॒ శక్క్వ॑రీర॒ఙ్గుల॑యో॒ దిశ॑శ్చ మే
య॒జ్ఞేన॑ కల్పన్తా॒మృక్చ॑ మే॒ సామ॑ చ మే॒ స్తోమ॑శ్చ మే॒
యజు॑శ్చ మే దీ॒క్షా చ॑ మే॒ తప॑శ్చ మ ఋ॒తుశ్చ॑ మే
వ్ర॒తం చ॑ మేఽహోరా॒త్రయో᳚ర్వృ॒ష్ట్యా బృ॑హద్రథన్త॒రే చ॑ మే
య॒జ్ఞేన॑ కల్పేతామ్ || ౯ ||

|| దశమ అనువాక ||
గర్భా᳚శ్చ మే వ॒త్సాశ్చ॑ మే॒ త్ర్యవి॑శ్చ మే త్ర్య॒వీ చ॑ మే
దిత్య॒వాట్ చ॑ మే దిత్యౌ॒హీ చ॑ మే॒ పఞ్చా॑విశ్చ మే
పఞ్చా॒వీ చ॑ మే త్రివ॒త్సశ్చ॑ మే త్రివ॒త్సా చ॑ మే
తుర్య॒వాట్ చ॑ మే తుర్యౌ॒హీ చ॑ మే పష్ఠ॒వాట్ చ॑ మే
పష్ఠౌ॒హీ చ॑ మ ఉ॒క్షా చ॑ మే వ॒శా చ॑ మ ఋష॒భశ్చ॑ మే
వే॒హచ్చ॑ మేఽన॒డ్వాఞ్చ॑ మే ధే॒నుశ్చ॑ మ॒
ఆయు॑ర్య॒జ్ఞేన॑ కల్పతాం ప్రా॒ణో య॒జ్ఞేన॑ కల్పతామపా॒నో
య॒జ్ఞేన॑ కల్పతాం వ్యా॒నో య॒జ్ఞేన॑ కల్పతా॒o
చక్షు॑ర్య॒జ్ఞేన॑ కల్పతా॒గ్॒ శ్రోత్ర॑o య॒జ్ఞేన॑ కల్పతా॒o
మనో॑ య॒జ్ఞేన॑ కల్పతా॒o వాగ్య॒జ్ఞేన॑ కల్పతామా॒త్మా
య॒జ్ఞేన॑ కల్పతాం య॒జ్ఞో య॒జ్ఞేన॑ కల్పతామ్ || ౧౦ ||

|| ఏకాదశ అనువాక ||
ఏకా॑ చ మే తి॒స్రశ్చ॑ మే॒ పఞ్చ॑ చ మే స॒ప్త చ॑ మే॒
నవ॑ చ మ॒ ఏకా॑దశ చ మే॒ త్రయో॑దశ చ మే॒
పఞ్చ॑దశ చ మే స॒ప్తద॑శ చ మే॒ నవ॑దశ చ మ॒
ఏక॑విగ్ంశతిశ్చ మే॒ త్రయో॑విగ్ంశతిశ్చ మే॒
పఞ్చ॑విగ్ంశతిశ్చ మే స॒ప్తవిగ్॑oశతిశ్చ మే॒ నవ॑విగ్ంశతిశ్చ మ॒
ఏక॑త్రిగ్ంశచ్చ మే॒ త్రయ॑స్త్రిగ్ంశచ్చ మే॒ చత॑స్రశ్చ
మే॒ఽష్టౌ చ॑ మే॒ ద్వాద॑శ చ మే॒ షోడ॑శ చ మే
విగ్ంశ॒తిశ్చ॑ మే॒ చతు॑ర్విగ్ంశతిశ్చ మే॒ఽష్టావిగ్॑oశతిశ్చ మే॒
ద్వాత్రిగ్॑oశచ్చ మే॒ షట్త్రిగ్॑oశచ్చ మే చత్వరి॒గ్॒oశచ్చ॑ మే॒
చతు॑శ్చత్వారిగ్ంశచ్చ మే॒ఽష్టాచ॑త్వారిగ్ంశచ్చ మే॒ వాజ॑శ్చ
ప్రస॒వశ్చా॑పి॒జశ్చ॒ క్రతు॑శ్చ॒ సువ॑శ్చ మూ॒ర్ధా చ॒
వ్యశ్ని॑యశ్చాన్త్యాయ॒నశ్చాన్త్య॑శ్చ భౌవ॒నశ్చ॒
భువ॑న॒శ్చాధి॑పతిశ్చ || ౧౧ ||

ఓం ఇడా॑ దేవ॒హూర్మను॑ర్యజ్ఞ॒నీర్బృహ॒స్పతి॑రుక్థామ॒దాని॑
శగ్ంసిష॒ద్విశ్వే॑దే॒వాః సూ᳚క్త॒వాచ॒: పృథి॑వీమాత॒ర్మా మా॑
హిగ్ంసీ॒ర్మధు॑ మనిష్యే॒ మధు॑ జనిష్యే॒ మధు॑ వక్ష్యామి॒
మధు॑ వదిష్యామి॒ మధు॑మతీం దే॒వేభ్యో॒ వాచ॑ముద్యాసగ్ం
శుశ్రూ॒షేణ్యా᳚o మను॒ష్యే᳚భ్య॒స్తం మా॑ దే॒వా అ॑వన్తు
శో॒భాయై॑ పి॒తరోఽను॑మదన్తు ||

ఓం శాన్తి॒: శాన్తి॒: శాన్తి॑: ||

పురుష సూక్తం పశ్యతు ||

శ్రీ సూక్తం పశ్యతు ||

ఓం శ్రీ ఉమామహేశ్వర స్వామినే నమః శుద్ధోదక స్నానం సమర్పయామి |
స్నానానంతరం ఆచమనీయం సమర్పయామి |

వస్త్రం – (ఓం జ్యే॒ష్ఠాయ॒ నమః)
నమో నాగవిభూషాయ నారదాది స్తుతాయ చ |
వస్త్రయుగ్మం ప్రదాస్యామి పార్థివేశ్వర స్వీకురు ||
ఓం శ్రీ ఉమామహేశ్వర స్వామినే నమః వస్త్రయుగ్మం సమర్పయామి |
(వస్త్రార్థం అక్షతాన్ సమర్పయామి)

యజ్ఞోపవీతం – (ఓం శ్రే॒ష్ఠాయ॒ నమః)
యజ్ఞేశ యజ్ఞవిధ్వంస సర్వదేవ నమస్కృత |
యజ్ఞసూత్రం ప్రదాస్యామి శోభనం చోత్తరీయకమ్ ||
ఓం శ్రీ ఉమామహేశ్వర స్వామినే నమః యజ్ఞోపవీతం సమర్పయామి |
(ఉపవీతార్థం అక్షతాన్ సమర్పయామి)

ఆభరణం – (ఓం రు॒ద్రాయ॒ నమః)
నాగాభరణ విశ్వేశ చంద్రార్ధకృతమస్తక |
పార్థివేశ్వర మద్దత్తం గృహాణాభరణం విభో ||
ఓం శ్రీ ఉమామహేశ్వర స్వామినే నమః ఆభరణం సమర్పయామి |

గంధం – (ఓం కాలా॑య॒ నమ॑:)
శ్రీ గంధం తే ప్రయచ్ఛామి గృహాణ పరమేశ్వర |
కస్తూరి కుంకుమోపేతం శివాశ్లిష్ట భుజద్వయ ||
ఓం శ్రీ ఉమామహేశ్వర స్వామినే నమః శ్రీగంధాది పరిమళ ద్రవ్యం సమర్పయామి |

అక్షతాన్ – (ఓం కల॑వికరణాయ॒ నమః)
అక్షతాన్ ధవళాన్ దివ్యాన్ శాలి తుండుల మిశ్రితాన్ |
అక్షతోసి స్వభావేన స్వీకురుష్వ మహేశ్వర ||
ఓం శ్రీ ఉమామహేశ్వర స్వామినే నమః ధవళాక్షతాన్ సమర్పయామి |

పుష్పం – (ఓం బల॑ వికరణాయ॒ నమః)
సుగంధీని సుపుష్పాణి జాజీబిల్వార్క చంపకైః |
నిర్మితం పుష్పమాలంచ నీలకంఠ గృహాణ భో ||
ఓం శ్రీ ఉమామహేశ్వర స్వామినే నమః పుష్ప బిల్వదళాని సమర్పయామి |

అథాంగ పూజా –
ఓం మహేశ్వరాయ నమః – పాదౌ పూజయామి |
ఓం ఈశ్వరాయ నమః – జంఘౌ పూజయామి |
ఓం కామరూపాయ నమః – జానునీ పూజయామి |
ఓం హరాయ నమః – ఊరూ పూజయామి |
ఓం త్రిపురాంతకాయ నమః – గుహ్యం పూజయామి |
ఓం భవాయ నమః – కటిం పూజయామి |
ఓం వ్యాఘ్రచర్మాంబరధరాయ నమః – నాభిం పూజయామి |
ఓం కుక్షిస్థ బ్రహాండాయ నమః – ఉదరం పూజయామి |
ఓం గౌరీ మనః ప్రియాయ నమః – హృదయం పూజయామి |
ఓం పినాకినే నమః – హస్తౌ పూజయామి |
ఓం నాగావృతభుజదండాయ నమః – భుజౌ పూజయామి |
ఓం శ్రీకంఠాయ నమః – కంఠం పూజయామి |
ఓం విరూపాక్షాయ నమః – ముఖం పూజయామి |
ఓం త్రినేత్రాయ నమః – నేత్రాణి పూజయామి |
ఓం రుద్రాయ నమః – లలాటం పూజయామి |
ఓం శర్వాయ నమః – శిరః పూజయామి |
ఓం చంద్రమౌళయే నమః – మౌళిం పూజయామి |
ఓం అర్ధనారీశ్వరాయ నమః – తనుం పూజయామి |
ఓం శ్రీ ఉమామహేశ్వరాయ నమః – సర్వాణ్యంగాని పూజయామి |

అష్టోత్తరశతనామ పూజా –

శ్రీ శివ అష్టోత్తరశతనామావళిః

ఓం శివాయ నమః |
ఓం మహేశ్వరాయ నమః |
ఓం శంభవే నమః |
ఓం పినాకినే నమః |
ఓం శశిశేఖరాయ నమః |
ఓం వామదేవాయ నమః |
ఓం విరూపాక్షాయ నమః |
ఓం కపర్దినే నమః |
ఓం నీలలోహితాయ నమః | ౯

ఓం శంకరాయ నమః |
ఓం శూలపాణినే నమః |
ఓం ఖట్వాంగినే నమః |
ఓం విష్ణువల్లభాయ నమః |
ఓం శిపివిష్టాయ నమః |
ఓం అంబికానాథాయ నమః |
ఓం శ్రీకంఠాయ నమః |
ఓం భక్తవత్సలాయ నమః |
ఓం భవాయ నమః | ౧౮

ఓం శర్వాయ నమః |
ఓం త్రిలోకేశాయ నమః |
ఓం శితికంఠాయ నమః |
ఓం శివాప్రియాయ నమః |
ఓం ఉగ్రాయ నమః |
ఓం కపాలినే నమః |
ఓం కామారయే నమః |
ఓం అంధకాసురసూదనాయ నమః |
ఓం గంగాధరాయ నమః | ౨౭

ఓం లలాటాక్షాయ నమః |
ఓం కాలకాలాయ నమః |
ఓం కృపానిధయే నమః |
ఓం భీమాయ నమః |
ఓం పరశుహస్తాయ నమః |
ఓం మృగపాణయే నమః |
ఓం జటాధరాయ నమః |
ఓం కైలాసవాసినే నమః |
ఓం కవచినే నమః | ౩౬

ఓం కఠోరాయ నమః |
ఓం త్రిపురాంతకాయ నమః |
ఓం వృషాంకాయ నమః |
ఓం వృషభారూఢాయ నమః |
ఓం భస్మోద్ధూళితవిగ్రహాయ నమః |
ఓం సామప్రియాయ నమః |
ఓం స్వరమయాయ నమః |
ఓం త్రయీమూర్తయే నమః |
ఓం అనీశ్వరాయ నమః | ౪౫

ఓం సర్వజ్ఞాయ నమః |
ఓం పరమాత్మనే నమః |
ఓం సోమసూర్యాగ్నిలోచనాయ నమః |
ఓం హవిషే నమః |
ఓం యజ్ఞమయాయ నమః |
ఓం సోమాయ నమః |
ఓం పంచవక్త్రాయ నమః |
ఓం సదాశివాయ నమః |
ఓం విశ్వేశ్వరాయ నమః | ౫౪

ఓం వీరభద్రాయ నమః |
ఓం గణనాథాయ నమః |
ఓం ప్రజాపతయే నమః |
ఓం హిరణ్యరేతసే నమః |
ఓం దుర్ధర్షాయ నమః |
ఓం గిరీశాయ నమః |
ఓం గిరిశాయ నమః |
ఓం అనఘాయ నమః |
ఓం భుజంగభూషణాయ నమః | ౬౩

ఓం భర్గాయ నమః |
ఓం గిరిధన్వనే నమః |
ఓం గిరిప్రియాయ నమః |
ఓం కృత్తివాససే నమః |
ఓం పురారాతయే నమః |
ఓం భగవతే నమః |
ఓం ప్రమథాధిపాయ నమః |
ఓం మృత్యుంజయాయ నమః |
ఓం సూక్ష్మతనవే నమః | ౭౨

ఓం జగద్వ్యాపినే నమః |
ఓం జగద్గురువే నమః |
ఓం వ్యోమకేశాయ నమః |
ఓం మహాసేనజనకాయ నమః |
ఓం చారువిక్రమాయ నమః |
ఓం రుద్రాయ నమః |
ఓం భూతపతయే నమః |
ఓం స్థాణవే నమః |
ఓం అహిర్బుధ్న్యాయ నమః | ౮౧

ఓం దిగంబరాయ నమః |
ఓం అష్టమూర్తయే నమః |
ఓం అనేకాత్మనే నమః |
ఓం సాత్త్వికాయ నమః |
ఓం శుద్ధవిగ్రహాయ నమః |
ఓం శాశ్వతాయ నమః |
ఓం ఖండపరశవే నమః |
ఓం అజాయ నమః |
ఓం పాశవిమోచకాయ నమః | ౯౦

ఓం మృడాయ నమః |
ఓం పశుపతయే నమః |
ఓం దేవాయ నమః |
ఓం మహాదేవాయ నమః |
ఓం అవ్యయాయ నమః |
ఓం హరయే నమః |
ఓం పూషదంతభిదే నమః |
ఓం అవ్యగ్రాయ నమః |
ఓం దక్షాధ్వరహరాయ నమః | ౯౯

ఓం హరాయ నమః |
ఓం భగనేత్రభిదే నమః |
ఓం అవ్యక్తాయ నమః |
ఓం సహస్రాక్షాయ నమః |
ఓం సహస్రపదే నమః |
ఓం అపవర్గప్రదాయ నమః |
ఓం అనంతాయ నమః |
ఓం తారకాయ నమః |
ఓం పరమేశ్వరాయ నమః | ౧౦౮

ఓం నిధ॑నపతయే॒ నమః | ఓం నిధ॑నపతాన్తికాయ॒ నమః |
ఓం ఊర్ధ్వాయ॒ నమః | ఓం ఊర్ధ్వలిఙ్గాయ॒ నమః |
ఓం హిరణ్యాయ॒ నమః | ఓం హిరణ్యలిఙ్గాయ॒ నమః |
ఓం సువర్ణాయ॒ నమః | ఓం సువర్ణలిఙ్గాయ॒ నమః |
ఓం దివ్యాయ॒ నమః | ఓం దివ్యలిఙ్గాయ॒ నమః |
ఓం భవాయ॒ నమః | ఓం భవలిఙ్గాయ॒ నమః |
ఓం శర్వాయ॒ నమః | ఓం శర్వలిఙ్గాయ॒ నమః |
ఓం శివాయ॒ నమః | ఓం శివలిఙ్గాయ॒ నమః |
ఓం జ్వలాయ॒ నమః | ఓం జ్వలలిఙ్గాయ॒ నమః |
ఓం ఆత్మాయ॒ నమః | ఓం ఆత్మలిఙ్గాయ॒ నమః |
ఓం పరమాయ॒ నమః | ఓం పరమలిఙ్గాయ॒ నమః |

ఓం భ॒వాయ॑ దే॒వాయ॒ నమః
– ఓం భ॒వస్య॑ దే॒వస్య॒ పత్న్యై॒ నమ॑: |
ఓం శ॒ర్వాయ॑ దే॒వాయ॒ నమః
– ఓం శ॒ర్వస్య॑ దే॒వస్య॒ పత్న్యై॒ నమ॑: |
ఓం ఈశా॑నాయ దే॒వాయ॒ నమః
– ఓం ఈశా॑నస్య దే॒వస్య॒ పత్న్యై॒ నమ॑: |
ఓం పశు॒పత॑యే దే॒వాయ॒ నమః
– ఓం పశు॒పతే᳚ర్దే॒వస్య పత్న్యై॒ నమ॑: |
ఓం రు॒ద్రాయ॑ దే॒వాయ॒ నమః
– ఓం రు॒ద్రస్య॑ దే॒వస్య॒ పత్న్యై॒ నమ॑: |
ఓం ఉ॒గ్రాయ॑ దే॒వాయ॒ నమః
– ఓం ఉ॒గ్రస్య॑ దే॒వస్య॒ పత్న్యై॒ నమ॑: |
ఓం భీ॒మాయ॑ దే॒వాయ॒ నమః
– ఓం భీ॒మస్య॑ దే॒వస్య॒ పత్న్యై॒ నమ॑: |
ఓం మహ॑తే దే॒వాయ॒ నమః
– ఓం మహ॑తో దే॒వస్య॒ పత్న్యై॒ నమ॑:

ఓం శ్రీ ఉమామహేశ్వర స్వామినే నమః నానా విధ పరిమళ పత్ర పుష్పాక్షతాన్ సమర్పయామి |

ధూపం – (ఓం బలా॑య॒ నమః)
దశాంగం ధూపముఖ్యం చ హ్యంగార వినివేశితమ్ |
ధూపం సుగంధైరుత్పన్నం త్వాం ప్రీణయతు శంకర ||
ఓం శ్రీ ఉమామహేశ్వర స్వామినే నమః ధూపమాఘ్రాపయామి |

దీపం – (ఓం బల॑ ప్రమథనాయ॒ నమః)
యోగినాం హృదయేష్వేవ జ్ఞాన దీపాంకురోహ్యసి |
బాహ్య దీపో మయాదత్తః గృహ్యతాం భక్త గౌరవాత్ ||
ఓం శ్రీ ఉమామహేశ్వర స్వామినే నమః దీపం దర్శయామి |
ధూప దీపానంతరం శుద్ధాచమనీయం సమర్పయామి |

నైవేద్యం – (ఓం సర్వ॑ భూత దమనాయ॒ నమః)
నైవేద్యం షడ్రసోపేతం ఘృత భక్ష్య సమన్వితం |
భక్త్యా తే సంప్రదాస్యామి గృహాణ పరమేశ్వర ||
ఓం శ్రీ ఉమామహేశ్వర స్వామినే నమః …… నివేదయామి |

ఓం భూర్భువ॒స్సువ॑: | తత్స॑వి॒తుర్వరే᳚ణ్య॒o భర్గో॑ దే॒వస్య॑ ధీమహి |
ధియో॒ యో న॑: ప్రచో॒దయా᳚త్ ||

సత్యం త్వా ఋతేన పరిషించామి |
(సాయంకాలే – ఋతం త్వా సత్యేన పరిషించామి)
అమృతమస్తు | అ॒మృ॒తో॒ప॒స్తర॑ణమసి |
ఓం ప్రా॒ణాయ॒ స్వాహా᳚ | ఓం అ॒పా॒నాయ॒ స్వాహా᳚ |
ఓం వ్యా॒నాయ॒ స్వాహా᳚ | ఓం ఉ॒దా॒నాయ॒ స్వాహా᳚ |
ఓం స॒మా॒నాయ॒ స్వాహా᳚ |
మధ్యే మధ్యే పానీయం సమర్పయామి |
అ॒మృ॒తా॒పి॒ధా॒నమ॑సి | ఉత్తరాపోశనం సమర్పయామి |
హస్తౌ ప్రక్షాళయామి | పాదౌ ప్రక్షాళయామి |
శుద్ధాచమనీయం సమర్పయామి |

తాంబూలం – (ఓం మ॒నోన్మ॑నాయ॒ నమః)
తాంబూలం భవతాం దేవ అర్పయామ్యద్య శంకర |
పూగీఫల సమాయుక్తం నాగవల్లీ దళైర్యుతం ||
ఓం శ్రీ ఉమామహేశ్వర స్వామినే నమః తాంబూలం సమర్పయామి |
తాంబూల చర్వణానంతరం శుద్ధ ఆచమనీయం సమర్పయామి |

నీరాజనం –
ఓం అ॒ఘోరే᳚భ్యోఽథ॒ ఘోరే᳚భ్యో॒ ఘోర॒ఘోర॑తరేభ్యః |
సర్వే᳚భ్యః సర్వ॒శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ||
నీరాజనమిదం దేవ కర్పూరామోద సంయుతం |
గృహాణ పరమానంద హేరంబ వరదాయక ||
ఓం శ్రీ ఉమామహేశ్వర స్వామినే నమః కర్పూర నీరాజనం దర్శయామి |
నీరాజనానంతరం శుద్ధ ఆచమనీయం సమర్పయామి |

మంత్రపుష్పం –
ఓం తత్పురు॑షాయ వి॒ద్మహే॑ మహాదే॒వాయ॑ ధీమహి |
తన్నో॑ రుద్రః ప్రచో॒దయా᳚త్ ||
ఓం కా॒త్యా॒య॒నాయ॑ వి॒ద్మహే॑ కన్యకు॒మారి॑ ధీమహి |
తన్నో॑ దుర్గిః ప్రచో॒దయా᳚త్ ||
ఓం శ్రీ ఉమామహేశ్వర స్వామినే నమః పాదారవిందయోః దివ్య సువర్ణ మంత్ర పుష్పాంజలిం సమర్పయామి |

ప్రదక్షిణం –
ఈశానః సర్వ॑విద్యా॒నా॒మీశ్వరః సర్వ॑భూతా॒నా॒o
బ్రహ్మాధి॑పతి॒ర్బ్రహ్మ॒ణోఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ ||
పదే పదే సర్వతమో నికృన్తనం
పదే పదే సర్వ శుభప్రదాయకమ్ |
ప్రక్షిణం భక్తియుతేన చేతసా
కరోమి మృత్యుంజయ రక్ష రక్ష మామ్ ||
ఓం శ్రీ ఉమామహేశ్వర స్వామినే నమః ఆత్మప్రదక్షిణ నమస్కారాన్ సమర్పయామి |

ప్రార్థనా –
నమో హిరణ్యబాహవే హిరణ్యవర్ణాయ హిరణ్యరూపాయ హిరణ్యపతయేఽంబికాపతయ ఉమాపతయే పశుపతయే॑ నమో॒ నమః ||

అథ తర్పణం –
భవం దేవం తర్పయామి
– భవస్య దేవస్య పత్నీం తర్పయామి |
శర్వం దేవం తర్పయామి
– శర్వస్య దేవస్య పత్నీం తర్పయామి |
ఈశానం దేవం తర్పయామి
– ఈశానస్య దేవస్య పత్నీం తర్పయామి |
పశుపతిం దేవం తర్పయామి
– పశుపతేర్దేవస్య పత్నీం తర్పయామి |
రుద్రం దేవం తర్పయామి
– రుద్రస్య దేవస్య పత్నీం తర్పయామి |
ఉగ్రం దేవం తర్పయామి
– ఉగ్రస్య దేవస్య పత్నీం తర్పయామి |
భీమం దేవం తర్పయామి
– భీమస్య దేవస్య పత్నీం తర్పయామి |
మహాంతం దేవం తర్పయామి
– మహతో దేవస్య పత్నీం తర్పయామి |

ఇతి తర్పయిత్వా అఘోరాదిభిస్త్రిభిర్మంత్రైః ఘోర తనూరుపతిష్ఠతే |

ఓం అ॒ఘోరే᳚భ్యోఽథ॒ ఘోరే᳚భ్యో॒ ఘోర॒ఘోర॑తరేభ్యః |
సర్వే᳚భ్యః సర్వ॒శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ||
ఓం తత్పురు॑షాయ వి॒ద్మహే॑ మహాదే॒వాయ॑ ధీమహి |
తన్నో॑ రుద్రః ప్రచో॒దయా᳚త్ ||
ఈశానస్స॑ర్వవిద్యా॒నా॒మీశ్వరస్సర్వ॑భూతా॒నా॒o బ్రహ్మాఽధి॑పతి॒ర్బ్రహ్మ॒ణోఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ ||

ఇతి ధ్యాత్వా రుద్రగాయత్రీం యథా శక్తి జపేత్ |

ఓం తత్పురు॑షాయ వి॒ద్మహే॑ మహాదే॒వాయ॑ ధీమహి |
తన్నో॑ రుద్రః ప్రచో॒దయా᳚త్ ||

ఇతి జపిత్వా అథైనమాశిషమాశాస్తే |

(తై.బ్రా.౩-౫-౧౦-౪)
ఆశా᳚స్తే॒ఽయం యజ॑మానో॒ఽసౌ | ఆయు॒రాశా᳚స్తే |
సు॒ప్ర॒జా॒స్త్వమాశా᳚స్తే | స॒జా॒త॒వ॒న॒స్యామాశా᳚స్తే |
ఉత్త॑రాం దేవయ॒జ్యామాశా᳚స్తే | భూయో॑ హవి॒ష్కర॑ణ॒మాశా᳚స్తే |
ది॒వ్యం ధామాశా᳚స్తే | విశ్వ॑o ప్రి॒యమాశా᳚స్తే |
యద॒నేన॑ హ॒విషాఽఽశా᳚స్తే | తద॑స్యా॒త్త॒దృ॑ధ్యాత్ |
తద॑స్మై దే॒వా రా॑సన్తామ్ | తద॒గ్నిర్దే॒వో దే॒వేభ్యో॒ వన॑తే |
వ॒యమ॒గ్నేర్మాను॑షాః | ఇ॒ష్టం చ॑ వీ॒తం చ॑ |
ఉ॒భే చ॑ నో॒ ద్యావా॑పృథి॒వీ అగ్ంహ॑సః స్పాతామ్ |
ఇ॒హ గతి॑ర్వా॒మస్యే॒దం చ॑ | నమో॑ దే॒వేభ్య॑: ||

ఉపచారపూజాః –
పునః పూజాం కరిష్యే | ఛత్రమాచ్ఛాదయామి |
చామరైర్వీజయామి | నృత్యం దర్శయామి |
గీతం శ్రావయామి | ఆందోళికానారోహయామి |
అశ్వానారోహయామి | గజానారోహయామి |
సమస్త రాజోపచార దేవోపచార భక్త్యుపచార శక్త్యుపచార మంత్రోపచార పూజాస్సమర్పయామి ||

క్షమాప్రార్థన –
యస్య స్మృత్యా చ నామోక్త్యా తపః పూజా క్రియాదిషు |
న్యూనం సంపూర్ణతాం యాతి సద్యోవందే మహేశ్వరం ||
మంత్రహీనం క్రియాహీనం భక్తిహీనం మహేశ్వర |
యత్పూజితం మయా దేవ పరిపూర్ణం తదస్తు తే ||

అనయా సద్యోజాత విధినా ధ్యానావహనాది షోడశోపచార పూజయా భగవాన్ సర్వాత్మకః శ్రీ ఉమామహేశ్వరస్వామీ సుప్రీతః సుప్రసన్నో వరదో భవతు |
ఏతత్ఫలం పరమేశ్వరార్పణమస్తు ||
ఉత్తరతశ్చణ్డీశ్వరాయ నమః నిర్మాల్యం విసృజ్య ||

తీర్థం –
అకాలమృత్యుహరణం సర్వవ్యాధి నివారణం |
సమస్తపాపక్షయకరం శివపాదోదకం పావనం శుభం ||
ఇతి త్రివారం పీత్వా శివ నిర్మాల్య రూప బిల్వదళం వా దక్షిణే కర్ణే ధారయేత్ |

ఓం శాంతిః శాంతిః శాంతిః ||