शृणुध्वं मुनयः सर्वे गोपालस्य महात्मनः |
अनंतस्याप्रमेयस्य नामद्वादशकं स्तवम् || १ ||
अर्जुनाय पुरा गीतं गोपालेन महात्मना |
द्वारकायां प्रार्थयते यशोदायाश्च सन्निधौ || २ ||
ध्यानम् –
जानुभ्यामपि धावंतं बाहुभ्यामतिसुंदरम् |
सकुंडलालकं बालं गोपालं चिंतयेदुषः || ४ ||
स्तोत्रम् –
प्रथमं तु हरिं विद्याद्द्वितीयं केशवं तथा |
तृतीयं पद्मनाभं तु चतुर्थं वामनं तथा || ५ ||
पंचमं वेदगर्भं च षष्ठं तु मधुसूदनम् |
सप्तमं वासुदेवं च वराहं चाऽष्टमं तथा || ६ ||
नवमं पुंडरीकाक्षं दशमं तु जनार्दनम् |
कृष्णमेकादशं प्रोक्तं द्वादशं श्रीधरं तथा || ७ ||
एतद्द्वादशनामानि मया प्रोक्तानि फल्गुन |
कालत्रये पठेद्यस्तु तस्य पुण्यफलं शृणु || ८ ||
चांद्रायणसहस्रस्य कन्यादानशतस्य च |
अश्वमेधसहस्रस्य फलमाप्नोति मानवः || ९ ||
इति श्री गोपाल द्वादशनाम स्तोत्रम् ||