நவரத்னமாலிகா அம்பி³காஸ்துதி꞉
(ஶ்ரீகாலஹஸ்திக்ஷேத்ரஸ்த²ஜ்ஞானப்ரஸூனாம்பி³காஸ்துதி꞉)
ஶ்ரீநரகண்டீ²ரவஶாஸ்த்ரிவிரசிதா |
ஶ்ரீநாகநாத²முக²னானாஸஹஸ்ரஸுரஸேநாக்³ரமௌலிவலபீ⁴-
ஸூனாவலீப³ஹுலலீனாலினீமது⁴ரகா³னாஞ்சிதாங்க்⁴ரிநலினா |
மானாதிலங்கி⁴மஹிமாநாதி³ரானதஜனாநாமனேகப²லதா³
ஜ்ஞானாம்பி³கா ப⁴வது தீ³னாவனீ குஶலதா³னாய மே ப⁴க³வதீ || 1 ||
ராகாஶஶாங்கருசிராகாரசாருபாத³னா(பததா³)காஶஸிந்து⁴லஹரீ-
நீகாஶஸூக்திஸரணீகாரிணீ ப்ரக்ருʼதிமூகாத்மநாமபி ந்ருʼணாம்ʼ |
பாகாஹிதப்ரமுக²னாகாலயப்ரகரஶோகாபனோத³னசணா
ஶ்ரீகாலஹஸ்திநக³ரைகாயனாவது பினாகாயுத⁴ஸ்ய த³யிதா || 2 ||
ஶ்ரேணீப⁴வத்³தி³விஷதே³ணீத்³ருʼகு³ல்லஸிதவேணீபினத்³த⁴ஸுமனோ-
த்³ரோணீமரந்த³ரஸவேணீப்ரஸாரப்⁴ருʼஶஶோணீக்ருʼதாங்க்⁴ரிகமலா |
ஶ்ரோணீனடத்ஸரக்ருʼபாணீமனோஜ்ஞக⁴னவேணீ க்ருʼபார்த்³ரஹ்ருʼத³யா
க்ஷோணீத⁴ரேந்த்³ரதனயாணீயஸீமபி ச வாணீம்ʼ ப்ரக³ல்ப⁴யது மே || 3 ||
கேலீஸமாகலிததாலீத³லஶ்ரவணபாலீவிபூ⁴ஷணமணீ-
வா(பா)லீ மதோ³த்³த⁴தமராலீக³திர்தி³ம்ʼஶது நாலீகதீ³ர்க⁴நயனா |
சூலீதலாப⁴ரணனாலீகவைரிஶகலாலீப⁴வத்ஸுரவதூ⁴꞉(அ)
காலீ கி³ரம்ʼ ம்ருʼது³ ம்ருʼணாலீபு⁴ஜா மம மதூ⁴லீரஸோர்மிமது⁴ராம்ʼ || 4 ||
ஹ்ருʼத்³யானவத்³யதரக³த்³யானுப³த்³த⁴ம்ருʼது³பத்³யாபி⁴ரூபகவிதாம்ʼ
த³த்³யாஜ்ஜக³ன்மஹிதவித்³யாம்ʼ த்ரயீஶிக²ரவேத்³யா ஹிமாத்³ரிதனயா |
ஆத்³யா பரா மம ஶரத்³யாமினீஶப்⁴ருʼத³வித்³யாவிலாஸஶமனீ
வித்³யாத⁴ரீ ஸமபி⁴வாத்³யா ஜ்வலன்மணிநிஷத்³யாயமாணரஶனா || 5 ||
ஹாலாமதா³கலிதஹேலாலஸத்³ப³ஹுலலோலாருணாக்ஷியுக³லீ
லீலாபினத்³த⁴ஸுரஸாலாவலீப்ரஸவமாலாஸுக³ந்த⁴சிகுரா |
கைலாஸநாத²ஹிதஶீலா கராஞ்சிதஶுகாலாபலோலஹ்ருʼத³யா
வேலாதிலங்கி⁴ஶுப⁴ஜாலாய மே ப⁴வது ஶைலாதி⁴நாத²தனயா || 6 ||
சண்டா³பதா³னயுதசண்டா³பி⁴தா⁴ஸுரபிசண்டா³வதா³ரணசணா
ப⁴ண்டா³ஸுரோக்³ரபு⁴ஜத³ண்டா³க்³ரநிர்த³லனஶௌண்டா³யுதோ⁴த்³த⁴தகரா |
ஶுண்டா³னுகாரிகரகாண்டா³வதீ³ர்ணஜக³த³ண்டா³ட்டஹாஸப⁴யதா³
த³ண்டா³யுதா⁴ய ஶஶிக²ண்டா³வதம்ʼஸிதஶிக²ண்டா³ ந சார்பயது மாம்ʼ || 7 ||
ஹுங்காரநிர்க³லத³ஶங்காபதத்³விஷத³ஹங்காரமாரதிமிராம்ʼ
அங்காந்தலம்பி³ஸிதக்ங்காலஹாரஸத³லங்காரப³ந்து⁴ரக³லாம்ʼ |
ஹ்ரீங்காரிணீம்ʼ ப⁴யத³டங்காரகார்முககராம்ʼ காலஹஸ்திநிலயாம்ʼ
பங்காபஹாமபகலங்காவதம்ʼஸஹரிணாங்காம்ʼ ப⁴ஜே ப⁴க³வதீம்ʼ || 8 ||
கண்டா²ரவோத்³யது³பகண்டா²ரிது³ர்விஷஹகண்டீ²ரவேந்த்³ரக³மனோ-
த்கண்டா² நிகாமஶிதிகண்டா²னுகர்ஷிகலகண்டா²னுலாபலலிதா |
ஶுண்டீ²ப⁴வத்³த³னுஜகண்டீ²ரவப்ரகரகுண்டீ²க்ருʼதிக்ஷமப³லா
குண்டீ²கரோது நரகண்டீ²ரவாக்²யகவிகண்டீ²ரவஸ்ய து³ரிதம்ʼ || 9 ||
ஶ்ரீகாலஹஸ்திநிலயஜ்ஞானப்ரஸவாம்பி³காமுதே³ ரசிதா |
நரகண்டீ²ரவக்ருʼதினா நவரத்னஸ்துதிரியம்ʼ சிரம்ʼ ஜயது || 10 ||
|| இதி ஶ்ரீநரகண்டீ²ரவஶாஸ்த்ரிவிரசிதா நவரத்னமாலிகா ஸமாப்தா ||