யஸ்மிந் ஜக³த்ஸர்வமித³ம் விபா⁴தி
யஶ்சாப்யநந்ய꞉ ஸகலப்ரபஞ்சாத் |
திலேஷு தைலோபமமாஸ்தி²தம் த்வாம்
ஶ்ரீசந்த்³ரமௌளீஶ்வரமாஶ்ரயாம꞉ || 1 ||
பஶ்யந்தி யந்ந ஶ்ருதய꞉ ஶிரஸ்த²ம்
ஶிர꞉ஸ்தி²தம் வஸ்த்விவ ஸர்வலோகா꞉ |
த்வாமாத்மபூ⁴தம் ஜக³தாம் த்ரயாணாம்
ஶ்ரீசந்த்³ரமௌளீஶ்வரமாஶ்ரயாம꞉ || 2 ||
அணோரணீயாந் மஹதோ மஹீயா-
-நாத்மா கு³ஹாயாம் நிஹிதோ(அ)ஸ்ய ஜந்தோ꞉ |
த்வம் ஸர்வபூ⁴தஸ்தி²தமாத்மரூபம்
ஶ்ரீசந்த்³ரமௌளீஶ்வரமாஶ்ரயாம꞉ || 3 ||
ய꞉ ஸர்வஸாக்ஷீ தமஸ꞉ பரஸ்தா-
-த்³விபா⁴தி ஸர்வம் கில யஸ்ய பா⁴ஸா |
த்வாமாக³மாந்தைரபி து³ர்நிரூபம்
ஶ்ரீசந்த்³ரமௌளீஶ்வரமாஶ்ரயாம꞉ || 4 ||
புமாநவிஜ்ஞாய ஶிவம் கதா³சி-
-த்³து³꞉க²ஸ்ய நாந்தம் ஸமுபைதி தீ⁴ர꞉ |
த்வாம் ஸச்சிதா³நந்த³மயம் ப்ரஶாந்தம்
ஶ்ரீசந்த்³ரமௌளீஶ்வரமாஶ்ரயாம꞉ || 5 ||
அஜம் புராணம் புருஷம் மஹாந்தம்
அநஶ்வரம் வாங்மநஸா(அ)தி தூ³ரம் |
ஜ்ஞாநாத்மநாம் ஹ்ருத்³யவபா⁴ஸமாநம்
ஶ்ரீசந்த்³ரமௌளீஶ்வரமாஶ்ரயாம꞉ || 6 ||
வத³ந்த்யமீ யத்பத³மேவ வேதா³
ஜ்ஞாதே து யாஸ்மிந் ஸகலம் விபு³த்³த⁴ம் |
த்வாம் ப்ரத்யகா³த்மநமசிந்த்யஶக்திம்
ஶ்ரீசந்த்³ரமௌளீஶ்வரமாஶ்ரயாம꞉ || 7 ||
யம் நிர்விகல்பேந ஸமாதி⁴நைவ
தபஸ்விநஶ்சேதஸி வீதராகா³꞉ |
த்⁴யாயந்தி தேஜோமயமத்³பு⁴தம் த்வாம்
ஶ்ரீசந்த்³ரமௌளீஶ்வரமாஶ்ரயாம꞉ || 8 ||
த்ரிலோசநம் சந்த்³ரகலாவதம்ஸம்
க³ங்கா³தரங்கோ³ள்லஸது³த்தமாங்க³ம் |
ஸ்மேராஸ்யமிஷ்டப்ரத³மஷ்டமூர்திம்
ஶ்ரீசந்த்³ரமௌளீஶ்வரமாஶ்ரயாம꞉ || 9 ||
அபாரஸச்சித்ஸுக²ராஶிமேக-
-மநாதி³மத்⁴யாந்தமநந்தரூபம் |
த்ரிலோசநம் நீலக³ளம் ப்ரஶாந்தம்
ஶ்ரீசந்த்³ரமௌளீஶ்வரமாஶ்ரயாம꞉ || 10 ||
கைலாஸஶைலேந்த்³ரஶிரஸ்தடேஷு
நகே³ந்த்³ரபுத்ர்யா ஸஹ ஸம்வஸந்தம் |
விபூ⁴தி ருத்³ராக்ஷவிபூ⁴ஷிதாங்க³ம்
ஶ்ரீசந்த்³ரமௌளீஶ்வரமாஶ்ரயாம꞉ || 11 ||
இதி ஶிவரஹஸ்யாந்தர்க³தே க³ணை꞉ க்ருத ஶ்ரீ சந்த்³ரமௌளீஶ்வர ஸ்துதி꞉ ||