ஶங்காரூபேண மச்சித்தம்ʼ பங்கீக்ருʼதமபூ⁴த்³யயா |
கிங்கரீ யஸ்ய ஸா மாயா ஶங்கராசார்யமாஶ்ரயே || 1 ||
ப்ரஹ்லாத³வரதோ³ தே³வோ யோ ந்ருʼஸிம்ʼஹ꞉ பரோ ஹரி꞉ |
ந்ருʼஸிம்ʼஹோபாஸகம்ʼ நித்யம்ʼ தம்ʼ ந்ருʼஸிம்ʼஹகு³ரும்ʼ ப⁴ஜே || 2 ||
ஶ்ரீஸச்சிதா³னந்த³ ஶிவாபி⁴நவ்யந்ருʼஸிம்ʼஹபா⁴ரத்யபி⁴தா⁴ன் யதீந்த்³ரான் |
வித்³யாநிதீ⁴ன் மந்த்ரநிதீ⁴ன் ஸதா³த்மநிஷ்டா²ன் ப⁴ஜே மானவஶம்பு⁴ரூபான் || 3 ||
ஸதா³த்மத்⁴யானநிரதம்ʼ விஷயேப்⁴ய꞉ பராங்முக²ம்ʼ |
நௌமி ஶாஸ்த்ரேஷு நிஷ்ணாதம்ʼ சந்த்³ரஶேக²ரபா⁴ரதீம்ʼ || 4 ||
விவேகினம்ʼ மஹாப்ரஜ்ஞம்ʼ தை⁴ர்யௌதா³ர்யக்ஷமாநிதி⁴ம்ʼ |
ஸதா³பி⁴னவபூர்வம்ʼ தம்ʼ வித்³யாதீர்த²கு³ரும்ʼ ப⁴ஜே || 5 ||
அஜ்ஞானாம்ʼ ஜாஹ்னவீதீர்த²ம்ʼ வித்³யாதீர்த²ம்ʼ விவேகினாம்ʼ |
ஸர்வேஷாம்ʼ ஸுக²த³ம்ʼ தீர்த²ம்ʼ பா⁴ரதீதீர்த²மாஶ்ரயே || 6 ||
வித்³யாவினயஸம்பன்னம்ʼ வீதராக³ம்ʼ விவேகினம்ʼ |
வந்தே³ வேதா³ந்ததத்த்வஜ்ஞம்ʼ விது⁴ஶேக²ரபா⁴ரதீம்ʼ || 7 ||
ஶ்ரீமத்பரமஹம்ʼஸபரிவ்ராஜகாசார்யவர்ய-
பத³வாக்யப்ரமாணபாராவாரபாரீண-யமநியமாஸன-
ப்ராணாயாமப்ரத்யாஹாரதா⁴ரணாத்⁴யான-
ஸமாத்⁴யஷ்டாங்க³யோகா³னுஷ்டா²னநிஷ்ட²-தபஶ்சக்ரவர்தி-
அநாத்³யவிச்சி²ன்னஶ்ரீஶங்கராசார்யகு³ருபரம்பராப்ராப்த-
ஷட்³த³ர்ஶனஸ்தா²பனாசார்ய-வ்யாக்²யானஸிம்ʼஹாஸனாதீ⁴ஶ்வர-
ஸகலநிக³மாக³மஸாரஹ்ருʼத³ய-ஸாங்க்²யத்ரயப்ரதிபாத³க-
வைதி³கமார்க³ப்ரவர்தக-ஸர்வதந்த்ரஸ்வதந்த்ர-ஆதி³ராஜதா⁴னீ-
வித்³யாநக³ரமஹாராஜதா⁴னீ-கர்ணாடகஸிம்ʼஹாஸனப்ரதிஷ்டா²பனாசார்ய-
ஶ்ரீமத்³ராஜாதி⁴ராஜகு³ரு-பூ⁴மண்ட³லாசார்ய-
ருʼஷ்யஶ்ருʼங்க³புரவராதீ⁴ஶ்வர-துங்க³ப⁴த்³ராதீரவாஸி-
ஶ்ரீமத்³வித்³யாஶங்கரபாத³பத்³மாராத⁴க-ஶ்ரீமஜ்ஜக³த்³கு³ரு-
ஶ்ரீமத³பி⁴னவவித்³யாதீர்த²மஹாஸ்வாமிகு³ருகரகமலஸஞ்ஜாத-
ஶ்ரீமஜ்ஜக³த்³கு³ரு-ஶ்ரீபா⁴ரதீதீர்த²மஹாஸ்வாமினாம்ʼ தத்கரகமலஸஞ்ஜாத-
ஶ்ரீமஜ்ஜக³த்³கு³ரு-ஶ்ரீவிது⁴ஶேக²ரபா⁴ரதீ-மஹாஸ்வாமினாம்ʼ ச
சரணாரவிந்த³யோ꞉ ஸாஷ்டாங்க³ப்ரணாமான் ஸமர்பயாம꞉ ||