അസ്യ ശ്രീകുഞ്ജികാസ്തോത്രമന്ത്രസ്യ സദാശിവ ഋഷിഃ, അനുഷ്ടുപ് ഛന്ദഃ, ശ്രീത്രിഗുണാത്മികാ ദേവതാ, ഓം ഐം ബീജം, ഓം ഹ്രീം ശക്തിഃ, ഓം ക്ലീം കീലകം, മമ സര്വാഭീഷ്ടസിദ്ധ്യര്ഥേ ജപേ വിനിയോഗഃ |
ശിവ ഉവാച |
ശൃണു ദേവി പ്രവക്ഷ്യാമി കുഞ്ജികാസ്തോത്രമുത്തമമ് |
യേന മന്ത്രപ്രഭാവേണ ചണ്ഡീജാപഃ ശുഭോ ഭവേത് || ൧ ||
ന കവചം നാര്ഗലാ സ്തോത്രം കീലകം ന രഹസ്യകമ് |
ന സൂക്തം നാപി ധ്യാനമ് ച ന ന്യാസോ ന ച വാര്ചനമ് || ൨ ||
കുഞ്ജികാപാഠമാത്രേണ ദുര്ഗാപാഠഫലം ലഭേത് |
അതി ഗുഹ്യതരം ദേവി ദേവാനാമപി ദുര്ലഭമ് || ൩ ||
ഗോപനീയം പ്രയത്നേന സ്വയോനിരിവ പാര്വതി |
മാരണം മോഹനം വശ്യം സ്തമ്ഭനോച്ചാടനാദികമ് |
പാഠമാത്രേണ സംസിദ്ധ്യേത് കുഞ്ജികാസ്തോത്രമുത്തമമ് || ൪ ||
അഥ മന്ത്രഃ |
ഓം ഐം ഹ്രീം ക്ലീം ചാമുണ്ഡായൈ വിച്ചേ |
ഓം ഗ്ലൌം ഹും ക്ലീം ജൂം സഃ ജ്വാലയ ജ്വാലയ ജ്വല ജ്വല പ്രജ്വല പ്രജ്വല
ഐം ഹ്രീം ക്ലീം ചാമുണ്ഡായൈ വിച്ചേ ജ്വല ഹം സം ലം ക്ഷം ഫട് സ്വാഹാ || ൫ ||
ഇതി മന്ത്രഃ ||
നമസ്തേ രുദ്രരൂപിണ്യൈ നമസ്തേ മധുമര്ദിനി |
നമഃ കൈടഭഹാരിണ്യൈ നമസ്തേ മഹിഷാര്ദിനി || ൬ ||
നമസ്തേ ശുമ്ഭഹന്ത്ര്യൈ ച നിശുമ്ഭാസുരഘാതിനി |
ജാഗ്രതം ഹി മഹാദേവി ജപം സിദ്ധം കുരുഷ്വ മേ || ൭ ||
ഐങ്കാരീ സൃഷ്ടിരൂപായൈ ഹ്രീങ്കാരീ പ്രതിപാലികാ |
ക്ലീങ്കാരീ കാമരൂപിണ്യൈ ബീജരൂപേ നമോഽസ്തു തേ || ൮ ||
ചാമുണ്ഡാ ചണ്ഡഘാതീ ച യൈകാരീ വരദായിനീ |
വിച്ചേ ചാഽഭയദാ നിത്യം നമസ്തേ മന്ത്രരൂപിണി || ൯ ||
ധാം ധീം ധൂം ധൂര്ജടേഃ പത്നീ വാം വീം വൂം വാഗധീശ്വരീ |
ക്രാം ക്രീം ക്രൂം കാലികാ ദേവി ശാം ശീം ശൂം മേ ശുഭം കുരു || ൧൦ ||
ഹും ഹും ഹുങ്കാരരൂപിണ്യൈ ജം ജം ജം ജമ്ഭനാദിനീ |
ഭ്രാം ഭ്രീം ഭ്രൂം ഭൈരവീ ഭദ്രേ ഭവാന്യൈ തേ നമോ നമഃ || ൧൧ ||
അം കം ചം ടം തം പം യം ശം വീം ദും ഐം വീം ഹം ക്ഷമ് |
ധിജാഗ്രം ധിജാഗ്രം ത്രോടയ ത്രോടയ ദീപ്തം കുരു കുരു സ്വാഹാ || ൧൨ ||
പാം പീം പൂം പാര്വതീ പൂര്ണാ ഖാം ഖീം ഖൂം ഖേചരീ തഥാ |
സാം സീം സൂം സപ്തശതീ ദേവ്യാ മന്ത്രസിദ്ധിം കുരുഷ്വ മേ || ൧൩ ||
കുഞ്ജികായൈ നമോ നമഃ |
ഇദം തു കുഞ്ജികാസ്തോത്രം മന്ത്രജാഗര്തിഹേതവേ |
അഭക്തേ നൈവ ദാതവ്യം ഗോപിതം രക്ഷ പാര്വതി || ൧൪ ||
യസ്തു കുഞ്ജികയാ ദേവി ഹീനാം സപ്തശതീം പഠേത് |
ന തസ്യ ജായതേ സിദ്ധിരരണ്യേ രോദനം യഥാ || ൧൫ ||
ഇതി ശ്രീരുദ്രയാമലേ ഗൌരീതന്ത്രേ ശിവപാര്വതീസംവാദേ കുഞ്ജികാ സ്തോത്രമ് |